Ebrœ̂ 5:13 - Kálara Zyɛ̌m Edwán é mpʉ̌n

¹³ Mʉr dina lé ede monyaŋ ɨ, nye apa jyɛnba e sikʉlʉ lé etiibe e l'ocɨcyel ga wina ɛ, ebe, nye dina ó ma cyee.

Kálar Nzyɛ̌m : Ejwán é Sáá

¹³ Yé ó nó, ebě, mʉr dína lɨ́ ede ébêl nyá, nyé apǎ dyɛnwa le milɛ́ʼlá mi dí edumo le otîtyěl gá wɨ́ná mí, ebě, nye dína ó mâ tyéé.

Ebrœ̂ 5:13 ပူးပေါင်းရင်းမြစ်များ

1 Pyɛr 2:2

Gwɨmɨ ga ó, bɨn jwɨʼɨ mɨmpaŋ mɨyeʼla, myaa ndɨ ejala e bɨn ɨ. Myé ó ngo sa ó, bɨn gwɨa é zi we, bɨn ntɔʼ bi tiʼ molu mo mpoʼ mɨmɛh. Saʼ ga no mpʉ bɨcyee ndɨ egwɨm monyaŋ ɨ,

1 Korɛnt 14:20

Obɨɔ ga bam aa! Daʼ pahle ga mpʉ bwɔɔncyom! Diʼe ga mpʉ bwɔɔncyom é nko paʼ ebɨ-leme. Sa gwar, é nko paʼ mɨpɛhla min, biʼe ga pɨʼ otamabʉr,

2 Timotɛ 3:16

Mɨtila myaa mimyɛh, myé eduho ó boo Zyɛm. Myé e nyɔm é l'efu le edwe bɨna sikʉlʉ mpa, le edwe bɨna mobe é jɔʼ bɨna mu lé esa ebebe e. Myé eturo bɨna mɨlʉ, le etɨe bɨna mpʉ bɨna lé ejala le ekœʼ é l'ocɨcyel ɨ.

Éfɛsɔs 4:14

É jɔʼ yaa ó bɨna bé ópʉʼa ga é l'oncyom é nko paʼ buʼo e. Bɨsikʉlʉ bɨfih, byé aŋa ka ncyeŋ bɨna ga, nkʉ gomlo bɨna ga é zi fih, waa baanya-bɨkʉʉŋʉ ndɨ edu ɨ. Bé egwɨm ó, bé ntaŋa bɨna ga é pɨʼ wɔɔ, le nteme ó, bɨna buʼla sikʉlʉ yɔɔ yaa.

1 Korɛnt 3:1

Obɨɔ ga bam aa! É l'ocyecye, me a baalwib e bɨn mpʉ mʉr lé ejala le elwib e baa b'a bi Mbɨambɨa Sisim ɨ. Me a fuo lwib e bɨn ó, mpʉ me lé ejala le elwib e bʉr o si nwa, nkʉ ntɔʼ mpʉ bɨcyee byé a lwanbe kʉ di é zyɛŋa wɔɔ boo Krɨst ɨ.

2 Korɛnt 3:9

Sa Moyiz a sa ó, bʉr nkʉʼ dweŋɔ mobe tɨʼ ɨ, yɛɛ pa taare ncɛnba, a dwɛʼra e yaa Zyɛm a sa ó, bʉr biʼe mokebe tɨʼ ɨ! Yé óbe ó, é ncyɛn-nti-ncyɛn, laa yiha.

1 Korɛnt 13:11

É jɔʼ me a be mancyom ɨ, taare é bɨlwib byam, ndwe e bɨjwɨʼ byam, to pyal é mɨpɛhla myam, byé a be-be ó byaa bɨ oncyom. É jɔʼ me a duho é cye mancyom, nʉa cye tamamʉr ɨ, yé ó me a ka ze bir bɨsyɛɛla bɨ oncyom byaa ɛ.

Markus 10:15

Me elɛɛ bɨn cyecye ó nɛɛ: mʉr nyiwɛh ndɨ afil nyʉl si e jwɨ̀ʼa mo Zyɛm mpʉ mancyom ɨ, nye ákwoʼ ni é jwɨ̀ʼa ye.»

Mataos 11:25

É jɔʼ yaa ó Yesʉs a ze lɛɛ ó: «Da, me edwiibɨ go, gwɔɔ Njwɨɨ kʉ e si, ebe, go a be ó si lɛʼle bʉr o ndɨ mpʉ bwɔɔncyom ɨ, bɨsa go a fol mɨcɨcyoo e l'ogwɨa o si nwaʼ ɛ.

Rôm 2:20

Go elɛɛ nteme ó, go ó lé ejala le eturo mɨmiʼ mɨlʉ, le eyeʼle bwɔɔncyom. Go elɛɛ ó, ngwɨa motie waa, wi dwe go ocyoo ndwe e l'ocyecye wiwɛh.

2 Yʉanes 1:11

ebe, mʉr lé esoho mbi mʉr waa ɛ, nye etœb bɨsyɛɛla bɨ ebebe mʉr waa lé esa ɛ, bana fuʼla nteme e myɛna mo tɨ.