Ebrœ̂ 5:12 - Kálara Zyɛ̌m Edwán é mpʉ̌n

¹² Yi bɛa laa jɔʼ bɨn bé a jala le epam oyeʼle e. To kœb ó, yé dina lé ejɨ ó, bʉʉ bʉr bâʼla ze dwe bɨn sikʉlʉ efoʼ bɨn bé a taare dweŋɔ é mɨlɔb mo Zyɛm ɨ! Bɨn dina ó kʉ be mpʉ bɨcyee lé ede njɨ monyaŋ ɨ! Bɨn bé apa jyɛnba lé ede mode mo otamabʉr.

Kálar Nzyɛ̌m : Ejwán é Sáá

¹² Yɨ́ boó laǎ jɔʼ bɨ́n á jala le epyâl ólɛ̂ʼla yɨ́. Yé jɨ ó, bé báʼa nzě lɛ̂ʼle bɨ́n bisá bí ésôʼ bɨ́n á nyɛɛ lɛ̂ʼlɔɔ ɨ́ milɔ̌b mé Nzyɛ̌m bí. Bɨ̌n dína ó mpʉ bítyéé bi dí ede ébêl bí. Bɨ̌n bé apǎ dyɛnwa e mede mé ótɔ́má bʉ̂r.

Ebrœ̂ 5:12 ပူးပေါင်းရင်းမြစ်များ

Ebrœ̂ 6:1

No ó, bɨna paʼ bir ga bɨsikʉlʉ bé lé etaare jwɨʼ é l'efoʼ, byaa lé etiibe e Krɨst ɨ. Bɨna dweela ga bɨsikʉlʉ lé esa ó, mʉr biʼe pɨʼ otamabʉr ɨ. Bɨh bé aŋa ka bâʼle yeʼle bɨn mɨlʉ mokan mi: egwɨma bɨbol bɨsyɛɛla, edwir leme, ejyɛʼ taa buʼo boo Zyɛm,

1 Pyɛr 2:2

Gwɨmɨ ga ó, bɨn jwɨʼɨ mɨmpaŋ mɨyeʼla, myaa ndɨ ejala e bɨn ɨ. Myé ó ngo sa ó, bɨn gwɨa é zi we, bɨn ntɔʼ bi tiʼ molu mo mpoʼ mɨmɛh. Saʼ ga no mpʉ bɨcyee ndɨ egwɨm monyaŋ ɨ,

Ebrœ̂ 5:13

Mʉr dina lé ede monyaŋ ɨ, nye apa jyɛnba e sikʉlʉ lé etiibe e l'ocɨcyel ga wina ɛ, ebe, nye dina ó ma cyee.

Kolosi 3:16

Mɛʼla ga ó, lwib mo Krɨst, yé loŋla mɨleme min. Dɨʼe dweela ga sikʉlʉ paʼra win, yaa ndɨ e l'ocyoo e. Dɨʼe dweela ga motɨɨ paʼra win. Jɛŋɨ ga Zyɛm oSam, e bɨjɛɛ bɨ Mbɛr-Zyɛm ndwe e bɨjɛɛ bɨfih Mbɨambɨa Sisim ódɨ lɛʼle bɨn ɨ. Bɨjɛɛ byaa, byé óduho bɨn é mɨmo si, lé edwe Zyɛm ekiba.

Mataos 17:17

Yesʉs ntɔʼ lɛɛ e be ó: «Bɨn ozyɛhozyɛh o bʉr o ndɨ akpɛl buʼla ɛ! Me kaʼ diibe é sama yin, to pyal é yáa jɔʼ? Me ódihbe bɨn, to fiʼ yáa gumo? Ntaʼ ga me e mwan nɨ wâ.»

1 Pyɛr 4:11

ǃƗ mʉr si sa ó, nye pyɛl ó mokan nɛʼɛ, yé beʼ yɛɛ maa mé óntɛŋ bʉr mokan mo Zyɛm ɨ. Yé be ó, nye fuʼo ó bʉʉ bʉr nɛʼɛ, nye fuʼa be e nkul Zyɛm nye mʉr tɨʼ a ntɨh nye e. No ó Zyɛm ódwiibɔ é zyɛŋa ga wina boo Yesʉs-Krɨst ɨ. Kum e nkul, byé dweŋɔ nye, njʉmdia e njʉmdia. Amɛn.

1 Korɛnt 14:19

Sa gwar, é jɔʼ bɨh e bʉʉ bʉr o Mbɛr-Zyɛm lé egwɨhla ɛ, me ekpɛl ó, me lwibɨ mokan motɛn lé eduho é pɨʼ wam, maa bʉr ndɨ e nkul ejoʼo e, abe ó, me lwibɨ ozabra o mokan é lwib bɨlɔblɔb. É mbi waa ó me óyeʼle bʉʉ bʉr mɨlɔb mo Zyɛm ɨ.

Rôm 3:2

Yé e nyɔm é mozi mɨmɛh! Gumo nyɔm we ndɨ enyin ɨ, yé ó, Zyɛm a taare timle mɨngwiha mɨlɔb mye ó, bɨh oYʉden, ó bɨh baʼla mye.

Mɨlʉmlʉ 7:38

Nye ó b'a kœʼ e bwa b'Ɨzraɛl, jɔʼ bé a be é feha si ɨ. Nye a be ó, bé e bɨmpam ga bina ndwe e l'engles a lwib e be é l'ecwɨʼ e Sinayi ɨ. Moyiz ó b'a taare bi mɨngwiha mɨlɔb é zi mo engles, ka ntɛŋ bɨmpam ga bina mya. Mɨlɔb myaa ó ndɨ edwe bʉr tiʼ molu mo mpoʼ mɨmɛh.

Markus 9:19

Yesʉs ntɔʼ lɛɛ e be ó: «Bɨn bʉr o ndɨ akpɛl buʼla ɛ! Me kaʼ diibe é sama yin, to pyal é yáa jɔʼ? Me ódihbe bɨn, to fiʼ yáa gumo? Ntaʼ ga me e mwan nɨ wâ.»

Filipi 3:1

Obɨɔ ga bam aa! Sa me lé eka tile bɨn é l'epihe e, yé ó nɛɛ: soha ga é zyɛŋa win boo Da Yesʉs. Yé akɔbla me ó, me bâʼla tile sa me taare tile bɨn ɨ. Yé nteme ó me muno ze sa ebe nyɔm win ɨ.

1 Korɛnt 14:20

Obɨɔ ga bam aa! Daʼ pahle ga mpʉ bwɔɔncyom! Diʼe ga mpʉ bwɔɔncyom é nko paʼ ebɨ-leme. Sa gwar, é nko paʼ mɨpɛhla min, biʼe ga pɨʼ otamabʉr,

Galásia 4:3

Jwɨʼ gwar e gwar yaa nteme, bɨna bé a be ga ó, mpʉ bwɔɔncyom. Bɨna bé a di ga é dia olʉa ó, bɨna duʼo ga sikʉlʉ bʉr o si nwaʼ lé ekuhlo e.

Ebrœ̂ 5:11

Bɨh bé é buo bɨsikʉlʉ bɨ edwe é lɔb wi. Sa gwar, yé é bul kɔbla lé edwe bɨn bya é banana, é lɔb elele e mɨlʉ min.

Ebrœ̂ 10:32

Toŋla ga mpʉ bɨn bé a be, é jɔʼ bɨn bé a kʉnɔ myɛn tiʼ ɨ, bɨn ze baran e mɨtuu e mɨndɛl le ekʉ dihbe.