Ebrœ̂ 4:2 - Kálara Zyɛ̌m Edwán é mpʉ̌n

² Bɨna bé a be ga ó, si joʼo Mbɨambɨa Lɔɔ jwɨʼ gwar e gwar e bɨmpam ga bina. Sa gwar, bé a joʼo we ó, mbɛh, ebe, bé a baabuʼla. Ejoʼo lɔɔ, lé a baadib lɔɔ waa zi ó, wé niʼe be é mɨleme.

Kálar Nzyɛ̌m : Ejwán é Sáá

² Mɨná bé á be gá ó, sí jóʼǒ Mbɨambɨa Lɔ́ɔ jwɨʼ gwár e gwár e bimpám gá bíná. Sâ gwár, wé á bé abe byé e nyɔm, ebě, byé á bé abûʼla ɨ́ jɔʼ byé á jóʼo wé yɨ́.

Ebrœ̂ 4:2 ပူးပေါင်းရင်းမြစ်များ

1 Tesalonika 2:13

Ebe no ó bɨh lé edwe Zyɛm ekiba é bɨjɔʼ bibyɛh ɛ, ebe, é jɔʼ bɨh bé a gwih bɨn mɨlɔb mo Zyɛm ɨ, bɨn bé a si mɛʼle mye. Bɨn bé a baamɛʼle mye mpʉ baambɛhambɛha mɨlɔɔ lé eduho é pɨʼ mo mamʉr ɨ. Bɨn bé a kʉ mɛʼle mye ó, mpʉ lɔɔ waa ndɨ ɨ: lɔɔ ndɨ eduho boo Zyɛm, waa mu lé esea é mɨleme mɨ obuʼla ɛ.

Ebrœ̂ 11:6

Zyɛm ákwoʼ kpɛl mʉr ndɨ abe e buʼo e. Buʼo ó ndɨ esa ó, bɨna gʉŋa ga ó, Zyɛm, nye ó tɨʼ cyecye. Buʼo nteme ó lé elɛʼle bɨna ga ó, nye edwe myɛna mo embɨa ó, njɨ bʉr o ndɨ edu nye e.

Ebrœ̂ 3:12

Obɨɔ ga bam aa! Gʉa di ga ncye! Mʉr é mbɛr Zyɛm win aka nyamle be e leme ndɨ é lele lé ebuʼla ɛ. Nye l'aka nyamle kaŋa e Zyɛm ndɨ kublakubla ɛ.

1 Timotɛ 4:8

Ebe, pɨʼa nyʉl wɛɛ, wé ó e ma nyɔm é guu paʼ. Edwaabe Zyɛm lɛɛ, lé e nyɔm é nko paʼ bɨsa bibyɛh, ebe, mʉr lé edwaabe Zyɛm ɨ, Zyɛm ódira monkɛʼ nye a liʼe mʉr waa e ma ɛ, é nko paʼ tiʼ yaa banana, to pyal é tiʼ yé óbe pie e l'esie e mbi jɔʼ yi.

Rôm 2:25

Sɛa mpʉn, wé e nyɔm ó njɨ é l'efu e mʉr ndɨ edu motie e. ǃƗ mʉr si ntaa motie maa nɛʼɛ, sɛa mpʉn we, wé l'aka be nye e nyɔm. Nye mʉr tɨ, nyi lihba mʉr a baapa saŋɔ mpʉn ɨ.

Mɨlʉmlʉ 13:46

Pol bé e Barnabas ze lwib e be é kpɛŋlɛm, abe e bʉa. Bé ó: «Yé a jala ó, lɔɔ Zyɛm, wé taara lɛɔ bɨn ye, oYʉden. Sa gwar, bɨn mu ó lé ebene we, bɨn bé ebee ó, mbi bɨbɨbla bɨ bʉr bɨn ndɨ ɨ, yé ajala ó, bɨn biʼe tiʼ molu mo mpoʼ mɨmɛh. Mpʉ bɨn sa no e, bɨn bé esa ó, bɨh laŋa, lé eto lɛɛ lɔɔ waa boo bʉr o ndɨ abe oYʉden ɨ,

Jacques 1:21

Diʼe ga bʉr o ndɨ é cyɛʼ mɨnjwɨr ɨ. Pɛʼɛ ga ebɨ-leme ndwe e bɨsyɛɛla bibyɛh ndɨ elœʼ bɨn é mih mo Zyɛm ɨ. Yé ó, é laŋle buo! ǃBɨn si sa no nɛʼɛ, bɨn bé ógʉa nʉa lwib ocyecye Zyɛm a ntɨh é mɨleme min tʉŋlʉ ɨ. Lwib ye yaa ó ndɨ e nkul edwe bɨn tiʼ molu mo mpoʼ mɨmɛh.

Ebrœ̂ 4:6

Ebe no, lɔb, wi tiʼ cyecye ó, bʉʉ bʉr, bé ógbala, bé e boo Zyɛm sama. To kœb ó, bʉr o b'a taare bi Mbɨambɨa Lɔɔ, ó bé niʼe é gumo egbala yaa ɛ, bé a baagbala, ebe, bé a si sa Zyɛm ebɨh.

1 Korɛnt 13:3

Me óbɛm kab mobi mam mɨmɛh, nkʉ kɛha nyʉl wam. ǃMe si sa no, me l'abe e kpɛl nɛʼɛ, me l'adira ba nyɔm e bɨsyɛɛla bɨnɨ.

1 Pyɛr 1:12

Zyɛm a ka lɛɛ ogwiha o mɨlɔb baa ó, lɔɔ bé a to le elɛɛ ɛ, wé a baabe é l'efu lɔɔ, bé bʉr o tɨ, ó bé gʉŋa we é kpɛhla. Bé a ze lé elɛɛ we ó, é l'efu lɨn. Bɨn ó ndɨ edira nyɔm e lɔɔ waa é banana, é nkul mo Mbɨambɨa Sisim a ntɨhɔ bɨn, duho é jobo kʉ ɨ. Lɔɔ bé a lɛɛ-lɛɛ bɨn ɨ, wé ó waa beengles lé ebul gwɨm gʉa ɛ.

1 Tesalonika 1:5

ebe, é jɔʼ bɨh bé a lɛɛ bɨn Mbɨambɨa Lɔɔ ɛ, bɨn bé a baanʉa lɔɔ waa e l'epɨh. Yé ó, ebe, é jɔʼ gwar yaa, Zyɛm a si lɛʼle bɨn nkul nɨnɨ we tɨ. Sisim we, wé a si fulo nteme é bɨn. Bɨn bé a ka gʉa é jɔʼ yaa ó, lɔɔ waa, wé a kʉ be ó cyecye. Bɨn bé egʉa nteme mpʉ bɨna bé a be-be ga ɛ. Bɨh bé a tiʼe-tiʼe no ó, é l'efu le edi bɨn e nyɔm.

Galásia 3:8

Bé a si bɛa tile é Kalara Zyɛm ó, Zyɛm ódwe bʉr o bɨkul mokebe é mih me ó, ebe taa buʼo bé ójyɛʼ boo nye e. No ó, Mbɨambɨa Lɔɔ wi, wé a taare tunɔ ó, Abraham. Zyɛm a lɛɛ e nye ó: «Me ósʉ bɨkul bɨfih mocyɛʼ mo mpom ó, é zi go,»

Galásia 4:13

Bɨn bé egʉa ó, me a lɛɛ bɨn Mbɨambɨa Lɔɔ é jɔʼ efoʼ ó, ebe, me a be ó si syɛb bɨn ye.

Mɨlʉmlʉ 3:26

No ó, é jɔʼ Zyɛm a ka lomo syɛl mosa we e, nye a taare lomo nye ó, bɨn ye, ó nye sʉʼo bɨn mocyɛʼ mo mpom me, le esa ó, mʉr nyiwɛh é sama yin, nye gwaʼa bɨsyɛɛla bɨ ebebe bye bibyɛh.»

Rôm 3:3

No ó, bɨna bé ólɛɛ ga é yé, tiibe e bʉr o b'a baajyɛʼ taa buʼo yɔɔ boo Zyɛm ɨ? Zê elele e mɨleme lɔɔ, lé ó e nkul ekamle Zyɛm lé edira monkɛʼ me ɛ?

Galásia 3:2

Me ódî bɨn tia ngwar nwa: Zê Zyɛm a ntɨh bɨn Sisim we ó, ebe mbi bɨn lé edu motie wi ɛ? Zê nye a ntɨh bɨna ga wa ó, ebe buʼo bɨn bé a bi lé ejoʼo Mbɨambɨa Lɔɔ bé a lɛɛ bɨn wi ɛ?