Ebrœ̂ 4:15 - Kálara Zyɛ̌m Edwán é mpʉ̌n

¹⁵ Ebe, njwɨɨ opara bɨna ga ndɨ e nye e, nye ó waa ndɨ e nkul ejwɨʼ bɨna ga nkoo é jɔʼ nye lé ebee ecyɛʼ ga lɨna ɛ. Nye a si boblɔ mɨmbi mimyɛh, jwɨʼ gwar e gwar e bɨna ga; sa gwar, nyɛɛ l'aduma, nkʉ sa ba syem.

Kálar Nzyɛ̌m : Ejwán é Sáá

¹⁵ Ebě, njwɨ́ɨ opara gá wɨ́ná, nye ó waá dí e nkul ejɨ̂ʼ nkóó e mɨná gá ɨ́ jɔʼ nyé dí ebee étyɛʼ gá lɨ́ná yɨ́ nyá. Nye á si bóblɔɔ mimbi mímyɛ̂h, jwɨʼ gwár e gwár e mɨná gâ; sâ gwár, nyɨɛ l'aduma, nkʉ̂ sâ syóm.

Ebrœ̂ 4:15 ပူးပေါင်းရင်းမြစ်များ

2 Korɛnt 5:21

Mʉr a baasa syem ɨ, nye ó ndɨ waa Zyɛm a kɛl mɨsyem mimyɛh é koo é ziʼrɨ ɨ. Yé a be ó é l'efu ga lɨna, ó bɨna nkʉʼ di ga ocɨcyel o bʉr é mih mo Zyɛm dumo e cɨcyel mʉr waa.

1 Yʉanes 3:5

Bɨn bé egʉa: Yesʉs-Krɨst a ze é si nwaʼ ó, nye nkʉʼ ze pɛʼ mɨsyem tɨ. Bɨn bé egʉa nteme ó, abe e guu syem ndɨ é nye.

1 Pyɛr 2:22

«Nye a baasa syem. Nʉm we, wé a baapyɛl bɨlwib bɨkʉʉŋʉ.»

Ebrœ̂ 7:26

Nye ó mbi njwɨɨ opara wé a kʉ jala e bɨna ga ɛ. Nye ó mʉr ndɨ ti, waa ndɨ akunbo e mpɨŋ ɨ. Sa ndɨ elœʼ mʉr é mih mo Zyɛm ɨ, yé akunbo e nye. Bé e l'osyɛl o mɨsyem, bé ó e bwaʼbwaʼ mbɛʼ. Nye nteme, nye ó mbɨna kʉ, laa jobo e l'ejyoo le ebantɛn.

Ebrœ̂ 4:14

Bɨna ga mu ó e njwɨɨ opara ndɨ lʉ sa yiyɛh ɛ: Yesʉs, Mwan mo Zyɛm. É mpʉ yé ndɨ no e, bɨna toʼ ga dolo lé emɛʼle buʼo ga yina. Nye a be ó si ntaa jobo e l'ejyoo le ebantɛn, lé ebula to di é jobo kʉ.

Ebrœ̂ 5:2

Para nyiwɛh, nye e nkul ekɛm bɨgʉ́ʼ ndwe e bʉr o ndɨ elɨŋa é buʼo e, ebe, é mɨpaʼ mimyɛh, ecyɛʼ le, lé enyin é mih me.

Yʉanes 8:46

Wáa mʉr é sama yin ndɨ e nkul epyɛl dweʼle yé ólɛʼle ó, me a be ó si sa syem ɨ? É jɔʼ me lé elɛɛ ocyecye e, ebe yé bɨn ndɨ abuʼla we e?

Lʉkas 22:28

Bɨn bé a baabɔʼa e me é bɨjɔʼ me a sia e mobʉbla ɛ.

Lʉkas 4:2

Njwɨɨ moleme a si boblo nye gʉ, tɔɔ molu mowʉm monâ. É molu maa, nye a be ó, ade mode. Nye ze joʼo za pie tɨ.

Mataos 12:20

Nye ákwoʼ bɨh lɨ mu lé ecyɛʼ ɛ. Nye ákwoʼ turo empom e saŋ, ó wé dima njʉl elama mu lé egwɨm ja dwo e. Nye ósa syɛɛla embɨa yaa ó, to pyal é jɔʼ bʉr, bé ómɛʼle ó, Zyɛm, nye esa sa ndɨ cɨcyel ɨ.

Mataos 4:1

Mbɨambɨa Sisim ntɔʼ to e Yesʉs é feha si. Nye a to e nye gʉʼ ó, Njwɨɨ moleme bobla nye.

Rôm 8:3

Yé ó no! Ebe, yé a baabana ó, bɨna biʼe tiʼ molu mo mpoʼ mɨmɛh ebe mbi bɨna lé edu ga motie e, ebe, nyʉl bɨpuno ga wina a be ó é cyɛʼ. Sa motie mo Moyiz, mé a baakoʼo lé esa ɛ, Zyɛm nyɛɛ a si bana sa ye. Nye a si ntɨh Mwan we é si nwa, nyʉl we lé ekʉ nwɨɨla e waa ga wina, osyɛl o mɨsyem. Nye a ze é lɔb syem ga wina waa ó, nye ntaʼ, ze pɛʼ we. Zyɛm a si dwe Yesʉs mobe é lɔb syem waa.

Ebrœ̂ 9:28

Jwɨʼ gwar e gwar yaa nteme e Krɨst. Nye a kʉ ka dwè ó njɨ é jɔʼ gwar é l'efu ó, nye jala e mɨsyem mɨ bʉr é buobuo. É dobo nye óbula ze e, nye aŋa bâʼle dwih bʉr é mpila ebebe lɔɔ. Zea nye óze e, wé óbe ó, lé edwe bʉr o ndɨ ebono nye e, tiʼ molu mo mpoʼ mɨmɛh.