Ebrœ̂ 4:11 - Kálara Zyɛ̌m Edwán é mpʉ̌n

¹¹ Ebe no, bɨna gbaʼ ga monyʉl lé eni é l'egbala laa. Bɨn bé amu sa ebɨh lé ekœʼ ebò e cyen bɨmpam ga bina, bɨn ntɔʼ lɨŋa é buʼo.

Kálar Nzyɛ̌m : Ejwán é Sáá

¹¹ Nó mɨná gbâʼ gá nkul lɨ́ esú lé énî ɨ́ gúmó bʉ̂r dí egbala yɨ́. Gwá di gá le ocwóó, ó mʉ̌r sá asâ ébɨ̌h e Nzyɛ̌m, nkʉ̂ duma sí mpʉ bímpám gá bíná byé á duma yɨ́.

Ebrœ̂ 4:11 ပူးပေါင်းရင်းမြစ်များ

Ebrœ̂ 3:18

Zyɛm a káale ó: «Bɨh bé ópa bee nkʉ bʉr, bé óka bâʼle ni é l'egbala lam!» Bʉr o nye a lwib, tiibe e be e, bé ozé? Bé ó baa b'a sa nye ebɨh ɨ!

Lʉkas 13:24

«Gbaʼ ga monyʉl lé eni é l'ebe ndɨ é ban ɨ. Me elɛɛ bɨn ó: buobuo bʉr, bé ósaa eni tɨ, bɛɛ abe e nkul.

Ebrœ̂ 6:11

Bɨh bé egwɨm ó, mʉr nyiwɛh saʼ zyee lé esea syɛɛ yaa, to pyal é l'odumo, akar. É jɔʼ yaa ó leme mʉr waa, wé óloŋlo e mbɛla ɛ.

Éfɛsɔs 5:6

Mʉr beʼ l'agomlo bɨn diʼ é zi lwib ndɨ mbɛh ɛ. Bɨsyɛɛla bɨ ebebe bɨnɨ, byé ó ndɨ egba Zyɛm empime é leme. Empime laa ó nye ókpaa e bʉr o ndɨ esa nye ebɨh ɨ.

Ebrœ̂ 3:12

Obɨɔ ga bam aa! Gʉa di ga ncye! Mʉr é mbɛr Zyɛm win aka nyamle be e leme ndɨ é lele lé ebuʼla ɛ. Nye l'aka nyamle kaŋa e Zyɛm ndɨ kublakubla ɛ.

Títos 1:16

Bé ekʉ boʼlo ó, bé egʉa Zyɛm. Sa gwar, bɨsyɛɛla byɔɔ, byɛɛ yɛɛ lé ekʉ lɛʼle ó, bé dina ó lé ekʉ lɛʼle ó, bé agʉa nye. Bʉr baa, bé é lwaʼbe. Bé ó baajoʼo-motɨɨ. É bɨsyɛɛla bɨ ncwɨncwɨa bibyɛh mʉr ndɨ bɛm sa ɛ, abe e syɛɛla gwar bé ndɨ e nkul ekoʼo e.

Filipi 2:12

No ó, obɨɔ o kpɛl bam aa! Bɨn bé a be ó si sa Zyɛm mojoʼo é jɔʼ bɨna bé a be ga gumo gwar ɨ. No ó, banana, é mpʉ me mu é nko paʼ fih, aka be bɨn ye e, bɨn bé ejala le eto dolo lé esa no. Zyɛm, nyi tiʼ bɨn. No ó, sea ga e bʉa e mosaʼ é l'efu ó, bɨn kœʼœ ebò e cyen laa.

Títos 3:3

Ebe, bɨna bé a taare be ga nteme ó no: bɨgʉ, baajoʼo-motɨɨ, si gʉmla é bebebebe zi. Bɨna bé a di-di ga ó, molʉa mo Syem, lé edu bɨgwɨma mɨmbi mɨmbi. Bɨna bé a tiʼe-tiʼe ga ó, lé enwim bʉr. Bɛɛ nteme lé enwim bɨna. Bɨna bé a be ó lé esiila ga nteme paʼra ga wina.

Kolosi 3:6

Bɨsyɛɛla bɨ ebebe bɨnɨ ó lé esa ó, Zyɛm kpaŋa empime e bʉr.

Mɨlʉmlʉ 26:19

«No ó, Tamamʉr Agripa, me a baasa pyeh pie jɔʼ me a bee sa jehe é lima, yaa yé a duho é jobo kʉ ɨ.

Lʉkas 16:16

«Motie mo Moyiz ndwe e sikʉlʉ ogwiha o mɨlɔb bé a dwe e, byé a di ó, é di di di, to pyal é Yʉanes. Taare é jɔʼ nye a pyal ɨ, to dolo, bʉr, bé mu ó lé etuno Mbɨambɨa Lɔɔ lé etiibe e jwɨ̀ʼa mo Zyɛm ɨ. Mʉr nyiwɛh, nye mu ó lé eni tɨʼ e nkul.

Mataos 11:12

Taare é jɔʼ Yʉanes Ndubʉr a taare lé edù bʉr ɨ, ze pyal é banana: jwɨ̀ʼa mo Da, yé efuŋɔ e nkul. Bʉr o cere, bé esaa ó, bé dɛnɨ ye e nkul.

Mataos 7:13

«Niʼe ga é l'ebe ndɨ é ban ɨ, ebe, zi ndɨ é bwaʼ ndwe e l'akɔbla ɛ, nye ó ndɨ eto nko paʼ efie. No ó, bʉr o ndɨ ecwɨɨ tɨʼ ɨ, bé é buo.

Éfɛsɔs 2:2

Bɨn bé a taare kœʼ ó, njɨ ebò e cyen le ebebe laa, jwɨʼ gwar e gwar e bʉr o mbi jɔʼ yiʼ bɨbɛh. Bɨn bé a tiʼe no ó, lé edu motɨɨ mo njwɨɨ mbi jɔʼ yi, waa ndɨ cyela é dia taʼa ye paʼra jobo e l'ejyoo le ebantɛn ɨ. Sisim waa ó lé ecyɛb bʉr é mɨleme é banana, baa lé esa Zyɛm ebɨh ɨ...

Yʉanes 6:27

Asea ga ebe mode lé elɨra ɛ. Sea ga ebe maa lé edi njʉmdia e njʉmdia ɛ. Mɛɛ, mé ó maa Mwan mo Mʉr ódwe bɨn ɨ, ebe, nye ó waa Zyɛm Sɔŋ a gba ejwɨʼ le e.»

Ebrœ̂ 4:6

Ebe no, lɔb, wi tiʼ cyecye ó, bʉʉ bʉr, bé ógbala, bé e boo Zyɛm sama. To kœb ó, bʉr o b'a taare bi Mbɨambɨa Lɔɔ, ó bé niʼe é gumo egbala yaa ɛ, bé a baagbala, ebe, bé a si sa Zyɛm ebɨh.

2 Pyɛr 2:6

Zyɛm a si dwe bʉr o bɨnkana bɨ Sodɔm e Gomɔr mobe, nye ntɔʼ diʼ bye e siʼe. Nye a sa syɛɛla yaa ó, lé elɛʼle mpʉ bʉr o ndɨ adwaabe nye e, bé ófuʼla ɛ.