Ebrœ̂ 4:10 - Kálara Zyɛ̌m Edwán é mpʉ̌n

¹⁰ ebe, mʉr lé eni é l'egbala le e, nye egbala bɨsyɛɛ ó, jwɨʼ gwar e gwar e mpʉ Zyɛm nyɛɛ a gbala byaa bye e.

Kálar Nzyɛ̌m : Ejwán é Sáá

¹⁰ Ebě, mʉr dí enî lɨ́ egbalá lé nyá, nyě gbalá bísyɛ́ɛ́ ó, jwɨʼ gwár e gwár e mpʉ̌ Nzyɛ̌m á gbala byaá byé ntémé yɨ́.

Ebrœ̂ 4:10 ပူးပေါင်းရင်းမြစ်များ

Mɨngwiha 14:13

Me ze joʼo twii lé eduho é jobo kʉ. Nye e me ó: «Tila: “Mocyɛʼ mo mpom, mé e mʉr a dwè, nye mu é zyɛŋa wɔɔ boo Da Yesʉs ɨ.”» Mbɨambɨa Sisim, nye elɛɛ ó: «Yé ó no: banana, bé paʼ ka gbala syɛɛ-Zyɛm yɔɔ. Syɛɛ bé a sea-sea é jɔʼ bé a be e tiʼ ɨ, nyɔm lé eduho tɨʼ ɨ, wé ónyin é gumo bé mu lé edi ɨ.»

Ebrœ̂ 10:12

To kœb ó, Krɨst nyɛɛ a si dwe Zyɛm motwina mompwar é jɔʼ gwar lé epɛʼ mɨsyem é l'efu e bɨjɔʼ bibyɛh. Nye ze to di si é mbo ejʉm we.

Yʉanes 19:30

Jɔʼ Yesʉs a sil du monwoʼ maa e nʉm ɨ, nye ó: «Bɨsyɛɛla bibyɛh, bi lwɨŋlɨ!» Nye ze gœr lʉ si, ntɔʼ fil mɨswɨh mɨ epihe.

Ebrœ̂ 1:3

Moncɛnba mo Zyɛm, mé enyin ó, é nye. Nye ó ndɨ gulo lé elɛʼle mpʉ Zyɛm nye mʉr tɨʼ ndɨ ɨ. Nye ebaʼle si nwaʼ nyiwɛh ó, é zi lwib ye ndɨ e nkul ɨ. Nye a si dib zi epubo bʉr é lɔb mɨsyem myɔɔ. Nye ze to é jobo kʉ, to di si é mbo ejʉm mo waa ndɨ e mojwɨ̀ʼa monɨnɨ é jobo kʉ ɨ.

Ebrœ̂ 4:9

Lɔb, wi tiʼ nteme ó, bʉr mo Zyɛm, bé óni é l'egbala, laa e moho saba,

Mɨngwiha 6:11

No ó nye a nʉa bɨdur é pumo-pumo, bœr bɨbɛh, le elɛɛ e be ó, bé dihba ba titia, to pyal é jɔʼ bɨɔ bɔɔ ndɨ é l'empomo e syɛɛ egwar ɨ, bé taara jʉŋɔ nteme mpʉ be. Ebe no ó bé e boo nɔɔ, bé ósa sama ntinɨ ɨ.