Ebrœ̂ 3:7 - Kálara Zyɛ̌m Edwán é mpʉ̌n

⁷ Ebe no ó Mbɨambɨa Sisim, nye lé elɛɛ é Kalara Zyɛm ó: «ǃBɨn si joʼo twii mo Zyɛm muh nɛʼɛ,

Kálar Nzyɛ̌m : Ejwán é Sáá

⁷ Sɨ́ǎ yaá ó, Sísǐm mé Nzyɛ̌m dí elɛ́ɛ ɨ́ Mekaná mé Nzyɛ̌m ó: «Bɨ́n sí jóʼo twíí mé Nzyɛ̌m mûh nɛ́ɛ:

Ebrœ̂ 3:7 ပူးပေါင်းရင်းမြစ်များ

Ebrœ̂ 3:15

Ebe, yé ó tila ó: «ǃBɨn si joʼo twii mo Zyɛm muh nɛʼɛ, mʉr alɨha motɨɨ me, nkʉ sa elele e lʉ mpʉ bɨmpam bin, byé a sa é jɔʼ byɛɛ, byé a kaŋa e Zyɛm ɨ.»

Mɨngwiha 3:20

Mbe ga: me ó wâʼ lé ekwaʼle ebe ó, me niʼe. Mʉr ójoʼo lwib yam, dib me ebe e, me óni nye ye. Bɨh e nɔɔ, bé ópuhba mobo é teble ngwar.

Ebrœ̂ 4:7

Zyɛm ze bâʼle cyel guu moho nye lé ejebe-jebe ó, muh ɨ. Nyi sa no, ntɔʼ lɛɛ bɨna ga lɔɔ, é lɔb waa dumo e David, mpʉ bɨh tile kʉ ɨ. Yé ó tila ó: «ǃBɨn si joʼo twii mo Zyɛm muh nɛʼɛ, mʉr alɨha motɨɨ me ebe elele e lʉ.»

Yʉanes 10:27

Bɨntœme byam, byé ejoʼo ecel lam. Me egʉa bye. Byé nteme, byé edu me é koo pihe.

Ebrœ̂ 3:13

É jɔʼ bɨn dina muh sama ɛ, yé é mbɨa ó, bɨn dɨʼe gba nkul é nyʉl mo mɨɔ nyiwɛh paʼra win, moho wiwɛh. Ebe no ó bɨn bé óbe, aka du bɨkʉʉŋʉ lé etine bɨn ó, bɨn saʼ syem ɨ, bɨkʉʉŋʉ byaa nkʉʼ be nteme alɨl bɨn mɨlʉ.

Mataos 17:5

Mpʉ nye a be, nye dina lé elwib ɨ, dwine é nge-ngɨ-nge ze buuro be. Ompʉn, bé ka joʼo ó, nuu twii lé eduho é mɨnkur tʉŋlʉ, lé elɛɛ ó: «Nwaʼ, nye ó mwan kpɛl wam. Me ekʉ mɨɨla e nye. Joʼa ga nye.»

Yʉanes 10:3

Mʉr lé ecyɛb é vaa ɛ, nye edib ebe ó kobla bɨntœme. Bɨntœme, byé edweʼe ecel le. Nye ejebe bɨntœme bye ó, behe ntœme yiyɛh e mpaŋ die le, bé e boo nɔɔ ntɔʼ pyal kʉl.

Yʉanes 5:25

Me elɛɛ bɨn cyecye ó nɛɛ: ewala, lé eze—lé mu ó si pyal—jɔʼ odwè, bé ójoʼo twii Mwan mo Zyɛm ɨ. Baa bé ójoʼo nye e, bé óbi tiʼ molu mo mpoʼ mɨmɛh,

Yʉanes 10:16

Me e byʉʉ bɨntœme l'apa ni é nkal bɨntœme nwaʼ ɛ. Yé ekʉ jala ó, me toʼ, to nʉa bye, niŋle bye é nkal. Byé ójoʼo ecel lam. Bɨn e boo nɔɔ, bé óbe ó daa egwar, kobla bɨntœme ngwar.

2 Pyɛr 1:21

Ogwiha o mɨlɔb, bé a baagwih mɨlɔb mo Zyɛm lé edu mpʉ gwɨma mɨleme myɔɔ, myé a be e. Bʉr, bé a lwib ó, mokan mé a duho boo Zyɛm ɨ, é zi Mbɨambɨa Sisim.

Ebrœ̂ 9:8

Mbɨambɨa Sisim, nye elɛʼle bɨna ga é lɔb waa ó, jyɛm Saʼ Nɨnɨ mo Zyɛm, yé a be, yé dina lé ecyɛb cɨcyel ɨ, zɨze mʉr, wé a baabe e nkul ekœb zi mbeʼ ndɨ ó, wé kuma é Tiʼe yé a be e l'ekɛn é buobuo e.

Mataos 22:43

Yesʉs ze dî e be ó: «A, ebe yé David nye mʉr tɨ, é zi mo Mbɨambɨa Sisim, a jebe Lœma mulo mo Zyɛm ó, “Tî wam” ɨ? Nye a lɛɛ ó:

Mɨlʉmlʉ 28:25

Bé ze bɔʼa motwii, ntɔʼ pyalɔ kʉl, ebe, Pol a be ó si lɛɛ e be ó: «Mbɨambɨa Sisim a kʉ lwib ó e l'ocyecye é jɔʼ nye a cwɨɨ é zi ngwiha mɨlɔb Ezayi, lé elɛɛ ó:

Markus 12:36

Ebe, David nye mʉr tɨ, é nkul mo Mbɨambɨa Sisim, a be ó si lɛɛ ó: “Da a lɛɛ e Tî wam ó: ‘Diʼe si é nko paʼ mbo ejʉm wam, to pyal é jɔʼ me ósa bʉr o dɔm bo ó, bé diʼe cyela mokʉ yo e!’”»

Mɨlʉmlʉ 1:16

«Obɨɔ ga bam aa! Yé a kʉ jala ó, yé syɛŋɨ lé edira lɔɔ ndɨ tila é Kalara Zyɛm ɨ! Peh Kalara Zyɛm yaa, yé a tilɔ ó, mpʉ Mbɨambɨa Sisim a bɛa lɛɛ bɨna ga é nʉm mo David ɨ. Nye a tile ó, é lɔb mo Yʉdas, waa a lɛʼle bʉr mpʉ bé toʼ, to naʼ Yesʉs mobo é nyʉl ɨ.

Mɨlʉmlʉ 8:29

Mbɨambɨa Sisim ntɔʼ lɛɛ e Filip ó: «Toʼ, to di kunokuno e mʉr ndɨ é kaliʼ kʉ nɨ.»

Ebrœ̂ 10:15

É lɔb ngwar waa, Mbɨambɨa Sisim, nye eboʼlo nteme e bɨna ga ó: