Ebrœ̂ 3:6 - Kálara Zyɛ̌m Edwán é mpʉ̌n

⁶ To kœb ó, Krɨst nyɛɛ a si cyelɔ é dia Mwan a jala le edi lʉ mbɛr bʉr waa ɛ. Mbɛr bʉr waa, wé ejoʼo nteme ó e nye. ǃƗ mɨleme ga mina si loŋlo e mbɛla, le ekʉ gʉa sa bɨna lé ebuʼla ga, abaawe sɔʼɔ e bʉr nɛʼɛ, bɨna ga ó ndɨ bʉr o mbɛr bʉr we waa.

Kálar Nzyɛ̌m : Ejwán é Sáá

⁶ Tó kœb ó, Krîst nyɨɛ á si tyélɔɔ ɨ́ dǐ Mwân á jala le edǐ lʉ́ mbɛ̌r bʉ̂r waá nyá. Mbɛ̌r bʉ̂r waá, wé gúmó ntémé ó e né. Mɨ́ná bé ódi gá e mpûʼla ɨ́ miléme, le ekʉ́ gʉ́ǎ sá mɨ́ná dí ebúʼla gá yɨ́, abáawǒ sɔ̂ʼ nó, lɛ́ɛ́, mɨná gá ó dí bʉ̂r ó mbɛ̌r bʉ̂r wé waá.

Ebrœ̂ 3:6 ပူးပေါင်းရင်းမြစ်များ

2 Korɛnt 6:16

Zê opara ndɨ esea é l'Odia mo Zyɛm tʉŋlʉ ɨ, bé e baa lé eto é mpah bé ndɨ edwiibɨ bɨbaŋabaŋa bɨdweʼle e, bé ó e nkul emɛʼle mɨlɔb é mbi ngwar ɛ? Ebe, monyʉl ga mɨna, mé ó bana kʉ be Odia mo Zyɛm ndɨ kublakubla ɛ! Zyɛm nye mʉr tɨʼ a lɛɛ ó: «Me ódi é sama yɔɔ, lé ekœʼ e be. Me óbe ó Zyɛm wɔɔ. Bɛɛ, bé óbe ó bʉr bam.»

1 Korɛnt 3:16

Zê bɨn bé agʉa ó, bɨn bé ó kʉ be Mpah Zyɛm ɛ? Zê bɨn bé lé ejeʼe ó, Mbɨambɨa Sisim, nye edi é bɨn ɛ?

1 Pyɛr 2:5

Zyɛm, nye efumo mbɛr, waa Sisim mo Zyɛm ódi tɨʼ ɨ. Diʼe ga mokoʼ mo mbɛr waa, maa lé etiʼe é mih mo Zyɛm, maa lé ebɨrɔ tɨʼ é fumo waa ɛ. Bɨn bé ófuʼla mɨsaŋ mɨ opara é mih mo Zyɛm. Motwina bɨn bé ódwe nye é zi Sisim we e, nye óbee me mbɨmbɨa ó, dumo e Yesʉs-Krɨst.

Ebrœ̂ 10:35

Ebe no, mʉr beʼ l'acyɛʼ nyʉl. É jɔʼ bɨn ndɨ etʉm monyʉl ɨ, yé óbe bɨn e myɛna monɨnɨ.

Ebrœ̂ 6:11

Bɨh bé egwɨm ó, mʉr nyiwɛh saʼ zyee lé esea syɛɛ yaa, to pyal é l'odumo, akar. É jɔʼ yaa ó leme mʉr waa, wé óloŋlo e mbɛla ɛ.

1 Korɛnt 6:19

No ó, zê bɨn bé agʉa ó, monyʉl mɨn, mé ó bana kʉ be odia mo Mbɨambɨa Sisim ɛ? Sisim mu lé edi é bɨn ɨ, wé ó waa Zyɛm a ntɨh bɨn ɨ. Bɨn bé ajoʼo e bɨn bʉr o tɨ,

Ebrœ̂ 10:23

Bɨna mɛʼla ga sa lé eloŋlo mɨleme ga mina e mbɛla ɛ, abe e l'ocabcab. Mʉr a liʼe bɨna ga e monkɛʼ ɛ, nye nteme, nye ó mʉr ebuʼla.

Ebrœ̂ 4:11

Ebe no, bɨna gbaʼ ga monyʉl lé eni é l'egbala laa. Bɨn bé amu sa ebɨh lé ekœʼ ebò e cyen bɨmpam ga bina, bɨn ntɔʼ lɨŋa é buʼo.

Ebrœ̂ 3:14

Sa ndɨ tɨʼ ɨ, yé ó: ǃbɨna bé ódi ga e buʼo efoʼ, apɨŋla é buʼo, to pyal é l'efie nɛʼɛ, bɨna bé ódi ga bʉr o ndɨ e nkɔb é Krɨst ɨ.

Mɨngwiha 3:11

Me mu ó kunokuno le eze. Mɛrɨ ga sa bɨn ndɨ e ye e, é kpɨɨɨ, ebe, nuu mʉr amu jaa kpah mopʉʼlʉ bɨn lé ejala le ebwar ɨ.”

Ebrœ̂ 4:14

Bɨna ga mu ó e njwɨɨ opara ndɨ lʉ sa yiyɛh ɛ: Yesʉs, Mwan mo Zyɛm. É mpʉ yé ndɨ no e, bɨna toʼ ga dolo lé emɛʼle buʼo ga yina. Nye a be ó si ntaa jobo e l'ejyoo le ebantɛn, lé ebula to di é jobo kʉ.

Ebrœ̂ 1:2

No ó, é mpʉ esie e mbi jɔʼ yi, lé mu ó kunokuno le epyal ɨ, nye mu ka lwib e bɨna ga ó, cwɨɨ é Mwan we. Mwan we ó nye a kɛʼ ó, nye óbi bɨsa bibyɛh. É zi we ó Zyɛm a cye mosi mɨmɛh ɛ.

Kolosi 1:23

Yé be ó, bɨn bé eto dolo lé ejyɛʼ taa buʼo yin boo Zyɛm le ecyɛb é nkʉʼʉ nɛʼɛ, lɛɛ ó, mɨleme min, myé ódi é puuu. Mʉr apɨŋla ga é zi buʼo. Mʉr beʼ l'abir ó, bé saʼ ó, bɨn dehba, nkʉ jɨha Mbɨambɨa Lɔɔ wé a gba bɨn mbɛla é mɨleme e. Mbɨambɨa Lɔɔ waa, wé a ntɨhɔ ó, é si nwaʼ nyiwɛh, é nko paʼ sa yiyɛh Zyɛm a cye é si nwaʼ ɛ. Mɛm Pol a cyelɔ é syɛɛ ó, me lɛŋɨ bʉr wa.

Mataos 10:22

Bʉr bɨbɛh, bé ónwim bɨn é lɔb wam. No ó, waa ódihbe, to pyal é l'esie e, nyiha ó ngo tiʼe.

1 Tesalonika 5:16

Soha ga é jɔʼ yiyɛh.

Rôm 15:13

No ó, Zyɛm lé egba bʉr mbɛla é mɨleme e, nye cyɛba bɨn é mɨleme, ó bɨn soha é jɔʼ yiyɛh. Mɨleme min, myé loŋla e motala ebe buʼo yin. No ó myé óloŋlo e mbɛla ebe nkul mo Mbɨambɨa Sisim ɨ.

Mataos 24:13

No ó waa ódihbe, to pyal é l'esie e, nyiha ó ngo bi tiʼ molu mo mpoʼ mɨmɛh.

Mɨngwiha 2:25

Sa ndɨ tɨʼ yé ó, baʼla ga sa bɨn ndɨ e ye e, to pyal é dobo me óbula ze e.

Mɨngwiha 2:18

«Tila kalara. Go à cen engles lé edwiile mbɛr Zyɛm ndɨ ɨ Tiatir ɨ. Lɛŋɨ nye ó: Lɔɔ wi, wé eduho ó, é nʉm Mwan mo Zyɛm. Mih me, mé ó mpʉ njʉl siʼe; mokʉ me, mpʉ nkoho lé ebul pan ɨ. Nye e bɨn ó:

2 Tesalonika 2:16

Tî ga wina Yesʉs-Krɨst nye mʉr tɨʼ bé e Zyɛm Sɔŋ ga wina, waa a lɛʼle bɨna ga kpɛl, waa lé egba bɨna ga nkul é monyʉl, waa ndɨ asie-sie, waa lé elɛʼle bɨna ga ncwɨncwɨa, le egba bɨna ga mbɛla é mɨleme e, nye gbaʼ bɨn nkul é monyʉl.

Rôm 5:2

Yesʉs-Krɨst ó b'a kar zi é l'efu ó, Zyɛm nkʉʼ lɛʼle bɨna ga ncwɨncwɨa we. Bɨna mu ó lé ebi ga ncwɨncwɨa waa ó, é zi buʼo ga yina, lé ekʉ mɨɨla e mbɛla mu lé eloŋlo mɨleme ga mina ɛ. Bɨna bé ga e mbɛla é mɨleme ó, bɨna bé ópyal ga é dia kum mo Zyɛm.

1 Pyɛr 1:8

Bɨn bé ekpɛl nye, bɨn l'apa bee yɛɛ nye. Bɨn bé ejyɛʼ taa buʼo yin boo nye, dam be ó bɨn bé apa bee nye, ze pyal é banana. Ebe no ó bɨn ndɨ lwɨŋla e bɨsʉhʉ, é mbi ndɨ ó, mʉr, nye abe e nkul etaŋle bye é lwib ɨ. Bɨn mu ó e kum, duho tɨ.

Galásia 6:9

Bɨna toʼ ga dolo lé esa mɨmpaŋ bɨsyɛɛla. Mʉr afil mobo me si. ǃBɨna si be ga, abir bye nɛʼɛ, bɨna bé ódira ga nyɔm, duho é bɨsyɛɛla byaa, pie ma jɔʼ.

Rôm 11:22

Mbe ga: é mpʉʼ ó Zyɛm ndɨ elɛʼle mpwaʼ ncwɨncwɨa we e! Nye nteme lé edi, adihbe bʉr o b'a lɨʼa omyacyɛŋ é nkɨŋlɨ ɨ. Nye ekʉ lɛʼle ncwɨncwɨa we ó, gwɔɔ. ǃGo si bene lé eliʼ é dia ncwɨncwɨa mo Zyɛm nɛʼɛ, gʉŋa ó, nye nteme ókʉ syɛh go mpʉ lɔɔ lɨ, e ncɨr é leme.

Mataos 16:18

Me elɛɛ go ó: die lo, lé ó, ekoʼ: Pyɛr. No ó, é l'ekoʼ enɨ kʉ ó me óbòno Mbɛr-Zyɛm wam ɨ. Ebe no ó mɨlɨl-nkul ndɨ é kwar odwè e, myé óbe, akoʼo lé entaa we e.

Rôm 12:12

Diʼe ga e bɨsʉhʉ ebe mbɛla ndɨ bɨn lwɨŋla é mɨleme e. Dihba ga mɨtuu e mɨndɛl. Gbaʼ ga monyʉl lé esa mɨnjwɨʼla.

Galásia 6:10

Ebe no, ǃbɨna si bi ga epʉla tɨʼ nɛʼɛ, bɨna gbaʼ ga monyʉl ó, bɨna cwɨa ga e bʉr bɨbɛh. Sa gwar, kʉ bul cwɨa ga e bʉr o Mbɛr-Zyɛm ga wina, ndɨ bʉr o buʼo gwar ɨ.

Éfɛsɔs 3:12

É zyɛŋa ga wina boo Krɨst, bɨna mu ó lé ecyɛb ga Zyɛm é mih, abe e bʉa, é zi ejyɛʼ taa buʼo ga yina boo nye. Bɨna ga mu ó e cɨcyel zi lé eto cyɛb é mih me e.

Ebrœ̂ 4:16

Ebe no, bɨna dihla ga kunokuno e dia taʼa ye, abaawe sɔʼɔ e Zyɛm. Mɨleme ga mina, myé diʼe mɨlwɨŋla e mbɛla ó, bɨna bé óbi ga njwɨʼa-nkoo ndwe e ncwɨncwɨa. ǃBɨna si to ga é dia taʼa ye no nɛʼɛ, bɨna bé óbi ga ncwɨncwɨa é jɔʼ yé óbul jɨŋɔ ɛ.

Ebrœ̂ 6:18

Yé e bɨsa bɨba ndɨ abe e nkul esiilɔ ɛ: monkɛʼ mo Zyɛm, ndwe e mɨnkɛla nye a de e. Zyɛm nteme, nye abe e nkul esa mpʉl tɨ. No ó, bɨna ga bé ó bʉr o mu si fim mɨkam é l'efu ó, bɨna biʼe ga sa nye a kɛʼ, yaa ndɨ esa ó, mɨleme ga mina loŋla e mbɛla ɛ. Nye a liʼe bɨna ga e monkɛʼ maa ó, bɨna nʉŋa ga pim é buʼo.

Ebrœ̂ 7:19

(Ebe, motie mo efoʼ maa, mé a baabe e nkul esa ó, mʉr kuma é l'ombɨmbɨa é mɨpaʼ mimyɛh.) No ó, sa lé elaa motie maa ɛ, yi pyal! Yé ó mbɛla ndɨ bɨna ga é mɨleme e. Wé ó ndɨ esa ó, bɨna dihla ga kunokuno e Zyɛm.

Ebrœ̂ 10:19

Ebe no, obɨɔ ga bam aa! Eswɨɨ e motié mo Yesʉs, lɨ sa ó, mɨleme ga mina diʼe mɨlwɨŋla e mbɛla. Bɨna toʼ ga ó, to pyal é l'Odia mo Zyɛm ndɨ e l'ekɛn ɨ, tʉŋlʉ.

Ebrœ̂ 10:21

Mpʉ bɨna ga mu e njwɨɨ opara ndɨ lʉ sa yiyɛh, waa ndɨ é mpaŋ Odia mo Zyɛm ɨ,

Ebrœ̂ 11:1

Buʼo, yé ó sa go lé ebuʼla ó, yé ósyɛɛ, yɛɛ l'apa syɛɛlɨ ɨ. Buʼo, yé ó sa go lé egʉa ó, yé ó tɨ, go l'apa bee e.

1 Pyɛr 4:17

É jɔʼ yi, etiʼ e mɨlɔb ga lɨna mu ó si pyal! Zyɛm, nyi taare lé etiʼe mɨlɔb ga mina, bʉr o Mbɛr-Zyɛm. Tiʼa mɨlɔb waa pa taare nyan é nko paʼ ga wina, bʉr be, a dwɛʼra e bʉr o ndɨ esa Mbɨambɨa Lɔɔ ndɨ eduho boo Zyɛm ɨ, ebɨh ɨ!

Mɨngwiha 2:26

Mʉr nyiwɛh óbe si ntaa, bula e l'esaa é koo, waa ósea syɛɛ yam, to pyal é l'esie e, me ódil nye é dia taʼa. Nye ójwɨʼ bʉr o bɨkul bibyɛh.