Ebrœ̂ 3:5 - Kálara Zyɛ̌m Edwán é mpʉ̌n

⁵ Moyiz a be ó mʉr ebuʼla é nko paʼ bɨsa bibyɛh lé edwɛʼ mbɛr mo Zyɛm ɨ. Nye a cyelɔ syɛl mosa ó, nye boʼla, tiibe e sa yiyɛh Zyɛm nyɛɛ a bɛa be ó, nye lɛŋɨ bʉr ɨ.

Kálar Nzyɛ̌m : Ejwán é Sáá

⁵ Ɨ́ páʼ mé Moyɨ̂z, nye á be ó mʉr ebúʼlɔɔ ɨ́ nkǒ páʼ bísá bíbyɛ̂h bi dí tʉ́ŋlʉ̌ mbɛ̌r bʉ̂r mé Nzyɛ̌m bí. Nye á tyélɔɔ syɛ̂l mesâ ó, nye bôʼlaa sá yɨ́yɛ̂h Nzyɛ̌m á be ó, nye ólɛ́ɛ bʉ̂r yɨ́.

Ebrœ̂ 3:5 ပူးပေါင်းရင်းမြစ်များ

Ebrœ̂ 3:2

Zyɛm ó b'a cyel Yesʉs é dia njwɨɨ opara ga wina. No ó, Yesʉs a be ó mʉr ebuʼla é mih me, jala e Moyiz a be nteme mʉr ebuʼla, waa a cyelɔ é dia é mbɛr bʉr mo Zyɛm tʉŋlʉ ɨ.

Mɨlʉmlʉ 28:23

Bé ze cyel moho, bé e boo nɔɔ, bé a be ó, bé óbɔma ɛ. É jɔʼ moho waa, wé a pyal ɨ, bé ntɔʼ ze e bʉr é buobuo, ze kœb nye é gumo nye a di-di ɨ. Taare é mɛn, to pyal é bii kʉʼ, Pol a be ó lé epɛʼle be lɔɔ Zyɛm, le eboʼlo, tiibe e jwɨ̀ʼa mo Zyɛm, ndwe le esaa ó, nye dulo ó be, ó bé buʼla sikʉlʉ nye a dwe lé etiibe e Yesʉs ɨ. Nye a kœb-kœb sikʉlʉ nɨ ó, é motie mo Moyiz ndwe e sikʉlʉ ogwiha o mɨlɔb, bé a dwe e.

Ebrœ̂ 8:5

Opara bɛɛ, bé esea-sea ó, é tiʼe ndɨ é l'efu le edwe Zyɛm kum ɨ. Tiʼe yaa, yé a saŋɔ ó, lé edu dweʼle Saʼ Nɨnɨ mo Zyɛm ndɨ é jobo kʉ ɨ. No ó, é jɔʼ Moyiz a be ó, nye fumo ó Saʼ Nɨnɨ mo Zyɛm ɨ, Zyɛm a lɛɛ e nye ó: «Gʉa komlo sa yiyɛh lé edu dweʼle saʼ go a lɛʼlɔ é l'ecwɨʼ kʉ ɨ.»

1 Timotɛ 1:12

Zyoo e Tî ga wina Yesʉs-Krɨst, ebe, nye a si dwe me nkul é syɛɛ yam yi. Nye a láa ó, me ó mʉr ebuʼla, nye ntɔʼ cyel me é syɛɛ ye,

Ebrœ̂ 9:24

Ebe, odia mo Zyɛm ndɨ e l'ekɛn, waa bʉr, bé a fumo e, ntʉʼ odia waa Krɨst a ni ɨ. Wiha, wé a be ó zɨze dweʼle, sa lé elɛʼle mpaŋ odia mo Zyɛm ndɨ é jobo kʉ ɨ. Mpaŋ odia waa ó nye a ni. Nye mu ó lé edi tɨʼ é jobo kʉ é l'efu ga lɨna, lé ecyɛb é mih mo Zyɛm Sɔŋ.

Rôm 3:21

To kœb ó, banana, Zyɛm, nyi lɛʼle bʉr ó, bé e nkul ebi mokebe, abe ó, bé edu motie mo Moyiz. Nye mʉr tɨʼ a si kar zi fih é l'efu le edwe bʉr baa mokebe. Motie mo Moyiz ndwe e sikʉlʉ ogwiha o mɨlɔb, bé a dwe e, yé eboʼlo ó, zi waa, nye ódibɔ.

Yʉanes 5:39

Bɨn bé egba monyʉl lé ejwɨʼ Kalara Zyɛm é dwiii, bɨn lé ebee ó, tɨʼ ó bɨn bé óbi tiʼ molu mo mpoʼ mɨmɛh ɛ. To kœb ó, Kalara Zyɛm ngwar e ngwar waa ó ndɨ eboʼlo é lɔb wam!

Lʉkas 24:44

Nye ze lɛɛ e be ó: «Bɨsyɛɛla bi, byé ó byaa me a bɛa lɛɛ bɨn ó, byé ósyɛɛlɨ ɨ. Bɨna dina lé ekœʼ ga sama, me a bal bɨn ó, sa yiyɛh, yé ósyɛɛ lé edira mɨlɔɔ ndɨ tila é l'okalara o motie Moyiz a tile e, e sikʉlʉ ogwiha o mɨlɔb bé a dwe e, ndwe e Kalara OSam, tiibe e me e.»

Lʉkas 24:27

Nye ze taare lé epɛʼle sa yiyɛh bé a tile é Kalara Zyɛm, tiibe e nye e, taare é l'okalara o motie Moyiz a tile e, to pyal é sikʉlʉ ogwiha o mɨlɔb bé a dwe e.

1 Korɛnt 4:2

Sa bé lé ejɨ bee boo mbɔʼlʉ ekuro e, yé ó, nye diʼe mʉr ebuʼla.

Mɨlʉmlʉ 7:37

«Moyiz waa nteme ó b'a lɛɛ e bwa b'Ɨzraɛl ó: “Zyɛm, nye ólomlo bɨn ngwiha mɨlɔb mpʉ mo me, lé epɛh é l'esama le obɨɔ bɨn tʉŋlʉ.”

Lʉkas 12:42

Da ntɔʼ bula dî e nye tia ó: «Wáa mʉr é bɨn ndɨ mʉr ebuʼla, waa ndɨ cɨcyoo mbɔʼlʉ ekuro e? Mbi syɛl mosa waa, nye ó waa njwɨɨ we ócyel é mbɛr we ó, nye diʼe lʉ osyɛl o mosa be. Nye ó ngo kab bʉr o nduo ye monkɔb mode mɔɔ é bɨjɔʼ lé ejala ɛ.

Mataos 25:21

«No ó, masa, nye e nye ó: “Yé é mbɨa! Go ó mpaŋ syɛl mosa ebuʼlɔ, ebe, gɨ gʉa ebaʼle sa ndɨ titia ɛ. Me ócyel go é dia ó, go baʼla byaa ndɨ é buobuo e. Ntaʼ, ze soho jwɨʼ gwar mpʉ mɛm sɔŋ go mu lé esoho e.”

Mataos 24:45

«Wáa mʉr é bɨn ndɨ syɛl mosa ebuʼlɔ, waa ndɨ cɨcyoo e? Nye ó waa masa we ócyel é mbɛr we ó, nye diʼe lʉ osyɛl o mosa be e? Nye ó ngo kab bʉr o nduo ye mode mɔɔ é bɨjɔʼ lé ejala ɛ.

Ebrœ̂ 1:1

Molu pihe, Zyɛm a lwib-lwib e bɨmpam ga bina ó, é zi ogwiha o mɨlɔb. Nye a lwib-lwib e be ó é buobuo mozi.

Ebrœ̂ 3:4

Abe e mbɛr ndɨ e nkul edi, fim mbɛr abe. To kœb ó, Zyɛm ó b'a fumo sa yiyɛh!

Mɨngwiha 15:3

jɛɔ jɛɛ mo Moyiz, syɛl mosa mo Zyɛm. Jɛɛ yaa nteme, yé ó yaa mo Ma Ntœme. Bé a jɛɛ ó: «Da Zyɛm Nkul nyiwɛh! Bɨsyɛɛla byo, byé é laŋle bwaʼ. Ndwe nteme, byé ó bɨsa bɨ jehe. Mozi mo mɨmɛh, mé ó ocɨcyel. Mé ó maa mo ocyecye. Ndwe nteme, go ó Njwɨɨbʉr lé ekœʼ e bɨkul bibyɛh ɛ.