Ebrœ̂ 3:12 - Kálara Zyɛ̌m Edwán é mpʉ̌n

¹² Obɨɔ ga bam aa! Gʉa di ga ncye! Mʉr é mbɛr Zyɛm win aka nyamle be e leme ndɨ é lele lé ebuʼla ɛ. Nye l'aka nyamle kaŋa e Zyɛm ndɨ kublakubla ɛ.

Kálar Nzyɛ̌m : Ejwán é Sáá

¹² Bɨ́ɔɔ́ bâm! Okɛ́l bâm! Gwá di gá le ocwóó, ó mʉr ɨ́ sɔ́má yɨ́n ayɨ́ be e lémé dí ɨ́ lele lɨ́ ebúʼla wɨ́. Nyě sá agbɔba e Nzyɛ̌m dí kublakúbla nyá.

Ebrœ̂ 3:12 ပူးပေါင်းရင်းမြစ်များ

Ebrœ̂ 12:25

Ebe no, gʉa di ga ncye, ó bɨn beʼ l'abene mʉr mu lé ebal bɨn ɨ. Molu pihe, bé a si bene lé ejoʼo mʉr a ze é si nwaʼ ɛ. Nye a ze ó, nye bal ó be, bɛɛ l'akpɛl joʼo. É jɔʼ yé a ka be ó, ebebe laa pyala be e, yé a baabana ó, bé syɛhla le. No ó, mʉr a ka ze lwib e bɨna ga bɛɛ ɛ, nye ó ndɨ mʉr a duho é jobo kʉ ɨ. ǃBɨna si bene ga ejoʼo lɔɔ we nɛʼɛ, zê bɨna bé ósyɛhle ga bɨntɨʼa bɨ tɨ, laa be ɛ?

1 Korɛnt 10:12

No ó, mʉr lé ebuʼla ó, nye ó cɨcyel é lyanbe e, nye diʼe ncye, lé ekpɛɛ ó, nye amu jaa twe, aka mʉa!

Ebrœ̂ 10:38

Mʉr wam ndɨ e tiʼ molu mo mpoʼ mɨmɛh ɛ, nye ó njɨ waa a bi mokebe é mih mam ebe taa buʼo nye a jyɛʼ boo me e. Yé óbe si ka pyal ó, nyi buulo ntuʼo wa, leme wam, wé óbe ó, aka bee nye mbɨmbɨa.»

Ebrœ̂ 12:15

Diʼe ga ncye, ó mʉr ayi fib nkɔb é leme ncwɨncwɨa mo Zyɛm. Kaale lɨ ndɨ é dwie dwie e, bɨntoʼdu, byé amu pah, lé eduho tɨ. Byé óka lœʼ buobuo bʉr é mih mo Zyɛm.

Ebrœ̂ 3:10

É mpʉ bé a boblo me no e, me ntɔʼ ze kpaa empime e mya bʉr waa. No ó me a lɛɛ ó: “Bé ebɛa lɨŋa é buʼo. Bé dina ó lé ekʉ jeʼe edu zi me lé etɨe be e.”

Markus 13:33

No ó, diʼe ga é doʼlo [lé esa mɨnjwɨʼla], ebe, bɨn bé agʉa jɔʼ yaa.

Mataos 24:4

No ó Yesʉs a lɛɛ e be ó: «Diʼe ga ncye! Bé amu jaa gomlo bɨn é bebebebe zi,

Markus 13:9

«No, pɨrɨ ga mokʉ si. Bé óto e bɨn é mompʉm mo otamabʉr mɔɔ, to pur bɨn le ebuʼo bɨn mɨlɔb gʉ. Bé ónyuo bɨn mɨmbihe é mompah mɨnjwɨʼla myɔɔ. Bé óto e bɨn é mih mo ongoman le mɨnjwɨɨbʉr é lɔb wam. Bɨn bé ósaŋɔ no ó, bɨn nkʉʼ gʉa lɛɛ ocyecye bɨn lé egʉa é lɔb wam ɨ, bɛɛ lé ejoʼo.

1 Tesalonika 1:9

Bé ó lé elɛɛ bɨh bɛɛ mpʉ bɨn bé a soho bɨh é jɔʼ bɨh bé a ze gʉʼ bɨn ye e, e mpʉ bɨn bé a gwaʼ lé edwiibɨ bɨbaŋabaŋa bɨdweʼle e, lé eka du njɨ Zyɛm ɨ. Bɨn mu ó lé esea syɛɛ é l'efu e mpaŋ Zyɛm, waa ndɨ kublakubla ɛ.

Rôm 11:21

Zyɛm pa taare be, akamle e l'oYʉden, bʉr nye a taare komlo mpʉ mɨmpaŋ mɨlɔɔ mɨ lɨ ɨ, a dwɛʼra e bɨn! Nye aŋa kamle e bɨn.

Lʉkas 21:8

No ó Yesʉs a lɛɛ ó: «Diʼe ga ncye! Abir ga ó, mʉr gomla bɨn é bebebebe zi. Buobuo bʉr, bé óze e die lam, lé elɛɛ-lɛɛ ó: “Mɛm ó di Lœma mulo mo Zyɛm!” Bé ólɛɛ nteme ó: “Jɔʼ nɨ, yé mu ó kunokuno le epyal!” Sa gwar, mʉr adu ga be.

Markus 13:23

Pɨrɨ ga mokʉ si. Mɨ bal bɨn é lɔb bɨsyɛɛla byaa bibyɛh, byé l'apa syɛɛ ó nɨ.»

Mataos 16:16

Simɔn Pyɛr ntɔʼ bɨha ó: «Go ó Lœma mulo mo Zyɛm le Mwan mo Zyɛm ndɨ kublakubla ɛ!»

Kolosi 2:8

Diʼe ga ncye! Mʉr adil bɨn é l'olʉa é zi bɨkʉʉŋʉ bʉʉ bʉr bé elɛɛ-lɛɛ ó, byé ó «ocyoo o si nwa», byaa ndɨ eduho é mɨnjwɨr bɨmpam ga bina, nkʉ ntɔʼ ó, sikʉlʉ bʉr o si nwaʼ lé ekuhlo e. Mokan mɔɔ, mé aduho boo Yesʉs-Krɨst.

Ebrœ̂ 3:1

Ebe no, obɨɔ ga bam, mɨsaŋ mɨ bʉr mo Zyɛm, baa mu si jebɔ, njɨblɨ wɔɔ lé eduho é jobo kʉ ɨ, toŋla ga mpʉ Yesʉs ndɨ ɨ: nye ó mwa mɨlʉmlʉ mo Zyɛm, ndwe e njwɨɨ opara ga wina, waa bɨna ndɨ ekʉ mɛʼle ga ɛ.

Ebrœ̂ 3:19

Ebe no ó bɨna ndɨ ebee ga ó, bé a baani é l'egbala le e. Yé a be ó, ebe, bé a baajyɛʼ taa buʼo yɔɔ boo nye.

Ebrœ̂ 9:14

No ó, Krɨst nyɛɛ, nye elaa naa! Nye ópubo mɨleme ga mina e me motié, ó mɨpɛhla mɨleme ga mina nkʉʼ liʼ é pyɛɛɛ, myé l'aka toŋlo bɨsyɛɛla bɨ ebebe ga bina. É mbi waa ó bɨna bé ódwiibɨ ga Zyɛm ndɨ kublakubla ɛ. Ebe, é zi Mbɨambɨa Sisim lé edi njʉmdia e njʉmdia ɛ, nye a be ó si dwe Zyɛm Sɔŋ nyʉl we. Ndwɛa nyʉl we, wé ó b'a kʉ jala e bɨna, lé epɛʼ mɨsyem bɨna bé a sa ga ɛ. Wé nteme ó ndɨ e l'ombɨmbɨa é mɨpaʼ mimyɛh.

Ebrœ̂ 10:31

Zyɛm, nye ó kʉ be kublakubla! Mʉr lé ekur é mobo me e, nye é bul bil ekɛn!

Ebrœ̂ 12:22

Bɨn bɛɛ, bé abe no. Bɨn bɨ ze é l'ecwɨʼ e Sion. Yé ó nkana mo Zyɛm ndɨ kublakubla ɛ: Yerʉsalɛm, yaa dina é jobo kʉ ɨ. Beengles otɔɔyin otɔɔyin, bé ó tɨ, abe e tolɔɔ. Bé etwaare e l'ebʉʼ e bɨsʉhʉ.