Ebrœ̂ 3:1 - Kálara Zyɛ̌m Edwán é mpʉ̌n

¹ Ebe no, obɨɔ ga bam, mɨsaŋ mɨ bʉr mo Zyɛm, baa mu si jebɔ, njɨblɨ wɔɔ lé eduho é jobo kʉ ɨ, toŋla ga mpʉ Yesʉs ndɨ ɨ: nye ó mwa mɨlʉmlʉ mo Zyɛm, ndwe e njwɨɨ opara ga wina, waa bɨna ndɨ ekʉ mɛʼle ga ɛ.

Kálar Nzyɛ̌m : Ejwán é Sáá

¹ Bɨ́ɔɔ́ bɨ́h le okɛ́l bɨ́h dí egúmo e Nzyɛ̌m bá, mɨná gá ó bé á bi gá nkɔb mpwár: njɨ́blɨ́ Nzyɛ̌m á ntɨh mɨná gá, duho ɨ́ jʉ́o kʉ́ wɨ́. Jwɛ́ʼɛ́ɛ́ gá sɔ̂ʼ njɨ Yésʉs mpʉ nyé dí yɨ́: nye ó mʉr milʉ́mlʉ́ mé Nzyɛ̌m, báʼǎ be ntémé njwɨ́ɨ opara gá wɨ́ná mpʉ mɨ́ná dí ekam gá yɨ́.

Ebrœ̂ 3:1 ပူးပေါင်းရင်းမြစ်များ

2 Timotɛ 1:9

Nye a baajebe bɨna ebe mɨmpaŋ bɨsyɛɛla bina. Nye a dwe bɨna ga tiʼ molu mo mpoʼ mɨmɛh le ejebe bɨna ó, bɨna diʼe mɨsaŋ mɨ bʉr be. Nye a sa no ó, ebe pɛhla we nye mʉr tɨ, le ncwɨncwɨa nye a be e nye, waa nye a be ó, nye ólɛʼle bɨna ɛ. Nye a bɛa lɛʼle bɨna ncwɨncwɨa ó, kʉ e si apa cyeŋɔ, é zi mo Yesʉs-Krɨst.

Filipi 3:14

Me egba nyʉl lé eto dolo, to pyal é l'odumo. Me egwɨm mompɔʼ mo Zyɛm. Nye ejebe bɨna ga ó, bɨna toʼ, to bi ga mompɔʼ me é zi mo Yesʉs-Krɨst. Mɛɛ, mé ó koma é jobo kʉ.

Ebrœ̂ 7:26

Nye ó mbi njwɨɨ opara wé a kʉ jala e bɨna ga ɛ. Nye ó mʉr ndɨ ti, waa ndɨ akunbo e mpɨŋ ɨ. Sa ndɨ elœʼ mʉr é mih mo Zyɛm ɨ, yé akunbo e nye. Bé e l'osyɛl o mɨsyem, bé ó e bwaʼbwaʼ mbɛʼ. Nye nteme, nye ó mbɨna kʉ, laa jobo e l'ejyoo le ebantɛn.

Éfɛsɔs 4:1

Ebe no, mɛm, mʉr ndɨ mbʉʼ é zyɛŋa wɔɔ boo Da Yesʉs ɨ, me ejwɨʼla e bɨn ó, bɨn kœʼœ mbɨambɨa ebò e cyen Zyɛm a lɛɛ bɨn ó, bɨn kœʼœ œ.

1 Pyɛr 2:9

Sa gwar, bɨn bé ó bʉr nye a bɛa pɛh ó, bɨn diʼe nye opara le kul bʉr ndɨ ti ɨ. Bɨn bé ó kul bʉr ndɨ yaa ye e, é l'efu ó, bɨn gumla mbɨambɨa njwɨr mo Mʉr a jebe bɨn ɨ. Njɨblɨ we waa, wé ó b'a dwih bɨn é l'edurʉ, cen bɨn é myɛn ndɨ é nge-ngɨ-nge e.

Ebrœ̂ 2:17

Ebe, yé a jala ó, nye diʼe kʉ be mpʉ jyɛɛ ye é mɨpaʼ mimyɛh. Nye a nwɨɨla e bɨna ga é l'efu ó, nye nkʉʼ lɛʼle bɨna ga ncwɨncwɨa, le edi njwɨɨ opara ndɨ mʉr ebuʼla ɛ. Nye ó lé ejala le esea é mɨlɔb mimyɛh ndɨ edwɛʼ Zyɛm ɨ. Nye ó mʉr a dwè, jala e mɨsyem ga mina ɛ. Efie le, lé ó b'a leʼe empime mo Zyɛm.

Ebrœ̂ 10:21

Mpʉ bɨna ga mu e njwɨɨ opara ndɨ lʉ sa yiyɛh, waa ndɨ é mpaŋ Odia mo Zyɛm ɨ,

Éfɛsɔs 4:4

Nyʉl mo Krɨst, nye ó ngwar. Mbɨambɨa Sisim, nye ó ngwar. Mɨleme ga mina, myé ó mɨlwɨŋla e mbɛla ngwar, waa Zyɛm a gba bɨn é mɨleme é jɔʼ nye a jebe bɨn ɨ.

1 Tesalonika 2:12

Bɨh bé a si tɨe bɨn, le esa ó, bɨn tʉmɨ nyʉl ndwe le eboʼlo ó, bɨn bé ejala le ekœʼ ebò e cyen Zyɛm lé ekpɛl ó, bʉr kœʼœ œ. Tiʼa ga no, ebe, nye a jebe bɨn ó, bɨn niʼe é jwɨ̀ʼa ye, gumo kum we ndɨ epan ɨ.

1 Korɛnt 9:23

Me esa bɨsyɛɛla byaa bibyɛh ó, é l'efu le elɛɛ Mbɨambɨa Lɔɔ. Me esa no nteme ó, me nkʉʼ bi mombɨa mo tɨ, jala e nkɔb wam.

2 Timotɛ 2:7

Baʼla ekan me tile go lɨ, ebe, Da Yesʉs ódwe go ocyoo é mɨpaʼ mimyɛh.

1 Timotɛ 6:12

Bɨn e bʉr lé ejyɛʼ taa buʼo yɔɔ boo Zyɛm ɨ, fwɛmla ga, tɛlɨ ga mbɨmbɨa, bɨn biʼe tiʼ molu mo mpoʼ mɨmɛh. Zyɛm a jebe go ó, go biʼe tiʼ yaa. Yé a pyal go ó, é jɔʼ go a mɛʼle ocyecye é mih mo bʉr é buobuo e.

Rôm 15:8

Me eboʼlo bɨn lɔɔ wi: Krɨst a si dwir nye mʉr tɨʼ syɛl mosa é l'efu le oYʉden. Nye a sa no ó, é l'efu le elɛʼle bɨh mpʉ Zyɛm ndɨ mʉr ocyecye e. Nye esa bɨh syɛɛla yaa ó, lé edira monkɛʼ Zyɛm a liʼe bɨmpam bih e ma ɛ.

Ebrœ̂ 2:11

Yesʉs, mʉr lé epubo bʉr ɨ, bé e bʉr nye lé epubo e, bɨbɛh, bé mu ó bʉr o b'a duho é Sɔŋ ngwar ɨ. Ebe no ó Yesʉs ndɨ ajoʼo fwon lé ejebe be ó, obɨɔ bam e l'okɛl bam ɨ.

Yʉanes 20:21

Nye ntɔʼ bâʼle lɛɛ e be ó: «Motala, mé swɨŋɨ é bɨn. Mpʉ Sɔŋ wam a lomo me e, mɛm nteme, mɨ lomo bɨn.»

Yʉ̂d 1:1

Mɛm, Yʉd, syɛl mosa mo Yesʉs-Krɨst, ndɨ nteme mɨɔ mo Jacques ɨ, ó lé etile bɨn kalara nwa. Me etile ó, bʉr Zyɛm Sɔŋ a jebe ndwe le ekpɛl, baa ndɨ ebaʼlɔ é zyɛŋa wɔɔ boo Yesʉs-Krɨst ɨ.

Ebrœ̂ 3:14

Sa ndɨ tɨʼ ɨ, yé ó: ǃbɨna bé ódi ga e buʼo efoʼ, apɨŋla é buʼo, to pyal é l'efie nɛʼɛ, bɨna bé ódi ga bʉr o ndɨ e nkɔb é Krɨst ɨ.

1 Timotɛ 6:2

No ó, molʉa ndɨ egumo e l'obuʼla ɛ, bé ajala le epyeh omasa bɔɔ ebe mboʼla bé lé ekʉ boʼlo ó, bé ó obuʼla ɛ. Mʉr, nye ejala le esea syɛɛ elʉa ye mbɨmbɨa. Nye toŋla ó: «Mʉr lé edira nyɔm e syɛɛ yam ɨ, nye ó ndɨ mbuʼla me lé ebul kpɛl ɨ.» Bɨsa biʼ ó go lé ejala le eyeʼle ndwe le etɨe bʉr ɨ.

2 Tesalonika 2:14

Zyɛm a si jebe bɨn é zi syɛɛ bɨh bé a sa lé elɛɛ bɨn Mbɨambɨa Lɔɔ ɛ. Nye a sa no ó, bɨn nkʉʼ dwiibɔ, duu yaa lé ejala e nkɔb win, é jɔʼ Tî ga wina Yesʉs-Krɨst ónyin é dia taʼa ye e.

2 Tesalonika 1:11

É paʼ waa nteme ó bɨh lé ejwɨʼla é bɨjɔʼ bibyɛh é l'efu lɨn ó, nye beŋɨ mbɨmbɨa ó, bɨn bé ekœʼ ebò e cyen nye a jebe bɨn ó, bɨn kœʼœ œ. Bɨh bé ejwɨʼla nteme ó, nye cyɛba bɨn é mɨleme ó, bɨn loŋla bɨsyɛɛ bibyɛh bɨn mu lé ebuʼla ó, bɨn bé ejala le esea nye e.

1 Tesalonika 5:27

Me ejwɨʼla e bɨn é zyɛŋa wih boo Da Yesʉs ó, bɨn láŋa kalara nwaʼ é mosama mo obuʼla bɨbɛh.

Kolosi 3:12

Ebe no, é mpʉ bɨn mu mɨsaŋ mɨ bʉr mo Zyɛm, myaa nye a pɛh, myaa nye ndɨ ebul kpɛl ɨ, diʼe ga e njwɨʼa-nkoo paʼra win ndwe e ncwɨncwɨa. Filɨ ga monyʉl si. Diʼe ga bʉr o ndɨ é tala njwɨr ɨ, le bʉr o bihbe.

Kolosi 1:22

No ó, banana, Zyɛm, nyi sa sàa paʼra win boo nɔɔ, ó nye nkʉʼ cyel bɨn é mih me mɨsaŋ mɨ bʉr, abe e mobe, abe e sa ebebe nye a ngbaa nwahle bɨn e tɨ. Nye a sa sàa waa ó, é zi mo Mwan we é jɔʼ Mwan we a bir tiʼ ye, le emɛʼle ó, nyʉl we, nye dwèʼ e.

Kolosi 1:12

Bɨh bé edwe Zyɛm Sɔŋ kum, ebe, bɨn bé a si bi dia yin é jwɨ̀ʼa ye jwɨʼ gwar e gwar e mɨsaŋ mɨ bʉr be bɨbɛh, baa bɨn e boo nɔɔ mu si cenɔ é myɛn tʉŋlʉ ɨ.

2 Korɛnt 1:7

Mɨleme mih, myé ó lwɨŋla e mbɛla é lɔb win. Bɨh bé apɨŋla, ebe, bɨh bé egʉa ó, jwɨʼ gwar e gwar mpʉ bɨn lé ebi mɨtuu ɨ, no nteme ó Zyɛm ógba bɨn nkul é monyʉl ɨ.

1 Korɛnt 1:2

Bɨh bé etile ó, bʉr o mbɛr Zyɛm ndɨ ɨ Korɛnt ɨ. Yesʉs-Krɨst a si pubo bɨn. Zyɛm a jebe bɨn ó, bɨn diʼe mɨsaŋ mɨ bʉr be, bɨn e bʉr bɨbɛh ndɨ esa Tî ga wina Yesʉs-Krɨst mɨnjwɨʼla bɨgumo bɨgumo e. Nye ó Tî ga wina boo nɔɔ.

Rôm 15:27

Bé bʉr o tɨ, bé a si joʼo bɨsʉhʉ lé esa no. Syɛɛla yaa, yé óbe nteme ó, mpʉ mpɔla bé a ka mɛʼle le ejɛna ɛ. OYʉden onɨ ó b'a taare gul bʉr o ndɨ abe oYʉden ɨ, é l'efu ó, bé sʉŋɔ mocyɛʼ mo mpom mo Zyɛm. No ó, banana, yé ejala ó, bʉr o ndɨ abe oYʉden baa ɛ, bé fuʼa be, lé edwe be bɨsa mu lé esa be sɔɔlʉ ɨ.

Rôm 11:17

Mpoŋbʉr Ɨzraɛl, nye ó mpʉ lɨ olivye, yé a be-be e mɨlɔɔ myé a jala le esyɛh ɨ. Bé ze nʉa myʉʉ mɨlɔɔ mɨ lɨ olivye yé a pah é diʼ ɨ, ntɔʼ nɛr mye tɨʼ é kubo lɨ yaa. Jwɨʼ gwar e gwar yaa ó bɨn bé a nɛrɔ é kul oYʉden ɨ! Bɨn mu ó é zyɛŋa win boo nɔɔ lé egwɨm dira win nyɔm é mokana lé eduho é mɨkaale e.

Rôm 9:24

Sama bʉr baa, bé ó baa Zyɛm a pɛh ɛ. Nye a baapɛh-pɛh njɨ é kul bʉr oYʉden tʉŋlʉ. Nye a pɛh bʉr ó, é bɨkul bɨfih!

Yʉanes 20:27

Nye e Tomas ó: «Ntaʼ, ze laʼ dine yo wâ. Go à dwɛʼ mokœh mam. Go òfwam mbo go é mpah yam. Gwaʼa mosono. Buʼla.»

Mɨngwiha 18:20

«Bʉr o kʉ ndwe e mɨsaŋ mɨ bʉr, soha ga etɨʼla le. Mɨlʉmlʉ mye, ogwiha o mɨlɔb be, soha ga, bɨn bɨbɛh, ebe, Zyɛm, nyi tiʼe lɔb, dwe bɨn mokebe, dwe be mobe.»

Mɨngwiha 17:14

Bé ólʉo dɔm e Ma Ntœme, Ma Ntœme nyɛɛ lé entaa be é nkul dɔm, ebe, nye ó ndɨ Tî otî le Njwɨɨ ojwɨɨ. Bʉr o bé e boo nɔɔ lé entaa, bula e l'esaa é koo e, bé ó baa nye a jebe, le epɛh ɛ. Bé nteme, bé ó bʉr be ebuʼla.»

1 Yʉanes 1:3

Sa bɨh bé a bee e mih mɨh, joʼo e mogwal mɨh ɨ, yé ó bɨh lé etuno bɨn nteme, é mbi ndɨ ó, bɨna nkʉʼ di ga é zyɛŋa-mɨleme. Zyɛŋa bɨna bé ósyɛŋa ga ɛ, nye óbe ó é zyɛŋa ga wina boo Zyɛm Sɔŋ bé e Mwan we Yesʉs-Krɨst.

1 Pyɛr 5:10

Zyɛm, nye ó mʉr lé elɛʼle bɨna ga ncwɨncwɨa we é bɨjɔʼ bibyɛh ɛ. Nye nteme ó b'a jebe bɨna ga ó, bɨna toʼ, to di ga é moncɛnba me é zi mo Krɨst. Moncɛnba maa, mé ódi njʉmdia e njʉmdia. ǃBɨn si sia e mɨtuu, tɔɔ ba ma peh jɔʼ nɛʼɛ, Zyɛm óbâʼle komlo bɨn. Nye cyelɨ bɨn mokʉ si é kpɨɨɨ. Nye bâʼla gba bɨn nkul é monyʉl. Nye fuma bɨn si é piʼi.

1 Pyɛr 5:1

Ebe no, mɛm, Pyɛr, me ejwɨʼla e bɨn, ocyɛb be efoʼ o Mbɛr-Zyɛm bɨbɛh, mɛm mʉr ndɨ nteme cyɛb efoʼ e, bâʼle be nteme mboʼla a bee é jɔʼ Krɨst a sia e mɨtuu ɨ. Me nteme, me ó mboʼla óbi nkɔb é moncɛnba muno ze nyin é kpɛŋlɛm ɨ.

1 Pyɛr 3:5

Molu pihe, bʉba bé a be mɨsaŋ é mih mo Zyɛm ɨ, mɨleme myɔɔ, myé a be ó lwɨŋla e mbɛla é nko paʼ mo Zyɛm. Bé ntɔʼ gba mpaŋ ojaa waa é monyʉl mɔɔ tʉŋlʉ. Bé a dɨ sa ojʉm bɔɔ ó, njɨ mojoʼo.

Ebrœ̂ 9:11

Krɨst, nye mu ó si nʉa dia njwɨɨ opara, ntɔʼ ze kab bɨna ga bɨsa bɨ embɨa bɨna lé ebono ga ɛ. Nye esea syɛɛ ye yaa ó, é Saʼ Nɨnɨ mo Zyɛm yé a be, afumɔ e mobo mo bʉr ɨ. No yé ó, yé abe lé egumo e si nwa. Yé elaa Saʼ Nɨnɨ mo Zyɛm yé a taare be e, é l'ompwaʼ ndwe e l'ombɨmbɨa é mɨpaʼ mimyɛh.

Ebrœ̂ 6:20

É tiʼe yaa ó Yesʉs a ni ɨ. Nye a si ni efoʼ e bɨna ga, ze to é mih mo Zyɛm é l'efu ga lɨna. Nye mu bɨna ga ó Njwɨɨ opara é l'esama le opara mo Mɛlkisedɛk. Nye ódi nteme ó no njʉmdia e njʉmdia.

Éfɛsɔs 3:6

Lwib odim yaa ó yi: Mbɨambɨa Lɔɔ bɨna lé etuno ga ɛ, wé esa ó, bɨn, bʉr o ndɨ abe oYʉden ɨ, biʼe nteme mopoʼ boo Zyɛm, jala e nkɔb win, jwɨʼ gwar e gwar mpʉ oYʉden, bé óbi me e. Bɨn e boo nɔɔ mu ó bɨfum bɨ nyʉl ngwar. Bɨn e boo nɔɔ nteme mu ó bʉr bé óliʼ lé ebee mpʉ Zyɛm ósil dira monkɛʼ me e. Nye ódira monkɛʼ maa ó, é zi Yesʉs-Krɨst, duho é Mbɨambɨa Lɔɔ bɨna lé etuno ga ɛ.

1 Korɛnt 10:17

Bler, yé ó njɨ gwar. Bɨna dam buo ga, bɨna ga bé yɛɛ ó nyʉl ngwar, ebe, bɨna ga bé ó e nkɔb e bler gwar.

Yʉanes 17:3

Tiʼ molu mo mpoʼ mɨmɛh, yé ó, bé gʉŋa go, ó go ó ndɨ mpaŋ Zyɛm ndɨ ngwar e ngwar ɨ. Bé gʉŋa nteme Yesʉs, mɛm, mʉr go a lœm mulo, waa go a ntɨh kaʼ ɛ.

Mɨlʉmlʉ 1:15

É jɔʼ yaa, mpʉ obuʼla bé a syɛŋa, kwoʼ be bʉr nter e bʉr mowʉm moba (120) ɛ, Pyɛr ze mʉa si, cyɛb teme ntuntuma bʉr nɨ. Nye ó:

2 Korɛnt 9:13

Syɛɛ bɨn lé esea ɛ, yé ó bwaʼbwaʼ dweʼle, sa lé elɛʼle bʉr ó, bɨn bé ó obuʼla ɛ. Taare é jɔʼ bɨn bé a mɛʼle Mbɨambɨa Lɔɔ mo Krɨst ɨ, ze pyal é muh é dobo lɨ, bɨn bɨ fil monyʉl si, lé esa Zyɛm mojoʼo. Ebe no ó bʉr, bé ódwe Zyɛm kum ɨ, é jɔʼ bé óbee mpʉ bɨn lé egul be e mobi mɨn, kumo e bʉr bɨbɛh ɛ.

Ebrœ̂ 3:12

Obɨɔ ga bam aa! Gʉa di ga ncye! Mʉr é mbɛr Zyɛm win aka nyamle be e leme ndɨ é lele lé ebuʼla ɛ. Nye l'aka nyamle kaŋa e Zyɛm ndɨ kublakubla ɛ.

Ebrœ̂ 7:28

Motie mo Zyɛm, mé a kʉ cyel é dia njwɨɨ opara ó, bʉr o b'a be é cyɛʼ ɛ. No ó, pie motie maa, Zyɛm ze de mɨnkɛla, nye mʉr tɨʼ ze cyel Mwan we é dia njwɨɨ opara. Mwan we ó b'a kumo é l'ombɨmbɨa é mɨpaʼ mimyɛh, ó nye sea nye syɛɛ opara yaa njʉmdia e njʉmdia.

Ebrœ̂ 9:15

Ebe no ó Krɨst ndɨ mosàa-mɔm lé eduula paʼra wina boo Zyɛm ɨ. Nye a cyelɔ é dia mosàa-mɔm yaa ó, Zyɛm nkʉʼ de edwan e mpʉn ɨ. Nye a de mpʉn waa ó, e bʉr nye a jebe e, ó bé biʼe tiʼ molu mo mpoʼ mɨmɛh nye a kɛʼ be e. Ebe, Krɨst a si kɛha tiʼ ye lé ejala e mɨsyem ga mina, ó nye kʉrɨ bɨna ga. Mɨsyem myaa, myé a dɨ mɛr bɨna ga ó, taare é jɔʼ bɨna bé a be ga é mpʉn nye a taare de e bɨmpam ga bina ɛ.

Ebrœ̂ 10:19

Ebe no, obɨɔ ga bam aa! Eswɨɨ e motié mo Yesʉs, lɨ sa ó, mɨleme ga mina diʼe mɨlwɨŋla e mbɛla. Bɨna toʼ ga ó, to pyal é l'Odia mo Zyɛm ndɨ e l'ekɛn ɨ, tʉŋlʉ.

Ebrœ̂ 10:23

Bɨna mɛʼla ga sa lé eloŋlo mɨleme ga mina e mbɛla ɛ, abe e l'ocabcab. Mʉr a liʼe bɨna ga e monkɛʼ ɛ, nye nteme, nye ó mʉr ebuʼla.

Ebrœ̂ 13:22

Obɨɔ ga bam aa! Me etile bɨn ó, me gbaʼ bɨn nkul é monyʉl. Me etile ó, bwa mokan abuo. No ó, me ejwɨʼla e bɨn ó, bɨn dihba mokan maa lé ejoʼo!