Ebrœ̂ 2:9 - Kálara Zyɛ̌m Edwán é mpʉ̌n

⁹ Sa bɨna lé ekʉ gʉa bee ga ɛ, yé ó: é ma peh jɔʼ, Zyɛm a si taare fil Yesʉs si, beengles laa nye ba é duu. Pie tɨ, nyi ka bœr nye epʉʼlʉ é lʉ, le edwe nye kum ndwe e duu, ebe, nye a si sia e mɨtuu, ntɔʼ dwè. Sa nɨ yiyɛh é l'efu ó, Zyɛm lɛʼla bʉr bɨbɛh ncwɨncwɨa, lé esa ó, Yesʉs jala e be.

Kálar Nzyɛ̌m : Ejwán é Sáá

⁹ Sá mɨ́ná dí ekʉ́ gwá bee gá yɨ́, yé ó: ɨ́ mâ péh jɔʼ, Nzyɛ̌m á si nyɛɛ sul Yésʉs sí, beéngeles bá laa nyé ɨ́ dúu. Píe tɨ̂, nyɨ́ kǎ dil nyé káráá jwɨ́ɨ ɨ́ lʉ̂, lɨ́ edwe nyé kûm ndu e dúu, ebě, Yésʉs á si sia e mitúú, ntɔ̂ʼ dwe. Ɨ́ mbi waá ó Nzyɛ̌m á cwɨ́a e bʉr bɨ́bɛ̂h yɨ́, lɨ́ esâ ó, Yésʉs dwêʼ lɨ́ esú lɔ́ɔ́.

Ebrœ̂ 2:9 ပူးပေါင်းရင်းမြစ်များ

Mɨngwiha 5:9

Bé a jɛɛ-jɛɛ ó, edwan e jɛɛ. Bé ó: «Go ó lé ejala le enʉa mbom kalara wi, bʉ oluʼ bé a ŋmɛhɔ sitam ɨ, le egwìh mbom kalara, ebe, go a si jʉŋɔ. Go ntɔʼ jɛna bwaʼbwaʼ tɔɔ, lé ekʉr bʉr. Motié mo, mé a si bwam Zyɛm Sɔŋ sa yé a jala e nye e: bʉr o moveh mɨmɛh, ndwe e bɨlwib bibyɛh, bʉr o mɨlal mimyɛh, ndwe e bɨkul bibyɛh.

1 Yʉanes 2:2

Ebe, Yesʉs-Krɨst, nye ó mʉr a dwè, jala e mɨsyem ga mina, efie le laa, lé ó ngo leʼe empime mo Zyɛm. Abe njɨ mɨsyem ga mina, myé ome. Nye a dwè ó, jala e bʉr o si nwaʼ nyiwɛh!

Rôm 5:18

Jwɨʼ gwar e gwar mpʉ bʉr bɨbɛh, bé a dweŋɔ mobe, duho é mʉr ngwar a ntaa etie e, no nteme ó, mpaŋ syɛɛla mʉr ngwar a sa ɛ, yé ópɛʼ bʉr bɨbɛh é nkar ɨ. Bé ósɔba é feerɨ, ze bi tiʼ molu mo mpoʼ mɨmɛh.

Mɨlʉmlʉ 2:33

Nye a si bere, to di si é mbo ejʉm mo Zyɛm. Nye ó b'a ntɨh bɨh Mbɨambɨa Sisim, waa Zyɛm Sɔŋ a kɛʼ bɨh ɨ. Wé ó bɨn lé ebee le ejoʼo e.

Yʉanes 3:16

«Zyɛm a be ó si bul laŋle kpɛl bʉr o si nwa. Ebe no ó nye a ntɨh Etiʼe e Mwan le ó, waa nyiwɛh ójyɛʼ taa buʼo boo nye e, aka dim. Nye biʼe tiʼ molu mo mpoʼ mɨmɛh.

2 Korɛnt 5:15

Nye a si jala e bʉr bɨbɛh é l'efu ó, bɨbɛh biʼe tiʼ molu mo mpoʼ mɨmɛh. Cye yiyɛh bé dina kʉ ɨ, bɨtiʼ byɔɔ, byé ejala le ebe e nyɔm é l'efu e mʉr a jala e be, ntɔʼ pàh ɛ. Bé aka jala le eka saa myɔɔ mɨnyɔm.

Ebrœ̂ 10:5

Ebe no, é jɔʼ Krɨst a be, nye mu kunokuno le eni é si nwaʼ ɛ, nye a lɛɛ e Zyɛm ó: «Go agwɨm ó, bé dweʼ go motwina, nkʉ mɨndwɛa. Go a cye nyʉl wam ó, nye jɛna mobyaʼ mo bʉr.

Rôm 5:8

Yesʉs-Krɨst nyɛɛ a dwè, jala e bɨna ga ó, é jɔʼ bɨna bé a be ga lé ekʉ sa njɨ mɨsyem ɨ! No ó Zyɛm ndɨ elɛʼle bɨna ga kpɛl ye e.

Yʉanes 1:29

É mɛn tɨ, Yʉanes ka bee ó, Yesʉs lé eze boo nye! Yʉanes ze lɛɛ ó: «Mbe ga: Ma Ntœme mo Zyɛm lé edwih mɨsyem mɨ bʉr bɨbɛh nwa ɛɛ!

Yʉanes 12:32

No ó, é wam paʼ, é jɔʼ me ópɛʼɔ é si nwa, bɨnɔ kʉ ɨ, me ódulo bʉr bɨbɛh nko me óbe e.»

Ebrœ̂ 7:25

Ebe no, bʉr o ngo dihle kunokuno e Zyɛm dumo e nye e, nye e nkul edwe be tiʼ molu mo mpoʼ mɨmɛh. Nye ekʉ pɛʼ mobebe mɔɔ mɨmɛh. Mpʉ nye lé edi njʉmdia e njʉmdia ɛ, no nteme ó nye ndɨ e nkul esa Zyɛm mɨnjwɨʼla é l'efu lɔɔ é jɔʼ yiyɛh ɛ.

1 Pyɛr 1:21

Krɨst ó b'a sa ó, bɨn jyɛʼɛ taa buʼo yin boo Zyɛm, waa a pɛ̀h nye é foo, waa a dwiibɨ nye nteme e. Ebe no ó buʼo yin ndwe e mbɛla win lé etiibe njɨ e Zyɛm ɨ.

Ebrœ̂ 8:3

Njwɨɨ opara nyiwɛh, nye cyela é dia para ye ó, nye dweʼ Zyɛm mɨndwɛa ndwe e motwina. Ebe no, yé ekʉ jala ó, nye pyala boo Zyɛm e sa nye ódwe nye e.

1 Timotɛ 2:6

Nye ó b'a kɛha tiʼ ye lé ejala e mobebe mo bʉr bɨbɛh, le ekʉr be e. No ó, mboʼla waa, wé a lɛɔ ó, njɨ é jɔʼ wé a jala le elɛɔ ɛ.

2 Korɛnt 5:21

Mʉr a baasa syem ɨ, nye ó ndɨ waa Zyɛm a kɛl mɨsyem mimyɛh é koo é ziʼrɨ ɨ. Yé a be ó é l'efu ga lɨna, ó bɨna nkʉʼ di ga ocɨcyel o bʉr é mih mo Zyɛm dumo e cɨcyel mʉr waa.

Rôm 8:32

Zyɛm nyɛɛ a baakamle e Mwan we. Nye a dwe tiʼ Mwan we ó, é ziila e bɨna ga bɨbɛh. Zyɛm pa taare dwe bɨna ga Mwan we, a dwɛʼra e bɨsa bɨfih bibyɛh! Nye óbana dwe bɨna ga bya nteme, mpʉ nye a taare dwe bɨna ga Mwan we e.

Galásia 4:4

Yé ntɔʼ ka pyal é mbɨambɨa jɔʼ Zyɛm a bɛa cyel ɨ. É jɔʼ yaa ó nye a ntɨh Mwan we, ó nye ntaʼ, ze byɛl é mo mo nuu mʉma. Mwan waa a be ó é monkara mo mɛra motie.

Mɨlʉmlʉ 3:13

Nyi tiʼɔ mpʉnʉ ó, ebe Zyɛm mo Abraham, e Ɨzak ndwe e Yakɔb ndwe e bɨmpam ga bɨna. Nyɛɛ be ó si kpɛl ó, nye dwiibɨ syɛl mosa we Yesʉs. Bɨn bɛɛ, bé a si kɛha nye, ntɛŋɔ nye é mobo mo Pilat ó, nye jʉʼo nye. Bɨn bé a kɛha nye no ó, Pilat, nye osi tiʼe é leme we ó, nye bir ó nye.

Rôm 8:3

Yé ó no! Ebe, yé a baabana ó, bɨna biʼe tiʼ molu mo mpoʼ mɨmɛh ebe mbi bɨna lé edu ga motie e, ebe, nyʉl bɨpuno ga wina a be ó é cyɛʼ. Sa motie mo Moyiz, mé a baakoʼo lé esa ɛ, Zyɛm nyɛɛ a si bana sa ye. Nye a si ntɨh Mwan we é si nwa, nyʉl we lé ekʉ nwɨɨla e waa ga wina, osyɛl o mɨsyem. Nye a ze é lɔb syem ga wina waa ó, nye ntaʼ, ze pɛʼ we. Zyɛm a si dwe Yesʉs mobe é lɔb syem waa.

Yʉanes 10:17

«Me edwè, jala e bye. Ebe no ó Sɔŋ wam ndɨ ekpɛl me e. Me ótaare dwè; me òka nʉa tiʼ yam.

Yʉanes 8:52

OYʉden, bé e nye ó: «Banana, bɨh bɨ gʉa ó, go ó bana kʉ be e l'eleme! Abraham a si dwè, ogwiha o mɨlɔb si dwè nteme. To kœb ó, gwɔɔ, go elɛɛ ó, ǃɨ mʉr si baʼle lwib yo nɛʼɛ, nye l'aka dwè!

Mataos 16:28

Me elɛɛ bɨn cyecye ó nɛɛ: é sama bʉr o ndɨ wâʼ bananaʼ ɛ, bʉʉ, bé aŋa dwè, bé l'apa bee Mwan mo Mʉr lé eze cyel jwɨ̀ʼa ye cyecye.»

Mɨngwiha 19:12

Mih me, mé ó mpʉ njʉl siʼe. Nye a be ó si bwar buobuo mopʉʼlʉ é lʉ we. Lʉʉ die, lé a be ó cɨma é nyʉl we. Die laa, abe e mʉr a gʉa le, njɨ nye ome.

Ebrœ̂ 2:7

É ma jɔʼ, go a si fil nye si. Beengles, bé a si nyin e duu, laa nye ba titia. Pie tɨ, gɨ ka bœr nye epʉʼlʉ é lʉ, le edwe nye kum ndwe e duu.

Lʉkas 9:27

Me elɛɛ bɨn cyecye ó nɛɛ: é sama bʉr o ndɨ wâʼ bananaʼ ɛ, bʉʉ bé aŋa dwè, bé l'apa bee jwɨ̀ʼa mo Zyɛm.»

Markus 9:1

No ó Yesʉs a lɛɛ e be ó: «Me elɛɛ bɨn cyecye ó nɛɛ: é sama bʉr o ndɨ wâʼ bananaʼ ɛ, bʉʉ bé aŋa dwè, l'apa bee jwɨ̀ʼa mo Zyɛm lé ecyelɔ cyecye.»

Mataos 6:28

Ebe yé bɨn lé esyɛl ba e monyʉl mɨn, tiibe e mompor ɨ? Paʼ dwɛʼ ga mpʉ ofulawa lé eto le ebuʼba le esam é bɨpeme e. Ofulawa baa, bé abe lé esea syɛɛ, nkʉ tie mɨkan.

Yʉanes 8:51

Me elɛɛ bɨn cyecye ó nɛɛ: ǃɨ mʉr si baʼle lwib yam nɛʼɛ, nye l'aka dwè.»

Ebrœ̂ 1:9

Go ekpɛl ó, mʉr ndɨ cɨcyel ɨ, nwim waa ndɨ ntɔɔ motie e. Ebe no, Zyɛm ɛ! Zyɛm Sɔŋ go a si lœm go mulo le eloŋlo leme go e bɨsʉhʉ, laa bʉr o nduo yo.»

Ebrœ̂ 11:5

Buʼo mo Enɔk ó b'a sa ó, nye beʼ l'adwè. Nye a di é di di di, bʉr ntɔʼ sanɔ nye. Nye a baaka beɔ, ebe, Zyɛm a si nʉa nye. Yé ó tila ó, Enɔk apa bɨnɔ kʉ, Zyɛm a si bɛa bee nye mbɨmbɨa.

Ebrœ̂ 12:2

Mih ga mɨna, mé dwɛʼa sɔʼɔ, njɨ Yesʉs, ebe, nye ó etin e buʼo ga yina. Nye nteme ó b'a sa ó, buʼo ga yina diʼe é l'ombɨmbɨa é mɨpaʼ mimyɛh. Nye a mɛʼle ó, nye sia e mɨtuu, bé jʉʼo nye, lé ecyèl nye é klos kʉ. Nye a si pyeh fwon mʉr lé ebi é mbi efie laa ɛ. Nye a fuo mɛʼle ó, nye dwèʼ no ó, nye nkʉʼ bi bɨsʉhʉ Zyɛm a bɛa komo nye e. Banana, nye mu ó si é die é mbo ejʉm mo Zyɛm Sɔŋ, mʉr ndɨ é dia taʼa ɛ.