Ebrœ̂ 2:8 - Kálara Zyɛ̌m Edwán é mpʉ̌n

⁸ Go a si gba sa yiyɛh é jwɨɨ ye si, é mokʉ me si.» Mpʉ Zyɛm mu si syɛŋ bɨsa bibyɛh, gba bye é jwɨɨ ye si ɨ, yé abe e sa gwar ndɨ abe fila si é jwɨɨ ye yaa. To kœb ó, banana, bɨna bé apa bee ga ó, bibyɛh, bi sil gbaŋɔ é jwɨɨ ye.

Kálar Nzyɛ̌m : Ejwán é Sáá

⁸ Go á si gbâ sá yɨ́yɛ̂h ɨ́ jwɨ́ɨ́ yé, sí mebo mé.» Mpʉ̌ Nzyɛ̌m mû sí syɛŋ bísá bíbyɛ̂h, gbâ byé ɨ́ jwɨ́ɨ́ yé yɨ́, yé abe e sâ gwár dí abě sulá sí ɨ́ jwɨ́ɨ́ yé yaá. Tó kœb ó, ɨ́ báánâ, mɨná dína apǎ bee gá ó, bíbyɛ̂h, bí sîl égbáŋɔɔ ɨ́ jwɨ́ɨ́ yé.

Ebrœ̂ 2:8 ပူးပေါင်းရင်းမြစ်များ

Yʉanes 13:3

Yesʉs nye mʉr tɨʼ a be lé egʉa ó, nye a duho ó, boo Zyɛm, gʉa nteme ó, nye óbula, to boo Zyɛm. Nye a gʉa nteme ó, Sɔŋ we a be si gba sa yiyɛh é jwɨ̀ʼa ye e.

1 Korɛnt 15:27

ebe, yé ó tila ó: «Zyɛm a si gba bɨsa bibyɛh é jwɨɨ ye. Byé óbe ó é mobò me si.» Ebe no, yé elɛʼle é sʉlʉlʉ ó, Zyɛm nyɛɛ, mʉr lé egba sa yiyɛh é jwɨ̀ʼa mo Krɨst yaa ɛ, nye abe tɨʼ é jwɨ̀ʼa yaa tʉŋlʉ.

1 Pyɛr 3:22

Nye a si bere é jobo kʉ. Nye mu ó é mbo ejʉm mo Zyɛm Sɔŋ, gumo nye lé ejwɨʼ beengles, le mɨsisim ndɨ e mojwɨ̀ʼa ndwe e myaa ndɨ e nkul ɨ.

Mɨngwiha 1:18

Me ó waa ndɨ kublakubla ɛ. Me a si dwè. Mbe ga: me mu ó é tiʼ molu mo mpoʼ mɨmɛh! Me ó ndɨ e bɨdiba bɨ zi mɨndim, ndwe e byaa bɨ kwar odwè.

Ebrœ̂ 1:13

Zyɛm a baalɛɛ é lʉʉ dobo, tiibe e nuu engles we ó: «Ntaʼ, ze di si wâ, é mbo ejʉm wam, to pyal é jɔʼ me ósa bʉr o dɔm bo ó, bé diʼe cyela mokʉ yo e.»

Mɨngwiha 1:5

Mocyɛʼ mo mpom le motala mo Yesʉs-Krɨst, mé swɨŋɨ é bɨn. Nye ó ndɨ mpaŋ mboʼla, le mʉr ebuʼlɔ. Nye ó mwan modweʼe mo Zyɛm a pàh é foo e. Nye ó ndɨ ejwɨʼ mɨnjwɨɨbʉr mɨ si nwa. Nye a si kpɛl bɨna ga, nye ze sʉ motié me si, lé edwih bɨna ga é mpila mɨsyem ga mina é pololo.

Ebrœ̂ 2:5

Jwɨ̀ʼa Zyɛm ófuʼla cyel cyecye, yaa lɔb we bɨh lé elwib ɨ, yé óbe ó é jwɨ̀ʼa mo nuu mʉr. Ntʉʼ beengles nye a cyel é bɨdia bɨ taʼa é l'efu le ejwɨʼ bʉr o ndɨ é jwɨ̀ʼa yaa ɛ.

Yʉanes 3:35

«Zyɛm Sɔŋ, nye ekpɛl Mwan we. Nyi bɛa gba sa yiyɛh é jwɨ̀ʼa ye.

Mataos 28:18

Yesʉs ntɔʼ dihle nko bé a be e. Nye e be ó: «Mɨ bi nkul mojwɨ̀ʼa mo kʉ ndwe e maa mo si nwaʼ nyiwɛh.

Ebrœ̂ 1:2

No ó, é mpʉ esie e mbi jɔʼ yi, lé mu ó kunokuno le epyal ɨ, nye mu ka lwib e bɨna ga ó, cwɨɨ é Mwan we. Mwan we ó nye a kɛʼ ó, nye óbi bɨsa bibyɛh. É zi we ó Zyɛm a cye mosi mɨmɛh ɛ.