Ebrœ̂ 2:3 - Kálara Zyɛ̌m Edwán é mpʉ̌n

³ Bɨna bɛɛ, bé a be ó si joʼo ga mpaŋla tiʼ lé elaa mpaŋla beengles bé a cenɔ ɛ. Mʉr a taare cen mpaŋla waa ɛ, a be ó Da Yesʉs nye mʉr tɨ. Nteme, bʉr o b'a taare joʼo mpaŋla tiʼ waa ɛ, bé ó b'a lɛɛ e bɨna ga ó, nye ó mpaŋla ndɨ e modile e. ǃBɨna si pyeh ga mpaŋla waa nɛʼɛ, wáa mbi bɨna bé óka syɛhle ga mo Zyɛm ɨ?

Kálar Nzyɛ̌m : Ejwán é Sáá

³ Mɨná gá bɨɛ bé á be ó sí ntɨhɔɔ̌ lɔ́ɔ́ twiʼ dí elaa mpáŋla bééngeles bé á túno nyɨ́. Mʉr á nyɛɛ lɛ́ɛ lɔ́ɔ waá nyá, á be ó Tî Yésʉs mʉr tɨ̂. Ntémé, bʉr o b'á jóʼo nye bá ó b'á lɛ́ɛ mɨná gá ó, wé ó lɔ́ɔ dí e nkul wɨ́. Á nó, mɨ́ná ópyêh wé nó, mɨná bé okǎ swab gá nkoó?

Ebrœ̂ 2:3 ပူးပေါင်းရင်းမြစ်များ

Ebrœ̂ 12:25

Ebe no, gʉa di ga ncye, ó bɨn beʼ l'abene mʉr mu lé ebal bɨn ɨ. Molu pihe, bé a si bene lé ejoʼo mʉr a ze é si nwaʼ ɛ. Nye a ze ó, nye bal ó be, bɛɛ l'akpɛl joʼo. É jɔʼ yé a ka be ó, ebebe laa pyala be e, yé a baabana ó, bé syɛhla le. No ó, mʉr a ka ze lwib e bɨna ga bɛɛ ɛ, nye ó ndɨ mʉr a duho é jobo kʉ ɨ. ǃBɨna si bene ga ejoʼo lɔɔ we nɛʼɛ, zê bɨna bé ósyɛhle ga bɨntɨʼa bɨ tɨ, laa be ɛ?

Rôm 2:3

Gwɔɔ mʉr lé edwe bʉʉ bʉr mobe ebe bɨsyɛɛla bé lé esa ɛ, gwɔɔ nteme lé esa bɨsyɛɛla bɨmpwar byaa! Go ósa nyá ɛ? Zê go ósyɛhle tiʼa mɨlɔb mo Zyɛm ɛ?

Ebrœ̂ 5:9

Pie mɨtuu myaa ó nye a be, nye mu si kumo é l'ombɨmbɨa é mɨpaʼ mimyɛh ɛ. No ó nye a ze fuʼla Etin e tiʼ é l'efu e bʉr bɨbɛh bé ósa nye mojoʼo e.

Mɨlʉmlʉ 4:12

«Bʉr o ndɨ ebi tiʼ molu mo mpoʼ mɨmɛh ɛ, bé ebi ye ó, é zi mo Yesʉs, ebe, é si nwaʼ nyiwɛh, yé abe e lʉʉ die efih Zyɛm a lɛʼle bʉr ó, lé ó e nkul edwe be tiʼ molu mo mpoʼ mɨmɛh ɛ, nkʉ yé abe laa le.»

Ebrœ̂ 4:11

Ebe no, bɨna gbaʼ ga monyʉl lé eni é l'egbala laa. Bɨn bé amu sa ebɨh lé ekœʼ ebò e cyen bɨmpam ga bina, bɨn ntɔʼ lɨŋa é buʼo.

Ebrœ̂ 1:2

No ó, é mpʉ esie e mbi jɔʼ yi, lé mu ó kunokuno le epyal ɨ, nye mu ka lwib e bɨna ga ó, cwɨɨ é Mwan we. Mwan we ó nye a kɛʼ ó, nye óbi bɨsa bibyɛh. É zi we ó Zyɛm a cye mosi mɨmɛh ɛ.

Lʉkas 1:2

Bɨsyɛɛla byaa, byé a tilɔ-tilɔ ó, mpʉ bʉr o b'a be tɨʼ ɨ, bé a ntɨh bɨna lɔɔ bɨsyɛɛla bé a bee e mih mɔɔ, duho é l'etɔɔrʉ ɨ. Bé nteme mu ó osyɛl o mosa o lɔɔ waa.

Mɨngwiha 7:10

Bé a lɛɛ-lɛɛ kʉ kʉ ó: «Zyɛm Sɔŋ ga wina, mʉr ndɨ é dia taʼa ɛ, bé e Ma Ntœme, bé ó ndɨ edwe bʉr tiʼ molu mo mpoʼ mɨmɛh.»

Títos 2:11

Zyɛm, nyi lɛʼle ncwɨncwɨa we é pono. Nye mu ó lé edwe bʉr bɨbɛh tiʼ molu mo mpoʼ mɨmɛh é zi ncwɨncwɨa we.

1 Timotɛ 1:15

Lɔɔ wi, wé ó lɔɔ ebuʼla, waa bʉr bɨbɛh lé ejala le emɛʼle e: Yesʉs-Krɨst a ze kaʼ é si nwaʼ ó, nye ntaʼ, ze dwe osyɛl o mɨsyem tiʼ molu mo mpoʼ mɨmɛh. No ó, é sama osyɛl o mɨsyem yaa, mɛm ó b'a be si sahle!

Mataos 23:33

«Bɨn, kul onyʉa! Bɨn, kampaŋa bɨgurokɔɔ yi! Zê bɨn bé e nkul esyɛhle tiʼa mɨlɔb wé ócen bʉr é Bɨ-siʼe e?

Ebrœ̂ 4:1

Ebe no, mpʉ Zyɛm a liʼe bɨna ga e nkɛʼ ó, nye ódib zi egbala é l'efu ga lɨna ɛ, gʉa di ga ncye! Mʉr ngwar é l'esama lɨn, nye ajala le efib we nkɔb egbala laa.

Mɨlʉmlʉ 2:22

«Mbɛngɛɛ! Bɨn bwa b'Ɨzraɛl ɔɔ! Zyɛm a be ó si bɨlan e Yesʉs, mʉr Nazarɛt, lé esa mosima e bɨsa bɨ jehe ndwe e bɨdweʼle bɨ nkul we é mih mɨn. Zyɛm a sa bɨsyɛɛla byaa é mobo me no ó, nye nkʉʼ lɛʼle bɨn mbi mʉr Yesʉs a be e. Bɨn bé ekʉ gʉa no.

Yʉanes 15:27

Bɨn bɛɛ nteme, bé óboʼlo lɔb wam waa, ebe, bɨna ga ó b'a be, duho é l'etɔɔrʉ.»

Lʉkas 24:19

Yesʉs ntɔʼ dî e be ó: «Yé ba syɛɛ gʉʼ ɨ?» Bé ntɔʼ bɨha e nye ó: «Lɔb mo Yesʉs, mʉr Nazarɛt ó bɨh lé elwib wi. Nye be ó ngwiha mɨlɔb wih, e nkul nɨnɨ é bɨlwib bye ndwe e bɨsyɛɛla nye dɨ sa ɛ. Dam be Zyɛm, nkʉ nteme bʉr, bé a si bee no, bɨbɛh.

Markus 1:14

Pie tɨ, Yesʉs ze to Galɨle, to le elɛɛ Mbɨambɨa Lɔɔ lé eduho boo Zyɛm ɨ. Tina, yé a be ó Yʉanes, nye osi gbaŋɔ é mbʉʼ.

1 Tesalonika 5:3

Bʉr, bé ólɛɛla paʼra wɔɔ ó: «Sa yiyɛh mu ó bɨna ga mbɨmbɨa. Sa ebebe, yé abe e nkul eka sa bɨna ga.» É jɔʼ yaa, ebebe, lé ópyal be motwɨra, ntɔʼ dimle bɨbɛh. Si óliʼ tɨtoʼo. Bé aŋa be e nkul esyɛhle mobebe maa. Bé óbe ó mpʉ anya-ebum. É jɔʼ min lé emɛr nye e, nye abe e nkul esyɛhle mokpaa mo min.

Lʉkas 1:69

Nyi ntɨh bɨna ga nkɔɔ dɔm yé ótiʼ bɨna ga ɛ. Nkɔɔ ga yina, yé ó mʉr mpoŋbʉr mo David, a be syɛl mosa we e.

Mataos 4:17

É dobo laa ó Yesʉs a ze taare lé etuno ó: «Gwɨma ga mobebe mɨn ɔɔ! Bɨn bé à dwir mɨleme ɔɔ! Ebe, jɔʼ Zyɛm ócyel jwɨ̀ʼa ye cyecye e, yé mu ó kunokuno le epyal ɔɔ!»

Rôm 11:14

Me esa no ó, me nkʉʼ gba kul bʉr yam egu é mɨleme. Diŋa ó, bʉʉ bʉr o sama yih, bé óze bi tiʼ molu mo mpoʼ mɨmɛh é zi waa,

1 Korɛnt 1:21

Zyɛm, é l'ocyoo nye ndɨ e we e, nyi nʉa tiʼa ó, bʉr o mbi jɔʼ yi, bé aŋa gʉa nye njɨ ebe ocyoo wɔɔ. Nye a bee embɨa é nko paʼ we ó, baa nye ódwe tiʼ molu mo mpoʼ mɨmɛh ó, ndɨ ebuʼla mpaŋla bɨh bé a cen be e, mpaŋla waa, nye yɛɛ sa bʉʉ bʉr lé ebee mpʉ lwib bɨgʉ ɨ.

Ebrœ̂ 1:1

Molu pihe, Zyɛm a lwib-lwib e bɨmpam ga bina ó, é zi ogwiha o mɨlɔb. Nye a lwib-lwib e be ó é buobuo mozi.

Ebrœ̂ 1:14

Beengles bɛɛ, bé ozé? Bɨbɛh, bé ó mɨsisim lé esea e Zyɛm ɨ. Nye elomlo bɨna ga ba nteme ó, bé ntaʼ, ze fuʼo bʉr bé óbi tiʼ molu mo mpoʼ mɨmɛh ɛ.

Ebrœ̂ 9:28

Jwɨʼ gwar e gwar yaa nteme e Krɨst. Nye a kʉ ka dwè ó njɨ é jɔʼ gwar é l'efu ó, nye jala e mɨsyem mɨ bʉr é buobuo. É dobo nye óbula ze e, nye aŋa bâʼle dwih bʉr é mpila ebebe lɔɔ. Zea nye óze e, wé óbe ó, lé edwe bʉr o ndɨ ebono nye e, tiʼ molu mo mpoʼ mɨmɛh.

1 Yʉanes 1:1

Lɔɔ bɨh lé elɛɛ bɨn ɨ, wé etiibe ó, e Lwib, waa mu lé edwe bɨn tiʼ molu mo mpoʼ mɨmɛh ɛ. Nye a bɛa ó be, duho é l'etɔɔrʉ. Bɨh bé a si joʼo twii we, bee nteme nye e mih mɨh. Nye ó mʉr bɨh bé a siŋle, waa mobo mɨh, mé a bobo e

Yʉ̂d 1:17

Obɨɔ o kpɛl bam aa! Toŋla ga mokan mɨlʉmlʉ mo Tî ga wina Yesʉs-Krɨst, myé a bɛa lɛɛ bɨn ɨ.