Ebrœ̂ 2:2 - Kálara Zyɛ̌m Edwán é mpʉ̌n

² Bɨna bé egʉa ga ó, mpaŋla Zyɛm a lomlo bʉr e beengles ɨ, a be ó sa ndɨ ejala le enʉŋɔ é nkɔb ɨ. Mʉr nyiwɛh a ntaa etie e tɨʼ ɨ, le waa a sa mpaŋla waa ebɨh ɨ, a si bi myɛna mé a jala e l'ebɨh laa ɛ.

Kálar Nzyɛ̌m : Ejwán é Sáá

² Mɨná bé lɨ́ egʉ́a gá ó, mpáŋla bééngeles, bé á nze e né nyɨ́, á be ó e nkul. Mʉr nyɨnyɛ̂h á gbah metié, le waá á sâ mé ajóʼo nyá, á si bi myɛ́na mé á jala le ebɨ̌h lé laá má.

Ebrœ̂ 2:2 ပူးပေါင်းရင်းမြစ်များ

Mɨlʉmlʉ 7:53

Bɨn bʉr o b'a joʼo motie mo Zyɛm beengles bé a tuno bɨn ɨ, bɨn bé amɛʼle du motie maa!»

Galásia 3:19

Yé be no nɛʼɛ, ebe yé Zyɛm a pa kʉ tiile motie maa ɛ? Nye a tiile me ó, ebe bʉr o b'a ntaa motie e, é l'efu e ma jɔʼ, to fiʼ é jɔʼ nta mo Abraham waa óze e. Nye ó b'a ze, lé edira nkɛʼ mo Zyɛm ɨ. Zyɛm a tiile bʉr ma ó, nye osi ntɨh beengles be; bɛɛ ka ze ntɨh mosàa-mɔm.

Ebrœ̂ 10:28

Mʉr nyiwɛh lé entaa motie mo Moyiz ɨ, bé ejʉ nye ó, jʉ jʉʼo, abe e njwɨʼa-nkoo. Bé esa nye no ó, é jɔʼ bʉr oba, nkʉ olɛl, lé esyɛŋa lé eboʼlo nye mboʼla ngwar ɨ.

Yʉ̂d 1:5

Bɨn dam gʉa sa yaa, me paʼ jɨm bɨn bɨtoŋla é lɔb wi: Sa efoʼ, yé ó, é jɔʼ Da a dwih kul bʉr ye é lal Egipten ɨ, nye ze bana jʉ bʉʉ bʉr o tɨ, baa bɨbɛh bé a bene jyɛʼ taa buʼo yɔɔ boo nye e.

Ebrœ̂ 11:26

Laa ó nye tiʼa é lal Egipten lé ebi okum e l'ogbaa tɨ, nye a fuo mɛʼle ó, bé e Lœma mulo mo Zyɛm, bé lwɨɔ zyɛŋa. Nye a be ó lé esyɛm mih ó, nye beŋɨ myɛna Zyɛm a komo nye e.

Ebrœ̂ 10:35

Ebe no, mʉr beʼ l'acyɛʼ nyʉl. É jɔʼ bɨn ndɨ etʉm monyʉl ɨ, yé óbe bɨn e myɛna monɨnɨ.

Ebrœ̂ 11:6

Zyɛm ákwoʼ kpɛl mʉr ndɨ abe e buʼo e. Buʼo ó ndɨ esa ó, bɨna gʉŋa ga ó, Zyɛm, nye ó tɨʼ cyecye. Buʼo nteme ó lé elɛʼle bɨna ga ó, nye edwe myɛna mo embɨa ó, njɨ bʉr o ndɨ edu nye e.

Ebrœ̂ 1:1

Molu pihe, Zyɛm a lwib-lwib e bɨmpam ga bina ó, é zi ogwiha o mɨlɔb. Nye a lwib-lwib e be ó é buobuo mozi.

Ebrœ̂ 12:25

Ebe no, gʉa di ga ncye, ó bɨn beʼ l'abene mʉr mu lé ebal bɨn ɨ. Molu pihe, bé a si bene lé ejoʼo mʉr a ze é si nwaʼ ɛ. Nye a ze ó, nye bal ó be, bɛɛ l'akpɛl joʼo. É jɔʼ yé a ka be ó, ebebe laa pyala be e, yé a baabana ó, bé syɛhla le. No ó, mʉr a ka ze lwib e bɨna ga bɛɛ ɛ, nye ó ndɨ mʉr a duho é jobo kʉ ɨ. ǃBɨna si bene ga ejoʼo lɔɔ we nɛʼɛ, zê bɨna bé ósyɛhle ga bɨntɨʼa bɨ tɨ, laa be ɛ?

2 Pyɛr 1:19

No ó, lɔɔ ogwiha o mɨlɔb bé a lɛɛ-lɛɛ ɛ, wé ó lɔɔ ebuʼlɔ. Bɨn bé à kʉ gʉa joʼlo lɔɔ wɔɔ é kpɛhla. Wé ó mpʉ elama lé epan é gumo edurʉ, lé a be-be lé mara bʉr ɨ. Toʼ ga dolo lé ebuʼla we, to pyal é jɔʼ mɛn, wé ólama, le é jɔʼ myɛn atwitwɛn molama mo mɛn, wé ópan bɨn é mɨleme e.