Ebrœ̂ 2:18 - Kálara Zyɛ̌m Edwán é mpʉ̌n

¹⁸ Nye e nkul eze e mɨngula ó, boo bʉr o ndɨ ebɔma e mobʉbla ɛ, ebe, nye mʉr tɨʼ a be ó si sia e mɨtuu é jɔʼ nye a boblɔ ɛ.

Kálar Nzyɛ̌m : Ejwán é Sáá

¹⁸ Nyě e nkul ekɛm bʉ̂r ɨ́ bijɔʼ bé dí entaa mébʉ́blá bí, ebě, nye mʉr tɨ̂ʼ á be ó sí sia e mitúú ɨ́ jɔʼ nyɨ́ɛ á bóblɔɔ yɨ́.

Ebrœ̂ 2:18 ပူးပေါင်းရင်းမြစ်များ

1 Korɛnt 10:13

Mobʉbla bɨn bé a ntaa ɛ, mé epyal bɨn e bʉr bɨbɛh no. To kœb ó, Zyɛm, nye ó mʉr ebuʼla. Nye aŋa bir ó, bɨn boblɔ e mbi mobʉbla wé óntaa bɨn é nkul ɨ. É jɔʼ mobʉbla, mé ópyal-pyal bɨn ɨ, nye ókar bɨn zi fih. Bɨn bé òjyɛl tɨ, bɨn nteme l'aka sa bɨsyɛɛla bɨ ebebe bɨn bé a ngbaa sa ɛ.

Yʉ̂d 1:24

Kum, nye beʼ e mʉr ndɨ e nkul ekamle e bɨn ó, bɨn beʼ l'aduma, waa nteme ndɨ e nkul ecyel bɨn é mih me, waa ndɨ é moncɛnba ɛ, abe e sa ebebe nye a ngbaa nwahle bɨn e tɨ. Bɨn bé óbe nteme ó e bɨsʉhʉ é buobuo.

Ebrœ̂ 5:2

Para nyiwɛh, nye e nkul ekɛm bɨgʉ́ʼ ndwe e bʉr o ndɨ elɨŋa é buʼo e, ebe, é mɨpaʼ mimyɛh, ecyɛʼ le, lé enyin é mih me.

Mɨngwiha 3:10

No ó, me a lɛɛ e bɨn bɛɛ ó, bɨn dihba. Bɨn ntɔʼ ze baʼle lɔɔ wam waa. Mpʉ bɨn bé a joʼo me no e, me óbaʼle bɨn, ebe, bɨn bé amu jaa ni é bɨntɨʼa mu lé epyal é mʉr nyiwɛh é si nwaʼ ɛ.

2 Pyɛr 2:9

Yé be ó, Da a be si syɛb Lot é mɨtuu nɛʼɛ, lɛɛ ó, nye nteme ógʉa mpʉ nye ódɨ tiʼ bʉr bɨbɛh ndɨ edwaabe nye e, é jɔʼ bé lé entaa mobʉbla ɛ. Nye egʉa nteme mpʉ nye ókab ozyɛhozyɛh o bʉr bɨntɨʼa, le emɛr be é mpila é dobo le etiʼ e mɨlɔb ɨ.

2 Timotɛ 1:12

Ebe no ó me lé ebɔma-bɔma e mɨtuu ɨ. Dam be no, me ajoʼo ba fwon é lɔb tuu waa, ebe, me egʉa Zyɛm, waa me a jyɛʼ taa buʼo yam boo nye e. Mɨ kʉ gʉa nteme ó, nye ó e nkul esa ó, me gʉa baʼle sikʉlʉ nye a taare komo boo me e. Nye óbaʼle sikʉlʉ yaa ó, to pyal é dobo nye óbula ze e.

Yʉanes 10:29

Sɔŋ wam, mʉr a ntɨh me bya ɛ, nye e nkul, laa bʉr bɨbɛh. No ó, mʉr, nye abe e nkul edɛʼ sɔʼɔ é mbo we.

Lʉkas 22:53

Bɨna bé a be ga ó, dobo lɨlɛh é jahla bii mo Zyɛm. Bɨn bé a baakɛl me mbo é nyʉl. Bɨn bé emɛr mé é bananaʼ ó, ebe, ewala lɨ, lé mu ó jɔʼ yin, bɨn boo Satan!»

Filipi 3:21

ntɔʼ dwir bɨsa monyʉl ga bina bi. Monyʉl ga mɨna, mé òka nwɨɨla e nyʉl we ndɨ e kum ɨ. Nye e buobuo nkul ndɨ esa ó, bɨsa bibyɛh, byé saʼ nye mojoʼo e.

Lʉkas 22:28

Bɨn bé a baabɔʼa e me é bɨjɔʼ me a sia e mobʉbla ɛ.