Ebrœ̂ 13:9 - Kálara Zyɛ̌m Edwán é mpʉ̌n

⁹ Gʉa di ga ncye. Abir ga ó, bʉr gomla bɨn é zi fih, é zi mɨmbi bɨsikʉlʉ bé lé elɛʼle, myaa bɨn ndɨ agʉa ɛ. Ncwɨncwɨa mo Zyɛm nye ome ó ndɨ egba bʉr nkul é monyʉl. Yé é mbɨa ó, bɨn biʼe nkul tɨ. Nyɔmlʉ bab lé elɛɛ ó, mʉr, nye ejala le ede é l'efu le edwiibɨ Zyɛm e nye e, nye abe e nyɔm é nko paʼ mo bʉr o lé ede nye e.

Kálar Nzyɛ̌m : Ejwán é Sáá

⁹ Gwá di gá le ocwóó. Sá abîr gá ó, nyʉ́ʉ́ mʉ̂r mɛ́rɨɨ bɨ̌n lɨ́ okómó ɨ́ nzɨ̌ metwɨ́ɨ́ méswîh nyé dí edwe bɨ́n má. Ncwɨ́ncwɨ́a mé Nzyɛ̌m ó dí egbâ bʉ̂r pîm ɨ́ búʼó. Yé mbɨa ó, bɨ̌n bíʼee nkul tɨ̂. Mede bé dí elɛ́ɛ ó, mʉr, nye ɨ́ jala le ede lɨ́ esú lé édwě Nzyɛ̌m dúu tɨ̂ʼ má, mé abe e nyɔm ɨ́ páʼ bʉ̂r o dí ede mé bá.

Ebrœ̂ 13:9 ပူးပေါင်းရင်းမြစ်များ

Éfɛsɔs 4:14

É jɔʼ yaa ó bɨna bé ópʉʼa ga é l'oncyom é nko paʼ buʼo e. Bɨsikʉlʉ bɨfih, byé aŋa ka ncyeŋ bɨna ga, nkʉ gomlo bɨna ga é zi fih, waa baanya-bɨkʉʉŋʉ ndɨ edu ɨ. Bé egwɨm ó, bé ntaŋa bɨna ga é pɨʼ wɔɔ, le nteme ó, bɨna buʼla sikʉlʉ yɔɔ yaa.

Éfɛsɔs 5:6

Mʉr beʼ l'agomlo bɨn diʼ é zi lwib ndɨ mbɛh ɛ. Bɨsyɛɛla bɨ ebebe bɨnɨ, byé ó ndɨ egba Zyɛm empime é leme. Empime laa ó nye ókpaa e bʉr o ndɨ esa nye ebɨh ɨ.

Rôm 14:6

Mʉr lé ebee ó, guu moho, wé ó nye sa ndɨ ti ɨ, nye esa no ó, nye gumla Da Yesʉs tɨ. Mʉr lé ede sa yiyɛh ɛ, nye egumlo Da Yesʉs tɨ, ebe, nye edwe Zyɛm ekiba é lɔb sa nye lé ede e. Waa lé eti yʉʉ sa ede e, nye esa no ó, nye nkʉʼ gumlo Da Yesʉs é zi bɨti byaa. Nye nteme, nye edwe nye ekiba é lɔb sa ede nyɛɛ lé emɛʼle de e.

1 Yʉanes 4:1

Obɨɔ o kpɛl bam aa! Akpahbe buʼla ga mʉr nyiwɛh bɨn lé efuuba e nye, waa lé edwe-dwe bʉr bɨsikʉlʉ ɨ. Taara boblo ga mbi mʉr waa, bɨn nkʉʼ gʉa pie tɨʼ nkʉ sisim nye ndɨ e we e, wé eduho ó boo Zyɛm, ebe, mɨmpʉmpʉl mɨ ogwiha o mɨlɔb, myé mu ó si buo é si nwaʼ nyiwɛh.

Mɨlʉmlʉ 20:30

Bʉʉ obuʼla, bé óze e mbʉl é mbɛr Zyɛm win, le edulo ompʉn ó, bé jyɛlɨ e be ɨ diʼ.

Yʉ̂d 1:12

Jwɨʼ yɔɔ, yé entɨʼ nteme é nko paʼ win. Bé eze e mbʉl é mbɛr Zyɛm é jɔʼ bɨn, obuʼla, mu lé epuhba mobo e. Baʼ bʉr, bé ede-de ó, lɔʼba-lɔʼba, ajoʼɔ ba fwon. Bé ekʉ ka kaale ó njɨ myɔɔ mɨmo. Bé enwɨɨla ó e mɨnkur lé edwine é dwine dwine, l'anwɨɨ mpie e. Pubo ntɔʼ cen be é paʼ fih. Bé enwɨɨla nteme ó e bɨlɨ bɨ ndɨ esam, é sam, sam, agumo yɛɛ mpumo e, dam be ó é jɔʼ nkono. Byé edwè ó, zɔʼ ba, ebe, byé eka munɔ si.

1 Timotɛ 6:20

No ó, Timote ɛɛ! Baʼla sikʉlʉ Zyɛm a timle go e. Go à syɛhle baalwibalwiba o bʉr o ndɨ esa lɔɔ Zyɛm ebɨh ɨ, baa bʉr lé ejwɨʼ ó, bé ó «mpaŋ ngwɨa» ɛ.

Yʉ̂d 1:3

Obɨɔ o kpɛl bam aa! Me a taare bee ó, sa ndɨ ekʉ jala ɛ, yé a be ó, me tila bɨn é lɔb tiʼ molu mo mpoʼ mɨmɛh, e mpʉ bɨna bé a bi ga tiʼ yaa mbi ngwar ɨ. No ó, me a ze bee ó, me ófuo ka tile bɨn ó, bɨn lwimla dɔm. Dɔm laa, lé ó, bɨna kamla ga e buʼo ga yina, yé diʼe mpʉ Zyɛm a bɛa ntɨh mɨsaŋ mɨ bʉr be ya ɛ.

2 Tesalonika 2:17

Nye cyɛba bɨn é mɨleme, ó bɨn saʼ bɨsyɛɛla bɨ ncwɨncwɨa, le elɛɛ mɨlɔɔ mɨmpa, mɨmbi mimyɛh.

Mataos 24:24

ebe, mɨmpʉmpʉl mɨlœma mɨ mulo mo Zyɛm, myé e mɨmpʉmpʉl mɨ ogwiha o mɨlɔb, myé óbuo. Bé ósa bɨbwaʼbwaʼ bɨdweʼle bɨ nkul wɔɔ ndwe e bɨsa bɨ jehe lé esaa egomlo mɨpɛha mɨ bʉr mye é bebebebe zi, ǃbé ókoʼo wa.

Mataos 24:4

No ó Yesʉs a lɛɛ e be ó: «Diʼe ga ncye! Bé amu jaa gomlo bɨn é bebebebe zi,

Kolosi 2:4

Me elwib e bɨn é mbi wiʼ ó, mʉr beʼ l'akʉa bɨn é zi lwib bɨkʉʉŋʉ bʉr lé emɛʼle e.

2 Korɛnt 1:21

No ó, Zyɛm nye mʉr tɨʼ ó lé ecyɛb bɨna ga e boo nɔɔ é mɨleme, ó bɨna cyɛba ga é nkʉʼʉ é zyɛŋa wina boo Krɨst. Nye ó b'a ntɨh bɨna ga Sisim we, mpʉ mulo nye lé elœm bʉr be e ma ɛ.

1 Korɛnt 8:8

Bɨna bɛɛ, bé ekʉ gʉa ga ó, ntʉʼ sa ede, yé ócen mʉr kunokuno e Zyɛm. ǃBɨna si be ga ade tir nɛʼɛ, bɨna bé adimle ga sɔʼɔ. Bɨna nteme, bé aŋa kɛlɔ ga yʉʉ sɔʼɔ kʉ, nkʉ bɨna bé óde ga tir.

Rôm 14:17

Jwɨ̀ʼa mo Zyɛm, yé abul dwɛʼ lɔb ede le enyʉl. Yé ó jwɨ̀ʼa ocɨcyel, motala, ndwe e bɨsʉhʉ bɨna lé ebi ga é zi mo Mbɨambɨa Sisim ɨ.

Rôm 14:2

É lɔb mode, nwaʼ mbuʼla, nye ebuʼla ó, nye óbɛm de sa ede yiyɛh, antaa motie mo Zyɛm. Nuu mbuʼla, waa ndɨ apa gʉa buʼo é kpɛhla ɛ, de-de njɨ nteʼe.

Mɨlʉmlʉ 20:32

«No ó, banana, me etimle bɨn é mobo mo Zyɛm. Nyi lɛʼle bɨn ncwɨncwɨa we é zi mokan me. Nye baʼla bɨn e mokan maa. Mé ó e nkul egba bɨn nkul é monyʉl ndwe le edwe bɨn tiʼ molu mo mpoʼ mɨmɛh jwɨʼ gwar e gwar e mɨsaŋ mɨ bʉr be bɨbɛh.

2 Tesalonika 2:2

Bɨh bé elɛɛ bɨn ó nɛɛ: aka twɨra ga. ǃBɨn si joʼo ó, Da Yesʉs, nyi bâʼle pyal nɛʼɛ, sɨa yaa l'atɨ bɨn mokʉ si. Mʉr waa dam lɛɛ ó, lɛa we waa, wé ó fela sɔʼɔ me a gwih ɨ, yé abe no. Nye dam lɛɛ ó, yé ó ekan me a lɛɛ nye e. Yé nteme, yé abe no. Nye dam ka boʼlo ó, lɛa waa, wé eduho é kalara a duho é bɨh ɨ, yé abe no.

1 Korɛnt 6:13

Bé elɛɛ-lɛɛ nteme ó: «Mode, mé tɨʼ ó, é l'efu e mo; mo wɛɛ é l'efu e mode.» Yé ó no! Sa gwar, Zyɛm ólɨr bibyɛh. Nyʉl mʉr, nye abe é l'efu ó, mʉr nkʉʼ bul sa bɨmala e mɨfyɛba e tɨ. Nye tɨʼ ó, é l'efu le esea Tî ga wina syɛɛ e tɨ. Tî ga wina, nye tɨʼ ó, é l'efu e monyʉl ga mɨna.

Galásia 6:1

Obɨɔ ga bam aa! ǃBɨn si bee ó, mʉr fih mʉr kɛ̀l, nyi sa syem nɛʼɛ, bɨn bʉr o ndɨ e Mbɨambɨa Sisim é mɨleme lwɨŋla ɛ, gulɨ ga nye ó, nye duha é mpila mɨsyem waa. Nʉŋa ga nye é motala. Mʉr nyiwɛh é l'esama lɨn, nye dwɛʼa nteme mpʉ nye mʉr tɨʼ ndɨ ɨ, ebe, nye nteme amu duma é mobʉbla.

Lʉkas 5:38

Bé elwan modwan monwoʼ ó, é bɨntaʼ ndɨ modwan ɨ.