Ebrœ̂ 13:7 - Kálara Zyɛ̌m Edwán é mpʉ̌n

⁷ Toŋla ga ocyɛb be efoʼ bɨn, baa b'a lɛɛ-lɛɛ bɨn lɔɔ Zyɛm ɨ. Toŋla ga ebò e cyen bé a kœʼ œ, e ndumlo bɨtiʼ byɔɔ. Jyɛʼɛ ga taa buʼo yin boo Zyɛm mpʉ bé a sa ɛ.

Kálar Nzyɛ̌m : Ejwán é Sáá

⁷ Sísímsáá gá otyɛ̂b bé ésôʼ bɨ́n, baá bé á lɨlɛ́ɛ bɨ̌n lɔ́ɔ́ mé Nzyɛ̌m bá. Símsáá gá kʉ̌ tyen wɔ́ɔ́ le ndumló bícwiʼ byɔ́ɔ́. Dyɛ́ʼwáá gá e Nzyɛ̌m mpʉ bé á sâ yɨ́.

Ebrœ̂ 13:7 ပူးပေါင်းရင်းမြစ်များ

Ebrœ̂ 13:17

Saʼ ga ocyɛb be efoʼ bɨn mojoʼo. Filɨ ga monyʉl si e be, ebe, bɛɛ ó ndɨ edwiile mɨsisim min. Bé ó ngo to lɛɛ Zyɛm mpʉ bɨn bé a kœʼ ebò e cyen ɨ. ǃBɨn si sa be mojoʼo nɛʼɛ, bé ósea syɛɛ yɔɔ e bɨsʉhʉ. Yé baabe no nɛʼɛ, bé ójoʼo mompime. Syɛɛla yaa, abe bɨn e nyɔm.

Filipi 3:17

Obɨɔ ga bam aa! Nʉŋa ga dweʼle tiʼ yam mpʉ bʉʉ bʉr mu lé esa ɛ. Bɨh bɨ lɛʼle bɨn ebò e cyen tɔɔ dweʼle. No ó, bɨʼɨ ga mih mɨn é bʉr o ndɨ ekœʼ ebò e cyen laa ɛ.

Ebrœ̂ 6:12

Bɨh bé agwɨm ó, bɨn saʼ ontwii. Bɨh bé ekʉ ka gwɨm ó njɨ bɨn nʉŋa dweʼle tiʼ mo bʉʉ obuʼla mo Zyɛm. Bé e buʼo ndwe e bihbe. Bɛɛ nteme ó ngo bi sa Zyɛm a kɛʼ be, jala e nkɔb wɔɔ ɛ.

1 Tesalonika 1:6

Bɨn ntɔʼ nʉa dweʼle tiʼ yih, le yaa mo Da Yesʉs. Bɨn bé a si buʼla lɔɔ Zyɛm, dam be é mɨtuu bɨn bé a sia e mye e. Mbɨambɨa Sisim a be ó si loŋlo mɨleme min e bɨsʉhʉ, dam be mɨtuu min myaa.

Mɨlʉmlʉ 14:23

É gumo yiyɛh, bé a be ó lé ecyel ocyɛb be efoʼ é mɨmbɛr mɨ Zyɛm mimyɛh, bé osi pa sa ti mode ndwe le ejwɨʼla e Zyɛm. Bé ze liʼe be é mobo mo Da, mʉr bé a jyɛʼ taa buʼo yɔɔ boo nye e.

Mataos 24:45

«Wáa mʉr é bɨn ndɨ syɛl mosa ebuʼlɔ, waa ndɨ cɨcyoo e? Nye ó waa masa we ócyel é mbɛr we ó, nye diʼe lʉ osyɛl o mosa be e? Nye ó ngo kab bʉr o nduo ye mode mɔɔ é bɨjɔʼ lé ejala ɛ.

1 Timotɛ 3:5

Ebe, ǃɨ mʉr baagʉa ekœʼ e mbɛr bʉr we nɛʼɛ, a nye e nkul ekœʼ e mbɛr Zyɛm wáa mbi?

Ebrœ̂ 13:24

Soha ga ocyɛb be efoʼ o Mbɛr-Zyɛm ndwe e mɨsaŋ mɨ bʉr mimyɛh. Obuʼla o lal Italia, bé esoho bɨn.

1 Tesalonika 2:13

Ebe no ó bɨh lé edwe Zyɛm ekiba é bɨjɔʼ bibyɛh ɛ, ebe, é jɔʼ bɨh bé a gwih bɨn mɨlɔb mo Zyɛm ɨ, bɨn bé a si mɛʼle mye. Bɨn bé a baamɛʼle mye mpʉ baambɛhambɛha mɨlɔɔ lé eduho é pɨʼ mo mamʉr ɨ. Bɨn bé a kʉ mɛʼle mye ó, mpʉ lɔɔ waa ndɨ ɨ: lɔɔ ndɨ eduho boo Zyɛm, waa mu lé esea é mɨleme mɨ obuʼla ɛ.

1 Korɛnt 4:16

No ó, me ejwɨʼla e bɨn ó, bɨn nʉŋa dweʼle tiʼ yam.

Rôm 10:17

No ó, gʉŋa ga ó, é jɔʼ mʉr lé ejyɛʼ taa buʼo ye boo Krɨst ɨ, buʼo ye, yé eduho ó, é njoʼa nye a taare joʼo lɔɔ waa ɛ. Njoʼa we waa, wé eduho ó, é l'ekan bé lé elɛɛ nye, tiibe e Krɨst ɨ.

Mɨlʉmlʉ 4:31

Jɨh tɨʼ bé a kʉ sil jwɨʼla e Zyɛm, gumo bé a syɛŋa ɛ, yé ntɔʼ ze ncyeŋa. Mbɨambɨa Sisim ze loŋlo bɨbɛh é mɨleme, bé ntɔʼ taare lé elɛɛ lɔɔ Zyɛm é kpɛŋlɛm, abaawe sɔʼɔ e mʉr.

Mɨngwiha 6:9

É jɔʼ Ma Ntœme a bʉ luʼ tɛn a ŋmɛhɔ sitam ɨ, me ntɔʼ dwɛʼ é l'empàh e taa mɨndwɛa, me ze bee mɨsisim mɨ bʉr tɨ. Bʉr baa, bé a jʉŋɔ ó, ebe lɔɔ Zyɛm, ndwe e mboʼla bé a boʼlo e.

Mɨngwiha 20:4

Me ze bee dia taʼa, le bʉr o b'a be tɨʼ ondindil ɨ. Zyɛm a si dwe be nkul etiʼe bʉr mɨlɔb. Me a si bee nteme mɨsisim mɨ bʉr o b'a tiʼɔ mɨlʉ ebe mboʼla bé a dɨ boʼlo é lɔb mo Yesʉs ndwe e lɔɔ Zyɛm ɨ. Bɛɛ bé a baadwiibɨ tir waa nkʉ baŋabaŋa dweʼle ye. Bé a baacɨma twii ye é mompom mɔɔ nkʉ é mɨkoo mokœh. Me a bee be ó, bé osi pàh é l'odwè. Bé e boo Yesʉs-Krɨst, bé a si jwɨ̀ʼ bʉr o si tɔɔ mɨmbu tɔɔyin.

Mɨngwiha 1:9

Yé ó mɛm mɨɔ win Yʉanes. Bɨna ga bé ó é zyɛŋa-mɨleme obuʼla tʉŋlʉ. Bɨna ga bé ó bʉr o ndɨ ebɔma e tíila gwar ɨ. Bɨna ga bɨbɛh, bé ó é jwɨ̀ʼa mo Yesʉs. Bɨna ga bɨbɛh, bé edihbe mɨtuu mɨmpwar ebe nye. Bé a si mɛr me, pɨrɔ me é dine Patmos. Bé a sa me no ó, ebe lɔɔ Zyɛm me a be lé elɛɛ ɛ, ndwe e mboʼla me lé eboʼlo, tiibe e Yesʉs ɨ.

2 Tesalonika 3:9

Dam be no, bɨh bé ó e nkul mojwɨ̀ʼa ndɨ ó, bɨh biʼe bɨsa bin, de. Byé ó dɔɔ. Sa gwar, bɨh bé a be ó lé ekpɛl lɛʼle bɨn mpaŋ ebò e cyen, laa bɨn bé a jala le ekœʼ œ.

1 Korɛnt 11:1

Nʉŋa ga dweʼle tiʼ yam mpʉ me lé enʉa dweʼle tiʼ mo Krɨst ɨ!

Lʉkas 12:42

Da ntɔʼ bula dî e nye tia ó: «Wáa mʉr é bɨn ndɨ mʉr ebuʼla, waa ndɨ cɨcyoo mbɔʼlʉ ekuro e? Mbi syɛl mosa waa, nye ó waa njwɨɨ we ócyel é mbɛr we ó, nye diʼe lʉ osyɛl o mosa be. Nye ó ngo kab bʉr o nduo ye monkɔb mode mɔɔ é bɨjɔʼ lé ejala ɛ.

Lʉkas 8:11

«Kɨkɛna nɨ, yé elɛɛ ó é mbi wi: Mpœʼ, yé ó lɔɔ Zyɛm.

2 Tesalonika 3:7

Ebe, bɨn bʉr o tɨ, bé ekʉ gʉa mpʉ bɨn lé ejala le enʉa dweʼle tiʼ yih ɨ. Bɨh bé a baasa epɨh é jɔʼ bɨh bé a be paʼra win ɨ.

1 Korɛnt 10:13

Mobʉbla bɨn bé a ntaa ɛ, mé epyal bɨn e bʉr bɨbɛh no. To kœb ó, Zyɛm, nye ó mʉr ebuʼla. Nye aŋa bir ó, bɨn boblɔ e mbi mobʉbla wé óntaa bɨn é nkul ɨ. É jɔʼ mobʉbla, mé ópyal-pyal bɨn ɨ, nye ókar bɨn zi fih. Bɨn bé òjyɛl tɨ, bɨn nteme l'aka sa bɨsyɛɛla bɨ ebebe bɨn bé a ngbaa sa ɛ.

Mɨlʉmlʉ 13:46

Pol bé e Barnabas ze lwib e be é kpɛŋlɛm, abe e bʉa. Bé ó: «Yé a jala ó, lɔɔ Zyɛm, wé taara lɛɔ bɨn ye, oYʉden. Sa gwar, bɨn mu ó lé ebene we, bɨn bé ebee ó, mbi bɨbɨbla bɨ bʉr bɨn ndɨ ɨ, yé ajala ó, bɨn biʼe tiʼ molu mo mpoʼ mɨmɛh. Mpʉ bɨn sa no e, bɨn bé esa ó, bɨh laŋa, lé eto lɛɛ lɔɔ waa boo bʉr o ndɨ abe oYʉden ɨ,

Lʉkas 5:1

É lʉʉ dobo, Yesʉs a si to cyɛb é l'ebʉm e maŋ mo Genezarɛt. No ó ntuntuma bʉr, yé a ze mana nye. Bé a ze ó lé eze joʼo lɔɔ Zyɛm nye a dɨ lɛɛ ɛ.

1 Pyɛr 4:11

ǃƗ mʉr si sa ó, nye pyɛl ó mokan nɛʼɛ, yé beʼ yɛɛ maa mé óntɛŋ bʉr mokan mo Zyɛm ɨ. Yé be ó, nye fuʼo ó bʉʉ bʉr nɛʼɛ, nye fuʼa be e nkul Zyɛm nye mʉr tɨʼ a ntɨh nye e. No ó Zyɛm ódwiibɔ é zyɛŋa ga wina boo Yesʉs-Krɨst ɨ. Kum e nkul, byé dweŋɔ nye, njʉmdia e njʉmdia. Amɛn.