Ebrœ̂ 13:5 - Kálara Zyɛ̌m Edwán é mpʉ̌n

⁵ Mʉr alaʼ ga lʉ é kpɛl mɔn. Filɨ ga mɨleme si é bim bɨn lé ebi ɨ, ebe, Zyɛm a lɛɛ ó: «Me abe e nkul eliʼe go é ntɛʼɛ nkʉ ntwiŋ go.»

Kálar Nzyɛ̌m : Ejwán é Sáá

⁵ Mʉ̌r sá alâʼ nyʉ̂l nyé lɨ́ enkpɔɔ é mɔnɨ́. Sohaa gá bím bísá bɨ́n dí ebi bí, ebě, Nzyɛ̌m á lɛ́ɛ ó: «Mé abe e nkul ejɨha gô, nkʉ̂ líʼe gó ɨ́ ntɛ̂ʼ.»

Ebrœ̂ 13:5 ပူးပေါင်းရင်းမြစ်များ

Mataos 6:25

«Ebe no, me elɛɛ bɨn ó nɛɛ: asyɛl ga ba e bɨn bʉr o tɨ, tiibe e nyɔmlʉ [ndwe e monyʉla mɨn]. Asyɛl ga ba nteme e monyʉl mɨn, tiibe e mompor. Zê bɨn bé agʉa ó, mʉr, nye abe njɨ ede, le nteme ó, kubo nyʉl, wé e nyɔm, laa mompor ɛ?

Mataos 6:34

Ebe no, mʉr asyɛl ga ba e nye mʉr tɨ, tiibe e sa yé ósyɛɛ omɛn ɨ, ebe, omɛn, wé eyeʼbe wé mʉr tɨ. Mɨtuu mɨ moho, myé jala ó, e lɨha dobo.»

Kolosi 3:5

Bɨfum bɨ nyʉl bin ndɨ eduho é si nwaʼ ɛ, teʼla ga bye. Yé ó ndɨ: elœʼ nyʉl é zi bɨduo, elama fwon lé edu njɨ bɨjyɛʼ, empime, esa bɨgwɨma bɨ ebebe, ecen mih é bɨsa byoonkan. (Ebe, mʉr ndɨ ecen mih é bɨsa byoonkan ɨ, nye ó asiila ba e waa lé edwiibɨ bɨbaŋabaŋa bɨdweʼle e!)

Lʉkas 3:14

Bɨzima nteme ze dî e nye ó: «Bɨh bɛɛ nteme, bé ejala le esa nyá ɛ?» Nye ó: «Daʼ nʉa ga mɔn e nkul. Abuʼo ga bʉr mɨlɔb. Mɨɨla ga e bim myɛna bé lé edwe bɨn ɨ.»

2 Pyɛr 2:14

mih mɔɔ lé esaa bʉba bé saʼ mɨfyɛba e be e. Bé agbala ba lé esa mɨsyem. Bé ekwab bʉr o ndɨ é pɨŋla é l'ebò e cyen lɔɔ ɛ. Bɨ gba nyʉl lé ejwɨʼ edu bɨgwɨma bɨ nyʉl bɨpuno wɔɔ é dwiii. Zyɛm, nyi káale be.

1 Timotɛ 3:3

abe nunwoʼ, nkʉ mʉr ndɨ é feha ɛ. Nye ejala le ebe ó é tala njwɨr. Nye abe mʉr bɨtom. Nye alaʼ lʉ é kpɛl mɔn.

Éfɛsɔs 5:5

Gʉŋa ga ó, bʉr o ndɨ esa bɨmala e mɨfyɛba ɛ, e baa lé elœʼ bé bʉr o tɨʼ é mih mo Zyɛm ɨ, e baa lé ecen mih é bɨsa byoonkan ɨ, mʉr ndɨ ekœʼ ebò e cyen laa ɛ, nye ákwoʼ niŋlɔ é jwɨ̀ʼa mo Krɨst, ndɨ jwɨ̀ʼa mo Zyɛm ɨ. Gʉŋa ga ó, waa ndɨ ecen mih é bɨsa byoonkan ɨ, syɛɛla ye yaa, yé ekʉ lɛʼle ó, mʉr tɨ, nye edwiibɨ bɨbaŋabaŋa bɨdweʼle bɨ ozyɛm!

2 Pyɛr 2:3

Mɨmpʉmpʉl mɨ oyeʼle myaa, myé ókʉa bɨn e mokan bɨkʉʉŋʉ lé esaa ebi bɨsa é zi waa. Sa gwar, bɛa taare kɔm, tiʼà mɨlɔb wɔɔ, nyi bɛa tiʼe mɨlɔb myɔɔ, le egʉa bɨntɨʼa nye ókab be tɨʼ ɨ. Nye ó é doʼlo lé ebono be.

Éfɛsɔs 5:3

Sa gwar, mʉr ayi joʼo lʉʉ dobo ó, mʉr fih mʉr kɛ̀l, nye ó é mbɛr Zyɛm win, nye nteme lé elœʼ nyʉl é zi bɨduo, nkʉ lé elama fwon lé edu njɨ bɨjyɛʼ bye, nkʉ lé ecen mih é bɨsa byoonkan. Mɨsaŋ mɨ bʉr mo Zyɛm, myé ajala le ebul jwɨ̂ʼlɨ e bɨsyɛɛla binɨ.

1 Korɛnt 5:11

Me a tile bɨn é kalara waa ó, bɨn tiʼa nduula e mʉr ndɨ elɛɛ ó, nye ó mbuʼla, nyɛɛ yɛɛ lé esa bɨmala, nkʉ waa ndɨ ecen mih é bɨsa byoonkan ɨ, nkʉ mʉr lé edwiibɨ bɨbaŋabaŋa bɨdweʼle e. Bɨn tiʼa nduula e mʉr movoʼ, nkʉ fufwɔʼ monwoʼ, nkʉ ndiblʉ, ó bɨn l'ayi puhba mobo lé ede e mɨmbi mɨ bʉr myaa.

Lʉkas 8:14

Mʉʉ mompœʼ nteme, mé a kur ó, é bwah yé a be e mɨndwinʉ ɨ, sa nɨ lé edweʼle bʉr o b'a joʼo lɔɔ Zyɛm ɨ. Sa gwar, bé a be ó lé eyeʼbe bɨsa bɨ jobo yi, le okum e l'ogbaa ndwe e bɨgwɨma bɨ tiʼ yi. Bɨsa byaa, byé a be ó be é mɨleme é larada, bé l'abe e nkul eka gumo mɨmpaŋ mɨ mpumo é bɨtiʼ byɔɔ.

Markus 7:22

mɨfyɛba, zɔɔ bɨsa, bɨn, bɨlwib bɨkʉʉŋʉ, bɨmala zam e l'ekomo, egu, movoʼ, pyeh e nkɛa nyʉl, ompʉ.

Yʉ̂d 1:11

A vwaʼ e bʉr baa, ebe, bé ekœʼ ebò e cyen mo Kan. Bé a fim mɨkam, ntɔʼ pɔhba ó, mpʉ mo Balam, ebe, bé a gwɨm-gwɨm ó, njɨ ebi myɛna. Bé a ka to dwè ó, mpʉ jyɛɛ mo Kore, bé a dwè é jɔʼ bé e boo nɔɔ, bé a kaŋa e Moyiz ɨ.

1 Korɛnt 6:10

mɨndiblʉ, bʉr o ndɨ ecen mih é bɨsa byoonkan ɨ, mɨfufwɔʼ monwoʼ, bʉr o ndɨ efœʼ bʉʉ bʉr ɨ, ndwe e baa ndɨ edɛn bɨmɔn byoonkan ɨ... bim bʉr baa bɨbɛh, bé aŋa dweŋɔ ba dia é jwɨ̀ʼa mo Zyɛm.

Rôm 1:29

Bé efwahle bɨsyɛɛla bibyɛh ndɨ ozyɛhozyɛh ɛ. Byé ó: jeele e laŋ, bɨgwɨma, bɨn, zii, ejwɨɨ e bʉr. Bé esa mpɔʼa monkɔm, bé e bɨkʉʉŋʉ e tíila ndwe e bɨbuʼa,

Mataos 6:19

«Daʼ maʼ ga okum e l'ogbaa win é si nwa, gumo osyoʼ le myeŋle lé elɨr bɨsɔʼɔ, mɨndiblʉ bʉ mobe le edíbe e.

2 Korɛnt 4:9

Bé etíile bɨh; sa gwar, Zyɛm, nye aliʼe bɨh. Bé dam dumo bɨh si; sa gwar, bé abe e nkul ejʉ bɨh.