Ebrœ̂ 13:21 - Kálara Zyɛ̌m Edwán é mpʉ̌n

²¹ Nye komla bɨn é mɨpaʼ mimyɛh, ó bɨn saʼ bɨsyɛɛla bɨ embɨa bɨn lé ebee ó, byé lé edu gwɨma ye e, nye gʉa cyel bɨna ga é mih me dumo e Yesʉs-Krɨst, ndɨ e kum njʉmdia e njʉmdia ɛ. Amɛn.

Kálar Nzyɛ̌m : Ejwán é Sáá

²¹ Mě jɨʼlá e né ó, nye tyɛ́bɨɨ bɨ̌n ɨ́ miléme, ó bɨ̌n sâʼ syɛ́ɛla nyé dí ebeě mbɨ̂mbɨá yɨ́, mɨná nkʉ̂ lóŋlo gá gwɨ́má yé ɨ́ nzɨ̌ mé Yésʉs-Krîst, dí e kûm njʉ̌m dǐ e njʉ̌m dǐ nyá. Amɛn!

Ebrœ̂ 13:21 ပူးပေါင်းရင်းမြစ်များ

Filipi 2:13

Ebe, Zyɛm ó ndɨ edwe bɨn gwɨma edu mpaŋ zi waa. Nye nteme ó ndɨ edwe bɨn nkul ó, bɨn kœʼœ tɨʼ mbɨmbɨa.

2 Tesalonika 2:17

Nye cyɛba bɨn é mɨleme, ó bɨn saʼ bɨsyɛɛla bɨ ncwɨncwɨa, le elɛɛ mɨlɔɔ mɨmpa, mɨmbi mimyɛh.

Filipi 4:13

Me ó e nkul esa bɨsa bibyɛh no é Krɨst, mʉr lé edwe me nkul ɨ.

1 Pyɛr 2:5

Zyɛm, nye efumo mbɛr, waa Sisim mo Zyɛm ódi tɨʼ ɨ. Diʼe ga mokoʼ mo mbɛr waa, maa lé etiʼe é mih mo Zyɛm, maa lé ebɨrɔ tɨʼ é fumo waa ɛ. Bɨn bé ófuʼla mɨsaŋ mɨ opara é mih mo Zyɛm. Motwina bɨn bé ódwe nye é zi Sisim we e, nye óbee me mbɨmbɨa ó, dumo e Yesʉs-Krɨst.

2 Timotɛ 4:18

Da Yesʉs óto le esyɛb me é jɔʼ yiyɛh bé ódɨ sa me ebebe e. Nye ósa ó, me pyala é jwɨ̀ʼa ye, yaa ndɨ é jobo kʉ ɨ. Nye dweŋɔ kum njʉmdia e njʉmdia. Amɛn.

Filipi 1:11

No ó bɨn bé ódi ocɨcyel o bʉr é zyɛŋa win boo Yesʉs-Krɨst ɨ. Bʉr, bé óbul dwe Zyɛm kum le eseʼle nye ebe bɨn.

2 Korɛnt 9:8

Zyɛm, nye ó e nkul esʉ bɨn mocyɛʼ mo mpom mɨmbi mimyɛh ó, bɨn diʼe é jɔʼ yiyɛh e sa yiyɛh bɨn bé ójɨ ɨ. No ó bɨn bé óbe é tɨʼlɨ é l'efu ó, bɨn sea bɨsyɛɛla bɨ ncwɨncwɨa mɨmbi mimyɛh ɛ.

1 Pyɛr 4:2

Mbi mʉr waa, wé óka tiʼe-tiʼe é si nwaʼ ó, njɨ lé eloŋlo gwɨma mo Zyɛm. É jɔʼ nye dina mʉr si nwaʼ ɛ, nye ákwoʼ ka loŋlo bɨgwɨma bɨ nyʉl bɨpuno.

Ebrœ̂ 10:36

Sa lé ejɨŋɔ é nko paʼ win ɨ, yé ó bihbe. ǃBɨn si be e bihbe waa nɛʼɛ, bɨn bé ósa gwɨma mo Zyɛm é jɔʼ yaa. Bɨn bé óbi sa nye a kɛʼ bɨn ɨ.

1 Tesalonika 5:23

Mʉr lé esa ó, bʉr tiʼa é motala ɛ, nye mʉr tɨ, nye puba bɨn é mɨpaʼ mimyɛh. Nye baʼla mɨsisim min e mɨleme min, ndwe e monyʉl mɨn. Ebò e cyen lɨn, lé diʼe no, alɨŋa ba, to pyal é dobo Tî ga wina Yesʉs-Krɨst óbula ze e.

Yʉ̂d 1:25

Nye ome ó ndɨ Zyɛm, nye nteme Tiʼbʉr ga wina. Kum, mpwaʼ, nkul le jwɨɨ, byé dweŋɔ Zyɛm é zyɛŋa ga wina boo Tî ga wina Yesʉs-Krɨst. Byé a bɛa be ó mbi jɔʼ yiʼ apa taare. Byé dina ó tɨ, ze pyal é banana. Byé óto dolo njʉmdia e njʉmdia. Amɛn.

1 Yʉanes 2:17

To kœb ó, bɨsa bɨ jobo yiʼ ndwe e byaa bʉr lé egwɨm tɨʼ ɨ, byé elaa ó laŋa. No ó, mʉr lé esa gwɨma mo Zyɛm ɨ, nyiha ó ndɨ ebi tiʼ molu mo mpoʼ mɨmɛh.

1 Timotɛ 1:17

Zyɛm ndɨ Njwɨɨbʉr njʉmdia e njʉmdia, waa ndɨ abe e nkul edwè, waa ndɨ anyin bʉr é mih, waa ndɨ Zyɛm nye ome e, duu ndwe e kum, byé diʼe é nye njʉmdia e njʉmdia. Amɛn.

Éfɛsɔs 2:10

Bɨna ga bé ó baa Zyɛm a kpaʼ e mobo me nye mʉr tɨʼ ɨ. Nye ntɔʼ ze dil bɨna ga é Yesʉs-Krɨst dil dilɨ é l'efu ó, bɨna diʼe ga bʉr bé ósa bɨsyɛɛla bɨ ncwɨncwɨa ɛ. Zyɛm nye mʉr tɨʼ ó b'a bɛa tiʼe é leme we ó, bɨna saʼ ga nye bya.

Mɨngwiha 5:9

Bé a jɛɛ-jɛɛ ó, edwan e jɛɛ. Bé ó: «Go ó lé ejala le enʉa mbom kalara wi, bʉ oluʼ bé a ŋmɛhɔ sitam ɨ, le egwìh mbom kalara, ebe, go a si jʉŋɔ. Go ntɔʼ jɛna bwaʼbwaʼ tɔɔ, lé ekʉr bʉr. Motié mo, mé a si bwam Zyɛm Sɔŋ sa yé a jala e nye e: bʉr o moveh mɨmɛh, ndwe e bɨlwib bibyɛh, bʉr o mɨlal mimyɛh, ndwe e bɨkul bibyɛh.

1 Yʉanes 3:22

Bɨna bé óbi ga nteme sa yiyɛh bɨna bé ójaʼ ga nye e, ebe, bɨna bé edu ga motie me, le esa bɨsyɛɛla nye lé ebee mbɨmbɨa ɛ.

Ebrœ̂ 13:16

Saʼ ga bʉʉ bʉr bɨsyɛɛla bɨ embɨa. Fuʼa ga bʉr e mobi mɨn. Anyamle jɨha esa syɛɛla yaa, ebe, yé ó motwina Zyɛm lé ebee mbɨmbɨa ɛ.

1 Timotɛ 6:16

Njɨ nye ome ó ndɨ abe e nkul edwè. Nye edi ó, é myɛn tʉŋlʉ, myɛn nuu mʉr ndɨ abe e nkul ekunbo e tɨʼ ɨ. Mʉr ngwar, nye apa bee nye. Mʉr abe e nkul ebee nteme nye. Kum, ndwe e nkul, byé dweŋɔ nye njʉmdia e njʉmdia. Amɛn.

1 Timotɛ 5:10

Go ótile kuho mʉma die ó, waa wé óbe si bul jwɨ̂ʼlɨ e mɨmpaŋ bɨsyɛɛla nye lé esa ɛ. Wé beʼ mbi mʉma wi: waa a bœʼ bwan, waa a bɨlan e l'ojyoo mbɨmbɨa, waa a jwɨ̀ɨ mɨsaŋ mɨ bʉr mokʉ, waa a kɛm bʉr o b'a bul sia e mɨtuu, le waa a gba nyʉl lé esa mɨmpaŋ bɨsyɛɛla mɨmbi mɨmbi ɨ.

1 Tesalonika 3:13

Nye gbaʼ bɨn nkul é monyʉl ó, mɨleme min, myé diʼe é sɔɔɔ, alɨŋa ba, abe e mobe é jɔʼ bɨn bé ócyɛb é mih mo Zyɛm Sɔŋ ga wina ɛ. Diʼe ga no, to pyal é dobo Tî ga wina Yesʉs óbula ze, bé e mɨsaŋ beengles mye mimyɛh ɛ.

Kolosi 4:12

Epafras, mʉr a duho bɨn ye e, nye esoho bɨn. Nye ó kʉ be syɛl mosa mo Yesʉs-Krɨst. Nye esa Zyɛm mɨnjwɨʼla é jɔʼ yiyɛh é l'efu lɨn ó, bɨn kuma é l'ombɨmbɨa é mɨpaʼ mimyɛh, bɨn mu si gʉa bɨsyɛɛla Zyɛm lé egwɨm ɨ.

Kolosi 3:17

Sa yiyɛh bɨn lé esa, nkʉ yaa bɨn bé ólɛɛ ɛ, yé diʼe njɨ, pere e die mo Da Yesʉs. Dweʼ ga Zyɛm Sɔŋ kum, pere e die le.

Filipi 4:18

Me a si bi sa yiyɛh bɨn bé a lomlo me e. Bim yaa, yé é buo! Me mu ó, é twiha ebe bɨsa Epafrɔdit a ze e bye e. Zyɛm, nye ebee mɨndwɛa min mbɨmbɨa, mpʉ nye lé enʉa motwina ndɨ ediʼɔ nye e bɨsʉhʉ ɨ.

Éfɛsɔs 2:18

Bɨkul bɨba ga bina dihla kunokuno e Zyɛm Sɔŋ, lé ecwɨɨ é zi Mbɨambɨa Sisim ngwar. Bɨna bé esa ga no ó, dumo e Krɨst.

Mataos 28:20

Bɨn bé à yeʼle be ó, bé duʼo motie mɨmɛh me a tiile bɨn ɨ. Mbe ga: me ódi é bɨn molu mɨmɛh, to pyal é l'esie e mbi jɔʼ yi.»

Mataos 6:13

Ato e bɨh é mobʉbla tʉŋlʉ. Syɛbɨ bɨh é mobo mo Bɨbla-mʉr. [Ebe, mojwɨ̀ʼa e nkul ndwe e moncɛnba, byé ó byo, to pyal é mɨmya mimyɛh. Amɛn!]”

Mɨngwiha 5:13

No ó, me ze joʼo bɨsa bibyɛh Zyɛm a cye e, lé elwib é jɔʼ gwar: e byaa ndɨ é jobo kʉ ɨ, le byaa ndɨ é si nwaʼ ɛ, le byaa ndɨ é bɨbwah si tʉŋlʉ ɨ, ndwe e byaa ndɨ é maŋ tʉŋlʉ ɨ. Bibyɛh, byé ze jɛɛ bɨjɛɛ. Byé ó: «Kum, e duu ndwe e nkul, byé ó e waa ndɨ ndindil é dia taʼa ɛ, bé e Ma Ntœme, njʉmdia e njʉmdia!»

Mɨngwiha 4:6

Yʉʉ sɔʼɔ é bɛl-bɛl, yé a be ó é l'empom e dia taʼa yaa, mpʉ sa cɨŋɔ ó, yé ó maŋ lé epan é nge-ngɨ-nge mpʉ cristal ɨ. Yé a be nteme ó e mɨkubla bɨsɔʼɔ mɨnâ myé a cyɛb é mompàh mo dia taʼa yaa ɛ. Mɨmo ndwe e mɨkoo myɔɔ, myé a be ó e mih lwɨŋla.

Ebrœ̂ 12:23

Bɨn bɨ pyal é gwɨhla modweʼe mo bwan mo Zyɛm. Mie mɨn boo nɔɔ, mé ó mɨtila é jobo kʉ. Bɨn bɨ dihle boo Zyɛm, mʉr ndɨ etiʼe mɨlɔb mɨ bʉr bɨbɛh ɛ. Bɨn bɨ pyal gumo ocɨcyel o bʉr ndɨ ɨ, baa mɨsisim myɔɔ mu si kumo é l'ombɨmbɨa é mɨpaʼ mimyɛh ɛ.

1 Tesalonika 4:3

Ebe, sa Zyɛm lé egwɨm e bɨn ɨ, yé ó bɨn diʼe mɨsaŋ mɨ bʉr. Ebe no, mbuʼla nyiwɛh, nye ejala le edi é l'ecyooŋʉ, lé esyɛhle lɔb esa bɨmala e mɨfyɛba.

Kolosi 3:20

Bɨn bwan, saʼ ga obyɛl bɨn mojoʼo, ebe, Da Yesʉs, nye ebee syɛɛla yaa mbɨmbɨa.

Filipi 2:11

No nteme ó mʉr nyiwɛh ómɛʼle ó, Yesʉs-Krɨst ó ndɨ bwaʼbwaʼ Njwɨɨ, lé edwe Zyɛm Sɔŋ kum é zi waa.

Galásia 1:5

Kum diʼe e Zyɛm njʉmdia e njʉmdia. Amɛn!

Rôm 11:36

Yé abe e mʉr, ebe, Zyɛm ó b'a cye bɨsa bibyɛh. Byé a kwɨmlɨ nteme ó, dumo e nye. Sa yiyɛh, yé tɨʼ ó, é l'efu le. Bɨna gumla ga nye njʉmdia e njʉmdia. Amɛn.

2 Pyɛr 3:18

Toʼ le egwɨe ga ebe ncwɨncwɨa Tî ga wina le Tiʼbʉr ga wina Yesʉs-Krɨst lé elɛʼle bɨn ɨ. Bɨn bé à gwɨe nteme ebe bɨn bɨ gʉa nye. Nye ome ó ndɨ ejala e kum, taare é banana, to pyal é njʉmdia e njʉmdia. Amɛn.

Rôm 16:27

É Zyɛm nye ome, waa ndɨ Cɨcyoo lé elaa mɨcɨcyoo mimyɛh ɛ, kum diʼe e nye é zi mo Yesʉs-Krɨst, njʉmdia e njʉmdia. Amɛn.

Yʉanes 17:23

Mɛm ɨ be; gwɔɔ ɨ me: no ó bé ódi njɨ sa gwar é mɨpaʼ mimyɛh ɛ. No nteme ó bʉr bɨbɛh, bé ógʉa é kpɛhla ó, go ó b'a lomo me e. Bé ógʉa nteme ó, go ekpɛl be mpʉ go lé ekpɛl me e.

Yʉanes 7:17

Mʉr lé egwɨm sa bɨgwɨma mo Zyɛm ɨ, nye ógʉa gumo sikʉlʉ yam lé eduho e: nkʉ yé eduho boo Zyɛm, nkʉ me elwib é nkul wam me mʉr tɨ.

Mataos 21:31

É bwan oba baa, waa wáa a sa gwɨma mo sɔŋ ɨ?» Bé ze bɨha e nye ó: «Waa efoʼ.» Yesʉs ze lɛɛ e be ó: «Yé ó no! Me elɛɛ bɨn cyecye ó nɛɛ: onwɨa o tœa bé e mɨmbambama, bé ó ngo taare pyal e bɨn é jwɨ̀ʼa mo Zyɛm,

Mataos 7:21

«Ntʉʼ mʉr nyiwɛh ólɛɛ ó: “Da ɔɔ, Da ɛɛ!” óni é jwɨ̀ʼa mo Da, njɨ waa nyiwɛh lé esa gwɨma mo Sɔŋ wam ndɨ é jobo kʉ ɨ.

Mataos 12:50

Mʉr nyiwɛh lé esa sa Sɔŋ wam ndɨ é jobo kʉ ɨ, lé egwɨm ɨ, nye ó ndɨ mɨɔ wam, kɛl wam ndwe e nyɔŋ wam.»

2 Timotɛ 3:17

Myé ó ndɨ ekomlo mʉr mo Zyɛm nyiwɛh, lé esa ó, leme, wé diʼe nye é ntɨɨɨŋ ó, nye sa ó bɨsyɛɛla bɨ ncwɨncwɨa, mɨmbi mimyɛh.

Ebrœ̂ 12:28

Ebe no, bɨna dweʼ ga Zyɛm ekiba, ebe, nyi niŋle bɨna ga é jwɨ̀ʼa ye. Yé abe e nkul epɨŋla. Bɨna dwiibɨ ga nye le ebil ekɛn é mih me, ndwɛa kum ga wina waa nkʉʼ jala e nye,