Ebrœ̂ 13:20 - Kálara Zyɛ̌m Edwán é mpʉ̌n

²⁰ Neme Zyɛm Sɔŋ ndɨ egba motala paʼra ga wina, nye ó b'a pɛ̀h Tî ga wina ndwe e Kobla bɨntœme nɨnɨ, Yesʉs é foo, pɛ̀ha foo we lé elɛʼle ó, nyi mɛʼle motié nye a sʉ é l'efu ó, Sɔŋ we nkʉʼ de mpʉn njʉmdia e bɨna ga ɛ.

Kálar Nzyɛ̌m : Ejwán é Sáá

²⁰ Me lɨ́ ejɨʼla e Nzyɛ̌m, mʉr dí egbâ mɨ́ná gá mepyɛbla ɨ́ miléme, waá á pɛh «Mbɔʼlʉ bintemě nɨ́nɨ́ɨ́», Tî gá wɨ́ná Yésʉs nyá. Ɨ́ tɨ̂ʼ, Nzyɛ̌m á sâ ó, saá ngá dǐ njʉ̌m dǐ e njʉ̌m dǐ nyɨ́, ɨ́ nzɨ̌ metié mé.

Ebrœ̂ 13:20 ပူးပေါင်းရင်းမြစ်များ

Yʉanes 10:11

«Me ó mpaŋ kobla bɨntœme. Mpaŋ kobla bɨntœme, nye edwe tiʼ ye é ziila e bɨntœme bye.

Ebrœ̂ 10:22

no ó bɨna lé ejala le edihle ga kunokuno e nye e, lwɨŋla e mbɛla e buʼo ndɨ eduho é mɨmo si ɨ. Mɨleme ga mina, myé mu ó si pubɔ. Mɨpɛhla mɨleme ga mina, myé abe lé eka nwahle bɨna ga ó, bɨna bé ó e mobe. Monyʉl ga mɨna, mé ó mɨnjwɨ̀a e modibe ndɨ é ncyɛh-ncyɛh ɛ.

Rôm 15:33

Zyɛm lé egba bɨna ga motala é mɨleme e, nye diʼe e bɨn bɨbɛh. Amɛn.

2 Tesalonika 3:16

No ó, Da Yesʉs, waa lé egba bɨna ga motala é mɨleme e, nye gbaʼ bɨn motala maa é mɨleme bɨjɔʼ bibyɛh, le mozi mɨmɛh. Da Yesʉs diʼe e bɨn bɨbɛh.

Yʉanes 10:14

Me ó mpaŋ kobla bɨntœme. Mpʉ Sɔŋ wam lé egʉa me e, me egʉa nye. Ebe no ó me lé egʉa bɨntœme byam, bɨntœme byam gʉa me e. Me edwè, jala e bɨntœme byam byaa.

Mɨlʉmlʉ 2:24

Zyɛm ze pɛ̀h nye é foo, pɛʼ nye é mokpaa mo efie, ebe, efie, lé a baabe e nkul mɛr nye é bɛabɛa,

1 Pyɛr 2:25

ebe, bɨn bé a be-be ó, mpʉ bɨntœme byé a pɔhba ɛ. No ó, banana, bɨn bɨ ze fiʼ, to kœb Kobla bɨntœme. Nye nteme ó ndɨ Mbɔʼlʉ mɨsisim min.

Mɨlʉmlʉ 3:15

Bɨn ó b'a jʉ Etin e tiʼ; Zyɛm nyɛɛ ntɔʼ pɛ̀h nye é foo. Bɨh ó ndɨ eliʼ boʼlo lɔb waa.

1 Pyɛr 1:21

Krɨst ó b'a sa ó, bɨn jyɛʼɛ taa buʼo yin boo Zyɛm, waa a pɛ̀h nye é foo, waa a dwiibɨ nye nteme e. Ebe no ó buʼo yin ndwe e mbɛla win lé etiibe njɨ e Zyɛm ɨ.

1 Tesalonika 1:10

Bé elɛɛ-lɛɛ nteme ó, bɨn mu ó lé ebono Mwan mo Zyɛm óduho é lal mo Zyɛm, waa nye a pɛ̀h é foo e. No, yé ó Yesʉs, waa ndɨ esyɛb bɨna ga é mɨtuu mɨ epihe é jɔʼ Zyɛm ókpaa empime e bʉʉ bʉr ɨ.

Kolosi 2:12

É zi ndubo bɨn bé a nʉa ɛ, bɨn bé a si debe, bɨn e boo Krɨst é jɔʼ gwar e gwar yaa, bɨn e boo nɔɔ nteme ntɔʼ pàh, ebe, bɨn bé ebuʼla nkul nɨnɨ mo Zyɛm Sɔŋ, mʉr a pɛ̀h nye é foo e.

1 Pyɛr 5:4

É jɔʼ Kobla bɨntœme nɨnɨ óbâʼle nyin ɨ, nye ópaʼle bɨn syɛɛ yin yaa, le ebœr bɨn mopʉʼlʉ mo duu mɨn. Mé ódi-di ó, njɨ é ncyɛn-nti-ncyɛn, akuna-kuna.

Ebrœ̂ 10:29

Bʉr pa taare jʉŋɔ é lɔb ebɨh bé lé esa motie mo Moyiz ɨ, a dwɛʼra e mʉr lé etíile Mwan mo Zyɛm é mobò me si ɨ? Nye ókʉ jala e bɨbebebebe bɨntɨʼa, laa naa! Mpʉ jwɨʼ ye ndɨ ɨ, yé ó yi: motié Krɨst a pyɛl é l'efu ó, Zyɛm deʼ edwan e mpʉn ɨ, mé mu nye ó tɨtoʼo, nyɛɛ yɛɛ si pa pubɔ e tɨ! Bɨn bé ejwɨʼ é yé, tiibe e mʉr a pyeh nteme Mbɨambɨa Sisim, a bɛa lɛʼle nye ncwɨncwɨa ɛ? Mʉr tɨʼ ósaŋɔ nyá ɛ?

Ebrœ̂ 9:20

Nye a lɛɛ e be ó: «Maʼ, mé ó motié lé eboʼlo mpʉn Zyɛm mu lé ede e bɨna ga ɛ. Zyɛm, nye elɛɛ bɨna ga ó, bɨna duʼo ga motie ndɨ mɨtila é lɔb mpʉn waa ɛ.»

1 Tesalonika 5:23

Mʉr lé esa ó, bʉr tiʼa é motala ɛ, nye mʉr tɨ, nye puba bɨn é mɨpaʼ mimyɛh. Nye baʼla mɨsisim min e mɨleme min, ndwe e monyʉl mɨn. Ebò e cyen lɨn, lé diʼe no, alɨŋa ba, to pyal é dobo Tî ga wina Yesʉs-Krɨst óbula ze e.

Filipi 4:9

Duʼo ga sikʉlʉ bɨn bé a jwɨʼ boo me e. Duʼo ga mɨlɔb mimyɛh bɨn bé a joʼo me lé elɛɛ, myaa bɨn mu lé emɛʼle e. Ebò e cyen bɨn bé a bee me lé ekœʼ œ, kœʼœ ga le. Zyɛm, waa lé egba bɨna ga motala é mɨleme e, nye ódi é bɨn.

Rôm 8:11

No nteme, ǃɨ Mbɨambɨa Sisim, mʉr a pɛ̀h Yesʉs-Krɨst é foo e, di é bɨn nɛʼɛ, lɛɛ ó, nye ópɛ̀h monyʉl mɨn é foo, maa lé edwè e. Nye ódwe monyʉl mɨn tiʼ é zi Sisim we ndɨ é monyʉl mɨn ɨ.

Mɨlʉmlʉ 5:30

Zyɛm bɨmpam ga bina a si pɛ̀h Yesʉs é foo, waa bɨn bé a jʉ lé ecyèlɔ nye é klos kʉ ɨ.

Mataos 26:28

ebe, motié mam ó ma, motié mu lé eswɨɨ é l'efu ó, Zyɛm deʼ mpʉn e bʉr é buobuo, ó nye pɛʼɛ be bɨbaa bɨ ebebe byɔɔ.

Éfɛsɔs 1:20

Mpwaʼ nkul we, nye esea é bɨna ga tʉŋlʉ, mpʉ nye a taare sea nteme é Krɨst é jɔʼ Sɔŋ a pɛ̀h nye é foo, dil nye é jobo kʉ é mbo ejʉm we e.

Galásia 1:1

Mɛm Pol, lʉmlʉ mo Yesʉs-Krɨst, ó lé etile bɨn kalara nwa. Me abe lʉmlʉ mo nuu mʉr fih. Abe e mʉr a cen me mpaŋla ó, me mu ó lʉmlʉ. Yesʉs-Krɨst nye mʉr tɨʼ ó b'a lomo me, bé e Zyɛm Sɔŋ, waa a pɛ̀h nye é foo e.

2 Korɛnt 13:11

Obɨɔ ga bam aa! Sa me óka tile bɨn é l'epihe e, yé ó nɛɛ: diʼe ga mbɨmbɨa. Dɨʼe komla ga paʼra win. Dɨʼe gba ga nkul é nyʉl mo mɨɔ nyiwɛh paʼra win. Dɨʼe toŋlo ga sa gwar. Tiʼa ga é motala. No ó Zyɛm lé eze bɨna ga e ncwɨncwɨa ndwe e motala ɛ, nye ódi e bɨn.

2 Korɛnt 4:14

Ebe, bɨh bé ebuʼla ó, waa a pɛ̀h Da Yesʉs é foo e, nye nteme ópɛ̀h bɨna ga e boo nɔɔ. Nye ócyel bɨna ga é mih me é gumo Yesʉs ndɨ ɨ.

1 Korɛnt 15:15

Yé be ó, yé ó no nɛʼɛ, yé enyin nteme ó, bɨh bé elɛɛ mpʉl, tiibe e Zyɛm, ebe, bɨh bé eboʼlo, tiibe e nye ó, nye ó b'a pɛ̀h Krɨst é foo. Yé be ó, odwè, bé ákwoʼ pàh é mofoo nɛʼɛ, lɛɛ ó, Zyɛm a baapɛ̀h nye é foo.

1 Korɛnt 14:33

Zyɛm a baajebe bɨna ga ó, bɨna tiʼa ga é l'oleŋeleŋe tʉŋlʉ. Nye a jebe bɨna ga ó, bɨna tiʼa ga é motala. É bɨfum bibyɛh mɨmbɛr mɨ Zyɛm mimyɛh lé egwɨhla ɛ,

1 Korɛnt 6:14

Zyɛm, mʉr a pɛ̀h Tî ga wina é foo e, nye ó ngo pɛ̀h nteme bɨna ga é zi nkul we waa.

Mɨlʉmlʉ 17:31

No ó nye a cyel dobo nye ótiʼe bʉr o si nwaʼ bɨbɛh mɨlɔb myɔɔ é l'ocɨcyel ɨ. Nyi bɛa pɛh nteme mʉr ótiʼe mɨlɔb myɔɔ é dobo laa ɛ. Nyi pɛ̀h mʉr waa é foo. Pɛ̀ha foo waa, wé ó dweʼle, sa lé elɛʼle bʉr bɨbɛh ó, mʉr a pɛ̀hɔ é foo e, nye ó ngo tiʼe mɨlɔb myɔɔ.»

Mɨlʉmlʉ 13:30

Zyɛm nyɛɛ ze pɛ̀h nye é foo.

Mɨlʉmlʉ 2:32

Pyɛr ze ko tɨʼ ó: «Mʉr Zyɛm a pɛ̀h é foo nɨ, ó ndɨ Yesʉs. No ó, bɨh bɨbɛh, bé ó oboʼla o lɔb we waa.

Lʉkas 22:20

Jwɨʼ gwar yaa, é jɔʼ bé a sil de e, nye ntɔʼ bâʼle dwe be bele monwoʼ mo rezɛŋ. Nye ó: «Bele monwoʼ yi, yé elɛʼle edwan e mpʉn Zyɛm lé ede e bʉr é zi motié mam, maa lé eswɨɨ si ebe bɨn ɨ.

Markus 14:24

Nye ó: «Motié mam ó ma, motié lé eswɨɨ é l'efu ó, Zyɛm deʼ mpʉn e bʉr é buobuo e.

Rôm 16:20

Zyɛm, waa lé edwe bʉr motala ɛ, nye ó ndɨ waa mu kunokuno le etíile Satan si e mokʉ mɨn ɨ. Mocyɛʼ mo mpom mo Tî ga wina Yesʉs, mé swɨŋɨ é bɨn.

Rôm 1:4

É nko paʼ mo Sisim we ndɨ ti ɨ, nye a si jwɨrɔ ó «Mwan mo Zyɛm» e bwaʼbwaʼ nkul ebe pɛ̀ha foo: Tî ga wina Yesʉs-Krɨst.

Mɨlʉmlʉ 4:10

bɨn bɨbɛh le bwa b'Ɨzraɛl bɨbɛh, gʉŋa ga be ó, mʉr bɨn lé ebee lé ecyɛb cɨcyel nwa, nye mu mbɨmbɨa ó, é nkul die mo Yesʉs-Krɨst, mʉr Nazarɛt, waa bɨn bé a bomlo e mosen, bɨnɔ nye é klos kʉ ɨ. To kœb ó, Zyɛm a si pɛ̀h nye é foo!

Rôm 10:7

Bé a tile nteme ó: «Daʼ dî é leme go tʉŋlʉ ó: “Zé ófulo, to pyal é Bɨ-siʼe?”» (No yé elɛɛ ó, mʉr ayi pahle ó, nuu mʉr óka to kœb Krɨst kwar odwè, ntɔʼ bula e nye.)