Ebrœ̂ 13:2 - Kálara Zyɛ̌m Edwán é mpʉ̌n

² Ajɨha ga lé ebɨlan e l'ojyoo lé epyal bɨn ɨ. Bʉʉ bʉr, bé a si baʼle ojyoo mbɨmbɨa, bé ntɔʼ kœb ó, mpa yé a be ó beengles, bɛɛ l'agʉa.

Kálar Nzyɛ̌m : Ejwán é Sáá

² Mʉ̌r sá asâ épɨ̂h lɨ́ enʉa ójwóo o dí epyâl kwá nyɨ́n bá mbɨ̂mbɨá. Bʉ́ʉ́ bʉ̂r, bé á si nʉa ojwóo mbɨ̂mbɨá, bé ntɔ̂ʼ kœb ó, nkúná yé á be ó beéngeles, bɨ́ɛ l'agʉ́a.

Ebrœ̂ 13:2 ပူးပေါင်းရင်းမြစ်များ

Mataos 25:35

ebe, me a si joʼo za, bɨn ntɔʼ dwe me mode. Me a si joʼo dweh modibe, bɨn ntɔʼ dwe me modibe. Me a be ó njyoo; bɨn bé a si bɨlan e me.

Rôm 12:13

Dweʼ ga mɨsaŋ mɨ bʉr mo Zyɛm bɨsa lé esa be sɔɔlʉ ɨ. Dɨʼe bɨlan ga e l'ojyoo lé epyal bɨn ye e.

1 Pyɛr 4:9

Dɨʼe bɨlan ga e bʉʉ obuʼla. Atʉʼra ga é jɔʼ bɨn lé esa no e.

Mataos 25:43

Me a be ó njyoo; bɨn bé a baabɨlan e me. Me a be ó fufwah; bɨn bé a baabœr me mɨkan. Me a be ó é mbɛr mɨmbʉʼ lé esyɛb; bɨn bé a baaze bee me.”

Títos 1:8

Yé ejala ó, nye beʼ mʉr lé egʉa bɨlan e l'ojyoo e. Leme we, wé duʼo njɨ embɨa. Nye kœʼœ ebò e cyen é mpaŋ pɨʼ. Nye diʼe cɨcyel, e leme é sɔɔɔ é mih mo Zyɛm. Nye gʉŋa emɛr leme.

Mataos 25:40

«No ó, njwɨɨbʉr, wé óka bɨha e be ó: “Me elɛɛ bɨn cyecye ó nɛɛ: gumo bɨn bé a sa mʉr ngwar é sama obɨɔ bam baʼ no e, dam be ó, waa ndɨ agbaŋɔ é nkɔb ɨ, gumo yaa, bɨn bé a sa nteme ó me.”

1 Timotɛ 5:10

Go ótile kuho mʉma die ó, waa wé óbe si bul jwɨ̂ʼlɨ e mɨmpaŋ bɨsyɛɛla nye lé esa ɛ. Wé beʼ mbi mʉma wi: waa a bœʼ bwan, waa a bɨlan e l'ojyoo mbɨmbɨa, waa a jwɨ̀ɨ mɨsaŋ mɨ bʉr mokʉ, waa a kɛm bʉr o b'a bul sia e mɨtuu, le waa a gba nyʉl lé esa mɨmpaŋ bɨsyɛɛla mɨmbi mɨmbi ɨ.

1 Timotɛ 3:2

Ebe no, yé ejala ó, nye diʼe mʉr bé ndɨ abe e nkul etɛɛ ɛ. Yé ejala ó, nye diʼe njɨ e mʉma ngwar. Yé ajala ó, mbɔʼlʉ mbɛr Zyɛm, nye fwaʼa monwoʼ. Nye kœʼœ ebò e cyen é mpaŋ pɨʼ. Nye diʼe mʉr ndɨ e modile e. Nye diʼe mʉr lé ebɨlan e l'ojyoo, waa lé egʉa dwe bʉr sikʉlʉ ɨ,

Rôm 16:23

Gaywis, nye esoho bɨn nteme. Nye ebɨlan e me jwɨʼ gwar e gwar é mbi nye lé ebɨlan e bʉr o Mbɛr-Zyɛm bɨbɛh ɛ. Erast, mbɔʼlʉ ekuro e bɨmɔn bɨ nkana yiʼ ɨ, bé e mɨɔ ga wina Kwartos, bé esoho bɨn nteme.

Mɨlʉmlʉ 16:15

Nye ze nʉa ndubo, bé e mbɛr bʉr we nteme. No ó nye a ze jwɨʼla e bɨh ó: «ǃBɨn si mɛʼle ó, me ó é zyɛŋa wih boo Da Yesʉs, le mʉr ebuʼla nɛʼɛ, ntaʼ, ze ni ga be ɨ modwii mam.» No ó nye a yɨm bɨh ó, bɨh mɛʼla ɛ.

3 Yʉanes 1:5

Mɨɔ kpɛl wam, go ekʉ lɛʼle ó, go ó mʉr ebuʼla é jɔʼ go lé ebɨlan e l'obuʼla ɛ, dam be ó, bé ó go ojyoo.