Ebrœ̂ 13:18 - Kálara Zyɛ̌m Edwán é mpʉ̌n

¹⁸ Dɨʼe sa ga mɨnjwɨʼla é l'efu lɨh. Bɨh bɨ kʉ gʉa ó, mɨpɛhla mɨleme mih, myé ó njɨ myaa ndɨ é pyɛɛɛ ɛ. Bɨh bé e gwɨma ó, bɨna kœʼœ ga ebò e cyen ndɨ cɨcyel ɨ, é bɨcye bibyɛh.

Kálar Nzyɛ̌m : Ejwán é Sáá

¹⁸ Sáʼ gá sɨ́n ɨ́ minjɨʼla ɨ́ lɔ̌b wɨ́h. Ɨ́ wɨ́h pâʼ, bɨ̌h bé lɨ́ egʉ́a ó, bɨ̌h dú ó, kʉ̌ tyen dí tîtyěl wɨ́. Bɨ̌h bé lɨ́ ekʉ́ gʉ́a ntémé ó, mipahlá mílémé míh, myé ó njɨ myaá mi dí ɨ́ pyɛɛɛ mí.

Ebrœ̂ 13:18 ပူးပေါင်းရင်းမြစ်များ

1 Tesalonika 5:25

Obɨɔ ga bam aa! Saʼ ga Zyɛm mɨnjwɨʼla é l'efu lɨh.

2 Tesalonika 3:1

Obɨɔ ga bam aa! Bɨh bé eka tile bɨn ó, bɨn jwɨʼla e Zyɛm é l'efu lɨh, ó lɔɔ lé etiibe e Da Yesʉs ɨ, wé toʼ dolo kam e kam, ó bʉr dweʼ lɔɔ waa duu, du mpʉ bɨn bɛɛ mu lé edwiibɨ we e.

1 Timotɛ 1:5

Motɨɨ go ódɨ dwe e, ndumlo tɨ, wé ó, bɨna kpɛlɨ ga Zyɛm, kpɛl yaa lé eduho bɨna é mɨmo si ɨ. Mɨpɛhla mɨleme ga mina, myé diʼe é pyɛɛɛ, mɨleme myɛɛ lwɨŋla e mpaŋ buʼo ndɨ abe mbaʼra e bɨkʉʉŋʉ ɨ.

Kolosi 4:3

Saʼ ga mɨnjwɨʼla nteme é l'efu lɨh, ó nye dibɨ bɨh zi ó, bɨh tuna Mbɨambɨa Lɔɔ we, ó bɨh pɛʼla lwib odim lé etiibe e Krɨst ɨ. Me kɛʼa é mbʉʼ ó, ebe lɔɔ me lé ebɛa tuno-tuno e.

Rôm 15:30

No ó, obɨɔ ga bam aa! Sa me lé edî e bɨn é die mo Tî ga wina Yesʉs-Krɨst, le é kpɛl Mbɨambɨa Sisim lé egba é mɨleme ga mina, yé ó bɨn kœbɨ me é dɔm lɨ, lé ejwɨʼla e Zyɛm é l'efu lam.

1 Pyɛr 3:21

Modibe maa, mé edweʼle ó, ndubo mu lé edwe bɨn tiʼ é bananaʼ ɛ. Wé esa no ó, ebe, wé ó gwɨma bɨna lé egwɨm ga ɛ, ó Zyɛm puba bɨna ga, to pyal é mɨleme ga mina tʉŋlʉ, ó mɨpɛhla mɨ tɨʼ nkʉʼ di é pyɛɛɛ. Nye epubo bɨna ga mɨleme myaa ó, ebe pɛ̀ha foo mo Yesʉs-Krɨst. Ndubo ga wina, wé atiʼ bɨna ga ebe mobomo wé lé epɛʼ é nyʉl ɨ.

1 Pyɛr 3:16

Saʼ ga no e njwɨr é tala tala, lé edwaabe bʉr o lé edî no e. Mɨpɛhla mɨleme min, myé diʼe njɨ myaa ndɨ é pyɛɛɛ ɛ. ǃƗ bʉr ka fœʼ bɨn, bɨn yɛɛ lé ekœʼ mbɨambɨa ebò e cyen é Krɨst nɛʼɛ, bé ófuʼla ka bil fwon ebe movoʼ bé a fœʼ bɨn ɨ.

1 Pyɛr 2:12

Kœʼœ ga mbɨambɨa ebò e cyen teme bʉr o ndɨ abuʼla ɛ. Bé dam fœʼ bɨn, bé óbana ka bee mɨmpaŋ bɨsyɛɛla bɨn lé esa-sa ɛ, ntɔʼ láa bɨn bɨbaa bɨ embɨa tɨʼ é dobo Zyɛm óbâʼle ze bee bɨna ga e boo nɔɔ ɛ.

1 Tesalonika 4:12

Kœʼœ ga mpaŋ ebò e cyen, laa mɨnjeʼe-Zyɛm, myé óbee mbɨmbɨa ɛ. Mʉr beʼ l'adɨ bono okɛma é jɔʼ yiyɛh.

Mɨlʉmlʉ 24:16

Ebe no, me egba nyʉl lé ekœʼ ebò e cyen ndɨ cɨcyel é mih mo Zyɛm le maa mo bʉr ɨ. Mɨpɛhla mɨ leme wam, wé ó é pyɛɛɛ.

Mɨlʉmlʉ 23:1

No ó, Pol a dwɛʼ bʉr o Bʉm Nɨnɨ é tʉʉʉŋ. Nye ó: «Obɨɔ ga bam aa! Me e leme é mo é pyɛɛɛ lé etiʼe é mih mo Zyɛm, ze pyal é muh é dobo lɨ.»

Filipi 4:8

Obɨɔ ga bam aa! Sa me óka tile bɨn é l'epihe e, yé ó nɛɛ: pahla ga bɨsa ndɨ cyecye e ndwe e byaa bɨ duu, bɨsa ndɨ cɨcyel ɨ. Pahla ga bɨsa ndɨ é pememe le ebul kpɛlɔ ɛ. Pahla ga mɨlɔb bʉr lé ebul mɛʼle e, le bɨsa ndɨ é mbɨa le egumlɔ ɛ.

2 Korɛnt 1:12

Sa bɨh lé edoʼo e ye e, yé ó yi: mɨpɛhla mɨleme mih, myé eboʼlo ó, bɨh bé ekœʼ ebò e cyen egwar é mih mo bʉr bɨbɛh, ndwe é maa mɨn, ebò e cyen ndɨ ti é mih mo Zyɛm, laa ndɨ eduho bɨh é mɨmo si ɨ. Bɨh bé a baakœʼ le lé edu ocyoo o bʉr o si nwa. Bɨh bé a kœʼ ebò e cyen laa ó, lé edu bim ncwɨncwɨa Zyɛm a lɛʼle bɨh ɨ.

Rôm 13:13

Bɨna kœʼœ ga ebò e cyen ndɨ ejala e bʉr o ndɨ é myɛn ɨ. Bɨna l'ayi lɔʼba ga le ebwal mozɔɔ, nkʉ fwaʼ monwoʼ, nkʉ lama fwon é zi bɨduo, nkʉ sa bɨmala zam e l'ekomo, nkʉ sa mpɔʼa monkɔm, nkʉ zii.

Rôm 12:17

Abala ga syɛɛla ebebe. Saŋa ga zi esa bʉr bɨbɛh bɨsyɛɛla ndɨ é bul mbɨa é mih mo bʉr bɨbɛh ɛ.