Ebrœ̂ 13:17 - Kálara Zyɛ̌m Edwán é mpʉ̌n

¹⁷ Saʼ ga ocyɛb be efoʼ bɨn mojoʼo. Filɨ ga monyʉl si e be, ebe, bɛɛ ó ndɨ edwiile mɨsisim min. Bé ó ngo to lɛɛ Zyɛm mpʉ bɨn bé a kœʼ ebò e cyen ɨ. ǃBɨn si sa be mojoʼo nɛʼɛ, bé ósea syɛɛ yɔɔ e bɨsʉhʉ. Yé baabe no nɛʼɛ, bé ójoʼo mompime. Syɛɛla yaa, abe bɨn e nyɔm.

Kálar Nzyɛ̌m : Ejwán é Sáá

¹⁷ Jóʼáá gá otyɛ̂b bé ésôʼ bɨ́n. Bɨ̌n e tyé ɨ́ jwɨ́ɨ́ yɔ́ɔ́. Ebě, bé ó dí ebaʼle mísísǐm mín. Bé ntémé ó ngá tó lɛ́ɛ̌ Nzyɛ̌m mpʉ bé á séa lɨ́ esú lɨ́n yɨ́. Bɨ́n sá bé mejóʼo nɛ́ɛ: bé oséǎ syɛ́ɛ́ yɔ́ɔ́ e bisʉhʉʉ. Yé bé abe nó wá, bé ójóʼo mébúʼ. Syɛ́ɛla yaá, abe bɨ́n e nyɔm.

Ebrœ̂ 13:17 ပူးပေါင်းရင်းမြစ်များ

1 Timotɛ 5:17

Ocyɛb be efoʼ ndɨ ekœʼ e mbɛr Zyɛm mbɨmbɨa ɛ, bé ejala le ebi myɛna moba, kʉ bul be baa lé elɛɛ bʉr lɔɔ Zyɛm, le eyeʼle be e.

Ebrœ̂ 13:7

Toŋla ga ocyɛb be efoʼ bɨn, baa b'a lɛɛ-lɛɛ bɨn lɔɔ Zyɛm ɨ. Toŋla ga ebò e cyen bé a kœʼ œ, e ndumlo bɨtiʼ byɔɔ. Jyɛʼɛ ga taa buʼo yin boo Zyɛm mpʉ bé a sa ɛ.

1 Pyɛr 5:5

Bɨn mɨsoho, yé ejala ó, bɨn filɨ monyʉl si é mih mo otamabʉr. Bɨn bɨbɛh, filɨ ga monyʉl si paʼra win, ebe, yé ó tila ó: «Zyɛm, nye esa bʉr o ndɨ enkɛɛ monyʉl mɔɔ ɛ, mongan. Baa ndɨ efil monyʉl si ɨ, bɛɛ ó ndɨ esʉŋɔ mocyɛʼ mo mpom.»

Mɨlʉmlʉ 20:28

Diʼe ga ncye, taare é bɨn bʉr o tɨ, ndwe e Mbɛr-Zyɛm. Mbɨambɨa Sisim a si cyel bɨn é dia obɔʼlʉ é Mbɛr-Zyɛm tʉŋlʉ. No ó, kobla ga daa e bɨntœme, bʉr Zyɛm a siila motié me e be e.

1 Korɛnt 16:16

Me elɛɛ bɨn ó nɛɛ: bɨn cyɛba é mɨkoo myɔɔ pihe. Dwaaba ga nteme bʉr o bé e boo nɔɔ lé esea empomo e syɛɛ gwar ɨ, ebe syɛɛ bé lé edihbe e.

Filipi 2:12

No ó, obɨɔ o kpɛl bam aa! Bɨn bé a be ó si sa Zyɛm mojoʼo é jɔʼ bɨna bé a be ga gumo gwar ɨ. No ó, banana, é mpʉ me mu é nko paʼ fih, aka be bɨn ye e, bɨn bé ejala le eto dolo lé esa no. Zyɛm, nyi tiʼ bɨn. No ó, sea ga e bʉa e mosaʼ é l'efu ó, bɨn kœʼœ ebò e cyen laa.

Filipi 2:29

Ebe no, é jɔʼ nye ópyal é l'esama lɨn ɨ, bɨn bé à nʉa nye e bɨsʉhʉ bibyɛh ebe nye ndɨ mɨɔ ga wina, waa ndɨ é zyɛŋa ga wina boo Da Yesʉs ɨ. Dwaaba ga mbi bʉr o ndɨ mpʉ mo nye e,

Rôm 14:12

Ebe no, mʉr nyiwɛh ndɨ é mbɛr Zyɛm ga wina ɛ, nye ókar é mih mo Zyɛm.

2 Tesalonika 3:14

ǃƗ mʉr si be, ajoʼo motɨɨ bɨh lé edwe bɨn é kalara nwaʼ nɛʼɛ, nʉŋa ga nye die. Tiʼa ga nduula e nye. É mbi waa ó nye ójoʼo fwon ɨ.

Ebrœ̂ 13:24

Soha ga ocyɛb be efoʼ o Mbɛr-Zyɛm ndwe e mɨsaŋ mɨ bʉr mimyɛh. Obuʼla o lal Italia, bé esoho bɨn.

Filipi 4:1

Obɨɔ o kpɛl bam aa! Me ekpɛl bɨn ndwe le egwɨm bâʼle bee bɨn. Bɨn o ndɨ edwe me buobuo bɨsʉhʉ é leme. Bɨn ó ngo sa ó, Zyɛm bœrɨ me epʉʼlʉ é lʉ. Ofo bam, cyɛba ga é nkʉʼʉ é zyɛŋa win boo Da Yesʉs.

Filipi 3:18

Me ebal bɨn é lɔb sa gwar nɨ é jɔʼ yiyɛh. Banana, me mu ó lé ebâʼle yɨm nkpaa tɨʼ e myɛɛle é mih. Yé é buobuo bʉr o ndɨ ekœʼ ebò e cyen ndɨ elɛʼle ó, bé ó bʉr o dɔm mo Krɨst, a dwè é klos ɨ.

Jacques 4:7

Ebe no, filɨ ga monyʉl si é mih mo Zyɛm. Saʼ ga Njwɨɨ moleme mongan. Nye ókpɛɛ bɨn.

Filipi 1:4

É jɔʼ yiyɛh me lé ejwɨʼla é l'efu lɨn ɨ, me ejwɨʼla ó e bɨsʉhʉ,

Lʉkas 16:2

Nye ntɔʼ jebe nye. Nye e nye ó: “Wáa mbi lɔb me lé ejoʼo-joʼo, tiibe e go wi? Lɛʼla me mpʉ go bi-bi bɨsa byam ɨ, ebe, go abe e nkul eka di mbɔʼlʉ ekuro lam!”

Filipi 2:16

Bɨn bé ólɛʼle be mɨlɔb mɨ tiʼ. Tɨʼ ó me óbi zi lé edoʼo e syɛɛ yam é dobo Krɨst óbula ze e. Me ógʉa é jɔʼ yaa ó, lelelele syɛɛ me a sea ɛ, yé a baadwè ntuʼ.

Éfɛsɔs 5:21

Filɨ ga monyʉl si paʼra win, ebe, bɨn bé edwaabe Krɨst.