Ebrœ̂ 13:16 - Kálara Zyɛ̌m Edwán é mpʉ̌n

¹⁶ Saʼ ga bʉʉ bʉr bɨsyɛɛla bɨ embɨa. Fuʼa ga bʉr e mobi mɨn. Anyamle jɨha esa syɛɛla yaa, ebe, yé ó motwina Zyɛm lé ebee mbɨmbɨa ɛ.

Kálar Nzyɛ̌m : Ejwán é Sáá

¹⁶ Sáʼ gá bʉr oswîh embɨa. Súʼáá gá bʉr e mebi mɨ́n. Mʉ̌r sá ajɨhǎ syɛ́ɛla yaá, ebě, yé ó ndwéá Nzyɛ̌m dí ebeě mbɨ̂mbɨá wɨ́.

Ebrœ̂ 13:16 ပူးပေါင်းရင်းမြစ်များ

2 Tesalonika 3:13

Obɨɔ ga bam aa! Monyʉl, mé beʼ l'acyɛʼ bɨn pie mɨmpaŋ bɨsyɛɛla bɨn lé ebɛa sa ɛ.

Rôm 12:13

Dweʼ ga mɨsaŋ mɨ bʉr mo Zyɛm bɨsa lé esa be sɔɔlʉ ɨ. Dɨʼe bɨlan ga e l'ojyoo lé epyal bɨn ye e.

Galásia 6:10

Ebe no, ǃbɨna si bi ga epʉla tɨʼ nɛʼɛ, bɨna gbaʼ ga monyʉl ó, bɨna cwɨa ga e bʉr bɨbɛh. Sa gwar, kʉ bul cwɨa ga e bʉr o Mbɛr-Zyɛm ga wina, ndɨ bʉr o buʼo gwar ɨ.

Ebrœ̂ 6:10

Ebe, Zyɛm, nye ákwoʼ kœʼ é l'ozyɛhozyɛh. Nye aŋa jɨha syɛɛ bɨn lé esea nye e. Nye nteme, nye aŋa jɨha kpɛl bɨn lé ekpɛl nye e. Kpɛl yin, yé a nyin é pono ó, é jɔʼ bɨn bé a be lé esea e mɨsaŋ mɨ bʉr be e. Bɨn nteme, bé eto dolo lé esea e mye no.

1 Timotɛ 6:18

Lɛŋɨ be ó, bé saʼ embɨa. Okum wɔɔ, wé diʼe é nko paʼ mɨmpaŋ bɨsyɛɛla bé lé esa ɛ. Mɨleme, myé diʼe be é ntɨɨɨŋ ó, bé cwɨa e bʉr, lé eto gul be é zi mobi mɔɔ.

Filipi 4:18

Me a si bi sa yiyɛh bɨn bé a lomlo me e. Bim yaa, yé é buo! Me mu ó, é twiha ebe bɨsa Epafrɔdit a ze e bye e. Zyɛm, nye ebee mɨndwɛa min mbɨmbɨa, mpʉ nye lé enʉa motwina ndɨ ediʼɔ nye e bɨsʉhʉ ɨ.

Éfɛsɔs 4:28

Mʉr a be-be ndiblʉ ɨ, nye gwaʼa díbe. Nye sea syɛɛ ndɨ e nyɔm ɨ, e mobo me, é mbi ndɨ ó, nye diʼe e sa nye ógul baanteʼenteʼe e ye e.

1 Tesalonika 5:15

Mʉr abuulo ebebe e l'ebebe. Saʼ ga bɨsyɛɛla bɨ ncwɨncwɨa paʼra win boo bʉr bɨbɛh.

Mɨlʉmlʉ 10:38

Bɨn bé egʉa nteme mpʉ Zyɛm a lœm Yesʉs, mʉr Nazarɛt, Sisim we, le edwe nye nkul nɨnɨ ɨ. Bɨn bé egʉa nteme, mpʉ Yesʉs a kœʼ mɨlal e mɨlal, lé eto le esa embɨa, le etiʼ baa bé a sia e Njwɨɨ moleme e, ebe, bé e Zyɛm ó b'a be.

Lʉkas 18:22

É jɔʼ Yesʉs a joʼo no e, nye ze lɛɛ e nye ó: «Yé eka saa go sa gwar. Toʼ, to bɛma bɨsa bibyɛh go ndɨ e bye e. Go à dwe baanteʼenteʼe mɔn tɨ. É jɔʼ yaa ó go óbi okum e l'ogbaa é lal mo Zyɛm ɨ. Pie tɨ, go òze du me.»

3 Yʉanes 1:11

Mɨɔ kpɛl wam, abaŋa sa ndɨ é bebe e, njɨ yaa ndɨ é mbɨa ɛ. Mʉr lé esa bɨsyɛɛla bɨ ncwɨncwɨa ɛ, nye ó waa mo Zyɛm. Syɛl ebebe nyɛɛ, nye apa bee Zyɛm.

Galásia 6:6

Mʉr lé ejwɨʼ mɨlɔb mo Zyɛm ɨ, nye kaba bɨsa bɨ embɨa bye, dwe mʉr lé eyeʼle nye mya ɛ.

Filemɔŋ 1:6

Mpʉ bɨna ndɨ é zyɛŋa wina ɛ, bɨna mu ó e buʼo gwar. Bɨna mu ó lé egʉa nteme bɨsa bɨ embɨa bibyɛh bɨna ndɨ e bye é zyɛŋa wina boo Krɨst ɨ. No ó, zyɛŋa-mɨleme waa, nye ejala le egwɨe le eto dolo.

Filipi 4:14

Sa ndɨ tɨʼ yé ó, bɨn bé a si kʉ sa embɨa lé enʉa nkɔb é mɨtuu myam.

Mɨlʉmlʉ 9:36

Nuu mpʉn mʉma a be ó ɨ Yope, die le Tabita. (No yé é lwib grɛk ó, Dɔrkas.) Jɔʼ yiyɛh, nye a be ó lé ebul sa bɨsyɛɛla bɨ ncwɨncwɨa, le efuʼo-fuʼo baanteʼenteʼe.