Ebrœ̂ 13:14 - Kálara Zyɛ̌m Edwán é mpʉ̌n

¹⁴ ebe, é si nwa, bɨna bé abe ga e nkana lé edi njʉmdia e njʉmdia ɛ. Bɨna bé ejoʼo ga dweh eni é nkana fih é molu ndɨ eze e.

Kálar Nzyɛ̌m : Ejwán é Sáá

¹⁴ Ebě, ɨ́ sí yɨ̂, mɨná bé abe gá e nkana dí edǐ njʉ̌m dǐ e njʉ̌m dǐ yɨ́. Mɨná bé lɨ́ esáa gá nkana swîh, yaá dí enze yɨ́.

Ebrœ̂ 13:14 ပူးပေါင်းရင်းမြစ်များ

Filipi 3:20

É paʼ ga wina, bɨna ga bɛɛ, bé ó bʉr o ndɨ egumo e jobo kʉ ɨ. Bɨna mu ó lé ebono ga Tiʼbʉr ga wina, Da Yesʉs-Krɨst. Nye óduho é jobo kʉ, ze kaʼ é si nwa,

Ebrœ̂ 12:22

Bɨn bɛɛ, bé abe no. Bɨn bɨ ze é l'ecwɨʼ e Sion. Yé ó nkana mo Zyɛm ndɨ kublakubla ɛ: Yerʉsalɛm, yaa dina é jobo kʉ ɨ. Beengles otɔɔyin otɔɔyin, bé ó tɨ, abe e tolɔɔ. Bé etwaare e l'ebʉʼ e bɨsʉhʉ.

Éfɛsɔs 2:19

Ebe no, bɨn bé aka be mɨndìndìl nkʉ mɨngbaalaŋa. Bɨn mu ó bʉr mo Zyɛm jwɨʼ gwar e gwar e mɨsaŋ mɨ bʉr be. Bɨn e boo nɔɔ, bé mu ó bʉr o mbɛr bʉr mo Zyɛm.

2 Korɛnt 4:17

ebe, bwa o mɨtuu mɨ apyɛbpyɛb bɨh lé ebee é bananaʼ ɛ, myé elaa mpʉ ngul mpaa. Mɨtuu myaa, myé ó sa lé esa ó, bɨh biʼe buobuo kum ódi njʉmdia e njʉmdia ɛ.

1 Korɛnt 7:29

Obɨɔ ga bam aa! Me egwɨm lɛɛ tɨʼ ó, yi liʼ ba ma jɔʼ. Taare é jɔʼ yi, yé ekʉ ka liʼ mɨmbɛa mɨ bʉr ó njɨ myé tiʼa mpʉ sa lɛɛ ó, myé ó bɨzihle.

1 Pyɛr 4:7

Efuʼla e bɨsa bibyɛh, lé mu ó kunokuno le epyal. Ebe no, pahla ga mɨlɔb mpʉ mɨpɨpɨʼ. Mɛrɨ ga mɨleme é l'efu ó, bɨn nkʉʼ gʉa sa mɨnjwɨʼla.

Ebrœ̂ 4:9

Lɔb, wi tiʼ nteme ó, bʉr mo Zyɛm, bé óni é l'egbala, laa e moho saba,

Ebrœ̂ 2:5

Jwɨ̀ʼa Zyɛm ófuʼla cyel cyecye, yaa lɔb we bɨh lé elwib ɨ, yé óbe ó é jwɨ̀ʼa mo nuu mʉr. Ntʉʼ beengles nye a cyel é bɨdia bɨ taʼa é l'efu le ejwɨʼ bʉr o ndɨ é jwɨ̀ʼa yaa ɛ.

Ebrœ̂ 9:11

Krɨst, nye mu ó si nʉa dia njwɨɨ opara, ntɔʼ ze kab bɨna ga bɨsa bɨ embɨa bɨna lé ebono ga ɛ. Nye esea syɛɛ ye yaa ó, é Saʼ Nɨnɨ mo Zyɛm yé a be, afumɔ e mobo mo bʉr ɨ. No yé ó, yé abe lé egumo e si nwa. Yé elaa Saʼ Nɨnɨ mo Zyɛm yé a taare be e, é l'ompwaʼ ndwe e l'ombɨmbɨa é mɨpaʼ mimyɛh.

Ebrœ̂ 10:34

Bɨn bé a si jwɨʼ bʉr o mɨmbʉʼ nkoo. É jɔʼ bʉr, bé a dɛn bɨn bɨsa bin ɨ, bɨn bé a be ó si bir bɨsa byaa e bɨsʉhʉ, ebe, bɨn bé a be ó si kʉ gʉa ó, bɨn bé óbana bi bɨdime bɨsa, laa byaa bé a dɛn ɨ. Byé nteme, byé ó bɨsa lé edi ɨ.

Ebrœ̂ 12:27

É mpʉ nye a lɛɛ ó, nye ópɨʼ bye é jɔʼ gwar ɨ, yé elɛʼle ó, bɨsa nye a cye e, byé óncyeŋa, ntɔʼ dim. Sa ndɨ ecyɛb é nkʉʼʉ, ancyeŋa ɛ, yiha ó ngo liʼ.

Mɨngwiha 3:12

Baa bé óbe si ntaa, bula e l'esaa é koo e, me óliŋ be modwii é l'Odia mo Zyɛm, ndɨ Sɔŋ wam ɨ. Bé ócyɛb é nkʉʼʉ. Abe e sa yé ópyɛl be tɨ. Me ótile die mo Zyɛm Sɔŋ wam é monyʉl mɔɔ. Me ótile nteme die e nkana mo Zyɛm Sɔŋ wam, yaa ndɨ edwan e Yerʉsalɛm ɨ. Zyɛm óntɨh nkana yaa kaʼ si, duho é jobo kʉ é ntiii. Me ótile nteme edwan e die lam é monyʉl mo bʉr baa.