Ebrœ̂ 13:12 - Kálara Zyɛ̌m Edwán é mpʉ̌n

¹² Yesʉs a be nteme ó no. Nye a to sia e mɨtuu ó, é nkana kʉl. Nye a sa no ó, nye nkʉʼ nʉa motié me, ze pubo kul bʉr ye e tɨ.

Kálar Nzyɛ̌m : Ejwán é Sáá

¹² Yésʉs á kʉ be ntémé ó nó. Nye á to sia e mitúú ó, ɨ́ nkanǎ kʉ̌l. Nye á sâ nó ó, nye púbaa kúl bʉ̂r yé e metié mé nye mʉr tɨ̂.

Ebrœ̂ 13:12 ပူးပေါင်းရင်းမြစ်များ

1 Korɛnt 6:11

No nteme ó, bʉʉ bʉr o mbɛr Zyɛm win, bé a be-be e! Sa gwar, bɨn bé a si sohlɔ, pubɔ. Bɨn bɨ bi mokebe é mih mo Zyɛm lé ejyɛʼ taa buʼo yin boo Da Yesʉs-Krɨst, cwɨɨ é zi Mbɨambɨa Sisim.

Mɨlʉmlʉ 7:58

Bé ntɔʼ pɛʼɔ nye é nkana, toŋɔ e nye, ze taarɔ lé elumo nye mokoʼ, jʉŋɔ nye. Oboʼla, bé a si liʼe mɨkan myɔɔ boo guu soho, wé a be é l'empàh ɛ, die le Sol, ó wé baʼla be mya.

Éfɛsɔs 5:26

Nye a sa no ó, wé nkʉʼ di waa mo Zyɛm, nye osi pubo we e modibe ndwe e lɔɔ we.

Ebrœ̂ 10:29

Bʉr pa taare jʉŋɔ é lɔb ebɨh bé lé esa motie mo Moyiz ɨ, a dwɛʼra e mʉr lé etíile Mwan mo Zyɛm é mobò me si ɨ? Nye ókʉ jala e bɨbebebebe bɨntɨʼa, laa naa! Mpʉ jwɨʼ ye ndɨ ɨ, yé ó yi: motié Krɨst a pyɛl é l'efu ó, Zyɛm deʼ edwan e mpʉn ɨ, mé mu nye ó tɨtoʼo, nyɛɛ yɛɛ si pa pubɔ e tɨ! Bɨn bé ejwɨʼ é yé, tiibe e mʉr a pyeh nteme Mbɨambɨa Sisim, a bɛa lɛʼle nye ncwɨncwɨa ɛ? Mʉr tɨʼ ósaŋɔ nyá ɛ?

Yʉanes 17:19

Me etimle go tiʼ yam yiyɛh ó, bé nkʉʼ be mɨsaŋ mɨ bʉr bo, é l'ocyecye tʉŋlʉ.

Ebrœ̂ 2:11

Yesʉs, mʉr lé epubo bʉr ɨ, bé e bʉr nye lé epubo e, bɨbɛh, bé mu ó bʉr o b'a duho é Sɔŋ ngwar ɨ. Ebe no ó Yesʉs ndɨ ajoʼo fwon lé ejebe be ó, obɨɔ bam e l'okɛl bam ɨ.

Yʉanes 19:34

Dam be no, yʉʉ zima, yé a si kar nye ekʉa é bɨmpah. Mbah motié ndwe e modibe ntɔʼ sah.

Lʉkas 4:29

Bé ze fo nye é nkana, tinɔ nye, pyalɔ e nye é l'odumo o kwar, gumo nʉa ecwɨʼ, wé a be e, é l'efu le ebyɛʼ nye tɨʼ si.

Ebrœ̂ 10:10

Bɨna mu ó si pubɔ jɔʼ gwar é bɨjɔʼ bibyɛh ebe gwɨma yaa, ndwe e kɛha Yesʉs-Krɨst a ze kɛha nyʉl we tɔɔ motwina ɛ.

Mɨngwiha 14:20

Tina, yé ó, epar laa, lé ó, é nkana kʉl. Jɔʼ bé a dɨ man mpumo rezɛŋ baa é l'epar laa ɛ, modibe mé a pyal tɨʼ ɨ, mé a be ó motié e motié! Mé a be ó lé egʉ sʉm, jaa to, to kumo okilmɨra mɨnter mɨlɛl. Edime le, lé a be ó kwoʼ be omɨra ngwar e peh.