Ebrœ̂ 12:4 - Kálara Zyɛ̌m Edwán é mpʉ̌n

⁴ É mpʉ bɨn lé ebaran e Syem ɨ, bɨn bé apa sa mongan e Syem, to pyal é jɔʼ eto e motié lɨn, lɨ taba si ɨ.

Kálar Nzyɛ̌m : Ejwán é Sáá

⁴ Mpʉ bɨ́n dí elwímla e njwɨr ébébe wɨ́n yɨ́, bɨ̌n bé apǎ gwá lwímla e wé mbɨ̂mbɨá. Sá tɨ̂ʼ ó étó é métié lɨ́n, dína apǎ tɔ́ba sí yɨ́.

Ebrœ̂ 12:4 ပူးပေါင်းရင်းမြစ်များ

1 Korɛnt 10:13

Mobʉbla bɨn bé a ntaa ɛ, mé epyal bɨn e bʉr bɨbɛh no. To kœb ó, Zyɛm, nye ó mʉr ebuʼla. Nye aŋa bir ó, bɨn boblɔ e mbi mobʉbla wé óntaa bɨn é nkul ɨ. É jɔʼ mobʉbla, mé ópyal-pyal bɨn ɨ, nye ókar bɨn zi fih. Bɨn bé òjyɛl tɨ, bɨn nteme l'aka sa bɨsyɛɛla bɨ ebebe bɨn bé a ngbaa sa ɛ.

Mɨngwiha 2:13

“Me egʉa gumo bɨn lé edi ɨ. Tɨʼ ó ndɨ dia taʼa mo Satan ɨ, bɨn yɛɛ lé eseʼle die lam. Bɨn bé a baakɛla ó, bɨn bé agʉa me, dam be é jɔʼ bé a jʉ Antɨpas ɨ. Bɨn bé a kʉ mɛʼle ó, bɨn bé edwiibɨ die lam. Antɨpas ó ndɨ mpaŋ mboʼla wam, le mʉr ebuʼla. Ebe no ó bé a mɛr nye é l'esama lɨn, jʉŋɔ nye e. Tɨʼ nteme ó ndɨ odia mo Satan.

Ebrœ̂ 12:2

Mih ga mɨna, mé dwɛʼa sɔʼɔ, njɨ Yesʉs, ebe, nye ó etin e buʼo ga yina. Nye nteme ó b'a sa ó, buʼo ga yina diʼe é l'ombɨmbɨa é mɨpaʼ mimyɛh. Nye a mɛʼle ó, nye sia e mɨtuu, bé jʉʼo nye, lé ecyèl nye é klos kʉ. Nye a si pyeh fwon mʉr lé ebi é mbi efie laa ɛ. Nye a fuo mɛʼle ó, nye dwèʼ no ó, nye nkʉʼ bi bɨsʉhʉ Zyɛm a bɛa komo nye e. Banana, nye mu ó si é die é mbo ejʉm mo Zyɛm Sɔŋ, mʉr ndɨ é dia taʼa ɛ.

Mɨngwiha 12:11

Obɨɔ ga bɨna nteme, bɨ ntaa nye é dɔm, bula e l'esaa é koo, ebe motié mo Ma Ntœme, ndwe e mboʼla bé a boʼlo, tiibe e Yesʉs ɨ. Bim bé a kpɛl bɨtiʼ byɔɔ ɛ, bé a baaliʼa lé ebir bye, ntɔʼ jʉŋɔ, ebe mboʼla waa.

Mataos 24:9

«É jɔʼ yaa ó bé ókɛha bɨn é mobo mo bʉr ofih, baa bé ótíile bɨn ɨ. Bé ójʉ bɨn bʉʉ bʉr. Bʉr o ndɨ abe oYʉden ɨ, bé ónwim bɨn é lɔb wam.

Mɨngwiha 18:24

«Ndwe nteme, Zyɛm a bee ó, go e mpono motié mo bʉr é nyʉl. Gɨ jʉ ogwiha o mɨlɔb bé e mɨsaŋ mɨ bʉr. Go ó b'a jʉ odil o si nwaʼ bɨbɛh, bim bʉr bé a dwè é cere e.»

Mɨngwiha 17:6

Me ze bee ó, mʉma waa a be ó é mpur motié. Nye a be ó si bul bɛble motié mɨsaŋ mɨ bʉr bé a boʼlo-boʼlo mɨlɔb lé etiibe e Yesʉs ɨ. Mbea me a bee nye e, me ze bul jehe.

Filipi 2:8

É jɔʼ nye a be, nye mu ó lé etiʼe mpʉ mamʉr ɨ, nye a si fil nyʉl we si, lé esa Zyɛm mojoʼo, dam be mpʉ nye a lomo nye ó, nye ntaʼ, ze dwè bɨbla efie é klos kʉ ɨ.

Ebrœ̂ 13:13

Ebe no ó bɨna lé ejala le eduho ga é mompaʼ maa, to pyal ga nko Krɨst ndɨ é mompaʼ kʉl ɨ, bɨna ga e boo nɔɔ nkʉʼ lwɨɔ jwɨʼ gwar,