Ebrœ̂ 12:3 - Kálara Zyɛ̌m Edwán é mpʉ̌n

³ Toŋla ga nye. Toŋla ga mpʉ osyɛl o mɨsyem bé a sa-sa nye mosono, nyɛɛ njɨ lé edihbe be e. Dɨʼe toŋlo ga no, bɨn nkʉʼ be, akar mɨtuu, nkʉ cyɛʼ.

Kálar Nzyɛ̌m : Ejwán é Sáá

³ Símsáá gá nye. Bɨ̌n e símsá mpʉ ósyɛ̂l o mísyóm bé á cɨ nye mekǎn mé ébébe, nyɨɛ njɨ lɨ́ edûhwo bé yɨ́. Sísímsáá gá nó, bɨ̌n nkʉ̂ be, akâr mítúú, nkʉ̂ tyɛʼ.

Ebrœ̂ 12:3 ပူးပေါင်းရင်းမြစ်များ

Galásia 6:9

Bɨna toʼ ga dolo lé esa mɨmpaŋ bɨsyɛɛla. Mʉr afil mobo me si. ǃBɨna si be ga, abir bye nɛʼɛ, bɨna bé ódira ga nyɔm, duho é bɨsyɛɛla byaa, pie ma jɔʼ.

2 Korɛnt 4:16

Ebe no, bɨh bé adimle nkul é monyʉl. Bɨh mu ó lé ekʉ bo é nko paʼ nyʉl lé enyin kʉl ɨ, sa gwar, sa ndɨ é nyʉl waa tʉŋlʉ ɨ, yé eto le edwanba moho wiwɛh,

Mɨngwiha 2:3

Bɨn bé e bihbe. Bɨn bé edihbe mɨtuu ebe die lam, acyɛʼ mɨleme.

1 Korɛnt 15:58

Ebe no, obɨɔ o kpɛl bam aa! Cyɛba ga é nkʉʼʉ. Gbaʼ ga monyʉl lé esea syɛɛ mo Da Yesʉs é jɔʼ yiyɛh. Gʉŋa ga ó, syɛɛ bɨn lé esea nye e, yé ákwoʼ dwè ntuʼ.

Ebrœ̂ 12:2

Mih ga mɨna, mé dwɛʼa sɔʼɔ, njɨ Yesʉs, ebe, nye ó etin e buʼo ga yina. Nye nteme ó b'a sa ó, buʼo ga yina diʼe é l'ombɨmbɨa é mɨpaʼ mimyɛh. Nye a mɛʼle ó, nye sia e mɨtuu, bé jʉʼo nye, lé ecyèl nye é klos kʉ. Nye a si pyeh fwon mʉr lé ebi é mbi efie laa ɛ. Nye a fuo mɛʼle ó, nye dwèʼ no ó, nye nkʉʼ bi bɨsʉhʉ Zyɛm a bɛa komo nye e. Banana, nye mu ó si é die é mbo ejʉm mo Zyɛm Sɔŋ, mʉr ndɨ é dia taʼa ɛ.

Ebrœ̂ 3:1

Ebe no, obɨɔ ga bam, mɨsaŋ mɨ bʉr mo Zyɛm, baa mu si jebɔ, njɨblɨ wɔɔ lé eduho é jobo kʉ ɨ, toŋla ga mpʉ Yesʉs ndɨ ɨ: nye ó mwa mɨlʉmlʉ mo Zyɛm, ndwe e njwɨɨ opara ga wina, waa bɨna ndɨ ekʉ mɛʼle ga ɛ.

2 Korɛnt 4:1

É mpʉ yé ndɨ ó, Zyɛm, nyi jwɨʼ bɨh nkoo lé etimle bɨh syɛɛ yiʼ ɨ, bɨh bé adimle nkul é monyʉl.

Yʉanes 5:16

Ebe no ó oYʉden, bé a ze tíile Yesʉs ɨ, ebe, nye a si bana sa mbi syɛɛla yaa é moho saba.

Ebrœ̂ 12:5

Zê bɨn bɨ jɨha mokan mé a taare lé egba bɨn nkul é monyʉl ma ɛ? Zyɛm a ntɨh bɨn ma ó, lé elwib e bɨn mpʉ bwan be. Nye a lɛɛ ó: «Mwan wam, é jɔʼ Da mu lé eturo go lʉ ɨ, anyamle nʉa ye é l'ongbɛr-ngbɛr. É jɔʼ nye mu lé edwe go mobe e, acyɛʼ nyʉl,

Lʉkas 14:1

É guu moho saba, Yesʉs a be ó si to puhba mobo bé e tamamʉr é nkɔm oFarizyɛŋ. Bʉr o b'a be tɨʼ ɨ, bé a be ó lé edwɛʼ nye é bagaga.

2 Tesalonika 3:13

Obɨɔ ga bam aa! Monyʉl, mé beʼ l'acyɛʼ bɨn pie mɨmpaŋ bɨsyɛɛla bɨn lé ebɛa sa ɛ.

Yʉanes 18:22

É jɔʼ Yesʉs a sil lwib no e, nuu ma pulʉm a be kunokuno e nye e, kʉ ze jaa nye bɛh é l'emuʼ é kaaa. Nye e nye ó: «Zê mpʉnʉ ó go lé ebɨha e njwɨɨ opara ɛ?»

Yʉanes 8:52

OYʉden, bé e nye ó: «Banana, bɨh bɨ gʉa ó, go ó bana kʉ be e l'eleme! Abraham a si dwè, ogwiha o mɨlɔb si dwè nteme. To kœb ó, gwɔɔ, go elɛɛ ó, ǃɨ mʉr si baʼle lwib yo nɛʼɛ, nye l'aka dwè!

Yʉanes 8:59

Bé ze nkɛɛ mokoʼ ó, bé lumo ó nye. Yesʉs ntɔʼ fwab, bé l'aka bee nye. Nye ze duho é jahla bii mo Zyɛm.

Yʉanes 8:13

OFarizyɛŋ, bé e nye ó: «Go eboʼlo lɔb go, go mʉr tɨ. Mboʼla go, wé abe cyecye.»

Yʉanes 7:12

Ntuntuma bʉr, yé ze bɔʼa motwii, to le enyimla paʼra wɔɔ é lʉ we. Baʼ, bé ó: «Nye ó mbɨambɨa mʉr!» Bʉʉ, bé ó: «Tɨtoʼo! Nye egomlo ntuntuma bʉr é bebebebe zi.»

Lʉkas 16:14

OFarizyɛŋ, bé a be ó lé ejoʼo mɨlɔb myaa mimyɛh, ntɔʼ taare lé etamɔ nye, ebe, bé a be ó é bul kpɛl mɔn, ntaa njɨ.

Lʉkas 15:2

No ó oFarizyɛŋ bé e l'oyeʼle o motie, bé a be ó lé eto le etʉʼra paʼra wɔɔ. Bé ó: «Mbe ga: mʉr nwa, nye ebɨlan e l'osyɛl o mɨsyem! Bé e boo nɔɔ bana de fua gwar!»

Lʉkas 5:21

No ó, oyeʼle o motie bé e l'oFarizyɛŋ ze taare lé elwibla é mɨleme myɔɔ ó: «Mʉr waa lé ekʉ pyeh Zyɛm nwa, nye zé? Zé ndɨ e nkul epɛʼ bɨbaa Zyɛm lé eniʼe bʉr é lɔb mɨsyem myɔɔ ɛ? Njɨ Zyɛm nye ome!»

Lʉkas 2:34

Pie tɨ, Simeɔn ze sʉ be mocyɛʼ mo mpom le elɛɛ e Maaria, nyɔŋ mo Yesʉs ó: «Mwan nwa, nye ó waa Zyɛm a ntɨh ó, nye twehla buobuo bwa b'Ɨzraɛl, le egbɛl bʉʉ. Nye óbe ó e l'ejwɨʼ ndɨ elɛʼle nkul mo Zyɛm ɨ. Bʉʉ bʉr bɛɛ, bé ótɨ mɨlɛa mye.

Mataos 22:15

OFarizyɛŋ ze to bòno pɨʼ ó, bé lam ó Yesʉs é mbi lwib nye óbɨha e be e.

Mataos 21:46

Bé ntɔʼ taare lé ebà bɨjwɨʼ bɨ enaʼ Yesʉs mobo é nyʉl. Sa gwar, bé a be yɛɛ ó, lé ekpɛɛ mɨzɨze mɨ bʉr, ebe, bɛɛ, bé a nʉa Yesʉs ó, mpʉ ngwiha mɨlɔb.

Mataos 21:23

Yesʉs ze bâʼle ni é jahla bii mo Zyɛm. É jɔʼ nye a be lé edwe bʉr sikʉlʉ tɨʼ ɨ, ojwɨɨ be opara ndwe e l'otamabʉr o lal «mpululu», ze dî e nye ó: «É wáa nkul mojwɨ̀ʼa go ndɨ esa mbi bɨsyɛɛla go lé esa biʼ ɛ? Go nteme go epa kʉ sa bye é die mo zé?»

Mataos 15:2

«Ebe yé ompʉn bo ndɨ entaa mɨnjwɨr bɨmpam ga bina, byé a ntɛŋ bɨna mi ɛ? Ebe, bé abe lé etaare jwɨ̀ɨ mobo é jɔʼ bé lé ejɨ de e.»

Mataos 12:24

Jɔʼ oFarizyɛŋ, bé a joʼo no e, bé ntɔʼ lɛɔ ó: «Nye edwih-dwih bʉr moleme ó, njɨ e nkul nye a nʉa boo Belzebul, Njwɨɨ moleme e!»

Mataos 11:19

É jɔʼ yi, Mwan mo Mʉr, nyi ka pyal: nye ede mode le enyʉl monwoʼ. Bé ó: “Dwɛʼa ga. Nwaʼ mʉr, nye ó kʉ be ancyadoʼ, fufwɔʼ monwoʼ, fo onwɨa o tœa, fo bʉr o ndɨ é bul jwɨ̂ʼlɨ e mɨsyem ɨ!” Sa gwar, bʉr, bé eka mɛʼle ó, Zyɛm, nye ó cɨcyel é jɔʼ bé ndɨ ebee ebò e cyen mɨcɨcyoo ndɨ ekœʼ œ.»

Yʉanes 9:40

Bʉʉ oFarizyɛŋ bé e boo nɔɔ, bé a be e, ze joʼɔ lwib nɨ. Bé ntɔʼ dî e nye ó: «Zê bɨh bɛɛ nteme bé ó ontim ɛ?»

Yʉanes 10:20

Buobuo bʉr o sama yɔɔ, bé a lɛɛ ó: «Nye e l'eleme! Nye ó gʉ! Ebe yé bɨn lé ejoʼlo nye e?»

1 Pyɛr 2:23

É jɔʼ bé a lwɨɨ-lwɨɨ nye e, nye a baabala molwɨɨ maa. É jɔʼ nye a sia e mɨtuu ɨ, nye a baabɛŋ bʉr o dɔm be. Nye a kʉ ka sa ó njɨ nʉa tiʼ ye, timle Zyɛm ya, nyɛɛ mʉr lé etiʼe mɨlɔb é l'ocɨcyel ɨ.