Ebrœ̂ 12:27 - Kálara Zyɛ̌m Edwán é mpʉ̌n

²⁷ É mpʉ nye a lɛɛ ó, nye ópɨʼ bye é jɔʼ gwar ɨ, yé elɛʼle ó, bɨsa nye a cye e, byé óncyeŋa, ntɔʼ dim. Sa ndɨ ecyɛb é nkʉʼʉ, ancyeŋa ɛ, yiha ó ngo liʼ.

Kálar Nzyɛ̌m : Ejwán é Sáá

²⁷ Mpʉ nyé á lɛ́ɛ ó, nye ópɨ̂ʼ byé ɨ́ sʉʼ gwár yɨ́, nó yé lɛ́ʼlé ó, bisá nyé á komlo bí, byé ópɨ̂ʼla; byé odîm. Sá dí ɨ́ píʼi, ɨ́ sɨ́ŋ, apɨ̂ʼla yɨ́, yɨ́haá ó ngá lîʼ.

Ebrœ̂ 12:27 ပူးပေါင်းရင်းမြစ်များ

1 Korɛnt 7:31

Bʉr o ndɨ ebi bɨsa bɨ si nwaʼ ɛ, di mpʉ sa lɛɛ ó, bé adira nyɔm e bye, ebe, mbi jɔʼ yi, yé mu ó kunokuno le elaa.

Mataos 24:35

Kʉ e si, byé ólaa; mɨlɔb myam myɛɛ, myé ódi njʉmdia e njʉmdia.»

Mɨngwiha 21:1

Me a si bee edwan e jobo ndwe e l'edwan e si, ebe, jobo efoʼ bé e si efoʼ, byé a be ó si laa. Maŋ, mé a baaka be e dia.

Mɨngwiha 11:15

Pie tɨ, engles tambɛl a si lʉo sebe we. Me ntɔʼ joʼo bɨbwaʼbwaʼ motwii, duho é jobo kʉ. Mé a lɛɛ ó: «Da Zyɛm Sɔŋ ga wina, nye ejwɨʼ mɨlal mɨ si nwaʼ mimyɛh. jwɨ̀ʼa ye, yé mu nteme ó, yaa mo Lœma mulo mo Zyɛm. Nyɛɛ ó ndɨ e jwɨ̀ʼa njʉmdia.»

Rôm 8:19

Ebe, mɨcyea bɨsa bibyɛh, byé egwɨm bee dobo Zyɛm ólɛʼle bye bwan be é pono e.

Rôm 8:21

Zyɛm ópɛʼ mɨcyea bɨsa bibyɛh byaa é dia tɨtoʼo yaa, byé l'aka be sa lé ebo e. Byé óbe ó é dia otî, jwɨʼ gwar e bwan o mobœʼa mo Zyɛm bɨbɛh. Bé óbe ó e kum é dia otî yaa.

Ebrœ̂ 1:10

Yé nteme, yé ó tila, tiibe e Mwan ó: «Da e! É l'etɔɔrʉ, go ó b'a cyel nkan si nwa. Jobo e l'ejyoo le ebantɛn, bibyɛh byé ó syɛɛ mobo mo.

Ebrœ̂ 9:11

Krɨst, nye mu ó si nʉa dia njwɨɨ opara, ntɔʼ ze kab bɨna ga bɨsa bɨ embɨa bɨna lé ebono ga ɛ. Nye esea syɛɛ ye yaa ó, é Saʼ Nɨnɨ mo Zyɛm yé a be, afumɔ e mobo mo bʉr ɨ. No yé ó, yé abe lé egumo e si nwa. Yé elaa Saʼ Nɨnɨ mo Zyɛm yé a taare be e, é l'ompwaʼ ndwe e l'ombɨmbɨa é mɨpaʼ mimyɛh.

Ebrœ̂ 13:14

ebe, é si nwa, bɨna bé abe ga e nkana lé edi njʉmdia e njʉmdia ɛ. Bɨna bé ejoʼo ga dweh eni é nkana fih é molu ndɨ eze e.

Mɨngwiha 21:4

Nye ótin be myɛɛle mɨmɛh é mih. Bé aŋa ka joʼo mogumba. Bé aŋa ka dwè. Efie, lé aŋa ka be. Bé aŋa ka jɨ modwe. Mɨmbor bɨsa myaa, myé ólaa.»

Mɨngwiha 21:5

No ó, waa a be é dia taʼa ɛ, ze lɛɛ ó: «Mbe ga: mɨ sil sa bɨsa bibyɛh modwan e modwan!» Nye ze lɛɛ e me ó: «Tila bɨlwib bi! Byé ó mɨlɔb mɨ ebuʼla, le myaa ndɨ cyecye e.»