Ebrœ̂ 12:25 - Kálara Zyɛ̌m Edwán é mpʉ̌n

²⁵ Ebe no, gʉa di ga ncye, ó bɨn beʼ l'abene mʉr mu lé ebal bɨn ɨ. Molu pihe, bé a si bene lé ejoʼo mʉr a ze é si nwaʼ ɛ. Nye a ze ó, nye bal ó be, bɛɛ l'akpɛl joʼo. É jɔʼ yé a ka be ó, ebebe laa pyala be e, yé a baabana ó, bé syɛhla le. No ó, mʉr a ka ze lwib e bɨna ga bɛɛ ɛ, nye ó ndɨ mʉr a duho é jobo kʉ ɨ. ǃBɨna si bene ga ejoʼo lɔɔ we nɛʼɛ, zê bɨna bé ósyɛhle ga bɨntɨʼa bɨ tɨ, laa be ɛ?

Kálar Nzyɛ̌m : Ejwán é Sáá

²⁵ Nó, gwá di gá le ocwóó, ó bɨ̌n sá abene mʉ̂r mû lɨ́ ecɨ̂l bɨ́n nyá. Ɨ́ mimbú mí píhe, bé á si bene ejóʼo mʉr á nze ɨ́ sí yɨ̂ʼ nyá, akpɛl éjóʼo ɨ́ jɔʼ nyé á boo lɛ́ɛ bé sá nyé óntɨh bé yɨ́. Jɔʼ yé á ka pyâl yɨ́, bé ntɔ̂ʼ sáa ékɨ̂ŋ ntɨ́ʼá. Yé á bé akǎ bána. Mʉr á nze ka lwib e mɨná gá nyá, nyɨ́haá, nyé twíí, nye á duho ó kʉ́. Mɨ́ná bé óbene gá lɔ́ɔ́ wé nó, nzê mɨná bé ókɨ̂ŋ gá ntɨ́ʼá tɨ̂ʼ yɨ́ɛ ɛ̌? Nzyɛ̌m pǎ nyɛɛ́ ntɨ̂ʼ bímpám gá bíná ɨ́ lɔ̌b ajóʼo wɔ́ɔ́, á dwɛʼra e mɨná gá bɨɛ!

Ebrœ̂ 12:25 ပူးပေါင်းရင်းမြစ်များ

Ebrœ̂ 8:5

Opara bɛɛ, bé esea-sea ó, é tiʼe ndɨ é l'efu le edwe Zyɛm kum ɨ. Tiʼe yaa, yé a saŋɔ ó, lé edu dweʼle Saʼ Nɨnɨ mo Zyɛm ndɨ é jobo kʉ ɨ. No ó, é jɔʼ Moyiz a be ó, nye fumo ó Saʼ Nɨnɨ mo Zyɛm ɨ, Zyɛm a lɛɛ e nye ó: «Gʉa komlo sa yiyɛh lé edu dweʼle saʼ go a lɛʼlɔ é l'ecwɨʼ kʉ ɨ.»

Ebrœ̂ 11:7

É zi buʼo, Noe a si joʼo é jɔʼ Zyɛm a bal nye é lɔb sa yé a be ó, yé ósyɛɛlɨ ɨ. Nye l'apa bee ye e dih, nye a be ó si nʉa lwib mo Zyɛm yaa, gba é nkɔb, ntɔʼ kpaʼ byɛl, du mpʉ Zyɛm a tɨe nye ó, nye saʼ ɛ. Nye ze ni tɨ, bé e mbɛr bʉr we, bɨbɛh ntɔʼ tiʼe. É mbi waa ó nye a dwe bʉʉ bʉr mobe e, nyɛɛ ntɔʼ bi mokebe é mih mo Zyɛm, maa lé eduho é buʼo e.

Mataos 8:4

Yesʉs ze lɛɛ e nye ó: «Anyamle lɛɛ mʉr mpʉ go tiʼe e. Sa gwar, toʼ boo opara. Toʼ, to lɛʼle be mpʉ nyʉl go mu ɨ. Go à dwe mɨndwɛa Moyiz a lɛɛ ó, go lɛʼla be, bé nkʉʼ pubo go e. Yé ósa ó, bʉr gʉŋa ó, gɨ tiʼe.»

2 Timotɛ 4:4

Bé aŋa ka joʼo ocyecye. Bé ógʉmla é bebebebe zi, ntɔʼ to laʼ mɨlʉ é bɨsa mɨlɔɔ.

1 Tesalonika 5:15

Mʉr abuulo ebebe e l'ebebe. Saʼ ga bɨsyɛɛla bɨ ncwɨncwɨa paʼra win boo bʉr bɨbɛh.

Mɨlʉmlʉ 7:35

«To kœb ó, Moyiz ngwar waa, nye ó bwa b'Ɨzraɛl bé a bene e! Bé a lɛɛ e nye ó: “Zé nyɛɛ a pa kʉ cyel go njwɨɨ, nkʉ tiʼà mɨlɔb wih?” To kœb ó, nye ó waa Zyɛm a lomlo be e! Nye a lomo nye ó, nye diʼe njwɨɨbʉr e mʉr a ze ó, nye ntaʼ, ze kuro bɨr é l'efu lɔɔ ɛ. Nye a cyel nye é bɨdia byaa ó, é zi mompaŋla nye a lɛɔ é nʉm mo engles, waa Moyiz a bee ɨ kpaʼ njʉl ɨ.

Ebrœ̂ 3:17

É mɨmbu mowʉm monâ myaa, Zyɛm a kpaa empime e l'ozé? Nye a kpaa empime ó e bʉr o b'a sa syem ɨ! Bɨha ó b'a dwè, ntɔʼ debe é feha si.

Mataos 17:5

Mpʉ nye a be, nye dina lé elwib ɨ, dwine é nge-ngɨ-nge ze buuro be. Ompʉn, bé ka joʼo ó, nuu twii lé eduho é mɨnkur tʉŋlʉ, lé elɛɛ ó: «Nwaʼ, nye ó mwan kpɛl wam. Me ekʉ mɨɨla e nye. Joʼa ga nye.»

Mɨngwiha 22:9

Nye e me ó: «Daʼ sa no. Bɨna bé ó bʉr o ndɨ é l'empomo e syɛɛ egwar ɨ. Me ó mpʉ obɨɔ bo ndwe e l'okɛl bo ndɨ ogwiha o mɨlɔb ɨ, bé e baa bɨbɛh ndɨ ebaʼle mɨlɔb mɨ kalara nwaʼ ɛ. Dwiibɨ njɨ Zyɛm.»

Mɨngwiha 19:10

Jɔʼ me a joʼo no e, me ntɔʼ bɨʼ mpom wam si é mih me, lé edwiibɨ nye. Nye ze lɛɛ e me ó: «Daʼ sa no. Bɨna bé ó bʉr o ndɨ é l'empomo e syɛɛ egwar ɨ. Me ó mpʉ obɨɔ bo ndwe e l'okɛl bo ndɨ eboʼlo é lɔb mo Yesʉs ɨ. Dweʼ kum njɨ Zyɛm, ebe, ngwiha mɨlɔb nyiwɛh, nye eboʼlo ó, njɨ lɔb mo Yesʉs.»

1 Pyɛr 1:22

Njoʼa bɨn bé a joʼo ocyecye e, wi pubo bɨn é nko paʼ mɨsyem min ndwe le elɛʼle bɨn mpʉ bɨn lé ejala le ekpɛla paʼra win ɨ. Yé ó mpaŋ kpɛl: kpɛl lé eduho é mɨmo si ɨ.

Ebrœ̂ 1:1

Molu pihe, Zyɛm a lwib-lwib e bɨmpam ga bina ó, é zi ogwiha o mɨlɔb. Nye a lwib-lwib e be ó é buobuo mozi.

Ebrœ̂ 3:12

Obɨɔ ga bam aa! Gʉa di ga ncye! Mʉr é mbɛr Zyɛm win aka nyamle be e leme ndɨ é lele lé ebuʼla ɛ. Nye l'aka nyamle kaŋa e Zyɛm ndɨ kublakubla ɛ.

Ebrœ̂ 12:19

Bɨn bɛɛ, bé abe lé ejoʼo sebe, nkʉ twii mo Zyɛm. Bʉr o b'a joʼo twii waa ɛ, bé a si joʼo bʉa, ntɔʼ jwɨʼla e nye ó, nye l'aka bâʼle lɛɛ be lʉʉ ekan,