Ebrœ̂ 12:24 - Kálara Zyɛ̌m Edwán é mpʉ̌n

²⁴ Bɨn bɨ ze nteme boo Yesʉs, mosàa-mɔm a sa ó, Zyɛm deʼ Edwan e Mpʉn e bʉr ɨ. Bɨn bé epyal é mih me ó, cwɨɨ é zi motié me, maa nye a pubo bɨn e me e. Motié me maa, mé ekʉ lwib-lwib ó, njɨ mokan ndɨ é mbɨa ɛ, laa maa Abɛl nyɛɛ a lɛɛ ɛ.

Kálar Nzyɛ̌m : Ejwán é Sáá

²⁴ Bɨ̌n bé á si nze kwá mé Yésʉs, mesaádɔm á sâ edwán é sáá páʼ gá nyɨ́ná e Nzyɛ̌m nyá. Bɨ̌n bé á si pyâl, cɨɨ ɨ́ nzɨ̌ metié mé nyé á pubo bɨ̌n e mé má. Metié mé maá jaá lwilwib ó, njɨ mekǎn me dí ɨ́ mbɨa má, laa maá Ábɛl nyɨɛ á cɨ má.

Ebrœ̂ 12:24 ပူးပေါင်းရင်းမြစ်များ

Ebrœ̂ 9:15

Ebe no ó Krɨst ndɨ mosàa-mɔm lé eduula paʼra wina boo Zyɛm ɨ. Nye a cyelɔ é dia mosàa-mɔm yaa ó, Zyɛm nkʉʼ de edwan e mpʉn ɨ. Nye a de mpʉn waa ó, e bʉr nye a jebe e, ó bé biʼe tiʼ molu mo mpoʼ mɨmɛh nye a kɛʼ be e. Ebe, Krɨst a si kɛha tiʼ ye lé ejala e mɨsyem ga mina, ó nye kʉrɨ bɨna ga. Mɨsyem myaa, myé a dɨ mɛr bɨna ga ó, taare é jɔʼ bɨna bé a be ga é mpʉn nye a taare de e bɨmpam ga bina ɛ.

Ebrœ̂ 11:28

É zi buʼo ó nye a komlo ebʉʼ e Paska, le emyɛʼ-myɛʼ motié é monkan mobe e. Nye a sa no ó, engles beʼ l'aka jʉ modweʼe mo bwan bɔɔ.

Ebrœ̂ 11:4

É zi buʼo, Abɛl a si dwe Zyɛm mpaŋ motwina, laa maa mo Kan. Zyɛm a si seʼle nye é lɔb buʼo ye, le elɛɛ ó, nye ó cɨcyel mʉr, le emɛʼle nteme motwina me. É zi buʼo, Abɛl, nye dina ó lé elwib e bɨna ga, dam be ó, nyi dwè.

Ebrœ̂ 8:6

Syɛɛ para Yesʉs lé esea é l'efu ga lɨna é bananaʼ ɛ, yé e nyɔm é buobuo, laa syɛɛ para yé a duho mya ɛ. Nye ó ndɨ mosàa-mɔm lé esa ó, Zyɛm deʼ Edwan e mpʉn e bwa b'Ɨzraɛl ɨ. Edwan e mpʉn nye a de e, lé é bul mbɨa, laa mpʉn Zyɛm a de e be e. Lé nteme, lé ó e molele ebe monkɛʼ bɨna bé a bi ga ɛ. Monkɛʼ maa, mɨ laa maa mo mpʉn efoʼ é l'embɨa.

1 Timotɛ 2:5

Ebe, Zyɛm, nye ó njɨ ngwar. No nteme ó, bʉr, bé e mosàa-mɔm ngwar lé eduula paʼra bʉr bé e boo Zyɛm ɨ. Nye mʉr tɨ, nye ó mʉr: Yesʉs-Krɨst.

Mataos 26:28

ebe, motié mam ó ma, motié mu lé eswɨɨ é l'efu ó, Zyɛm deʼ mpʉn e bʉr é buobuo, ó nye pɛʼɛ be bɨbaa bɨ ebebe byɔɔ.

Mataos 23:35

Bɨn bé óto le esa no, sa é sa sa, to pyal é jɔʼ motié mɨmɛh mo bʉr o b'a jʉŋɔ, akunbo e mpɨŋ ɨ, mé óswɨɨ é mɨlʉ min, taare é l'efie mo Abɛl, akunbo e mpɨŋ ɨ, to pyal é laa mo Zakari, mwan mo Barakiyah, waa bɨn bé a jʉ paʼra Mpah Zyɛm e taa mɨndwɛa ɛ.

Lʉkas 22:20

Jwɨʼ gwar yaa, é jɔʼ bé a sil de e, nye ntɔʼ bâʼle dwe be bele monwoʼ mo rezɛŋ. Nye ó: «Bele monwoʼ yi, yé elɛʼle edwan e mpʉn Zyɛm lé ede e bʉr é zi motié mam, maa lé eswɨɨ si ebe bɨn ɨ.

1 Pyɛr 1:2

Zyɛm Sɔŋ ó b'a pɛh bɨn, bʉr o nye a bɛa gʉa ɛ. Jɨh tɨʼ nye a kʉ pɛh bɨn, Sisim we, wé ntɔʼ ze pubo bɨn. Wé a pubo bɨn ó, lé emyɛʼ bɨn e motié mo Yesʉs-Krɨst é l'efu ó, bɨn saʼ nye mojoʼo. Mocyɛʼ mo mpom le motala mo Zyɛm, mé swɨŋɨ é bɨn é ntuʼ-ntu-ntuʼ.

Ebrœ̂ 10:22

no ó bɨna lé ejala le edihle ga kunokuno e nye e, lwɨŋla e mbɛla e buʼo ndɨ eduho é mɨmo si ɨ. Mɨleme ga mina, myé mu ó si pubɔ. Mɨpɛhla mɨleme ga mina, myé abe lé eka nwahle bɨna ga ó, bɨna bé ó e mobe. Monyʉl ga mɨna, mé ó mɨnjwɨ̀a e modibe ndɨ é ncyɛh-ncyɛh ɛ.

Ebrœ̂ 9:21

Moyiz a be nteme ó, si pubo Saʼ Nɨnɨ mo Zyɛm e motié mompwar maa, pubo nteme bɨsa bibyɛh nye a dɨ bi é jɔʼ nye a dɨ dwiibɨ Zyɛm tɨʼ ɨ.

Ebrœ̂ 13:20

Neme Zyɛm Sɔŋ ndɨ egba motala paʼra ga wina, nye ó b'a pɛ̀h Tî ga wina ndwe e Kobla bɨntœme nɨnɨ, Yesʉs é foo, pɛ̀ha foo we lé elɛʼle ó, nyi mɛʼle motié nye a sʉ é l'efu ó, Sɔŋ we nkʉʼ de mpʉn njʉmdia e bɨna ga ɛ.

Ebrœ̂ 7:22

Mpʉ Zyɛm a de mɨnkɛla no e, nyi ze cyel Yesʉs é cye mʉr ndɨ ekamle e mpʉn nye a de e bʉr, waa ndɨ é mbɨa, laa njʉ̌m sàa ɛ.

Lʉkas 11:51

Bɨn bé ótaa mofie mɔɔ, taare é l'efie mo Abɛl, to pyal é laa mo Zakari, mʉr a jʉŋɔ paʼra taa mɨndwɛa ndwe e Mpah Zyɛm ɨ. Me elɛɛ bɨn cyecye ó nɛɛ: bʉr o mya wi, bé ókʉ taa mofie mɔɔ mɨmɛh!

Markus 14:24

Nye ó: «Motié mam ó ma, motié lé eswɨɨ é l'efu ó, Zyɛm deʼ mpʉn e bʉr é buobuo e.

Ebrœ̂ 8:8

Sa gwar, Zyɛm a be ó si tɛɛ bʉr o mpʉn efoʼ waa, lé elɛɛ ó: «Da, nye elɛɛ ó: “É molu mé ndɨ eze e, me óde edwan e mpʉn e bwa b'Ɨzraɛl bé e bʉr o Yʉda.

Galásia 3:20

Mosàa-mɔm, nye eduula é jɔʼ yiyɛh ó, paʼra monkɔm moba. Sa gwar, Zyɛm a sea ó nye ome.

Ebrœ̂ 8:13

É mpʉ Zyɛm a jebe mpʉn mba nye a de ó, «edwan» ɨ, nye a si liŋ mpʉn efoʼ mbor. No ó, sa mu mbor, nkʉ yaa mu si jwɨm ɨ, yé mu nteme ó kunokuno le edim yiyɛh.

Ebrœ̂ 9:19

É jɔʼ Moyiz a be, nye mu si láa bwa b'Ɨzraɛl bɨbɛh motie mo Zyɛm mɨmɛh ɛ, nye a si tiʼe bwa bɨntɛɛ ndwe e bɨkɨla, ze nʉa motié mɔɔ, ze syɛŋ me e modibe. Nye ze nʉa ebuho le ɨzɔb ndwe e mye bɨntœme, mé a dubɔ é kaa ɛ, ze nʉa ebuho laa, dubo le é motié, ze dɨ pubo mbom okalara o motie baa, ndwe e bʉr baa bɨbɛh.