Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ebrœ̂ 12:23 - Kálara Zyɛ̌m Edwán é mpʉ̌n

23 Bɨn bɨ pyal é gwɨhla modweʼe mo bwan mo Zyɛm. Mie mɨn boo nɔɔ, mé ó mɨtila é jobo kʉ. Bɨn bɨ dihle boo Zyɛm, mʉr ndɨ etiʼe mɨlɔb mɨ bʉr bɨbɛh ɛ. Bɨn bɨ pyal gumo ocɨcyel o bʉr ndɨ ɨ, baa mɨsisim myɔɔ mu si kumo é l'ombɨmbɨa é mɨpaʼ mimyɛh ɛ.

အခန်းကိုကြည့်ပါ။ ကော်ပီ

Kálar Nzyɛ̌m : Ejwán é Sáá

23 Bɨ̌n mû ó bǎʼ e gwɨ́hlá médwéʼé mé bwán mé Nzyɛ̌m. Míé mɔ́ɔ́, mé ó micɛmá ɨ́ jʉ́o kʉ́. Bɨ̌n bé á si sîhle bǎʼ e Nzyɛ̌m Tîʼ milɔ̌b, mʉr ngá pahle bʉ̂r bɨ́bɛ̂h nyá. Bɨ̌n bé á si pyâl gúmó ótîtyěl o bʉ̂r dí yɨ́. Bé mû ó lɨ́ etíʼe mbɨ̂mbɨá, ntinɨ̂ e ntinɨ̂.

အခန်းကိုကြည့်ပါ။ ကော်ပီ




Ebrœ̂ 12:23
45 ပူးပေါင်းရင်းမြစ်များ  

Nye mʉr tɨʼ ó b'a bya bɨna ga é zi gwɨma ye. Nye a sa no ó, é jɔʼ nye a lɛʼle bɨna ga lwib ye ndɨ cyecye e, bɨna ntɔʼ buʼla ga ye. Ebe no, é nko paʼ mɨcyea bɨsa bibyɛh, bɨna ga ó ndɨ mpʉ tom nye a pɛʼ é peme ye e.


Jwɨʼ Zyɛm a bà é l'efu ga lɨna ɛ, yé é embɨa, laa yaa nye a bà é l'efu lɔɔ ɛ, ebe, nye a tiʼe é leme we ó, nye ósa ó, bé kuma é l'ombɨmbɨa é mɨpaʼ mimyɛh, njɨ é jɔʼ bɨna ga e boo nɔɔ, bé ókumo tɨʼ ɨ.


Sa gwar, abul soho ga ebe bɨbɨbla mɨsisim, byé esa bɨn mojoʼo. Kʉ bul soho ga yɛɛ njɨ, ebe, mie mɨn, mé mu ó mɨtila é jobo kʉ.»


Bɨha ó b'a be mɨloʼo myé a baalœʼ monyʉl mɔɔ é zi bɨduo e. Bé a baʼle monyʉl mɔɔ ó, mɨndu, lé esa-sa sɔʼɔ njɨ du Ma Ntœme gumo yiyɛh nye a to-to e. Bé ó baa Zyɛm a kʉr ɨ. Bɛɛ ó ndɨ mpʉ tom wé a pɛʼɔ é si nwa, waa wé a dweŋɔ Zyɛm bé e Ma Ntœme e.


Bʉr o b'a be, abe e mie mɨtila é kalara tiʼ ɨ, bé nteme, bé a si guhɔ é Bɨ-siʼe.


Sa Zyɛm a komo é l'efu e bʉr ɨ, yé ó efie. Mʉr, nye edwè njɨ é jɔʼ gwar, ntɔʼ to tiʼɔ mɨlɔb é mih mo Zyɛm.


No ó, odil o si nwaʼ bɨbɛh, bé ódwiibɨ tir waa, pɛʼ njɨ baa Zyɛm a bɛa tile mie mɔɔ é kalara tiʼ we e. Kalara waa a bɛa be tila ó, duho é l'etɛɛrɨ e si nwaʼ ɛ. Nye ó é mobo mo Ma Ntœme bé a bɛa jʉ ɨ.


É jɔʼ bé a lwɨɨ-lwɨɨ nye e, nye a baabala molwɨɨ maa. É jɔʼ nye a sia e mɨtuu ɨ, nye a baabɛŋ bʉr o dɔm be. Nye a kʉ ka sa ó njɨ nʉa tiʼ ye, timle Zyɛm ya, nyɛɛ mʉr lé etiʼe mɨlɔb é l'ocɨcyel ɨ.


É zi buʼo, Abɛl a si dwe Zyɛm mpaŋ motwina, laa maa mo Kan. Zyɛm a si seʼle nye é lɔb buʼo ye, le elɛɛ ó, nye ó cɨcyel mʉr, le emɛʼle nteme motwina me. É zi buʼo, Abɛl, nye dina ó lé elwib e bɨna ga, dam be ó, nyi dwè.


Ebe, ǃɨ mʉr baagʉa ekœʼ e mbɛr bʉr we nɛʼɛ, a nye e nkul ekœʼ e mbɛr Zyɛm wáa mbi?


No ó, gwɔɔ mpaŋ mʉr nwan yam! Me ejwɨʼla nteme e go ó, go toʼ, to kɛm bʉba onɨ, ó bé diʼe twii, ebe, bé ó bʉr o bɨh e boo nɔɔ ndɨ é l'empomo e syɛɛ egwar ɨ, bé e Kelemaŋ ndwe e bʉʉ bʉr. Mie mɔɔ, mé ó mɨtila é kalara tiʼ tʉŋlʉ.


Zyɛm a si gba sa yiyɛh é jwɨɨ ye si. Nye ze nʉa Krɨst, dwe Mbɛr-Zyɛm nya ó, nye diʼe lʉ.


Diʼe ga ncye, taare é bɨn bʉr o tɨ, ndwe e Mbɛr-Zyɛm. Mbɨambɨa Sisim a si cyel bɨn é dia obɔʼlʉ é Mbɛr-Zyɛm tʉŋlʉ. No ó, kobla ga daa e bɨntœme, bʉr Zyɛm a siila motié me e be e.


Nye nteme a si ntɛŋ Mwan we nkul mojwɨ̀ʼa ndɨ ó, nye tiʼa bʉr mɨlɔb ɨ, ebe, nyɛɛ ó ndɨ Mwan mo Mʉr.


Banana, me mu ó lé ejoʼo bɨsʉhʉ ebe mɨtuu me lé ejaʼra e mye é l'efu lɨn ɨ. Mɨtuu Yesʉs-Krɨst a bwiʼ ɨ, myé ó me lé efwahle é bɨpuno byam mi. Me ejoʼo mogumba mo tɨʼ ó, é l'efu e nyʉl mo Krɨst, ndɨ Mbɛr-Zyɛm ɨ.


Bɨh bé edwe Zyɛm Sɔŋ kum, ebe, bɨn bé a si bi dia yin é jwɨ̀ʼa ye jwɨʼ gwar e gwar e mɨsaŋ mɨ bʉr be bɨbɛh, baa bɨn e boo nɔɔ mu si cenɔ é myɛn tʉŋlʉ ɨ.


Me ekʉ lɛɛ ó, bɨna bɨ tʉm ga monyʉl. Bɨna bé ebee ga embɨa lé etwaʼ é nyʉl bɨpuno nwa é l'efu ó, bɨna toʼ, to fil ga é mbɛr mo Da Yesʉs.


É jɔʼ nyʉl lé ebo e, óbe si lihba waa ndɨ abo e, é jɔʼ nyʉl lé edwè e, óbe si lihba waa ndɨ adwè e, é jɔʼ yaa ó sa ndɨ tila é Kalara Zyɛm ɨ, yé ólwɨŋlɨ ɨ: «Efie, lɨ gbahɔ! Zyɛm, nyi bula e l'esaa é koo!»


No ó, banana, sa bɨna lé ebee ga ɛ, yé é mih ga mɨna ó, é dimlɨ-di-dimlɨ. Yé ó mpʉ dweʼle lé enyin é l'enyin ɨ. É jɔʼ sa ndɨ ntinɨ mu si pyal ɨ, bɨna bé óbɛɛla ga mompom. Banana, me dina lé egʉa ó ba bim. É jɔʼ yaa ó me ófuʼla gʉa sa yiyɛh é kpɛhla ɛ, du mpʉ Zyɛm lé ebɛa gʉa me é kpɛhla ɛ.


Mpʉ bɨna bé a taare nwɨɨla ga e mʉr a meŋɔ e bɨbwah ɛ, jwɨʼ gwar e gwar yaa nteme ó bɨna bé ónwɨɨla ga e mʉr a duho é jobo kʉ ɨ.


É yʉʉ jɔʼ, nye a lɛɛ, cwɨɨ é zi ogwiha o mɨlɔb ó: «Me elɛʼle obɨɔ bam e l'okɛl bam die lo. Me ócyɛb teme bʉr go a syɛŋ ɨ, me ódwiibɨ go é zi bɨjɛɛ.»


É jɔʼ Ma Ntœme a bʉ luʼ tɛn a ŋmɛhɔ sitam ɨ, me ntɔʼ dwɛʼ é l'empàh e taa mɨndwɛa, me ze bee mɨsisim mɨ bʉr tɨ. Bʉr baa, bé a jʉŋɔ ó, ebe lɔɔ Zyɛm, ndwe e mboʼla bé a boʼlo e.


No ó nye a nʉa bɨdur é pumo-pumo, bœr bɨbɛh, le elɛɛ e be ó, bé dihba ba titia, to pyal é jɔʼ bɨɔ bɔɔ ndɨ é l'empomo e syɛɛ egwar ɨ, bé taara jʉŋɔ nteme mpʉ be. Ebe no ó bé e boo nɔɔ, bé ósa sama ntinɨ ɨ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ