Ebrœ̂ 12:22 - Kálara Zyɛ̌m Edwán é mpʉ̌n

²² Bɨn bɛɛ, bé abe no. Bɨn bɨ ze é l'ecwɨʼ e Sion. Yé ó nkana mo Zyɛm ndɨ kublakubla ɛ: Yerʉsalɛm, yaa dina é jobo kʉ ɨ. Beengles otɔɔyin otɔɔyin, bé ó tɨ, abe e tolɔɔ. Bé etwaare e l'ebʉʼ e bɨsʉhʉ.

Kálar Nzyɛ̌m : Ejwán é Sáá

²² Bɨ̌n bɨɛ, bé abe nó. Bɨ̌n mû ó sí sîhle kúnókúno le ecwɨ́ʼ é Síon. Yé ó gúmǒ nkana mé Nzyɛ̌m dí kublakúbla nyá dí yɨ́. Yé ó nkanǎ Yerʉ́zalɛm, yaá dí ɨ́ jʉ́o kʉ́ yɨ́. Beéngeles ɨ́ buo buo, bé ó tɨ̂, abe e tólɔ́ɔ. Bé ɨ́ nzɔɔ sʉhʉʉ.

Ebrœ̂ 12:22 ပူးပေါင်းရင်းမြစ်များ

Filipi 3:20

É paʼ ga wina, bɨna ga bɛɛ, bé ó bʉr o ndɨ egumo e jobo kʉ ɨ. Bɨna mu ó lé ebono ga Tiʼbʉr ga wina, Da Yesʉs-Krɨst. Nye óduho é jobo kʉ, ze kaʼ é si nwa,

Galásia 4:26

Sa gwar, mpaŋ Yerʉsalɛm, yaa ndɨ é jobo kʉ ɨ, yé ó mʉma ndɨ é dia otî ɨ. Nye ó b'a bya bɨna ga, bʉr o ndɨ é dia otî ɨ.

Mɨngwiha 14:1

Ngbaa le eka be, me ka bee nɛʼɛ, bee Ma Ntœme lé ecyɛb é l'ecwɨʼ e Sion ɨ. Nye a be nteme ó e bʉr otɔɔyin nter e l'otɔɔyin mowʉm monâ e l'otɔɔyin onâ (144 000). Bé a bɛa cɨmɔ é bɨnceʼe ó, die mo Ma Ntœme bé e laa mo Zyɛm Sɔŋ.

Mɨngwiha 21:2

Me a si bee nteme nkana ndɨ e l'ekɛn ɨ, edwan e Yerʉsalɛm. Me a bee ye ó, lé eduho boo Zyɛm é jobo kʉ, fulo si é ntiii. Yé a be ó e nyaŋa é nyʉl mpʉ mʉma lé edi é car ó, nye óbwam, to nko njʉm we ndɨ ɨ.

Mɨngwiha 22:19

ǃƗ mʉr si pɛʼ lʉʉ ekan mu lé egwihɔ é kalara nwaʼ tʉŋlʉ nɛʼɛ, Zyɛm nteme ópɛʼ nkɔb mpumo nye a ngbaa bi, duho é lɨ tiʼ ɨ. Zyɛm ópɛʼ dia nye a ngbaa dwe nye é nkana ndɨ e l'ekɛn ɨ. Lɨ tiʼ yaa le nkana ndɨ e l'ekɛn ɨ, byé nteme, byé ó mɨtila é kalara nwaʼ tʉŋlʉ.

Mɨngwiha 3:12

Baa bé óbe si ntaa, bula e l'esaa é koo e, me óliŋ be modwii é l'Odia mo Zyɛm, ndɨ Sɔŋ wam ɨ. Bé ócyɛb é nkʉʼʉ. Abe e sa yé ópyɛl be tɨ. Me ótile die mo Zyɛm Sɔŋ wam é monyʉl mɔɔ. Me ótile nteme die e nkana mo Zyɛm Sɔŋ wam, yaa ndɨ edwan e Yerʉsalɛm ɨ. Zyɛm óntɨh nkana yaa kaʼ si, duho é jobo kʉ é ntiii. Me ótile nteme edwan e die lam é monyʉl mo bʉr baa.

Ebrœ̂ 13:14

ebe, é si nwa, bɨna bé abe ga e nkana lé edi njʉmdia e njʉmdia ɛ. Bɨna bé ejoʼo ga dweh eni é nkana fih é molu ndɨ eze e.

Ebrœ̂ 11:10

Abraham nteme a sa no ó, nyɛɛ lé ebono ó, nye ódi é nkana Zyɛm a bòno le efumo e, nkana yaa e nkan Zyɛm a cyel, waa lé ecyɛb é nkʉʼʉ ɨ.

Mɨngwiha 21:10

Mbɨambɨa Sisim, nye osi mɛr me e nkul, engles waa ze nʉa me, to e me é l'ecwɨʼ enɨnɨ kʉ. Lé a be ó kʉ é pɨbɨbɨ. Ngbaa le eka be, bɨh mu gʉʼ nɛʼɛ, nye ze lɛʼle me Yerʉsalɛm, nkana ndɨ e l'ekɛn ɨ. Yé a be ó lé eduho é jobo kʉ, nko Zyɛm ndɨ ɨ, fulo si é ntiii.

Mɨngwiha 7:2

Me ze bee nteme nuu engles a duho nko dobo lé emʉa ɛ. Zyɛm ndɨ kublakubla ɛ, a ntɨh nye ó e sitam ye é mbo. No ó engles waa a jebe beengles onâ baa, baa Zyɛm a dwe nkul ó, bé lɨrɨ si ndwe e maŋ ɨ. Nye ntɔʼ lwib lé eyɨm twii ó:

Yʉ̂d 1:14

Enɔk a be ó mwan mo nura mo Adam. Nye a si gwih mɨlɔb mo Zyɛm lé etiibe e bʉr baa ɛ. Nye a lɛɛ ó: «Paʼ joʼo ga: Da óze ó e mɨsaŋ beengles be mowʉm mo otɔɔyin,

Ebrœ̂ 10:31

Zyɛm, nye ó kʉ be kublakubla! Mʉr lé ekur é mobo me e, nye é bul bil ekɛn!

Ebrœ̂ 9:14

No ó, Krɨst nyɛɛ, nye elaa naa! Nye ópubo mɨleme ga mina e me motié, ó mɨpɛhla mɨleme ga mina nkʉʼ liʼ é pyɛɛɛ, myé l'aka toŋlo bɨsyɛɛla bɨ ebebe ga bina. É mbi waa ó bɨna bé ódwiibɨ ga Zyɛm ndɨ kublakubla ɛ. Ebe, é zi Mbɨambɨa Sisim lé edi njʉmdia e njʉmdia ɛ, nye a be ó si dwe Zyɛm Sɔŋ nyʉl we. Ndwɛa nyʉl we, wé ó b'a kʉ jala e bɨna, lé epɛʼ mɨsyem bɨna bé a sa ga ɛ. Wé nteme ó ndɨ e l'ombɨmbɨa é mɨpaʼ mimyɛh.

Ebrœ̂ 3:12

Obɨɔ ga bam aa! Gʉa di ga ncye! Mʉr é mbɛr Zyɛm win aka nyamle be e leme ndɨ é lele lé ebuʼla ɛ. Nye l'aka nyamle kaŋa e Zyɛm ndɨ kublakubla ɛ.

1 Tesalonika 1:9

Bé ó lé elɛɛ bɨh bɛɛ mpʉ bɨn bé a soho bɨh é jɔʼ bɨh bé a ze gʉʼ bɨn ye e, e mpʉ bɨn bé a gwaʼ lé edwiibɨ bɨbaŋabaŋa bɨdweʼle e, lé eka du njɨ Zyɛm ɨ. Bɨn mu ó lé esea syɛɛ é l'efu e mpaŋ Zyɛm, waa ndɨ kublakubla ɛ.

Rôm 11:26

É mbi wiʼ ó bwa b'Ɨzraɛl bɨbɛh, bé óbi tiʼ molu mo mpoʼ mɨmɛh ɛ. Yé ó mpʉ yé ndɨ tila é Kalara Zyɛm ɨ. Yé ó tila ó: «Mʉr ósyɛb bɨna ga é l'ebebe e, óduho ó Sion. Nye ódib bwa onta mo Yakɔb zi egwɨma ebɨh bé lé esa Zyɛm ɨ.»

Rôm 9:26

«Gumo me a lɛɛ e be ó: “Ntʉʼ bɨn ndɨ bʉr bam” ɨ, tɨʼ é gumo yaa, mɛm, Zyɛm, me óka gban be, le ejwɨr be die ó: “Bwan mo Zyɛm ndɨ kublakubla ɛ”.»

Mataos 5:35

Agba ga die e “si” é mɨnkɛla, ebe, si, nye ó cyela mokʉ mo Zyɛm. Agba ga die e “Yerʉsalɛm” é mɨnkɛla, ebe, yé ó nkana mo Njwɨɨbʉr nɨnɨ.

Mataos 16:16

Simɔn Pyɛr ntɔʼ bɨha ó: «Go ó Lœma mulo mo Zyɛm le Mwan mo Zyɛm ndɨ kublakubla ɛ!»

Éfɛsɔs 2:19

Ebe no, bɨn bé aka be mɨndìndìl nkʉ mɨngbaalaŋa. Bɨn mu ó bʉr mo Zyɛm jwɨʼ gwar e gwar e mɨsaŋ mɨ bʉr be. Bɨn e boo nɔɔ, bé mu ó bʉr o mbɛr bʉr mo Zyɛm.

2 Timotɛ 4:18

Da Yesʉs óto le esyɛb me é jɔʼ yiyɛh bé ódɨ sa me ebebe e. Nye ósa ó, me pyala é jwɨ̀ʼa ye, yaa ndɨ é jobo kʉ ɨ. Nye dweŋɔ kum njʉmdia e njʉmdia. Amɛn.

Ebrœ̂ 11:16

Sa gwar, bé a be ó e dweh edi é mpaŋ lal, waa ndɨ é jobo kʉ ɨ. Zyɛm, nyi komlo be mpaŋ nkana, sa lé elɛʼle ó, nye ajoʼo fwon é jɔʼ bé lé egban nye e.