Ebrœ̂ 12:2 - Kálara Zyɛ̌m Edwán é mpʉ̌n

² Mih ga mɨna, mé dwɛʼa sɔʼɔ, njɨ Yesʉs, ebe, nye ó etin e buʼo ga yina. Nye nteme ó b'a sa ó, buʼo ga yina diʼe é l'ombɨmbɨa é mɨpaʼ mimyɛh. Nye a mɛʼle ó, nye sia e mɨtuu, bé jʉʼo nye, lé ecyèl nye é klos kʉ. Nye a si pyeh fwon mʉr lé ebi é mbi efie laa ɛ. Nye a fuo mɛʼle ó, nye dwèʼ no ó, nye nkʉʼ bi bɨsʉhʉ Zyɛm a bɛa komo nye e. Banana, nye mu ó si é die é mbo ejʉm mo Zyɛm Sɔŋ, mʉr ndɨ é dia taʼa ɛ.

Kálar Nzyɛ̌m : Ejwán é Sáá

² Míh gá mɨ́ná, mé dwɛ́ʼɛɛ sɔ̂ʼ njɨ Yésʉs, ebě, nye ó b'á kar nzɨ̌ búʼó. Nye ntémé ó b'á swâhle nye. Nye á kam ó, nye síaa e mitúú, nye tyélɔɔ ɨ́ lɨ́ kʉ́, jʉ́ŋɔɔ. Nye á si pyêh sôn mʉ̂r dí ebɛb ɨ́ mbi éswie laá nyɨ́. Nye á kam ó, nye dwêʼ nó ó, nye nkʉ̂ bi bísʉhʉʉ̌ Nzyɛ̌m á boo komo nye bí. Ɨ́ báánâ, nye mû ó ɨ́ mbó éjʉ́m mé Nzyɛ̌m Sɔ́ŋ ɨ́ mecwɨ́ɨ́ mé jwɨ́ɨ.

Ebrœ̂ 12:2 ပူးပေါင်းရင်းမြစ်များ

1 Pyɛr 3:18

Ebe, Krɨst nye mʉr tɨʼ a si dwè jɔʼ gwar é bɨjɔʼ bibyɛh, é lɔb mɨsyem min. Cɨcyel mʉr waa a bana jala ó e l'ozyɛhozyɛh o bʉr, lé esaa ó, nye pyala e bɨna ga é mih mo Zyɛm. Nye a si jʉŋɔ é nko paʼ nyʉl we, nye ze tiʼe pie tɨʼ ebe nkul mo Mbɨambɨa Sisim.

Ebrœ̂ 1:3

Moncɛnba mo Zyɛm, mé enyin ó, é nye. Nye ó ndɨ gulo lé elɛʼle mpʉ Zyɛm nye mʉr tɨʼ ndɨ ɨ. Nye ebaʼle si nwaʼ nyiwɛh ó, é zi lwib ye ndɨ e nkul ɨ. Nye a si dib zi epubo bʉr é lɔb mɨsyem myɔɔ. Nye ze to é jobo kʉ, to di si é mbo ejʉm mo waa ndɨ e mojwɨ̀ʼa monɨnɨ é jobo kʉ ɨ.

Éfɛsɔs 5:2

Kœʼœ ga ebò e cyen ndɨ elɛʼle leme ncwɨncwɨa win ɨ, mpʉ Krɨst a taare cwɨa e bɨna ga ɛ. Nye a si dwè, jala e bɨna ga, ó nye diʼe mpʉ mɨndwɛa ndwe e motwina. Motwina me maa, mé a be ó e monumo Zyɛm lé ebul kpɛl ɨ.

Filipi 1:6

Mɨ kʉ gʉa ó, Zyɛm, nyi taare lé esa mpaŋ syɛɛla é mɨleme min tʉŋlʉ. Mɨ kʉ gʉa nteme ó, nye óto le esa no, to pyal é jɔʼ nye ósil komlo bɨn é dobo Yesʉs-Krɨst óbula ze e.

Ebrœ̂ 9:28

Jwɨʼ gwar e gwar yaa nteme e Krɨst. Nye a kʉ ka dwè ó njɨ é jɔʼ gwar é l'efu ó, nye jala e mɨsyem mɨ bʉr é buobuo. É dobo nye óbula ze e, nye aŋa bâʼle dwih bʉr é mpila ebebe lɔɔ. Zea nye óze e, wé óbe ó, lé edwe bʉr o ndɨ ebono nye e, tiʼ molu mo mpoʼ mɨmɛh.

Yʉanes 6:40

ebe, Sɔŋ wam, nye egwɨm ó, bʉr bɨbɛh bé óbee Mwan mo Zyɛm, jyɛʼ taa buʼo yɔɔ boo nye e, bé biʼe tiʼ molu mo mpoʼ mɨmɛh. Mɛm, me ópɛ̀h be é mofoo é moho epihe, ntible-bɨkaŋa.»

1 Pyɛr 3:22

Nye a si bere é jobo kʉ. Nye mu ó é mbo ejʉm mo Zyɛm Sɔŋ, gumo nye lé ejwɨʼ beengles, le mɨsisim ndɨ e mojwɨ̀ʼa ndwe e myaa ndɨ e nkul ɨ.

Mɨlʉmlʉ 5:31

To kœb ó, Zyɛm nyɛɛ, nyi bɨr nye kʉ, dil nye é mbo ejʉm we, cyel nye é dia Cyɛb efoʼ ndwe e Tiʼbʉr é l'efu e bʉr bɨbɛh. Nye a sa no ó, nye nkʉʼ dib bwa b'Ɨzraɛl zi egwɨma mobebe mɔɔ, le edwir mɨleme, ó nye nkʉʼ pɛʼ bɨbaa nye lé eniʼe-niʼe é lɔb mɨsyem myɔɔ ɛ.

Lʉkas 24:26

Zê yé a baasi jala ó, Lœma mulo mo Zyɛm, nye sia e mɨtuu, lé edu gwɨma mo Zyɛm, ó nye niʼe é moncɛnba me e?»

Yʉ̂d 1:21

Gbaʼ ga monyʉl lé edi é kpɛl mo Zyɛm. Bona ga dobo Tî ga wina Yesʉs-Krɨst óbula ze e. Nye óze ó, ze jwɨʼ bɨna ga nkoo, le eliʼle bɨn, to pyal é tiʼ molu mo mpoʼ mɨmɛh.

Ebrœ̂ 8:1

Lʉ ekan é bɨsa bɨh lé elɛɛ bɨn ɨ, wé ó wi: bɨna ga bé ó e mbi njwɨɨ opara waa, ndɨ e nkul eloŋlo syɛɛ yaa yiyɛh ɛ. Nye ó ndindil é mbo ejʉm mo waa ndɨ e mojwɨ̀ʼa monɨnɨ é jobo kʉ ɨ.

2 Timotɛ 4:8

Yi kʉ ka liʼ me ó njɨ ebœrɔ epʉʼlʉ é lʉ, laa ndɨ koma é l'efu lam ɨ. Epʉʼlʉ laa, lé ó ngo lɛʼle ó, mɨ bi mokebe é mih mo Zyɛm. Da Yesʉs óbœr me la ó, é dobo nye óbula ze e. Nye ó tiʼà mɨlɔb ndɨ etiʼe é l'ocɨcyel ɨ. Nye aŋa dwe yɛɛ njɨ me e me. Mopʉʼlʉ maa, mé óbœrɔ nteme ó, bʉr bɨbɛh lé esoho dobo Yesʉs-Krɨst óbula ze e.

Filipi 3:20

É paʼ ga wina, bɨna ga bɛɛ, bé ó bʉr o ndɨ egumo e jobo kʉ ɨ. Bɨna mu ó lé ebono ga Tiʼbʉr ga wina, Da Yesʉs-Krɨst. Nye óduho é jobo kʉ, ze kaʼ é si nwa,

Markus 14:36

Nye ze lɛɛ ó: «Abba, Da, sɔʼɔ, yé akar go. Saʼ ó me dwɛha e bele mɨtuu yi. Dam be no, yé l'ayi syɛɛ mpʉ mɛm lé egwɨm ɨ, njɨ mpʉ gua lé egwɨm ɨ!»

Mɨngwiha 2:8

«Tila nteme engles lé edwiile mbɛr Zyɛm ndɨ ɨ Smirna ɛ. Lɛŋɨ nye ó: Waa ndɨ mʉr efoʼ ndwe e waa epihe, waa a dwè, ntɔʼ bula pàh ɛ, nye elɛɛ e bɨn ó:

Ebrœ̂ 13:13

Ebe no ó bɨna lé ejala le eduho ga é mompaʼ maa, to pyal ga nko Krɨst ndɨ é mompaʼ kʉl ɨ, bɨna ga e boo nɔɔ nkʉʼ lwɨɔ jwɨʼ gwar,

Ebrœ̂ 5:9

Pie mɨtuu myaa ó nye a be, nye mu si kumo é l'ombɨmbɨa é mɨpaʼ mimyɛh ɛ. No ó nye a ze fuʼla Etin e tiʼ é l'efu e bʉr bɨbɛh bé ósa nye mojoʼo e.

Yʉanes 13:3

Yesʉs nye mʉr tɨʼ a be lé egʉa ó, nye a duho ó, boo Zyɛm, gʉa nteme ó, nye óbula, to boo Zyɛm. Nye a gʉa nteme ó, Sɔŋ we a be si gba sa yiyɛh é jwɨ̀ʼa ye e.

Lʉkas 17:5

Mɨlʉmlʉ mo Da, myé a lɛɛ e nye ó: «Bulɨ bɨh buʼo yih.»

Markus 9:24

Cye e cye yaa, sɔŋ mwan ntɔʼ lɛɛ kʉ kʉ ó: «Mɨ jyɛʼ taa buʼo yam boo nye! Sa gwar, ntaʼ, ze gul me é nko paʼ abuʼla wam.»

Ebrœ̂ 12:3

Toŋla ga nye. Toŋla ga mpʉ osyɛl o mɨsyem bé a sa-sa nye mosono, nyɛɛ njɨ lé edihbe be e. Dɨʼe toŋlo ga no, bɨn nkʉʼ be, akar mɨtuu, nkʉ cyɛʼ.

Éfɛsɔs 2:16

É jɔʼ nye a cyèlɔ é klos ɨ, nye a si sa sàa paʼra ga wina boo Zyɛm, lé esa ó, bʉr o bɨkul bɨba ga bina byaa, diʼe mpʉ mʉr ngwar. Bɨna bé a ka gwaʼ lé esiila paʼra ga wina ó, é jɔʼ nye a dwè e.

Mɨlʉmlʉ 5:41

No ó mpʉ mɨlʉmlʉ myé a duho é Bʉm Nɨnɨ ɨ, myé ntɔʼ loŋlo e bɨsʉhʉ, ebe, Zyɛm a láa ó, bé ó bʉr o jʉʼa le edihbe pyeh ebe die mo Yesʉs ɨ.

Yʉanes 12:32

No ó, é wam paʼ, é jɔʼ me ópɛʼɔ é si nwa, bɨnɔ kʉ ɨ, me ódulo bʉr bɨbɛh nko me óbe e.»

1 Pyɛr 1:11

Bé a be ó lé egwɨm gʉa mʉr Sisim mo Krɨst a lwib-lwib é lʉ we e, le jɔʼ mʉr waa óbɛm byɛl ɨ. Mbɨambɨa Sisim a boʼlo, tiibe e Lœma mulo mo Zyɛm ó, nye a jala ó, le esia e mɨtuu, ntɔʼ ni é kum we, pie tɨ. Nye a boʼlo no ó, bɨsyɛɛla bɨ tɨʼ apa syɛɛlɨ.

Ebrœ̂ 10:14

Nyɛɛ a kʉ dwe ó njɨ ndwɛa ngwar, bʉr o b'a be ó, bé pubɔ ɛ, bé ntɔʼ puba mbɨmbɨa é mɨpaʼ mimyɛh. Bé ódi-di no ó njʉmdia e njʉmdia.

Yʉanes 12:24

Me elɛɛ bɨn cyecye ó nɛɛ: bumo di gwar ó, cye yiyɛh yé l'apa bèŋɔ é bɨbwah ɨ. ǃƗ bumo si bèŋɔ é bɨbwah, pah nɛʼɛ, yé ógumo mpumo é buobuo.

Yʉanes 8:56

Sɔŋ win Abraham a be ó si soho lé ejoʼo ó, nye óbee dobo epyal lam. Nye a si bana bee le, nye kʉ ze soho.»

Yʉanes 1:29

É mɛn tɨ, Yʉanes ka bee ó, Yesʉs lé eze boo nye! Yʉanes ze lɛɛ ó: «Mbe ga: Ma Ntœme mo Zyɛm lé edwih mɨsyem mɨ bʉr bɨbɛh nwa ɛɛ!

Lʉkas 23:11

Erod bé e bɨzima bye kʉ ze kpeʼlɔ nye, le ezyɛmɔ nye le ebœrɔ nye bodime kan mo njwɨɨbʉr. Erod ntɔʼ buulo nye Pilat ye.

Mataos 20:28

ebe, Mwan mo Mʉr nye mʉr tɨʼ a baaze ó, bʉr sea e nye. Nye a ze ó, lé eze sea e bʉr, ndwe le ekɛha tiʼ ye lé ejala e mobebe mɔɔ, le ekʉr be.»

Mataos 16:21

É dobo laa ó Yesʉs a lɛɛ ompʉn be ebe yé, yé ókʉ jala ó, nye toʼ ɨ Yerʉsalɛm ɨ. Nye sia e mɨtuu é buobuo é mobo mo otamabʉr o lal bé e l'ojwɨɨ be opara ndwe e l'oyeʼle o motie. Nye nteme ójʉŋɔ. Nye òbula pàh é l'elu elɛl.

Mɨngwiha 1:17

É jɔʼ me a bee nye e, me ze bɨʼ mpom wam si é mih me, me mu mpʉ muu, mpur é sehe. Nye ntɔʼ kɛl mbo ejʉm we é nyʉl wam. Nye e me ó: «Ajoʼo bʉa. Me ó ndɨ mʉr efoʼ ndwe e mʉr epihe.

Mɨngwiha 1:11

Nye e me ó: «Sa go lé ebee e, tila ye é kalara. Go à pile nye, cen mɨmbɛr mɨ Zyɛm tambɛl ndɨ ɨ Efɛɛz, ɨ Smirna, ɨ Pɛrgamos, ɨ Tiatir, ɨ Sardɛs, ɨ Filadɛlfi, ndwe ɨ Laodisea ɛ.»

Ebrœ̂ 7:19

(Ebe, motie mo efoʼ maa, mé a baabe e nkul esa ó, mʉr kuma é l'ombɨmbɨa é mɨpaʼ mimyɛh.) No ó, sa lé elaa motie maa ɛ, yi pyal! Yé ó mbɛla ndɨ bɨna ga é mɨleme e. Wé ó ndɨ esa ó, bɨna dihla ga kunokuno e Zyɛm.

Ebrœ̂ 1:13

Zyɛm a baalɛɛ é lʉʉ dobo, tiibe e nuu engles we ó: «Ntaʼ, ze di si wâ, é mbo ejʉm wam, to pyal é jɔʼ me ósa bʉr o dɔm bo ó, bé diʼe cyela mokʉ yo e.»

Mɨlʉmlʉ 2:36

Pyɛr ze ko tɨʼ ó: «Bʉr o ndɨ kaʼ é lal Ɨzraɛl ɨ, bé ejala le ekʉ gʉa lɔb wi: mʉr bɨn bé a cyèl é klos kʉ ɨ, die le Yesʉs, nye ó waa Zyɛm a cyel é dia Tî ga wina le é dia Lœma mulo mo Zyɛm!»

Markus 9:12

Nye ze bɨha e be ó: «Yé ó no! Yé ekʉ jala ó, Élie taara pyal, lé eze komlo bɨsa bibyɛh. Sa gwar, paʼ pahle ga! Ebe yé yé ndɨ tila é Kalara Zyɛm ó, Mwan mo Mʉr ósia e mɨtuu é buobuo, le epyehɔ ɛ.

Mɨngwiha 1:8

Da Zyɛm, nye elɛɛ ó: «Me ó ndɨ waa efoʼ ndwe e waa epihe. Me ó waa a bɛa be, waa dina, waa ófuʼla ɛ. Me ó ndɨ Zyɛm Nkul nyiwɛh.»

Ebrœ̂ 11:36

É zi buʼo, bʉʉ bʉr, bé a si mɛʼle ó, bé lwɨɔ le ebîŋɔ, to kumo kuma ó, bé kaʼɔ e mɨkʉkob ndwe le egbaŋɔ be é mbɛr mɨmbʉʼ.

Ebrœ̂ 10:33

É til molu yaa, baʼ bʉr é l'esama lɨn, bé a be ó lé elwɨɔ le etíilɔ é kpɛŋlɛm. No ó, bʉʉ bʉr bɛɛ, bé a mɛʼle ó, bé fuʼa bʉr o b'a saŋɔ no e.

Markus 16:19

No ó, é jɔʼ Da Yesʉs a be, nye osi lwib e be no e, nye ze bɨnɔ é jobo kʉ, ntɔʼ to nʉa dia ye é mbo ejʉm mo Zyɛm Sɔŋ.

Mɨlʉmlʉ 3:15

Bɨn ó b'a jʉ Etin e tiʼ; Zyɛm nyɛɛ ntɔʼ pɛ̀h nye é foo. Bɨh ó ndɨ eliʼ boʼlo lɔb waa.

1 Korɛnt 1:18

É jɔʼ bɨh ndɨ ebɔma e bʉr o ndɨ egʉmla é bebebebe zi ɨ, é jɔʼ bɨh ndɨ etuno be lɔɔ efie mo Yesʉs é klos kʉ ɨ, mbea wɔɔ, wé ó tuno waa, wé ó lɔɔ ogʉ. No ó, mbɛa ga wina, bɨna ga bʉr o mu lé ebi tiʼ molu mo mpoʼ mɨmɛh ɛ, wé ó anɨnɨn nkul mo Zyɛm.

1 Korɛnt 1:23

É wih paʼ, bɨh bé elɛɛ ó, Mbɨambɨa Lɔɔ mo Lœma mulo mo Zyɛm a cyèlɔ é klos kʉ ɨ. Lɔɔ waa, wé ekol oYʉden ebɔʼ ndɨ edumo be e. Wé enyin é mbea byʉʉ bɨkul bɨfih ó, wé ó lɔɔ ogʉ.

Jacques 2:1

Obɨɔ ga bam aa! É mpʉ bɨn lé ejyɛʼ taa buʼo yin boo Tî ga wina Yesʉs-Krɨst, Njwɨɨ ga wina ndɨ é kum ɨ, dɨʼe sa no abe lé edwaabe bʉr é lɔb mompom mɔɔ,

Markus 15:28

Yé ntɔʼ pyal mpʉ yé a be tila é Kalara Zyɛm ó: «Nye a si láŋɔ é sama bɨbɨbla bɨ bʉr.»]