Ebrœ̂ 12:16 - Kálara Zyɛ̌m Edwán é mpʉ̌n

¹⁶ Diʼe ga ncye! Mʉr alama fwon é zi bɨduo. Mʉr beʼ l'asa lɔɔ Zyɛm ebɨh, é mpʉ Eso a sa ɛ. Nye a si dwɛna dia modweʼe ye, dwe ncyom, le esiila ye é l'efu le enʉa ma fua mode!

Kálar Nzyɛ̌m : Ejwán é Sáá

¹⁶ Gwá di gá le ocwóó. Mʉr asâ bímolá. Mʉ̌r sá asâ nkěh ɨ́ nkǒ páʼ mílɔ̌b mé Nzyɛ̌m ɨ́ mpʉ̌ Esô á sâ yɨ́. Nye á si dwɛ́na dǐ tʉ́l yé, dwe ntwóm, lɨ́ esyɛ́ɛla yé lɨ́ esú lé énʉa mâ kǎr méde!

Ebrœ̂ 12:16 ပူးပေါင်းရင်းမြစ်များ

Mɨngwiha 22:15

No ó, baa lé etiʼe mpʉ ompye e, bé e l'oleme, ndwe e l'osyɛl o mɨfyɛba bɛɛ, bé óliʼ kʉl. Ojʉl o bʉr nteme, ndwe e baa lé edwiibɨ bɨbaŋabaŋa bɨdweʼle e, ndwe e baa lé ekpɛl mɨlɔɔ mɨ mpʉl ɨ, bé nteme, bé óliʼ kʉl.

Ebrœ̂ 13:4

Dweʼ ga eba duu. Sa ndɨ elœʼ mʉr é mih mo Zyɛm ɨ, yé ajala le esaŋɔ fum mɨmbɛa mɨ bʉr ndɨ esyɛŋa ɛ. Gʉŋa ga ó, Zyɛm ótiʼe osyɛl o bɨmala bé e l'osyɛl o mɨfyɛba mɨlɔb myɔɔ.

Mɨlʉmlʉ 15:29

Diʼe ga é l'ecyooŋʉ, lé esyɛhle lɔb ede tir a bàŋɔ é mpah bé ndɨ edwiibɨ ozyɛm bé a dɨ kpaʼ ɛ, lɔb ede motié, lɔb ede tir a baasyɛhɔ twii, motié pʉʼa ɛ, ndwe e lɔb esa bɨmala e mɨfyɛba. ǃBɨn si baʼle monyʉl mɨn mbɨmbɨa é mbi wiʼ nɛʼɛ, lɛɛ ó, bɨn bé ókʉ gʉa esa syɛɛla ndɨ é mbɨa ɛ. Diʼe ga mbɨmbɨa.

Markus 7:21

ebe, bɨbebebebe bɨsa bibyɛh, byé eduho ó, é leme tʉŋlʉ. Byé ó: bɨbebebebe mɨpɛhla, bɨmala, díbe, ejwɨɨ e bʉr,

Mɨngwiha 21:8

Baabʉbʉa bɛɛ ndwe e bʉr o ndɨ abuʼla Zyɛm ɨ, bʉr o ndɨ efœʼ monyʉl mɔɔ ɛ, ojʉl o bʉr, e l'osyɛl o mɨfyɛba, oleme ndwe e baa lé edwiibɨ bɨbaŋabaŋa bɨdweʼle e, ndwe e baanya-bɨkʉʉŋʉ bɨbɛh, bɛɛ, bé ókʉ ka kœb odia wɔɔ ó njɨ é Bɨ-siʼe. Yé ó lwɨŋla e siʼe ndwe e pir. Tɨʼ ó bʉr lé edwè efie emba ɛ.»

Kolosi 3:5

Bɨfum bɨ nyʉl bin ndɨ eduho é si nwaʼ ɛ, teʼla ga bye. Yé ó ndɨ: elœʼ nyʉl é zi bɨduo, elama fwon lé edu njɨ bɨjyɛʼ, empime, esa bɨgwɨma bɨ ebebe, ecen mih é bɨsa byoonkan. (Ebe, mʉr ndɨ ecen mih é bɨsa byoonkan ɨ, nye ó asiila ba e waa lé edwiibɨ bɨbaŋabaŋa bɨdweʼle e!)

Éfɛsɔs 5:5

Gʉŋa ga ó, bʉr o ndɨ esa bɨmala e mɨfyɛba ɛ, e baa lé elœʼ bé bʉr o tɨʼ é mih mo Zyɛm ɨ, e baa lé ecen mih é bɨsa byoonkan ɨ, mʉr ndɨ ekœʼ ebò e cyen laa ɛ, nye ákwoʼ niŋlɔ é jwɨ̀ʼa mo Krɨst, ndɨ jwɨ̀ʼa mo Zyɛm ɨ. Gʉŋa ga ó, waa ndɨ ecen mih é bɨsa byoonkan ɨ, syɛɛla ye yaa, yé ekʉ lɛʼle ó, mʉr tɨ, nye edwiibɨ bɨbaŋabaŋa bɨdweʼle bɨ ozyɛm!

2 Korɛnt 12:21

Sa lé esa ó, me kpɛŋɨ ebâʼle ze gʉʼ bɨn ye e, yé ó, ebe, Zyɛm Sɔŋ wam amu jaa gba me fwon é nyʉl é mih mɨn. Bɨn bé amu jaa bee me lé ejɨ edwe é jɔʼ me óbee ó, bɨn bé agwɨma mɨsyem min ndwe le edwir mɨleme e. Me óbɛm kœb bʉr o b'a taare jwɨ̂ʼlɨ e mɨsyem ɨ, bɛɛ dina lé elama fwon lé edu njɨ bɨjyɛʼ byɔɔ, le elœʼ nyʉl é zi bɨduo, ndwe le esa bɨmala zam e l'ekomo, jwɨʼ gwar e gwar mpʉ bé a bɛa sa-sa ɛ.

1 Korɛnt 10:8

Bɨna l'ayi gba ga monyʉl lé esa bɨmala mpʉ bʉʉ bʉr o sama yɔɔ, bé a dɨ sa, to pyal é jɔʼ ebebe, lé a ka laŋle e. Bʉr otɔɔyin mowʉm moba e l'olɛl (23 000), bé ntɔʼ dwè é moho ngwar, lé ejala e syɛɛla yaa.

Mɨlʉmlʉ 15:20

Bɨna tila ga yɛɛ kalara ó, bé ejala le edi é l'ecyooŋʉ, lé esyɛhle mɨlɔb mɨnâ mi: lɔb ede tir a bàŋɔ é mpah bé ndɨ edwiibɨ bɨbaŋabaŋa bɨdweʼle e, lɔb esa bɨmala e mɨfyɛba, lɔb ede tir a baasyɛhɔ twii, motié pʉʼa ɛ, ndwe e lɔb ede motié.

Éfɛsɔs 5:3

Sa gwar, mʉr ayi joʼo lʉʉ dobo ó, mʉr fih mʉr kɛ̀l, nye ó é mbɛr Zyɛm win, nye nteme lé elœʼ nyʉl é zi bɨduo, nkʉ lé elama fwon lé edu njɨ bɨjyɛʼ bye, nkʉ lé ecen mih é bɨsa byoonkan. Mɨsaŋ mɨ bʉr mo Zyɛm, myé ajala le ebul jwɨ̂ʼlɨ e bɨsyɛɛla binɨ.

1 Timotɛ 1:9

Bɨna bé egʉa ga nteme ó, motie, mé a baatiilɔ lé etoŋlo ocɨcyel o bʉr, njɨ ontɔɔ o motie, bé e bʉr o ndɨ esa ocyɛb be efoʼ bɔɔ ebɨh ɨ, bʉr o ndɨ adwaabe Zyɛm ɨ, osyɛl o mɨsyem, bʉr o lé epyeh Zyɛm ɨ, ndwe e baa ndɨ esa lɔɔ Zyɛm ebɨh ɨ, ojʉl be osɔŋ bɔɔ, ojʉl be onyɔŋ bɔɔ, ojʉl o bʉr,