Ebrœ̂ 12:14 - Kálara Zyɛ̌m Edwán é mpʉ̌n

¹⁴ Gbaʼ ga monyʉl lé egba motala paʼra win boo bʉr bɨbɛh. Baʼla ga bɨn bʉr o tɨʼ ti. ǃƗ mʉr si lɨŋa é paʼ ebò e cyen le nɛʼɛ, nye ákwoʼ bee Da.

Kálar Nzyɛ̌m : Ejwán é Sáá

¹⁴ Sáʼ gá sɨ́n lɨ́ etíʼe ɨ́ mepyɛbla, páʼ nyɨ́n e bʉr bɨ́bɛ̂h. Sáʼ gá sɨ́n ntémé lɨ́ edi bʉ̂r o dí egúmo e Nzyɛ̌m, baá o dí tí bá. Mʉ̂r óbe, abě tí nó, nye ákóʼó beě Tî Yésʉs.

Ebrœ̂ 12:14 ပူးပေါင်းရင်းမြစ်များ

2 Korɛnt 7:1

Ebe no, obɨɔ o kpɛl bam aa! É mpʉ bɨna ga bé a bi ga monkɛʼ monɨ ɨ, bɨna puba bɨna ga bʉr o tɨ, lé epɛʼ sa ndɨ elœʼ monyʉl ga mɨna ndwe e mɨsisim ga mina é mih mo Zyɛm ɨ. Bɨna kœʼœ ga ebò e cyen bɨna ndɨ é pememe, laa ndɨ ejala e bʉr o ndɨ edwaabe Zyɛm ɨ.

1 Tesalonika 4:7

Zyɛm a jebe bɨna ga ó, bɨna diʼe ga bʉr o ndɨ ti ɨ, abe baa ndɨ elama fwon njɨ lé edu bɨjyɛʼ byɔɔ ɛ.

1 Pyɛr 3:11

Nye gwɨma ebebe nye a dɨ sa ɛ, le edwir leme. Nye dɨʼe sa njɨ embɨa. Nye saŋa zi edi é motala paʼra bʉr e bʉr, le ekœʼ nteme tɨ.

Rôm 12:18

Yé bana bɨn nɛʼɛ, saʼ ga mbi wiwɛh é nko paʼ win ó, bɨn e bʉr bɨbɛh, diʼe é motala.

Rôm 14:19

É mpʉ yé ndɨ no e, bɨna gbaʼ ga monyʉl lé esa bɨsyɛɛla lé esa ó, sama ga yina tiʼa é motala ɛ. Saʼ ga nteme byaa byé ógwɨl bʉʉ bʉr é nko paʼ buʼo yɔɔ ɛ.

1 Tesalonika 3:13

Nye gbaʼ bɨn nkul é monyʉl ó, mɨleme min, myé diʼe é sɔɔɔ, alɨŋa ba, abe e mobe é jɔʼ bɨn bé ócyɛb é mih mo Zyɛm Sɔŋ ga wina ɛ. Diʼe ga no, to pyal é dobo Tî ga wina Yesʉs óbula ze, bé e mɨsaŋ beengles mye mimyɛh ɛ.

Rôm 6:22

Banana, Zyɛm, nyi sa ó, bɨn diʼe é dia otî é nko paʼ Syem. Bɨn mu ó é dia osyɛl o mosa mo Zyɛm. Mpumo lé ecyèl é bɨtiʼ bin ɨ, nye ó ndɨ ebò e cyen ndɨ ti é mih mo Zyɛm ɨ. Ndumlo tɨ, wé ó tiʼ molu mo mpoʼ mɨmɛh.

3 Yʉanes 1:11

Mɨɔ kpɛl wam, abaŋa sa ndɨ é bebe e, njɨ yaa ndɨ é mbɨa ɛ. Mʉr lé esa bɨsyɛɛla bɨ ncwɨncwɨa ɛ, nye ó waa mo Zyɛm. Syɛl ebebe nyɛɛ, nye apa bee Zyɛm.

Éfɛsɔs 5:5

Gʉŋa ga ó, bʉr o ndɨ esa bɨmala e mɨfyɛba ɛ, e baa lé elœʼ bé bʉr o tɨʼ é mih mo Zyɛm ɨ, e baa lé ecen mih é bɨsa byoonkan ɨ, mʉr ndɨ ekœʼ ebò e cyen laa ɛ, nye ákwoʼ niŋlɔ é jwɨ̀ʼa mo Krɨst, ndɨ jwɨ̀ʼa mo Zyɛm ɨ. Gʉŋa ga ó, waa ndɨ ecen mih é bɨsa byoonkan ɨ, syɛɛla ye yaa, yé ekʉ lɛʼle ó, mʉr tɨ, nye edwiibɨ bɨbaŋabaŋa bɨdweʼle bɨ ozyɛm!

Ebrœ̂ 12:10

Osɔŋ ga bɨna, bé a kʉ turo bɨna ga mɨlʉ ó, njɨ é ma jɔʼ. Bé a si bee embɨa lé esa bɨna ga no. No ó, Zyɛm Sɔŋ ga wina nyɛɛ, nye eturo bɨna ga mɨlʉ ó, njɨ é l'efu e nyɔm ga wina. Nye esa no ó, bɨna nkʉʼ kœʼ ga ebò e cyen ndɨ é pememe e, ebò e cyen ga lɨna lé enwɨɨla e laa le.

1 Timotɛ 6:11

Gwɔɔ mʉr mo Zyɛm! Cɛra e bɨsa bɨnɨ bibyɛh. Duʼo njɨ syɛɛla ndɨ cɨcyel ɨ. Dwaaba Zyɛm, lé ejyɛʼ taa buʼo yo boo nye, le ekpɛl bʉr. Diʼe mʉr bihbe. Tala nteme njwɨr.

1 Pyɛr 3:13

Zé a ngbaa sa bɨn cere é jɔʼ mɨleme, myé ó bɨn é ntɨɨɨŋ ó, bɨn saʼ embɨa ɛ?

Markus 9:50

«Ekpa, lé ó sa ndɨ é mbɨa ɛ. Sa gwar, Sa gwar, ǃɨ ekpa, lé si dimle mojómo me nɛʼɛ, bé óka bula dwe le mojómo nyá ɛ? Diʼe ga ompʉn ompa é l'esama lɨn tʉŋlʉ, mpʉ ekpa, sa ndɨ e nyɔm é mode e. Bɨn bé à tiʼe é motala paʼra win.»

2 Pyɛr 3:11

É mpʉ yé ndɨ ó, bɨsa biʼ bibyɛh, byé ódim no e, dɨʼe pahle ga! Wáa mbi ebò e cyen bɨn lé ejala le ekœʼ œ? Ebò e cyen laa, lé ó laa ndɨ ejala e mɨsaŋ mɨ bʉr ɨ, bé e bʉr o ndɨ edwaabe Zyɛm ɨ.

1 Korɛnt 1:10

Obɨɔ ga bam aa! É die mo Tî ga wina Yesʉs-Krɨst, me ejwɨʼla e bɨn, ó: diʼe ga twii. Mpɔʼa monkɔm, nye l'aka nyamle be é l'esama lɨn tʉŋlʉ. Me ejwɨʼla ó, bɨn diʼe é zyɛŋa win mbɨmbɨa, mɨpɛhla mɨmpwar, gwɨma gwar.

Lʉkas 1:75

Bɨna bé óbe ga mɨsaŋ mɨ bʉr be. Bɨna bé óbe ga ó, ocɨcyel o bʉr é mih me cye tiʼ.

2 Timotɛ 2:22

Gʉa kʉ cɛra e bɨgwɨma bɨ oncyom. Duʼo njɨ bɨsa ndɨ cɨcyel ɨ. Buʼla Zyɛm. Lɛʼla bʉr ncwɨncwɨa. Gbaʼ motala paʼra bʉr e bʉr. Dɨʼe sa no, bɨn e bʉr bɨbɛh ndɨ ejwɨʼla e Da Yesʉs e mɨpɛhla mɨ leme ndɨ é pyɛɛɛ ɛ.

1 Tesalonika 5:15

Mʉr abuulo ebebe e l'ebebe. Saʼ ga bɨsyɛɛla bɨ ncwɨncwɨa paʼra win boo bʉr bɨbɛh.

2 Pyɛr 3:18

Toʼ le egwɨe ga ebe ncwɨncwɨa Tî ga wina le Tiʼbʉr ga wina Yesʉs-Krɨst lé elɛʼle bɨn ɨ. Bɨn bé à gwɨe nteme ebe bɨn bɨ gʉa nye. Nye ome ó ndɨ ejala e kum, taare é banana, to pyal é njʉmdia e njʉmdia. Amɛn.

Filipi 3:12

Me apa be e nkul elɛɛ ó, kam wam, wi pyal é l'odumo, nkʉ nteme, mɨ kumo é l'ombɨmbɨa é mɨpaʼ mimyɛh. Sa gwar, me eto dolo lé egba nyʉl, ó me nkʉʼ bi myɛna mo kam, ebe, Yesʉs-Krɨst mu ó si bɛa sa ó, me diʼe waa we.

2 Korɛnt 6:17

Ebe no ó Da lé elɛɛ ó: «Duha ga é sama yɔɔ. Bɔʼa ga e be. Anyamle kuna ga e sa ndɨ elœʼ mʉr é mih mo Zyɛm ɨ. No ó me ómɛʼle lé ebaʼle bɨn me ye e.

1 Korɛnt 13:12

No ó, banana, sa bɨna lé ebee ga ɛ, yé é mih ga mɨna ó, é dimlɨ-di-dimlɨ. Yé ó mpʉ dweʼle lé enyin é l'enyin ɨ. É jɔʼ sa ndɨ ntinɨ mu si pyal ɨ, bɨna bé óbɛɛla ga mompom. Banana, me dina lé egʉa ó ba bim. É jɔʼ yaa ó me ófuʼla gʉa sa yiyɛh é kpɛhla ɛ, du mpʉ Zyɛm lé ebɛa gʉa me é kpɛhla ɛ.

Galásia 3:21

Yé be no nɛʼɛ, zê yé lé elɛɛ ó, motie le nkɛʼ mo Zyɛm waa, byé e ziila? Hɨʼɨ, yé abe ba no! Ziila, nye abe tɨ. Nkʉ yé a be ó be, be e lʉʉ etie lé edwe bʉr tiʼ molu mo mpoʼ mɨmɛh nɛʼɛ, mpa bʉr mu ó lé ebi mokebe é mih mo Zyɛm é zi etie laa.

Ebrœ̂ 9:28

Jwɨʼ gwar e gwar yaa nteme e Krɨst. Nye a kʉ ka dwè ó njɨ é jɔʼ gwar é l'efu ó, nye jala e mɨsyem mɨ bʉr é buobuo. É dobo nye óbula ze e, nye aŋa bâʼle dwih bʉr é mpila ebebe lɔɔ. Zea nye óze e, wé óbe ó, lé edwe bʉr o ndɨ ebono nye e, tiʼ molu mo mpoʼ mɨmɛh.