Ebrœ̂ 12:10 - Kálara Zyɛ̌m Edwán é mpʉ̌n

¹⁰ Osɔŋ ga bɨna, bé a kʉ turo bɨna ga mɨlʉ ó, njɨ é ma jɔʼ. Bé a si bee embɨa lé esa bɨna ga no. No ó, Zyɛm Sɔŋ ga wina nyɛɛ, nye eturo bɨna ga mɨlʉ ó, njɨ é l'efu e nyɔm ga wina. Nye esa no ó, bɨna nkʉʼ kœʼ ga ebò e cyen ndɨ é pememe e, ebò e cyen ga lɨna lé enwɨɨla e laa le.

Kálar Nzyɛ̌m : Ejwán é Sáá

¹⁰ Osɔ́ŋ gá bɨ́ná, bé á jaa sɨ̂ʼ mɨná gá milʉ̂ ó, njɨ ɨ́ mâ jɔʼ. Bé á si bee embɨa lɨ́ esâ mɨ́ná gá nó. Nó, Nzyɛ̌m Sɔ́ŋ gá wɨ́ná nyɨɛ, nyě jaá sɨ̂ʼ mɨ́ná gá milʉ̂ ó, njɨ lɨ́ esú é nyɔm gá wɨ́ná. Nyě sá nó ó, mɨná nwɨ́ɨlaa gá e né, le edi bʉ̂r o dí tí bá, mpʉ nyé dí yɨ́.

Ebrœ̂ 12:10 ပူးပေါင်းရင်းမြစ်များ

2 Pyɛr 1:4

Ebe no, bɨna mu ó si bi ga monkɛʼ ndɨ é buo dime e. É jɔʼ bɨna lé ebuʼla ga monkɛʼ me e, bɨna bé esyɛhle ga bɨbol mofulu bʉr o si nwaʼ ndɨ e bye, duho é bɨgwɨma byɔɔ ɛ. É zi waa ó bɨna lé ekœʼ ga ebò e cyen ndɨ elɛʼle njwɨr mo Zyɛm nye mʉr tɨʼ ɨ.

Títos 2:14

Nye a si jala e bɨna ga, lé eze kʉr bɨna ga, le edwih bɨna ga é bɨbla ebò e cyen bɨna bé a dɨ kœʼ œ. Nyi pubo bɨna ga ó, bɨna diʼe kul bʉr ndɨ yaa ye e. Mɨleme, myé óbe ó bɨna ga é ntɨɨɨŋ ó, bɨna gba ga ó nyʉl lé esa mɨmpaŋ bɨsyɛɛla.

Kolosi 1:22

No ó, banana, Zyɛm, nyi sa sàa paʼra win boo nɔɔ, ó nye nkʉʼ cyel bɨn é mih me mɨsaŋ mɨ bʉr, abe e mobe, abe e sa ebebe nye a ngbaa nwahle bɨn e tɨ. Nye a sa sàa waa ó, é zi mo Mwan we é jɔʼ Mwan we a bir tiʼ ye, le emɛʼle ó, nyʉl we, nye dwèʼ e.

Éfɛsɔs 4:24

Bɨn bé ófuʼla modwan mo bʉr, tiʼ yin lé enwɨɨla e yaa mo Zyɛm. Nye óbâʼle cye bɨn mɨsaŋ mɨ bʉr mye, baa ndɨ ekœʼ ebò e cyen é l'ocyecye e.

1 Pyɛr 2:9

Sa gwar, bɨn bé ó bʉr nye a bɛa pɛh ó, bɨn diʼe nye opara le kul bʉr ndɨ ti ɨ. Bɨn bé ó kul bʉr ndɨ yaa ye e, é l'efu ó, bɨn gumla mbɨambɨa njwɨr mo Mʉr a jebe bɨn ɨ. Njɨblɨ we waa, wé ó b'a dwih bɨn é l'edurʉ, cen bɨn é myɛn ndɨ é nge-ngɨ-nge e.

1 Pyɛr 2:5

Zyɛm, nye efumo mbɛr, waa Sisim mo Zyɛm ódi tɨʼ ɨ. Diʼe ga mokoʼ mo mbɛr waa, maa lé etiʼe é mih mo Zyɛm, maa lé ebɨrɔ tɨʼ é fumo waa ɛ. Bɨn bé ófuʼla mɨsaŋ mɨ opara é mih mo Zyɛm. Motwina bɨn bé ódwe nye é zi Sisim we e, nye óbee me mbɨmbɨa ó, dumo e Yesʉs-Krɨst.

Ebrœ̂ 12:14

Gbaʼ ga monyʉl lé egba motala paʼra win boo bʉr bɨbɛh. Baʼla ga bɨn bʉr o tɨʼ ti. ǃƗ mʉr si lɨŋa é paʼ ebò e cyen le nɛʼɛ, nye ákwoʼ bee Da.