Ebrœ̂ 12:1 - Kálara Zyɛ̌m Edwán é mpʉ̌n

¹ É paʼ ga wina, bɨna ga bé ó é sama bʉr baa tʉŋlʉ. Bé ebʉmra bɨna ga é nka, lé eboʼlo lɔɔ Zyɛm. Mpʉ bɨna ga ndɨ no e, gʉa ó, bɨna bé ejala le eliʼe ga mɨmbeʼ modile mimyɛh pihe, ndwe e mɨsyem ndɨ ejɨ kwable bɨna ga ɛ, mimyɛh. Bɨna dihba ga lé esa jwɨʼla mɨkam mokʉ, to pyal é njɨ Zyɛm a tulo e.

Kálar Nzyɛ̌m : Ejwán é Sáá

¹ Ɨ́ páʼ gá wɨ́ná, mɨná gá bé ó tʉ́ŋlʉ̌ bʉr baá. Bé lɨ́ ebɔma mɨ́ná gá ɨ́ nká, lɨ́ eboʼlo mílɔ̌b mé Nzyɛ̌m. Nó ó, mɨná líʼaa gá mimbeʼ médile mímyɛ̂h le syóm dí ekwable mɨ́ná gá wɨ́ wɨ́wɛ̂h. Mɨná sâʼ gá bíhwó lɨ́ eswim míkám, tó pyâl ɨ́ súm Nzyɛ̌m á lyáŋle njɨ ésíé é kám yɨ́.

Ebrœ̂ 12:1 ပူးပေါင်းရင်းမြစ်များ

2 Timotɛ 4:7

Mɨ fwɛmla, tɛl mbɨmbɨa. Mɨ sa jwɨʼla mɨkam mokʉ, to pyal é l'odumo. Mɨ jyɛʼ taa buʼo yam boo Zyɛm, kʉ be mpʉ buʼo yina lé elɛɛ ɛ.

Filipi 2:16

Bɨn bé ólɛʼle be mɨlɔb mɨ tiʼ. Tɨʼ ó me óbi zi lé edoʼo e syɛɛ yam é dobo Krɨst óbula ze e. Me ógʉa é jɔʼ yaa ó, lelelele syɛɛ me a sea ɛ, yé a baadwè ntuʼ.

Lʉkas 21:34

«Diʼe ga ncye! Monyʉl mɨn, mé amu jaa cyɛʼ ebe mpwaʼ edɨɨ ndwe e mpur monwoʼ, nkʉ ebe mɨpɛhla mɨ tiʼ si nwa. Esie e mbi jɔʼ yi, lé amu jaa pyal bɨn motwɨra, mpʉ tir lé etwɨra é jɔʼ nyi bil é syɛm ɨ.

Galásia 5:7

Bɨn bé a taare be ó, lé ekʉ twaare é duò bɨjʉʉ. Zé a ka kamle bɨn lé edu sa ndɨ cɨcyel ɨ?

1 Pyɛr 2:1

Ebe no, myaha ga bɨsyɛɛla biʼ bibyɛh: bɨn, e bɨlwib bɨkʉʉŋʉ, e bɨlwib bɨba bɨba, e zii ndwe e mɨmbi movoʼ mimyɛh.

Rôm 12:12

Diʼe ga e bɨsʉhʉ ebe mbɛla ndɨ bɨn lwɨŋla é mɨleme e. Dihba ga mɨtuu e mɨndɛl. Gbaʼ ga monyʉl lé esa mɨnjwɨʼla.

2 Korɛnt 7:1

Ebe no, obɨɔ o kpɛl bam aa! É mpʉ bɨna ga bé a bi ga monkɛʼ monɨ ɨ, bɨna puba bɨna ga bʉr o tɨ, lé epɛʼ sa ndɨ elœʼ monyʉl ga mɨna ndwe e mɨsisim ga mina é mih mo Zyɛm ɨ. Bɨna kœʼœ ga ebò e cyen bɨna ndɨ é pememe, laa ndɨ ejala e bʉr o ndɨ edwaabe Zyɛm ɨ.

2 Timotɛ 2:4

Mʉr nyiwɛh a cyelɔ é dia zima ɛ, nye abe lé esyɛŋa é mɨlɔb mɨ si nwa. Nye eyeʼbe sɔʼɔ ó, njɨ syɛɛ ye, lé esaa ó, mʉr a cyel nye é dia ye e, nkʉʼ seʼle nye.

Jacques 1:3

ebe, bɨn bé ejala le egʉa ó, é jɔʼ yaa, sa ndɨ enyin bɨn é mih é pono e, yé ó mpʉ bɨn bé a jyɛʼ taa buʼo yin boo Zyɛm ɨ. Yé be ó, bɨn bé a kʉ nʉa pim é buʼo yin nɛʼɛ, yé ódwe bɨn leme bihbe.

Mataos 24:13

No ó waa ódihbe, to pyal é l'esie e, nyiha ó ngo bi tiʼ molu mo mpoʼ mɨmɛh.

Mataos 10:22

Bʉr bɨbɛh, bé ónwim bɨn é lɔb wam. No ó, waa ódihbe, to pyal é l'esie e, nyiha ó ngo tiʼe.

Ebrœ̂ 6:15

Abraham a be ó si dihbe mpono. Ebe no ó nye a bi sa Zyɛm a kɛʼ nye e.

Rôm 2:7

Baʼ bʉr, bé esaa ó, kum é mih mo Zyɛm, e duu le tiʼ ndɨ asie-sie e. Bé edihbe sɔɔlʉ waa e bihbe, lé esa bɨsyɛɛla bɨ ncwɨncwɨa. Bé ó baa Zyɛm ódwe tiʼ molu mo mpoʼ mɨmɛh ɛ.

Mɨngwiha 3:10

No ó, me a lɛɛ e bɨn bɛɛ ó, bɨn dihba. Bɨn ntɔʼ ze baʼle lɔɔ wam waa. Mpʉ bɨn bé a joʼo me no e, me óbaʼle bɨn, ebe, bɨn bé amu jaa ni é bɨntɨʼa mu lé epyal é mʉr nyiwɛh é si nwaʼ ɛ.

1 Pyɛr 4:2

Mbi mʉr waa, wé óka tiʼe-tiʼe é si nwaʼ ó, njɨ lé eloŋlo gwɨma mo Zyɛm. É jɔʼ nye dina mʉr si nwaʼ ɛ, nye ákwoʼ ka loŋlo bɨgwɨma bɨ nyʉl bɨpuno.

Lʉkas 12:15

Nye ó: «Gʉa di ga ncye! Syɛhla ga zɔɔ bɨsa mɨmbi mimyɛh, ebe, tiʼ mʉr, yé aduho é bɨsa mʉr waa ndɨ e bye e, byé dam buo yáa bim.»

2 Pyɛr 1:6

É ngwɨa, bɨn bé à kɛl mɛra leme. É mɛra leme, kɛlɨ ga bihbe. É bihbe, kɛlɨ ga edwaabe Zyɛm.

Mɨngwiha 22:16

«Mɛm, Yesʉs, me a be ó si lomlo bɨn engles wam ó, nye ntaʼ, ze boʼlo bɨn mɨlɔb lé etiibe e mɨmbɛr mɨ Zyɛm ɨ. Mɛm, me ó mʉr a byɛl mpʉ ntoʼdu, waa ndɨ mʉr mpoŋbʉr mo David ɨ. Me nteme ó ndɨ atwitwɛn molama mo mɛn.»

1 Pyɛr 5:12

Bɨh e Silas ó lé etile bɨn kalara nwaʼ titia mpʉ. Mbea wam, wé ó, nye ó mbuʼla ndɨ mʉr ebuʼla ɛ. Me etile bɨn ó e gwɨma egba bɨn nkul é monyʉl. Me eboʼlo nteme ó, buʼo bɨn mu e ye e, yé ó mpʉ Zyɛm lé elɛʼle ncwɨncwɨa ɛ. Cyɛba ga é nkʉʼʉ é ncwɨncwɨa waa.

Mɨngwiha 1:9

Yé ó mɛm mɨɔ win Yʉanes. Bɨna ga bé ó é zyɛŋa-mɨleme obuʼla tʉŋlʉ. Bɨna ga bé ó bʉr o ndɨ ebɔma e tíila gwar ɨ. Bɨna ga bɨbɛh, bé ó é jwɨ̀ʼa mo Yesʉs. Bɨna ga bɨbɛh, bé edihbe mɨtuu mɨmpwar ebe nye. Bé a si mɛr me, pɨrɔ me é dine Patmos. Bé a sa me no ó, ebe lɔɔ Zyɛm me a be lé elɛɛ ɛ, ndwe e mboʼla me lé eboʼlo, tiibe e Yesʉs ɨ.

Yʉanes 3:32

Nye eboʼlo ó sa nye a bee le ejoʼo e. Sa gwar, bʉr l'amɛʼle joʼo mpaŋla we.

Mɨngwiha 13:10

«Zyɛm, nye elɛɛ ó: “Yé be ó, yé ó tila ó, mʉr fih mʉr kɛ̀l ó jala le eto é l'okomo nɛʼɛ, nye óbana to. Yé be ó, yé ó tila ó, mʉr fih mʉr kɛ̀l ó jala le ejʉŋɔ e fòŋ nɛʼɛ, nye nteme óbana jʉŋɔ e fòŋ.”» (Wâʼ é gumo yi, yé elɛʼle ó, yé ejala é nko paʼ mɨsaŋ mɨ bʉr mo Zyɛm ó, bé diʼe nteme e bihbe ndwe e buʼo.)

Lʉkas 16:28

Ebe, me e l'obɨɔ otɛn ɔɔ. Loma nye ó, nye toʼ, to bal be, ebe, bé amu ze nteme kaʼ é gumo ndɨ é bul gumba yiʼ ɔɔ!”

Yʉanes 4:39

Buobuo bʉr o Samari bé a be é nkana yaa ɛ, bé a si jyɛʼ taa buʼo yɔɔ boo Yesʉs, ebe, mʉma nɨ a be ó si boʼlo ó: «Nye be ó si lɛɛ me sa yiyɛh me a sa ɛ.»

Yʉanes 4:44

ebe, Yesʉs nye mʉr tɨʼ a be ó si boʼlo ó: «Ngwiha mɨlɔb, nye abe lé edweŋɔ kum é lal we.»

Galásia 2:2

Me a to no ó, ebe mɨfela mɨlɔb Zyɛm a gwih me e. É jɔʼ me a pyal gʉʼ ɨ, bɨh e mɨlʉ mɨ mbɛr Zyɛm waa, bé a be ó si sa bʉm. Me ntɔʼ ze lɛʼle be mpʉ me ndɨ elɛɛ Mbɨambɨa Lɔɔ boo bʉr o ndɨ abe oYʉden ɨ. Me a baamɛʼle ó, syɛɛ me a be lé ebɛa sea ɛ, yé dwèʼ ntuʼ.

Éfɛsɔs 4:25

Daʼ lɛɛ ga mpʉl paʼra win. Mʉr nyiwɛh, nye lɛŋɨ mɨɔ we mʉr njɨ ocyecye, ebe, bɨna ga mu ó bɨfum bɨ nyʉl ngwar.

Filipi 1:30

No ó, bɨn mu ó lé elwimla dɔm egwar bɨn bé a bee me lé elwimla ɛ. Me dina ó lé elwimla dɔm laa, ze pyal é muh é dobo lɨ, mpʉ bɨn bé a joʼo e.

1 Pyɛr 5:1

Ebe no, mɛm, Pyɛr, me ejwɨʼla e bɨn, ocyɛb be efoʼ o Mbɛr-Zyɛm bɨbɛh, mɛm mʉr ndɨ nteme cyɛb efoʼ e, bâʼle be nteme mboʼla a bee é jɔʼ Krɨst a sia e mɨtuu ɨ. Me nteme, me ó mboʼla óbi nkɔb é moncɛnba muno ze nyin é kpɛŋlɛm ɨ.

Markus 10:50

Nye ntɔʼ myah len kʉr we, ntɔʼ mʉa é bʉ, to nko Yesʉs a be e.