Ebrœ̂ 11:6 - Kálara Zyɛ̌m Edwán é mpʉ̌n

⁶ Zyɛm ákwoʼ kpɛl mʉr ndɨ abe e buʼo e. Buʼo ó ndɨ esa ó, bɨna gʉŋa ga ó, Zyɛm, nye ó tɨʼ cyecye. Buʼo nteme ó lé elɛʼle bɨna ga ó, nye edwe myɛna mo embɨa ó, njɨ bʉr o ndɨ edu nye e.

Kálar Nzyɛ̌m : Ejwán é Sáá

⁶ Nzyɛ̌m ákóʼó kpɛl mʉ̂r dí abe e búʼó nyá. Búʼó ó dí esâ ó, mɨná gʉ́ŋaa gá ó, Nzyɛ̌m, nye ó tɨ̂ʼ tyeetye. Búʼó ntémé ó dí elɛ̂ʼle mɨ́ná gá ó, nyě dwé myɛ́na mé émbɨa ó, njɨ bʉr o dí edû nyé bá. Abe e búʼó yaá nɛ́ɛ: lɛ́ɛ́, yé abe e mʉr ngwár ngá sîhlě nkǒ Nzyɛ̌m dí yɨ́.

Ebrœ̂ 11:6 ပူးပေါင်းရင်းမြစ်များ

Mataos 6:33

Sa efoʼ, kʉ bul saa ga eni é jwɨ̀ʼa ye, ndwe le ekœʼ ebò e cyen é l'ocɨcyel. Bɨsa bibyɛh bɨn lé ejɨ bɨnɨ, Zyɛm óloŋlo bɨn bya.

Lʉkas 12:31

Fuo saa ga yɛɛ eni é jwɨ̀ʼa ye. Byaa byʉʉ bɨn lé ejɨ bɨnɨ, Zyɛm óloŋlo bɨn bya.»

Ebrœ̂ 7:25

Ebe no, bʉr o ngo dihle kunokuno e Zyɛm dumo e nye e, nye e nkul edwe be tiʼ molu mo mpoʼ mɨmɛh. Nye ekʉ pɛʼ mobebe mɔɔ mɨmɛh. Mpʉ nye lé edi njʉmdia e njʉmdia ɛ, no nteme ó nye ndɨ e nkul esa Zyɛm mɨnjwɨʼla é l'efu lɔɔ é jɔʼ yiyɛh ɛ.

Rôm 10:14

Sa gwar, bé e nkul ejwɨʼla e waa bé a baajyɛʼ taa buʼo yɔɔ boo nye e, wáa mbi? No ó, bé e nkul ejyɛʼ taa buʼo yɔɔ boo mʉr bé a baajoʼo die le e, wáa mbi? Bé ó e nkul ejoʼo die laa, abe e mʉr lɛɛ be la nyá ɛ?

Ebrœ̂ 3:12

Obɨɔ ga bam aa! Gʉa di ga ncye! Mʉr é mbɛr Zyɛm win aka nyamle be e leme ndɨ é lele lé ebuʼla ɛ. Nye l'aka nyamle kaŋa e Zyɛm ndɨ kublakubla ɛ.

Yʉanes 14:6

Yesʉs, nye e nye ó: «Me ó ndɨ zi. Me ó ndɨ é l'ocyecye. Me ó ndɨ Etin e tiʼ. Mʉr, nye abe e nkul eto nko Sɔŋ wam ndɨ ɨ, cwɨɨ é nuu zi fih, nkʉ yé abe é me.

2 Pyɛr 1:5

Ebe no ó me ndɨ elɛɛ e bɨn ó: Gbaʼ ga monyʉl lé etaʼ bɨsa biʼ é taŋa taŋa: é buʼo yin, bɨn bé à kɛl mbɨambɨa njwɨr. É mbɨambɨa njwɨr, bɨn bé à kɛl ngwɨa.

Ebrœ̂ 4:6

Ebe no, lɔb, wi tiʼ cyecye ó, bʉʉ bʉr, bé ógbala, bé e boo Zyɛm sama. To kœb ó, bʉr o b'a taare bi Mbɨambɨa Lɔɔ, ó bé niʼe é gumo egbala yaa ɛ, bé a baagbala, ebe, bé a si sa Zyɛm ebɨh.

Galásia 5:6

Yé be ó, mʉr fih mʉr kɛ̀l, nyi di é zyɛŋa wɔɔ boo Yesʉs-Krɨst nɛʼɛ, lɛɛ ó, esaŋɔ mpʉn, lé aŋa ka be nye e nyɔm. Yé nteme, yé aŋa ntɨʼ, nkʉ nye óbe, l'asaŋɔ nye. Sa ndɨ nye e nyɔm ɨ, yé ó mbi buʼo lé enyin é bɨsyɛɛla bɨ ncwɨncwɨa ɛ.

2 Pyɛr 3:14

Ebe no, obɨɔ o kpɛl bam aa! É mpʉ bɨna mu lé eka bono ga moho waa ɛ, nye ókœb bɨn nyá ɛ? Gbaʼ ga monyʉl lé edi abe e l'ebar, nkʉ ebebe bé a ngbaa nwahle bɨn e la ɛ. Diʼe ga é motala é jɔʼ nye óbula ɛ.

Yʉanes 8:24

Ebe no, me elɛɛ bɨn ó nɛɛ: “Bɨn bé ójala e mɨsyem min” ɨ. ǃBɨn si bene lé ebuʼla ó, mɛm ó ndɨ Me-ó-tɨʼ nɛʼɛ, bɨn bé ókʉ jala e mɨsyem min!»

2 Pyɛr 1:10

Obɨɔ ga bam aa! Me elɛɛ bɨn ó nɛɛ: gbaʼ ga monyʉl lé esea é dwiii é l'efu ó, bɨn gʉŋa cyecye ó, Zyɛm a si jebe bɨn, le epɛh bɨn, ebe, ǃbɨn si sa no nɛʼɛ, bɨn bé ákwoʼ duma é syem.

Ebrœ̂ 7:19

(Ebe, motie mo efoʼ maa, mé a baabe e nkul esa ó, mʉr kuma é l'ombɨmbɨa é mɨpaʼ mimyɛh.) No ó, sa lé elaa motie maa ɛ, yi pyal! Yé ó mbɛla ndɨ bɨna ga é mɨleme e. Wé ó ndɨ esa ó, bɨna dihla ga kunokuno e Zyɛm.

Ebrœ̂ 4:2

Bɨna bé a be ga ó, si joʼo Mbɨambɨa Lɔɔ jwɨʼ gwar e gwar e bɨmpam ga bina. Sa gwar, bé a joʼo we ó, mbɛh, ebe, bé a baabuʼla. Ejoʼo lɔɔ, lé a baadib lɔɔ waa zi ó, wé niʼe be é mɨleme.

Mɨngwiha 21:8

Baabʉbʉa bɛɛ ndwe e bʉr o ndɨ abuʼla Zyɛm ɨ, bʉr o ndɨ efœʼ monyʉl mɔɔ ɛ, ojʉl o bʉr, e l'osyɛl o mɨfyɛba, oleme ndwe e baa lé edwiibɨ bɨbaŋabaŋa bɨdweʼle e, ndwe e baanya-bɨkʉʉŋʉ bɨbɛh, bɛɛ, bé ókʉ ka kœb odia wɔɔ ó njɨ é Bɨ-siʼe. Yé ó lwɨŋla e siʼe ndwe e pir. Tɨʼ ó bʉr lé edwè efie emba ɛ.»

Ebrœ̂ 11:26

Laa ó nye tiʼa é lal Egipten lé ebi okum e l'ogbaa tɨ, nye a fuo mɛʼle ó, bé e Lœma mulo mo Zyɛm, bé lwɨɔ zyɛŋa. Nye a be ó lé esyɛm mih ó, nye beŋɨ myɛna Zyɛm a komo nye e.

Markus 16:17

No ó bʉr bé ójyɛʼ taa buʼo yɔɔ boo me e, bé ósa bɨdweʼle bɨ nkul wɔɔ bi: Bé ódwih bʉr moleme é die lam. Bé ólwib bɨlwib bɨfih.

Lʉkas 6:35

Sa gwar, é nko paʼ win, kpɛlɨ ga bʉr o dɔm bɨn. Saʼ ga be bɨsyɛɛla bɨ ncwɨncwɨa. Kʉlɨ ga bʉr mɔn. Daʼ pɛh baa bɨn lé ebuʼla ó, bé óbuulo bɨn ya ɛ. Bɨn bé ókʉ bi myɛna tɨ! No ó bɨn bé óbe bwan mo Zyɛm ndɨ Lʉ bɨsa bibyɛh ɛ, ebe, nye mʉr tɨ, nye elɛʼle bʉr o ndɨ elono nye e, ncwɨncwɨa, bé e bʉr o jeele e laŋ.

Mataos 6:16

«No ó, é jɔʼ bɨn lé eti mode e, mʉr alwaare monceme mpʉ baanya-bɨkʉʉŋʉ lé esa-sa ɛ. Bé elwaare-lwaare monceme ó, lé ekpɛl lɛʼle bʉr ó, bé mu ó lé eti mode. Me elɛɛ bɨn cyecye ó nɛɛ: bɨ bɛa bi mɔɔ myɛna.

Mataos 6:5

«Jɔʼ bɨn lé ejwɨʼla e Zyɛm ɨ, asa ga mpʉ baanya-bɨkʉʉŋʉ lé esa ɛ. Bé ejwɨʼla-jwɨʼla ó, ocɨcyel é mompah mɨnjwɨʼla mɔɔ le moman mɨmpaʼa, ó bʉr, bé beŋɨ be. Me elɛɛ bɨn cyecye ó nɛɛ: bɨ bɛa bi mɔɔ myɛna.

Mataos 5:12

Soha ga! Mɨɨla ga, ebe, myɛna monɨnɨ le embɨa, byé ebono bɨn é jobo kʉ, ebe, bé ó b'a tíile nteme ogwiha o mɨlɔb bé a taare pyal e bɨn ɨ.»

Mataos 11:26

Da, yé ó no! Me ekʉ dwiibɨ go, ebe, go a bɛa tiʼe é leme go ó, yé syɛŋɨ no.