Ebrœ̂ 11:4 - Kálara Zyɛ̌m Edwán é mpʉ̌n

⁴ É zi buʼo, Abɛl a si dwe Zyɛm mpaŋ motwina, laa maa mo Kan. Zyɛm a si seʼle nye é lɔb buʼo ye, le elɛɛ ó, nye ó cɨcyel mʉr, le emɛʼle nteme motwina me. É zi buʼo, Abɛl, nye dina ó lé elwib e bɨna ga, dam be ó, nyi dwè.

Kálar Nzyɛ̌m : Ejwán é Sáá

⁴ Búʼó mé Ábɛl ó b'á sâ ó, nye dwêʼ Nzyɛ̌m mpǎŋ ndwéá, laa waá mé Kayɨ̂n. Nzyɛ̌m á si sêʼle nye ɨ́ lɔ̌b búʼó yé, le elɛ́ɛ ó, nye ó tîtyěl mʉr, le ekam ntémé ndwéá wé. Ɨ́ búʼó yé, Ábɛl dína ó lɨ́ elwib e mɨná gâ, damá jóʼo ó, nyɨ́ dwe.

Ebrœ̂ 11:4 ပူးပေါင်းရင်းမြစ်များ

Ebrœ̂ 12:24

Bɨn bɨ ze nteme boo Yesʉs, mosàa-mɔm a sa ó, Zyɛm deʼ Edwan e Mpʉn e bʉr ɨ. Bɨn bé epyal é mih me ó, cwɨɨ é zi motié me, maa nye a pubo bɨn e me e. Motié me maa, mé ekʉ lwib-lwib ó, njɨ mokan ndɨ é mbɨa ɛ, laa maa Abɛl nyɛɛ a lɛɛ ɛ.

Yʉ̂d 1:11

A vwaʼ e bʉr baa, ebe, bé ekœʼ ebò e cyen mo Kan. Bé a fim mɨkam, ntɔʼ pɔhba ó, mpʉ mo Balam, ebe, bé a gwɨm-gwɨm ó, njɨ ebi myɛna. Bé a ka to dwè ó, mpʉ jyɛɛ mo Kore, bé a dwè é jɔʼ bé e boo nɔɔ, bé a kaŋa e Moyiz ɨ.

Mataos 23:35

Bɨn bé óto le esa no, sa é sa sa, to pyal é jɔʼ motié mɨmɛh mo bʉr o b'a jʉŋɔ, akunbo e mpɨŋ ɨ, mé óswɨɨ é mɨlʉ min, taare é l'efie mo Abɛl, akunbo e mpɨŋ ɨ, to pyal é laa mo Zakari, mwan mo Barakiyah, waa bɨn bé a jʉ paʼra Mpah Zyɛm e taa mɨndwɛa ɛ.

Ebrœ̂ 9:22

Motie Zyɛm a tiile e, mé elɛɛ ó, opara, bé puba kunokuno e bɨsa bibyɛh e motié mo otir. Cye yiyɛh motié l'apa swɨɨ si ɨ, Zyɛm, nye apa pɛʼ mʉr bɨbaa bɨ ebebe nye a niʼe nye e.

Ebrœ̂ 12:1

É paʼ ga wina, bɨna ga bé ó é sama bʉr baa tʉŋlʉ. Bé ebʉmra bɨna ga é nka, lé eboʼlo lɔɔ Zyɛm. Mpʉ bɨna ga ndɨ no e, gʉa ó, bɨna bé ejala le eliʼe ga mɨmbeʼ modile mimyɛh pihe, ndwe e mɨsyem ndɨ ejɨ kwable bɨna ga ɛ, mimyɛh. Bɨna dihba ga lé esa jwɨʼla mɨkam mokʉ, to pyal é njɨ Zyɛm a tulo e.

Lʉkas 11:51

Bɨn bé ótaa mofie mɔɔ, taare é l'efie mo Abɛl, to pyal é laa mo Zakari, mʉr a jʉŋɔ paʼra taa mɨndwɛa ndwe e Mpah Zyɛm ɨ. Me elɛɛ bɨn cyecye ó nɛɛ: bʉr o mya wi, bé ókʉ taa mofie mɔɔ mɨmɛh!

Títos 1:16

Bé ekʉ boʼlo ó, bé egʉa Zyɛm. Sa gwar, bɨsyɛɛla byɔɔ, byɛɛ yɛɛ lé ekʉ lɛʼle ó, bé dina ó lé ekʉ lɛʼle ó, bé agʉa nye. Bʉr baa, bé é lwaʼbe. Bé ó baajoʼo-motɨɨ. É bɨsyɛɛla bɨ ncwɨncwɨa bibyɛh mʉr ndɨ bɛm sa ɛ, abe e syɛɛla gwar bé ndɨ e nkul ekoʼo e.

Ebrœ̂ 5:1

Ebe, bé epɛh njwɨɨ opara nyiwɛh ó, é sama bʉr tʉŋlʉ. Nye ó cyela é dia para ye ó, nye cyɛba é modila mo bʉr é mɨlɔb lé edwɛʼ Zyɛm ɨ. Nye ó mʉr lé ejɛna mobyaʼ mɔɔ ɛ, le ediʼ Zyɛm otir tɔɔ motwina ndwe e mɨndwɛa myɔɔ é lɔb mɨsyem myɔɔ.

Ebrœ̂ 11:2

Zyɛm a seʼle bʉr o molu pihe ó, ebe buʼo yaa.

2 Pyɛr 2:8

ebe, dobo lɨlɛh, cɨcyel mʉr waa, nye a tiʼe-tiʼe paʼra ontɔɔ o motie ó, lé ebee le ejoʼo bɨsyɛɛla byɔɔ. Byé a be nye ó, ebɔʼ nye a bɨm-bɨm é leme e.