Ebrœ̂ 11:39 - Kálara Zyɛ̌m Edwán é mpʉ̌n

³⁹ Zyɛm a si mɛʼle bʉr baa bɨbɛh é lɔb buʼo yɔɔ, bɛɛ yɛɛ l'apa bi sa nye a kɛʼ be e.

Kálar Nzyɛ̌m : Ejwán é Sáá

³⁹ Nzyɛ̌m á si kam bʉr baá bɨ́bɛ̂h ɨ́ lɔ̌b búʼó yɔ́ɔ́, bɨ́ɛ yɨ́ɛ apǎ bǐ sá nyé á kɛʼ bé yɨ́.

Ebrœ̂ 11:39 ပူးပေါင်းရင်းမြစ်များ

Ebrœ̂ 11:13

Bʉr onɨ bɨbɛh, bé a dwè ó, bé dina lé ejyɛʼ taa buʼo yɔɔ boo Zyɛm, bé l'apa bi yɛɛ sa nye a kɛʼ be e. Sa gwar, bé a bee sa nye a kɛʼ be ó, yé dina jaabe, bé ze soho ye. Bé a kʉ gʉa é l'ocyecye ó, bé ó ojyoo nkʉ mɨngbaalaŋa é si nwa.

Ebrœ̂ 11:2

Zyɛm a seʼle bʉr o molu pihe ó, ebe buʼo yaa.

1 Pyɛr 1:12

Zyɛm a ka lɛɛ ogwiha o mɨlɔb baa ó, lɔɔ bé a to le elɛɛ ɛ, wé a baabe é l'efu lɔɔ, bé bʉr o tɨ, ó bé gʉŋa we é kpɛhla. Bé a ze lé elɛɛ we ó, é l'efu lɨn. Bɨn ó ndɨ edira nyɔm e lɔɔ waa é banana, é nkul mo Mbɨambɨa Sisim a ntɨhɔ bɨn, duho é jobo kʉ ɨ. Lɔɔ bé a lɛɛ-lɛɛ bɨn ɨ, wé ó waa beengles lé ebul gwɨm gʉa ɛ.

Ebrœ̂ 9:15

Ebe no ó Krɨst ndɨ mosàa-mɔm lé eduula paʼra wina boo Zyɛm ɨ. Nye a cyelɔ é dia mosàa-mɔm yaa ó, Zyɛm nkʉʼ de edwan e mpʉn ɨ. Nye a de mpʉn waa ó, e bʉr nye a jebe e, ó bé biʼe tiʼ molu mo mpoʼ mɨmɛh nye a kɛʼ be e. Ebe, Krɨst a si kɛha tiʼ ye lé ejala e mɨsyem ga mina, ó nye kʉrɨ bɨna ga. Mɨsyem myaa, myé a dɨ mɛr bɨna ga ó, taare é jɔʼ bɨna bé a be ga é mpʉn nye a taare de e bɨmpam ga bina ɛ.

Ebrœ̂ 10:36

Sa lé ejɨŋɔ é nko paʼ win ɨ, yé ó bihbe. ǃBɨn si be e bihbe waa nɛʼɛ, bɨn bé ósa gwɨma mo Zyɛm é jɔʼ yaa. Bɨn bé óbi sa nye a kɛʼ bɨn ɨ.