Ebrœ̂ 11:37 - Kálara Zyɛ̌m Edwán é mpʉ̌n

³⁷ Bʉʉ, bé a si lumɔ mokoʼ, bé ntɔʼ dwè. Baʼ siʼɔ e moziʼ, tiʼɔ bɨpeh bɨba. Bʉʉ, jʉŋɔ e mɨfòŋ. Bʉʉ, bé a si foŋɔ é mɨmbɛr myɔɔ, diŋɔ-diŋɔ kʉl e kʉl. Bé a kʉba-kʉba ó, njɨ bɨkʉr bɨntœme e bɨkɨla. Bʉr, bé a si bul tíile be, le esaŋɔ be cere ebe buʼo yɔɔ.

Kálar Nzyɛ̌m : Ejwán é Sáá

³⁷ Bʉ́ʉ́, bé á si lúmɔɔ mekóʼ, jʉ́ŋɔɔ. Bâʼ, tíʼɔɔ bípéh bíbá e menziʼ; bʉ́ʉ́, jʉ́ŋɔɔ le opasoŋ; bʉ́ʉ́ bɨ́ɛ, bé á si soŋɔɔ ɨ́ mimbɛ̌r myɔ́ɔ́, didiŋɔɔ̌ kʉ̌l e kʉ̌l. Bé á jaa tyeele ó, njɨ bikʉ́r bítab lɨ́ odyɛ́m. Bʉr, bé á si bu tíble bé, le esáŋɔɔ bé jélé ɨ́ lɔ̌b búʼó yɔ́ɔ́.

Ebrœ̂ 11:37 ပူးပေါင်းရင်းမြစ်များ

Mɨlʉmlʉ 7:52

Lɛŋɨ ga me! Wáa ngwiha mɨlɔb bɨmpam ga bina, byé a baatíile e? Byé a si jʉ bʉr o b'a tuno zea mo Cɨcyel Mʉr ɨ. No ó, banana, bɨn bɨ kɛha nye, jʉŋɔ nye!

Mɨngwiha 11:3

No ó, me ódwe bʉʉ oboʼla bam oba nkul ó, bé ntaʼ, ze lwib é die lam. Bé ókʉba mɨnkura le eto le egwih lɔɔ wam tɔɔ molu tɔɔyin e mɨnter mɨmba e mowʉm tobo (1.260).»

2 Korɛnt 12:10

Ebe no ó me ndɨ e bɨsʉhʉ é leme ó, me diʼe cyɛʼ-bol, me lwɨɔ, me sia e mɨtuu, ó me tíilɔ, le ebi mosono é l'efu mo Krɨst ɨ, ebe, é jɔʼ me ndɨ é l'ecyɛʼ ɛ, é jɔʼ gwar e gwar yaa ó me ndɨ e nkul nteme.

Mɨlʉmlʉ 14:19

OYʉden ntɔʼ pyal tɨ: Baʼ duho Antios, yaa Pisidia, bʉʉ duho Ikoniʉm. Bé ze soʼlo ntuntuma bʉr é nkɔm wɔɔ ó, bɨbɛh, bé luma Pol mokoʼ, bé à jʉ nye. Bé ze taare lé elumo nye mokoʼ. Daʼrɔ nye si e si, pɛʼɔ nye é nkana, ebe, bé a jwɨʼ ó, nye a be ó si dwè.

Lʉkas 13:34

«Yerʉsalɛm, Yerʉsalɛm, gwɔɔ mʉr lé ebɛa jʉ ogwiha o mɨlɔb le elumo baa Zyɛm lé elomlo go e, mokoʼ e! Zɔʼ ntɨɛ me a be lé egwɨm syɛŋ bwan bo, mpʉ abyɛɛ-kuo lé esyɛŋ bwan be é mompaba me si ɨ, bɨn bɛɛ kʉ bene-bene bena.

Mataos 21:35

Osyɛl o mosa be baa ze mɛr mɨlʉmlʉ myaa, ntɔʼ bîŋɔ nwa, é bîŋɔ bîŋɔ; jʉŋɔ nuu; lumɔ nteme nuu e mokoʼ, nye ntɔʼ dwè.

Mataos 8:20

Yesʉs ntɔʼ bɨha e nye ó: «Onyamosʉʼ, bé ó e mokul; bɨnɔn e mɔʼ. Sa gwar, Mwan mo Mʉr, nye abe e simsim gumo nye kɛlɨ lʉ.»

Mataos 3:4

Kan Yʉanes a bwar ɨ, wé a be ó tia e mye mo kamtʉl. Kana nye a tiile-tiile é kubo e, a saŋɔ ó e kʉr tir. Nye a de-de ó baaceme-bɨka e l'egbɔʼ.

Ebrœ̂ 11:25

Laa ó nye tiʼa é l'entwɨʼ e bɨsʉhʉ, nyɛɛ yɛɛ é mpila mɨsyem, nye a fuo mɛʼle ó, nye jaʼra e tuu, bé e bʉʉ bʉr mo Zyɛm.

Ebrœ̂ 13:3

Toŋla ga mɨmbʉʼ: diʼe ga mpʉ sa lɛɛ ó, bɨn e boo nɔɔ bɨbɛh, bé ó mɨmbʉʼ e mɨmbʉʼ. Toŋla ga baa lé ebɔma e mɨtuu ɨ, ebe, bɨn bé egʉa mpʉ bɨntɨʼa ndɨ ekpaa é nyʉl ɨ.