Ebrœ̂ 11:26 - Kálara Zyɛ̌m Edwán é mpʉ̌n

²⁶ Laa ó nye tiʼa é lal Egipten lé ebi okum e l'ogbaa tɨ, nye a fuo mɛʼle ó, bé e Lœma mulo mo Zyɛm, bé lwɨɔ zyɛŋa. Nye a be ó lé esyɛm mih ó, nye beŋɨ myɛna Zyɛm a komo nye e.

Kálar Nzyɛ̌m : Ejwán é Sáá

²⁶ Nye á kpɛl ó, bé pyéhee bé e Krîst sɔ́má, laa ó, nye bíʼee okúm ɨ́ sí Egɨ̂ptɛn. Nye á si bee myɛ́na Nzyɛ̌m á komo nye má.

Ebrœ̂ 11:26 ပူးပေါင်းရင်းမြစ်များ

Ebrœ̂ 11:6

Zyɛm ákwoʼ kpɛl mʉr ndɨ abe e buʼo e. Buʼo ó ndɨ esa ó, bɨna gʉŋa ga ó, Zyɛm, nye ó tɨʼ cyecye. Buʼo nteme ó lé elɛʼle bɨna ga ó, nye edwe myɛna mo embɨa ó, njɨ bʉr o ndɨ edu nye e.

Ebrœ̂ 10:35

Ebe no, mʉr beʼ l'acyɛʼ nyʉl. É jɔʼ bɨn ndɨ etʉm monyʉl ɨ, yé óbe bɨn e myɛna monɨnɨ.

Mɨngwiha 3:18

Me etɨe bɨn ó: ǃbɨn si gwɨm bi mpaŋ okum nɛʼɛ, bwama ga gol yam. Yi duho é duro e molul. Bwama ga mɨkan mɨpumo. Bɨn bé à bwar mye, aka di fufwah é nda ndwe e fwon. Bɨn bé à bwam nteme mir etwaale é mih, ó bɨn nkʉʼ bula bee.”

1 Pyɛr 4:14

Mocyɛʼ mo mpom e bɨn é jɔʼ bʉr lé elwɨɨ bɨn é lɔb mo Krɨst ɨ, ebe, Mbɨambɨa Sisim, Sisim kum, nye edi é bɨn é jɔʼ yaa.

Ebrœ̂ 2:2

Bɨna bé egʉa ga ó, mpaŋla Zyɛm a lomlo bʉr e beengles ɨ, a be ó sa ndɨ ejala le enʉŋɔ é nkɔb ɨ. Mʉr nyiwɛh a ntaa etie e tɨʼ ɨ, le waa a sa mpaŋla waa ebɨh ɨ, a si bi myɛna mé a jala e l'ebɨh laa ɛ.

2 Korɛnt 6:10

é jɔʼ bé sa ó, bɨh liʼɨ é gœʼra-gœʼra e mocyɛʼ mo nyʉl ɨ, bɨh bé eto dolo lé esoho é jɔʼ yiyɛh, é jɔʼ bɨh ndɨ é l'enteʼe, bɨh bɛɛ lé ekab buobuo bʉr mopoʼ e, é jɔʼ bɨh ndɨ é l'enteʼe e, bɨh bɛɛ yɛɛ lé entuʼba ɛ.

Lʉkas 14:14

ǃGo si sa no nɛʼɛ, go ósʉŋɔ mocyɛʼ mo mpom, ebe, bé abe e nkul ebuulo go embɨa lo enɨ. Embɨa laa, lé óka buulɔ ó, é moho ocɨcyel o bʉr, bé ópàh ɛ.»

Mataos 5:12

Soha ga! Mɨɨla ga, ebe, myɛna monɨnɨ le embɨa, byé ebono bɨn é jobo kʉ, ebe, bé ó b'a tíile nteme ogwiha o mɨlɔb bé a taare pyal e bɨn ɨ.»

Éfɛsɔs 3:8

É sama mɨsaŋ mɨ bʉr mo Zyɛm bɨh e boo nɔɔ ndɨ ɨ, bʉʉ bɨbɛh, bé ejala le etaare nʉŋɔ, gbaŋɔ é nkɔb. Dam be no, Zyɛm a si lɛʼle me ncwɨncwɨa we, ó me lɛŋɨ Mbɨambɨa Lɔɔ mo Yesʉs-Krɨst boo bʉr o ndɨ abe oYʉden ɨ, ó bé gʉŋa okum e l'ogbaa Krɨst lé eze bɨna ga e wa ɛ, dam be ó, wé ákwoʼ gʉŋɔ wiwɛh.

2 Korɛnt 12:10

Ebe no ó me ndɨ e bɨsʉhʉ é leme ó, me diʼe cyɛʼ-bol, me lwɨɔ, me sia e mɨtuu, ó me tíilɔ, le ebi mosono é l'efu mo Krɨst ɨ, ebe, é jɔʼ me ndɨ é l'ecyɛʼ ɛ, é jɔʼ gwar e gwar yaa ó me ndɨ e nkul nteme.

1 Pyɛr 1:11

Bé a be ó lé egwɨm gʉa mʉr Sisim mo Krɨst a lwib-lwib é lʉ we e, le jɔʼ mʉr waa óbɛm byɛl ɨ. Mbɨambɨa Sisim a boʼlo, tiibe e Lœma mulo mo Zyɛm ó, nye a jala ó, le esia e mɨtuu, ntɔʼ ni é kum we, pie tɨ. Nye a boʼlo no ó, bɨsyɛɛla bɨ tɨʼ apa syɛɛlɨ.

Ebrœ̂ 13:13

Ebe no ó bɨna lé ejala le eduho ga é mompaʼ maa, to pyal ga nko Krɨst ndɨ é mompaʼ kʉl ɨ, bɨna ga e boo nɔɔ nkʉʼ lwɨɔ jwɨʼ gwar,

Ebrœ̂ 10:33

É til molu yaa, baʼ bʉr é l'esama lɨn, bé a be ó lé elwɨɔ le etíilɔ é kpɛŋlɛm. No ó, bʉʉ bʉr bɛɛ, bé a mɛʼle ó, bé fuʼa bʉr o b'a saŋɔ no e.

Filipi 3:7

Bɨsa me a taare gʉa ó, byé óbe me e mpi ɨ, me a ka ze fuʼla láa ó, mɨ lɔh lé edu bye. Krɨst ó ndɨ me e mpi, laa bye.

Éfɛsɔs 1:18

Nye bɛŋɨ bɨn mih, maa ndɨ bɨn é mɨleme tʉŋlʉ ɨ, ó bɨn biʼe mbɛla ɨ mɨleme é l'efu e motʉm Zyɛm lé ekomo baa nye a jebe e. Bɨn gʉŋa nteme tiʼ molu mo mpoʼ mɨmɛh bɨn bé óbi, jala e mopoʼ min ɨ. Nye ekomo mopoʼ monɨ ó, é l'efu le edwe mɨsaŋ mɨ bʉr be.

Mɨlʉmlʉ 5:41

No ó mpʉ mɨlʉmlʉ myé a duho é Bʉm Nɨnɨ ɨ, myé ntɔʼ loŋlo e bɨsʉhʉ, ebe, Zyɛm a láa ó, bé ó bʉr o jʉʼa le edihbe pyeh ebe die mo Yesʉs ɨ.

Mataos 10:41

ǃƗ mʉr si bɨlan e ngwiha mɨlɔb mbɨmbɨa é dia ngwiha mɨlɔb nɛʼɛ, mʉr waa óbi mbi myɛna lé edweŋɔ ogwiha o mɨlɔb ɨ. ǃƗ mʉr si bɨlan e cɨcyel mʉr é mih mo Zyɛm ebe ocɨcyel we waa nɛʼɛ, mʉr waa óbi mbi myɛna lé edweŋɔ ocɨcyel o bʉr ɨ.

Mataos 6:1

«Diʼe ga ncye é lɔb esa lɛʼla. Adwiibɨ ga Zyɛm é mih mo bʉr, ó bɨn nkʉʼ beɔ. ǃBɨn si sa no nɛʼɛ, bɨn bé aŋa bi mpaŋ myɛna boo Sɔŋ win ndɨ é jobo kʉ ɨ.

Mɨngwiha 2:9

“Me egʉa mɨtuu min, ndwe e l'enteʼe lɨn—to kœb ó, bɨn bé ó mɨsʉsʉ mɨ bʉr—, ndwe e movoʼ bʉr lé efœʼ bɨn ɨ. Baanya-movoʼ baa, bé dam lɛɛ ó, bé ó oYʉden, bé abe yɛɛ oYʉden ompa. Bé ó bʉr o mpah mɨnjwɨʼla mo Satan!

Lʉkas 14:33

Jwɨʼ gwar yaa, é sama yin, bɨn bɨbɛh, abe e mʉr ndɨ e nkul edi mpʉn wam, nkʉ nye apa nkɛɛ klos ye.»