Ebrœ̂ 11:16 - Kálara Zyɛ̌m Edwán é mpʉ̌n

¹⁶ Sa gwar, bé a be ó e dweh edi é mpaŋ lal, waa ndɨ é jobo kʉ ɨ. Zyɛm, nyi komlo be mpaŋ nkana, sa lé elɛʼle ó, nye ajoʼo fwon é jɔʼ bé lé egban nye e.

Kálar Nzyɛ̌m : Ejwán é Sáá

¹⁶ Sâ gwár, bé á be ó e dwéh édi ɨ́ mpǎŋ mpóʼo, nyaá dí ɨ́ jʉ́o kʉ́ nyɨ́. Sá tɨ̂ʼ ó Nzyɛ̌m dí ajóʼo sôn ɨ́ jɔʼ bé dí egbân nyé yɨ́. Nyɨ́ komlo bé mpǎŋ nkana yaá.

Ebrœ̂ 11:16 ပူးပေါင်းရင်းမြစ်များ

Ebrœ̂ 13:14

ebe, é si nwa, bɨna bé abe ga e nkana lé edi njʉmdia e njʉmdia ɛ. Bɨna bé ejoʼo ga dweh eni é nkana fih é molu ndɨ eze e.

Ebrœ̂ 11:10

Abraham nteme a sa no ó, nyɛɛ lé ebono ó, nye ódi é nkana Zyɛm a bòno le efumo e, nkana yaa e nkan Zyɛm a cyel, waa lé ecyɛb é nkʉʼʉ ɨ.

Filipi 3:20

É paʼ ga wina, bɨna ga bɛɛ, bé ó bʉr o ndɨ egumo e jobo kʉ ɨ. Bɨna mu ó lé ebono ga Tiʼbʉr ga wina, Da Yesʉs-Krɨst. Nye óduho é jobo kʉ, ze kaʼ é si nwa,

Yʉanes 14:2

Me paʼ to komlo bɨn modia gumo bɨn bé óto di ɨ. Mbɛr mo Sɔŋ wam, wé ó, é buo modia. Nkʉ yé a be ó be, abe no nɛʼɛ, mpa me a baalɛɛ e bɨn ó, me óto komlo bɨn modia gʉ.

Ebrœ̂ 2:11

Yesʉs, mʉr lé epubo bʉr ɨ, bé e bʉr nye lé epubo e, bɨbɛh, bé mu ó bʉr o b'a duho é Sɔŋ ngwar ɨ. Ebe no ó Yesʉs ndɨ ajoʼo fwon lé ejebe be ó, obɨɔ bam e l'okɛl bam ɨ.

Mataos 25:34

«É jɔʼ yaa, njwɨɨbʉr, wé ólɛɛ e baa ndɨ nye é mbo ejʉm ó: “Ntaʼ ga, bʉr Sɔŋ wam a sʉ mocyɛʼ mo mpom me e. Ntaʼ, ze nʉa ga bɨdia é jwɨ̀ʼa nye a bɛa komlo bɨn, duho é l'etɛɛrɨ e si nwaʼ ɛ,

Ebrœ̂ 12:22

Bɨn bɛɛ, bé abe no. Bɨn bɨ ze é l'ecwɨʼ e Sion. Yé ó nkana mo Zyɛm ndɨ kublakubla ɛ: Yerʉsalɛm, yaa dina é jobo kʉ ɨ. Beengles otɔɔyin otɔɔyin, bé ó tɨ, abe e tolɔɔ. Bé etwaare e l'ebʉʼ e bɨsʉhʉ.

Ebrœ̂ 11:14

Bʉr o lé elwib é mbi waa ɛ, bé elɛʼle tɨʼ ó, bé esaa lal bé ódi ɨ.

2 Timotɛ 4:18

Da Yesʉs óto le esyɛb me é jɔʼ yiyɛh bé ódɨ sa me ebebe e. Nye ósa ó, me pyala é jwɨ̀ʼa ye, yaa ndɨ é jobo kʉ ɨ. Nye dweŋɔ kum njʉmdia e njʉmdia. Amɛn.

Markus 8:38

Bʉr o mya wi, bé ó kʉ be odul be ozyɛm ofih! Mʉr nyiwɛh lé ejoʼo fwon lé eboʼlo e bʉr ó, nye ó mpʉn wam, le waa lé ejoʼo fwon lé emɛʼle sikʉlʉ yam teme bɨbɨbla bɨ bʉr o mya wiʼ ɨ, Mwan mo Mʉr ójoʼo nteme fwon lé ejoʼo mʉr waa lé egban nye é dobo nye óze é moncɛnba mo Sɔŋ we, moncɛnba me zyɛŋa e maa beengles ndɨ mɨsaŋ ɨ.»

Mɨlʉmlʉ 7:32

“Me ó Zyɛm bɨmpam byo: Zyɛm mo Abraham, Zyɛm mo Ɨzak, Zyɛm mo Yakɔb.” Moyiz ntɔʼ taare lé esaʼ é ngba-ngba-ngba é bʉa, aka dihbe edwɛʼ.

Lʉkas 12:32

«Bɨn bʉr o ndɨ ma daa e bɨntœme lam ɨ, ajoʼo ga bʉa. Sɔŋ win, nye ebee embɨa lé eniŋle bɨn é jwɨ̀ʼa ye.

Markus 12:26

ǃBɨn si dî me tia lé etiibe e mpʉ bʉr, bé ópàh nɛʼɛ, zê bɨn bʉr o tɨ, bé a baaláa sa Moyiz a tile é lɔb njʉl nye a kœb lé eduo é kpaʼ tʉŋlʉ ɨ? Zyɛm Sɔŋ a lɛɛ e nye ó: “Me ó Zyɛm mo Abraham, Zyɛm mo Ɨzak, ndwe e Zyɛm mo Yakɔb.”»

Lʉkas 20:37

Moyiz a si bɛa lɛɛ é kpɛŋlɛm ó, bʉr, bé ópàh é mofoo. Nye a lɛɛ no ó, gumo nye a lwib é lɔb njʉl siʼe wé a duo teme kpaʼ ɛ. Nye a jebe Da ó, Zyɛm mo Abraham, Zyɛm mo Ɨzak ndwe e Zyɛm mo Yakɔb.»

Ebrœ̂ 10:34

Bɨn bé a si jwɨʼ bʉr o mɨmbʉʼ nkoo. É jɔʼ bʉr, bé a dɛn bɨn bɨsa bin ɨ, bɨn bé a be ó si bir bɨsa byaa e bɨsʉhʉ, ebe, bɨn bé a be ó si kʉ gʉa ó, bɨn bé óbana bi bɨdime bɨsa, laa byaa bé a dɛn ɨ. Byé nteme, byé ó bɨsa lé edi ɨ.

Ebrœ̂ 11:40

Jwɨʼ Zyɛm a bà é l'efu ga lɨna ɛ, yé é embɨa, laa yaa nye a bà é l'efu lɔɔ ɛ, ebe, nye a tiʼe é leme we ó, nye ósa ó, bé kuma é l'ombɨmbɨa é mɨpaʼ mimyɛh, njɨ é jɔʼ bɨna ga e boo nɔɔ, bé ókumo tɨʼ ɨ.

Mɨngwiha 21:2

Me a si bee nteme nkana ndɨ e l'ekɛn ɨ, edwan e Yerʉsalɛm. Me a bee ye ó, lé eduho boo Zyɛm é jobo kʉ, fulo si é ntiii. Yé a be ó e nyaŋa é nyʉl mpʉ mʉma lé edi é car ó, nye óbwam, to nko njʉm we ndɨ ɨ.