Ebrœ̂ 11:13 - Kálara Zyɛ̌m Edwán é mpʉ̌n

¹³ Bʉr onɨ bɨbɛh, bé a dwè ó, bé dina lé ejyɛʼ taa buʼo yɔɔ boo Zyɛm, bé l'apa bi yɛɛ sa nye a kɛʼ be e. Sa gwar, bé a bee sa nye a kɛʼ be ó, yé dina jaabe, bé ze soho ye. Bé a kʉ gʉa é l'ocyecye ó, bé ó ojyoo nkʉ mɨngbaalaŋa é si nwa.

Kálar Nzyɛ̌m : Ejwán é Sáá

¹³ Bʉr baá bɨ́bɛ̂h, bé á dwe ó, bɨ́ɛ lɨ́ edyɛ̂ʼwo e Nzyɛ̌m. Jɔʼ bé á dwidwe nó yɨ́, bé á bé apǎ bǐ sá nyé á kɛʼ bé yɨ́. Sâ gwár, bé á bee nkɛ̌ʼ nyaá ó, nye dína ká ká lɨ́ ejaa. Bê nzě soho nyê. Bé bʉr o tɨ̂, bé á si gʉ́a lɨ́ otyeetye ó, bé ó ojwóo ti e milaa-nkpǎʼ ɨ́ sí yɨ̂.

Ebrœ̂ 11:13 ပူးပေါင်းရင်းမြစ်များ

Ebrœ̂ 11:27

É zi buʼo, nye a si duho é lal Egipten, akpɛɛ empime mo njwɨɨbʉr lal. Nye a kʉ cyɛb é mih me ó, é nkʉʼʉ, lé esa mpʉ sa lɛɛ ó, nye a bee-bee e mih me ó Zyɛm, waa ndɨ abe lé enyin ɨ.

Yʉanes 8:56

Sɔŋ win Abraham a be ó si soho lé ejoʼo ó, nye óbee dobo epyal lam. Nye a si bana bee le, nye kʉ ze soho.»

Ebrœ̂ 11:39

Zyɛm a si mɛʼle bʉr baa bɨbɛh é lɔb buʼo yɔɔ, bɛɛ yɛɛ l'apa bi sa nye a kɛʼ be e.

Éfɛsɔs 2:19

Ebe no, bɨn bé aka be mɨndìndìl nkʉ mɨngbaalaŋa. Bɨn mu ó bʉr mo Zyɛm jwɨʼ gwar e gwar e mɨsaŋ mɨ bʉr be. Bɨn e boo nɔɔ, bé mu ó bʉr o mbɛr bʉr mo Zyɛm.

Rôm 8:24

É jɔʼ Zyɛm a dwe bɨna ga tiʼ molu mo mpoʼ mɨmɛh ɛ, é jɔʼ yaa ó nye a loŋlo mɨleme ga mina e mbɛla waa ɛ. ǃƗ mʉr si bee bɨsa nye a taare bono nɛʼɛ, lɛɛ ó, mbɛla waa, wé aka be nye é leme. Wi laa, ebe, é jɔʼ mʉr mu si bee yʉʉ sɔʼɔ ɛ, nye abe e nkul ebâʼle be e mbɛla é leme ó, nye óbee ye.

1 Pyɛr 2:11

Obɨɔ o kpɛl bam aa! Me ejwɨʼla e bɨn ó, bɨn diʼe mpʉ mɨndìndìl ndwe mɨngbaalaŋa é mɨlal mɨ si nwa. Diʼe ga é l'ecyooŋʉ, lé esyɛhle lɔb esa bɨsyɛɛla bɨpuno bin lé egwɨm, byaa ndɨ elwimla e mɨsisim min ɨ.

1 Pyɛr 1:17

É mpʉ bɨn lé esa Zyɛm mɨnjwɨʼla, ndwe le emɛʼle ó, nye etiʼe bʉr mɨlɔb, abe lé edwaabe bʉr é lɔb mompom mɔɔ, le egʉa ó, nye esa no lé edu mpʉ bɨsyɛɛla byɔɔ, byé a be e, gʉŋa ga nteme ó, bɨn bé ejala le elɛŋ tiʼ yin lé ekœʼ ebò e cyen lé elɛʼle ó, bɨn bé edwaabe nteme nye e. Dɨʼe sa ga no cye yiyɛh bɨn dina kʉ ɨ.

Rôm 4:21

Nye a kʉ gʉa ó, Zyɛm a be ó e nkul edwe nye sa nye a kɛʼ nye e.

1 Yʉanes 3:19

Bɨna bé egʉa ga ó, bɨna bé ó baa mo Mʉr ndɨ e l'ocyecye ó, é mbi wi: bɨna bé efil ga mɨleme ga mina si é mih mo Zyɛm

Mataos 13:17

Me elɛɛ bɨn cyecye ó nɛɛ: buobuo ogwiha o mɨlɔb le ocɨcyel o bʉr, bé a gwɨm-gwɨm ó, bé beŋɨ sa bɨn lé ebee e, sa gwar, abee ye, le ejoʼo sa bɨn lé ejoʼo e, sa gwar, ajoʼo ye.»

Yʉanes 12:41

Ezayi a lwib no ó, é jɔʼ nye a bee moncɛnba mo Lœma mulo mo Zyɛm ɨ. No ó nye a lwib-lwib é lɔb we e.

2 Korɛnt 4:18

Bɨh bé agba mɨleme é bɨsa lé enyin ɨ, njɨ é bɨsa ndɨ anyin ɨ, ebe, byaa lé enyin ɨ, byé elaa mpʉ ngul mpaa. To kœb ó, byaa ndɨ anyin ɨ, byɛɛ ó ndɨ edi njʉmdia e njʉmdia.

2 Korɛnt 5:6

Ebe no ó bɨna ndɨ etʉm ga monyʉl é bɨjɔʼ bibyɛh ɛ. Bɨna bé egʉa ga nteme ó, cye yiyɛh bɨna dina lé edi ga é mɨmbor monyʉl bɨpuno tʉŋlʉ ɨ, yé ó jɔʼ bɨna ga e boo Da Yesʉs dina é ncɛra ɛ.

Ebrœ̂ 11:14

Bʉr o lé elwib é mbi waa ɛ, bé elɛʼle tɨʼ ó, bé esaa lal bé ódi ɨ.

Ebrœ̂ 11:17

É zi buʼo, Abraham a si kebe é jɔʼ Zyɛm a boblo nye e. Abraham ze sa ó, nye jʉ ó nye Ɨzak tɔɔ motwina. Abraham ó b'a bi monkɛʼ monɨnɨ mo Zyɛm. Leme, wé a be ó nye é ntɨɨɨŋ ó, nye kɛha ó etiʼe e mwan le laa.

1 Pyɛr 1:1

Mɛm, Pyɛr, lʉmlʉ mo Yesʉs-Krɨst ó lé etile bɨn kalara nwa. Me etile ó, bʉr o Zyɛm a pɛh, baa mu ojyoo, mu si myɛʼa, jala lal Pɔŋtos bé e waa Galat, e waa Kapadosia, ndwe e waa Azia, ka kɛl waa Bitini ɨ.