Ebrœ̂ 11:1 - Kálara Zyɛ̌m Edwán é mpʉ̌n

¹ Buʼo, yé ó sa go lé ebuʼla ó, yé ósyɛɛ, yɛɛ l'apa syɛɛlɨ ɨ. Buʼo, yé ó sa go lé egʉa ó, yé ó tɨ, go l'apa bee e.

Kálar Nzyɛ̌m : Ejwán é Sáá

¹ Búʼó, yé ó sá gó dí ebúʼla ó, yé ósyɛ́ɛ, yɨ́ɛ dína apǎ syɛ́ɛlɨ yɨ́. Búʼó, yé ó sá gó dí egʉ́a ɨ́ léme ó, yé ó tɨ̂, yɨ́ɛ apǎ nyɨ̂n yɨ́.

Ebrœ̂ 11:1 ပူးပေါင်းရင်းမြစ်များ

2 Korɛnt 5:7

Bɨna bé ebi ga tiʼ molu mo mpoʼ mɨmɛh ó, ebe taa buʼo bɨna lé ejyɛʼ ga boo Krɨst ɨ. Mʉr, nye abi ye ebe ebee e mih me.

2 Korɛnt 4:18

Bɨh bé agba mɨleme é bɨsa lé enyin ɨ, njɨ é bɨsa ndɨ anyin ɨ, ebe, byaa lé enyin ɨ, byé elaa mpʉ ngul mpaa. To kœb ó, byaa ndɨ anyin ɨ, byɛɛ ó ndɨ edi njʉmdia e njʉmdia.

Ebrœ̂ 11:7

É zi buʼo, Noe a si joʼo é jɔʼ Zyɛm a bal nye é lɔb sa yé a be ó, yé ósyɛɛlɨ ɨ. Nye l'apa bee ye e dih, nye a be ó si nʉa lwib mo Zyɛm yaa, gba é nkɔb, ntɔʼ kpaʼ byɛl, du mpʉ Zyɛm a tɨe nye ó, nye saʼ ɛ. Nye ze ni tɨ, bé e mbɛr bʉr we, bɨbɛh ntɔʼ tiʼe. É mbi waa ó nye a dwe bʉʉ bʉr mobe e, nyɛɛ ntɔʼ bi mokebe é mih mo Zyɛm, maa lé eduho é buʼo e.

Ebrœ̂ 10:22

no ó bɨna lé ejala le edihle ga kunokuno e nye e, lwɨŋla e mbɛla e buʼo ndɨ eduho é mɨmo si ɨ. Mɨleme ga mina, myé mu ó si pubɔ. Mɨpɛhla mɨleme ga mina, myé abe lé eka nwahle bɨna ga ó, bɨna bé ó e mobe. Monyʉl ga mɨna, mé ó mɨnjwɨ̀a e modibe ndɨ é ncyɛh-ncyɛh ɛ.

Ebrœ̂ 11:27

É zi buʼo, nye a si duho é lal Egipten, akpɛɛ empime mo njwɨɨbʉr lal. Nye a kʉ cyɛb é mih me ó, é nkʉʼʉ, lé esa mpʉ sa lɛɛ ó, nye a bee-bee e mih me ó Zyɛm, waa ndɨ abe lé enyin ɨ.

Ebrœ̂ 6:12

Bɨh bé agwɨm ó, bɨn saʼ ontwii. Bɨh bé ekʉ ka gwɨm ó njɨ bɨn nʉŋa dweʼle tiʼ mo bʉʉ obuʼla mo Zyɛm. Bé e buʼo ndwe e bihbe. Bɛɛ nteme ó ngo bi sa Zyɛm a kɛʼ be, jala e nkɔb wɔɔ ɛ.

Ebrœ̂ 10:39

Sa gwar, bɨna ga bɛɛ, bé abe bʉr o ndɨ ebuulo ntuʼo, ntɔʼ pɔhba, to dim ɨ. Bɨna ga bé ó bʉr o ndɨ e buʼo, baa bé óbi tiʼ molu mo mpoʼ mɨmɛh ɛ.

1 Korɛnt 13:13

No ó, banana, buʼo e mbɛla ndwe e kpɛl, byé ó tɨ: bɨsa bɨlɛl. É bɨsa bɨlɛl byaa, yaa lé elaa bibyɛh ɛ, yé ó kpɛl.

Ebrœ̂ 11:13

Bʉr onɨ bɨbɛh, bé a dwè ó, bé dina lé ejyɛʼ taa buʼo yɔɔ boo Zyɛm, bé l'apa bi yɛɛ sa nye a kɛʼ be e. Sa gwar, bé a bee sa nye a kɛʼ be ó, yé dina jaabe, bé ze soho ye. Bé a kʉ gʉa é l'ocyecye ó, bé ó ojyoo nkʉ mɨngbaalaŋa é si nwa.

Ebrœ̂ 3:14

Sa ndɨ tɨʼ ɨ, yé ó: ǃbɨna bé ódi ga e buʼo efoʼ, apɨŋla é buʼo, to pyal é l'efie nɛʼɛ, bɨna bé ódi ga bʉr o ndɨ e nkɔb é Krɨst ɨ.

Galásia 5:6

Yé be ó, mʉr fih mʉr kɛ̀l, nyi di é zyɛŋa wɔɔ boo Yesʉs-Krɨst nɛʼɛ, lɛɛ ó, esaŋɔ mpʉn, lé aŋa ka be nye e nyɔm. Yé nteme, yé aŋa ntɨʼ, nkʉ nye óbe, l'asaŋɔ nye. Sa ndɨ nye e nyɔm ɨ, yé ó mbi buʼo lé enyin é bɨsyɛɛla bɨ ncwɨncwɨa ɛ.

2 Korɛnt 5:17

Yé be ó, nuu mʉr, nye ó é zyɛŋa wɔɔ boo Krɨst cyecye nɛʼɛ, lɛɛ ó, nye mu ó edwan e cyea sɔʼɔ. Mɨnjʉ̌m bɨsɔʼɔ mimyɛh, mi laa; bɨsa bibyɛh mu ó, njɨ modwan e modwan.

2 Pyɛr 1:1

Mɛm, Simɔn Pyɛr, ndɨ syɛl mosa mo Yesʉs-Krɨst, ndɨ nteme lʉmlʉ we e, ó lé etile bɨn kalara nwa. Me etile ó bʉr o b'a bi mbi buʼo bɨh ndɨ e ye e, buʼo ga yina e l'odime é mɨpaʼ mimyɛh. Bɨna bé a bi ga buʼo yaa ó, ebe syɛɛla mo Yesʉs-Krɨst yé a be cɨcyel ɨ. Nye ó Zyɛm ga wina le Tiʼbʉr ga wina.

Mɨlʉmlʉ 20:21

Me a si boʼlo boo oYʉden, ndwe e bʉr o bɨkul bɨfih ó, bé gwɨma mobebe mɔɔ le edwir mɨleme, lé esa Zyɛm mojoʼo. Bé jyɛʼɛ taa buʼo yɔɔ boo Tî ga wina Yesʉs.

Títos 1:1

Mɛm Pol, syɛl mosa mo Zyɛm, ndwe e lʉmlʉ mo Yesʉs-Krɨst ó lé etile go kalara nwa. Me esea syɛɛ yaa é l'efu e bʉr o Zyɛm a pɛh ɛ, ó me gbaʼ be nkul é monyʉl, ó bé jyɛʼɛ taa buʼo yɔɔ boo Zyɛm. Me elɛʼle be ocyecye ndɨ esa ó, mʉr dwaaba Zyɛm ɨ.

Ebrœ̂ 2:3

Bɨna bɛɛ, bé a be ó si joʼo ga mpaŋla tiʼ lé elaa mpaŋla beengles bé a cenɔ ɛ. Mʉr a taare cen mpaŋla waa ɛ, a be ó Da Yesʉs nye mʉr tɨ. Nteme, bʉr o b'a taare joʼo mpaŋla tiʼ waa ɛ, bé ó b'a lɛɛ e bɨna ga ó, nye ó mpaŋla ndɨ e modile e. ǃBɨna si pyeh ga mpaŋla waa nɛʼɛ, wáa mbi bɨna bé óka syɛhle ga mo Zyɛm ɨ?

2 Korɛnt 11:17

(Sa me lé elɛɛ nɨ, yé ó sa Da Yesʉs ndɨ akpɛl ɨ. É jɔʼ me lé edoʼo yi, me ekʉ lwib ó mpʉ gʉ!)

2 Korɛnt 9:4

Yé ajala ó, é jɔʼ bɨh e bʉr o Masedwan bé ópyal bɨn ye e, bɨh kœbɨ bɨn lé ejabla, bɨh ntɔʼ sɔma é mih mɔɔ. (Me agum lɛɛ bɨn bɛɛ!) Bɨh bé amu bil fwon, ebe, bɨh bé a si buʼla bɨn é nko paʼ jwɨʼ yin yaa.

Ebrœ̂ 3:6

To kœb ó, Krɨst nyɛɛ a si cyelɔ é dia Mwan a jala le edi lʉ mbɛr bʉr waa ɛ. Mbɛr bʉr waa, wé ejoʼo nteme ó e nye. ǃƗ mɨleme ga mina si loŋlo e mbɛla, le ekʉ gʉa sa bɨna lé ebuʼla ga, abaawe sɔʼɔ e bʉr nɛʼɛ, bɨna ga ó ndɨ bʉr o mbɛr bʉr we waa.