Ebrœ̂ 10:39 - Kálara Zyɛ̌m Edwán é mpʉ̌n

³⁹ Sa gwar, bɨna ga bɛɛ, bé abe bʉr o ndɨ ebuulo ntuʼo, ntɔʼ pɔhba, to dim ɨ. Bɨna ga bé ó bʉr o ndɨ e buʼo, baa bé óbi tiʼ molu mo mpoʼ mɨmɛh ɛ.

Kálar Nzyɛ̌m : Ejwán é Sáá

³⁹ Sâ gwár, mɨná gá bɨ́ɛ bé abe bʉ̂r o dí ebwóolo ntúʼó, ntɔ̂ʼ dîm bá. Mɨná gá bé ó bʉr o dí e búʼó bá. Ndumló tɨ̂, wé ó, ebaʼle bícwiʼ gá bíná.

Ebrœ̂ 10:39 ပူးပေါင်းရင်းမြစ်များ

1 Yʉanes 5:5

Zé nyɛɛ ndɨ e nkul entaa ebebe e si nwaʼ é nkul, bula e l'esaa é koo e? Yé ó njɨ waa lé ebuʼla ó, Yesʉs, nye ó Mwan mo Zyɛm.

1 Pyɛr 1:5

Zyɛm mu ó lé ebaʼle bɨtiʼ bin e nkul we é zi buʼo. Nye ebaʼle bɨn no ó, é l'efu le edwe bɨn tiʼ molu mo mpoʼ mɨmɛh ndɨ ebono bɨn zi dolo e. Nye ólɛʼle bʉr bɨbɛh ya ó, é l'esie e mbi jɔʼ yi.

Markus 16:16

Waa ójyɛʼ taa buʼo ye boo me, ntɔʼ nʉa ndubo e, nye óbi tiʼ molu mo mpoʼ mɨmɛh. Waa óbe, ajyɛʼ taa buʼo ye boo me e, nye ókabɔ bɨntɨʼa ndɨ é laŋle bebe e.

1 Yʉanes 5:16

Yé be ó, mʉr, nyi bee mɨɔ we lé esa syem, gʉa nteme ó, mbi syem waa, wé abe lé esa ó, mʉr dwèʼ amboʼlonkono nɛʼɛ, nye jwɨʼla e Zyɛm é l'efu le. Zyɛm ókʉ tiʼ mɨɔ we waa. Yé e nyɔm ó, é nko paʼ mo mɨɔ ndɨ si sa mbi syem ndɨ abe lé esa ó, bʉr dwèʼ amboʼlonkono e. Sa gwar, guu mbi syem, wé yɛɛ ó tɨ, waa lé eto e mʉr é l'efie cyecye e. Me alɛɛ ó, bɨn jwɨʼla e Zyɛm é l'efu e mbi mʉr lé esa syem é mbi waa ɛ.

2 Pyɛr 3:7

Lwib mo Zyɛm gwar e gwar yaa ó ndɨ ebaʼle jobo, le ejyoo le si nwa. Yé ódɨ baʼle bye ó, to pyal é dobo le etiʼ e mɨlɔb. Byé òdiʼɔ. Bʉr o ndɨ adwaabe Zyɛm ɨ, bé ódim cyecye é moho waa.

Ebrœ̂ 11:1

Buʼo, yé ó sa go lé ebuʼla ó, yé ósyɛɛ, yɛɛ l'apa syɛɛlɨ ɨ. Buʼo, yé ó sa go lé egʉa ó, yé ó tɨ, go l'apa bee e.

1 Tesalonika 5:9

Ebe, Zyɛm a baatiile é leme we ó, nye kpaŋa empime e bɨna ga. Nye a pɛh bɨna ga ó, bɨna biʼe tiʼ molu mo mpoʼ mɨmɛh, dumo e Tî ga wina Yesʉs-Krɨst.

Yʉanes 17:12

É jɔʼ bɨh e boo nɔɔ, bé a be-be e, me a dɨ baʼle be ó, é nkul die lo go a dwe me e. Me a si kʉ kamle e be! Abe e mʉr ngwar a dim é l'esama lɔɔ, alaa ó waa a bɛa be ó, nye lé ejala le edim ɨ. Yé a syɛɛlɨ no ó, lé edira lɔɔ ndɨ tila é Kalara Zyɛm ɨ.

Yʉanes 6:40

ebe, Sɔŋ wam, nye egwɨm ó, bʉr bɨbɛh bé óbee Mwan mo Zyɛm, jyɛʼ taa buʼo yɔɔ boo nye e, bé biʼe tiʼ molu mo mpoʼ mɨmɛh. Mɛm, me ópɛ̀h be é mofoo é moho epihe, ntible-bɨkaŋa.»

Lʉkas 11:26

Yé ntɔʼ ze bâʼle to, to nʉa mɨsisim mɨfih tambɛl, myaa ndɨ é laŋle bebe e. Myé e boo nɔɔ ntɔʼ bula nye ye, ze komlɔ odia wɔɔ é mʉr waa tʉŋlʉ. É jɔʼ nɨ, tiʼ mʉr waa a sia e ye e, bula bebe-bebe beba, laa mbi yaa efoʼ, yé a taare be e.»

2 Tesalonika 2:3

Mʉr beʼ l'agomlo bɨn é bebebebe zi é zi lwib bɨkʉʉŋʉ ye, ebe, esie e mbi jɔʼ yi, lé ákwoʼ pyal no, bʉr, l'apa kaŋa e Zyɛm é buobuo. Ntɔɔ motie ócyɛb é lyanbe é mih mo bʉr é pyɛldweh é jɔʼ yaa. Nye ó ndɨ cyɛb efoʼ é sama bʉr bé ódim njʉmdia e njʉmdia ɛ.

Yʉanes 20:31

Sa ndɨ tɨʼ tila ɛ, yé a tilɔ ó, é l'efu ó, bɨn buʼla ó, Yesʉs, nye ó Lœma mulo mo Zyɛm le Mwan mo Zyɛm. ǃBɨn si jyɛʼ taa buʼo yin boo nye nɛʼɛ, bɨn bé óbi tiʼ molu mo mpoʼ mɨmɛh é zi we.

Mɨngwiha 17:11

No ó tir waa, waa a bɛa be tɨ, waa mu aka be e, nyɛɛ, nye ó njwɨɨbʉr mwom. Bé e mɨnjwɨɨbʉr tambɛl baa, bé ó nkɔm mpwar. No ó, tir waa, nye ekʉ to ó, to dwè dwèʼ.

Ebrœ̂ 10:26

Yé be ó, bɨna bɨ gʉa ocyecye é kpɛhla, bɨna ntɔʼ kʉ gbaa ga ó, bɨna sa ga ó syem nɛʼɛ, lɛɛ ó, yé abe e motwina mé óbɛm pubo bɨna ga é nko paʼ mɨsyem myaa.

1 Timotɛ 6:9

Bʉr, bé a tiʼe é mɨleme myɔɔ ó, bé bi ó bɨsa twiha ɛ, bé eduma é mobʉbla. Bé efwam bé bʉr o tɨʼ koko é twii. Bé emɛrɔ é mpila bɨgwɨma é buobuo. To kœb ó, bʉr o ndɨ edu bɨgwɨma byaa ɛ, bé edu ó, sa ndɨ ajwɨ̂ʼ ba, yaa ndɨ edaʼre mɨtuu é nyʉl ɨ. Bé e mbi bɨgwɨma ndɨ edimle mʉr ndwe le ejʉ nye e,

Yʉanes 5:24

«Me elɛɛ bɨn cyecye ó nɛɛ: mʉr ójoʼo lwib yam le ejyɛʼ taa buʼo ye boo mʉr a ntɨh me e, nyi bi tiʼ molu mo mpoʼ mɨmɛh. Zyɛm, nye aŋa ka dwe nye mobe. Nyi bɛa dwihɔ é l'efie, ntɔʼ dweŋɔ tiʼ molu mo mpoʼ mɨmɛh.

Mɨngwiha 17:8

Tir go a bee e, a bɛa ó be é jɔʼ mya. To kœb ó, nye aka be. Yi ka liʼ titia, nye ópàh, ze pʉʼa é Bɨ-siʼe. ǃNye si pʉʼa tɨʼ nɛʼɛ, nye òdwè. Zyɛm a si tile mie mo bʉr é kalara tiʼ tʉŋlʉ, duho é l'etɛɛrɨ e si nwa. No ó, bʉr o mie mɔɔ ndɨ l'anyin é kalara tiʼ waa ɛ, bé óbul jehe tir waa, ebe, bé óbee ó, nye a be ó si taare tiʼe. Nye ze dwè. Bé óbee nye nteme lé ebula pàh.

Ebrœ̂ 10:38

Mʉr wam ndɨ e tiʼ molu mo mpoʼ mɨmɛh ɛ, nye ó njɨ waa a bi mokebe é mih mam ebe taa buʼo nye a jyɛʼ boo me e. Yé óbe si ka pyal ó, nyi buulo ntuʼo wa, leme wam, wé óbe ó, aka bee nye mbɨmbɨa.»