Ebrœ̂ 10:38 - Kálara Zyɛ̌m Edwán é mpʉ̌n

³⁸ Mʉr wam ndɨ e tiʼ molu mo mpoʼ mɨmɛh ɛ, nye ó njɨ waa a bi mokebe é mih mam ebe taa buʼo nye a jyɛʼ boo me e. Yé óbe si ka pyal ó, nyi buulo ntuʼo wa, leme wam, wé óbe ó, aka bee nye mbɨmbɨa.»

Kálar Nzyɛ̌m : Ejwán é Sáá

³⁸ Mʉr wǎm ngá bi nkâm ɨ́ lɔ̌b búʼó yé nyá, óbǐ twǐʼ njʉ̌m dǐ, duho tɨ̂. Yé sí kǎ pyâl ó, nyɨ́ bwóolo ntúʼó nó, lémé wâm, wé l'akǎ bee nyé mbɨ̂mbɨá.»

Ebrœ̂ 10:38 ပူးပေါင်းရင်းမြစ်များ

Galásia 3:11

Bɨna mu ó si gʉa ga é kpɛhla ó, yé abe e mʉr ndɨ e nkul ekebe é mih mo Zyɛm ebe mbi nye lé edu motie e, ebe, yé ó tila é motie mo Moyiz é lɔb waa ó: «Mʉr ndɨ e tiʼ molu mo mpoʼ mɨmɛh ɛ, nye ó njɨ waa a bi mokebe é mih mo Zyɛm ebe taa buʼo nye a jyɛʼ boo nye e.»

Rôm 1:17

Mbɨambɨa Lɔɔ waa, wé elɛʼle mpʉ bʉr lé ebi mokebe é mih mo Zyɛm ɨ. Mokebe maa, mé edweŋɔ ó, njɨ ebe taa buʼo mʉr lé ejyɛʼ boo Krɨst ɨ, taare é l'etɔɔrʉ, to pyal é l'efehle. Yé ó mpʉ yé ndɨ tila é Kalara Zyɛm ɨ. Yé ó tila ó: «Mʉr ndɨ e tiʼ molu mo mpoʼ mɨmɛh ɛ, nye ó njɨ waa a bi mokebe é mih mo Zyɛm ebe taa buʼo nye a jyɛʼ boo nye e.»

Mataos 13:21

Sa gwar, lɔɔ Zyɛm, wé anara nye é leme tʉŋlʉ. Nye ebaʼle we ó, njɨ é ma peh jɔʼ. Jɔʼ nye mu lé esia e mɨtuu le etíilɔ ebe lɔɔ Zyɛm ɨ, nye óka bee ó, wé mu ó ebɔʼ nye lé ebɨm é leme, laa lé ódumo nye e.

Mataos 12:18

Zyɛm, nye elɛɛ ó: «Nwaʼ mʉr ó ndɨ syɛl mosa wam me a pɛh ɛ. Nye ó waa me lé ebul kpɛl, waa me lé emɨɨla e nye e. Me ólomlo nye sisim wam. Wé óbe ó ɨ nye. Nye óto le etuno ó, bʉr o ndɨ abe oYʉden ɨ, lɔb wɔɔ, wi tiʼ é l'ocɨcyel.

1 Tesalonika 2:15

OYʉden baa ó b'a jʉ Da Yesʉs. Bé ó b'a taare jʉ ogwiha o mɨlɔb. Bé nteme ó b'a fo bɨh é lal wɔɔ. Bé ó bʉr Zyɛm lé ekʉ kpaa empime e be e. Bé elwimla ó, e bʉr bɨbɛh.

1 Yʉanes 2:19

Bʉr baa, bé a si kaŋa e Krɨst, mʉa é l'esama ga lɨna, toŋɔ kʉl. Bé a baabe yɛɛ obɨɔ ga bɨna. Nkʉ bé a be ó be, be bʉr be esama ga lɨna nɛʼɛ, mpa bɨna ga e boo nɔɔ, bé dina ó sama, ze pyal é muh é dobo lɨ. To kœb ó, yé a kʉ jala ó, bé laŋa, to yɔɔ, yé nkʉʼ nyin é kpɛŋlɛm ó, abe e mʉr é sama yɔɔ a be é zyɛŋa ga wina.

Ebrœ̂ 10:39

Sa gwar, bɨna ga bɛɛ, bé abe bʉr o ndɨ ebuulo ntuʼo, ntɔʼ pɔhba, to dim ɨ. Bɨna ga bé ó bʉr o ndɨ e buʼo, baa bé óbi tiʼ molu mo mpoʼ mɨmɛh ɛ.

Jacques 5:6

Bɨn bé a si dwe ocɨcyel o bʉr mobe mo twii ceme, le ejʉ be. Bɛɛ nteme, bé a be ó, abe e nkul esa bɨn mongan.