Ebrœ̂ 10:32 - Kálara Zyɛ̌m Edwán é mpʉ̌n

³² Toŋla ga mpʉ bɨn bé a be, é jɔʼ bɨn bé a kʉnɔ myɛn tiʼ ɨ, bɨn ze baran e mɨtuu e mɨndɛl le ekʉ dihbe.

Kálar Nzyɛ̌m : Ejwán é Sáá

³² Símsáá gá mpʉ bɨ́n á be, ɨ́ jɔʼ bɨ́n á nyɛɛ bûʼla yɨ́. Bɨ̌n bé á nyɛɛ bi ó, twǐʼ Nzyɛ̌m dí egbâ bʉ̂r ɨ́ miléme yɨ́. Bɨ̌n nzě sia e mitúú ɨ́ buo buo e bíhwó.

Ebrœ̂ 10:32 ပူးပေါင်းရင်းမြစ်များ

Ebrœ̂ 6:4

Bʉr o b'a taare kʉnɔ mɨmbah, bé a be ó lé etaare bi-bi mɨndwɛa lé eduho é jobo kʉ ɨ. É til molu yaa, Mbɨambɨa Sisim, bé e boo nɔɔ ó b'a be-be. Bé a be nteme ó, lé ejoʼo-joʼo lɔɔ Zyɛm ndɨ é bul mbɨa ɛ, joʼo monwam mo tɨ. Bɛɛ, bé a si taare dweŋɔ mbi nkul óka kabɔ pie e l'esie e mbi jɔʼ yiʼ ɨ. É jɔʼ mbi bʉr baa ka lɨŋa é buʼo e, bé abe e nkul ebâʼle gbɛlɔ, ó bé óbula gwɨma mobebe mɔɔ, le edwir mɨleme myɔɔ, ebe, bé bʉr o tɨ, bɨ kʉ gbaa ó, bé ócyèl Mwan mo Zyɛm é klos é jɔʼ mba, le esa ó, nye bul lwɨɔ é nkɛŋlɛm.

Ebrœ̂ 12:4

É mpʉ bɨn lé ebaran e Syem ɨ, bɨn bé apa sa mongan e Syem, to pyal é jɔʼ eto e motié lɨn, lɨ taba si ɨ.

2 Yʉanes 1:8

Bɨn bé à di ncye é nko paʼ bɨn bʉr o tɨ. Abir ga ó, bɨn dimla sa bɨna bé a bɛa sea ga syɛɛ é l'efu le e. Saŋa ga ó, bɨn biʼe myɛna maa é ntuʼ-ntu-ntuʼ.

Filipi 3:16

Sa ndɨ tɨʼ yé ó, bɨna toʼ ga dolo lé ekœʼ ebò e cyen egwar bɨna ga ndɨ e le é bananaʼ ɛ.

Mɨngwiha 3:3

Ebe no, toŋla ga sikʉlʉ bɨn bé a joʼo é molu pihe e. Toŋla ga nteme mpʉ bɨn bé a taare nʉa ye e. Gwɨma ga mobebe mɨn. Bɨn bé à dwir mɨleme. ǃBɨn si bene di nkehe nɛʼɛ, gʉŋa ga ó, me ópyal bɨn mpʉ ndiblʉ, bɨn l'abuʼla. Bɨn bé aŋa gʉa ewala me óze e.

Kolosi 2:1

Me ekpɛl ó, bɨn gʉŋa bim mɨtuu me lé ejaʼra e mye é l'efu lɨn ɨ. Myé ó é l'efu e bʉr o Laodisea nteme, ka kɛl baa bɨbɛh l'apa bee me mpom ɨ.

Mɨngwiha 2:5

Ebe no, toŋla ga gumo bɨn bé a syɛŋle é jɔʼ bɨn bé a duma ɛ. Gwɨma ga mobebe mɨn. Bɨn bé à dwir mɨleme. Dɨʼe loŋlo ga bɨsyɛɛla bɨ efoʼ mpʉ bɨn bé a bɛa sa-sa ɛ. ǃBɨn si be, asa no nɛʼɛ, me òze gʉʼ bɨn ye, ze pɛʼ cye elama yin gumo yé ndɨ cyela ɛ.

2 Korɛnt 4:6

Ebe, Zyɛm a lɛɛ ó: «Myɛn, wé pana, duho é l'edurʉ tʉŋlʉ.» Waa a lwib no e, a sa nteme ó, myɛn pana é mɨleme ga mina tʉŋlʉ. Myɛn waa ó lé esa ó, bɨna beŋɨ ga moncɛnba mo Zyɛm lé ebee Krɨst nye mʉr tɨ.

Mɨlʉmlʉ 26:18

Me elomo go ó, go bɛŋɨ bʉr mih. Go dwihɨ be é l'edurʉ, cen be é myɛn; dwih be é mpel mo Satan, cen be nko bé e Zyɛm, bé ódɨ di ɨ. Me ópɛʼ bɨbaa me a niʼe é lɔb mɨsyem myɔɔ ɛ, lé edwe be dia é l'esama e bʉr o b'a jyɛʼ taa buʼo yɔɔ boo me, mɛm ntɔʼ pubo e.”

Rôm 12:12

Diʼe ga e bɨsʉhʉ ebe mbɛla ndɨ bɨn lwɨŋla é mɨleme e. Dihba ga mɨtuu e mɨndɛl. Gbaʼ ga monyʉl lé esa mɨnjwɨʼla.

Ebrœ̂ 5:12

Yi bɛa laa jɔʼ bɨn bé a jala le epam oyeʼle e. To kœb ó, yé dina lé ejɨ ó, bʉʉ bʉr bâʼla ze dwe bɨn sikʉlʉ efoʼ bɨn bé a taare dweŋɔ é mɨlɔb mo Zyɛm ɨ! Bɨn dina ó kʉ be mpʉ bɨcyee lé ede njɨ monyaŋ ɨ! Bɨn bé apa jyɛnba lé ede mode mo otamabʉr.

Ebrœ̂ 6:10

Ebe, Zyɛm, nye ákwoʼ kœʼ é l'ozyɛhozyɛh. Nye aŋa jɨha syɛɛ bɨn lé esea nye e. Nye nteme, nye aŋa jɨha kpɛl bɨn lé ekpɛl nye e. Kpɛl yin, yé a nyin é pono ó, é jɔʼ bɨn bé a be lé esea e mɨsaŋ mɨ bʉr be e. Bɨn nteme, bé eto dolo lé esea e mye no.